سجل حضورك ببيت شعر على ذوقك

[البندري]

أَرخَص عِلآقات الحَياة المجَامَل
و أقوى عِلآقات الحَياة التّجـمّل
الأوّلَـة مِنْ بآب خُبـث التّعـامُـل
والثّـانيَـة مِنْ بآب قـوّ التّـحمّـل

[سمو الحرف]

تخون وتساوم على لذة الحب
وانا عشانك آحتسبت وهجرتك

لامر طار الغدر والهجر والكذب
لا تلومني يا صاحبي لا كرهتك

[غزلان]

هذا مسائي اليوم كله جراح أليمه ؛
من عنا وقته صار وربي يجامل

يامساء الأشواق والبسمه الحكيمه ؛
بضحك بوجه من كان بالقسوه يعامل

[سمو الحرف]

نشوم عن كل الخطا والعذاريب
ونتعب على المعروف والصدق ميزه

حنا خلقنا الله على العز والطيب
ونفوسنا من فضل ربي عزيزه

[البندري]

اخفض تناهيدك على حد سمعك
و احذر تقول أسباب حزنك ﻟـ مغليك
ترى القريب إليا عرف سر دمعك
إليـا تردّى يعرف شلون يـبكيك

[سمو الحرف]

أنا ذاك الشعور اللّي بصدرك ماتبي تبديه ،،
و أنا كل الكلام أللي على بالك و لا قلته ،،

[غزلان]

يجيني طيفك بفكري وأغني له .. أجمل أبيات القصيد وأسماها

لاطرى اسمك اشتاق واطرب له .. يامن شقى روحي واشقاها

[محمد الروقي]

وين القصيد الي يشجع بادع الطرق الجديد= اجي وروح وضاعت احلامي على تويتر سدا
ترسل علي امتابعه سلمى ويطلعلي فريد=ياجعل كل النت لام الحاشي العفرا فدا
لا شفتها طلعت من صدري طواريق القصيد=اما على المسحوب ولا قمت اجره بالحدا
ولا على طرق المعوشر ماكتبته مدح غيد =مافيهن الي تستحق المدح لو مامن ردا
ابا غنوج يوم تمشي لينها لين الجريد=اثقل مع العاب بالخفرات من ثقل الهدا
هذا مناوي والمناوي يكتب الله مايريد= ترا الحديد اليا اركن يطلع على سطحه صدا

[النجلاء]

صح الله لسانك ياولد روق
تقديري لك
النجلاء

[محمد الروقي]

صح كلك يالنجلاء
عارف انك متابعه وشكرا على المتابعه

[غزلان]

وين القصيد الي يشجع بادع الطرق الجديد= اجي وروح وضاعت احلامي على تويتر سدا
ترسل علي امتابعه سلمى ويطلعلي فريد=ياجعل كل النت لام الحاشي العفرا فدا
لا شفتها طلعت من صدري طواريق القصيد=اما على المسحوب ولا قمت اجره بالحدا
ولا على طرق المعوشر ماكتبته مدح غيد =مافيهن الي تستحق المدح لو مامن ردا
ابا غنوج يوم تمشي لينها لين الجريد=اثقل مع العاب بالخفرات من ثقل الهدا
هذا مناوي والمناوي يكتب الله مايريد= ترا الحديد اليا اركن يطلع على سطحه صدا




هههههههههههههههه صح لسانك ايو الله ضحكني بيت

ترسل علي امتابعه سلمى ويطلعلي فريد=ياجعل كل النت لام الحاشي العفرا فدا

صح لسانك يالروقي

[غزلان]

كل المسا من بعد مساك ماشوفه مسا ..
المسا اللي مايجيب طلتك ماهوب مسا

المشاعر من رحلت كلها مواجيع وقســا ..
يمكن على وعده معي ويمكن هالمره نسا

[سمو الحرف]

الصمت يملاني حكي وانثره بوح !
وأعيد ترتيب الحكي وامتلي صمت ♡

[هزاع محمدالعاصمي]

إذا رآيت دموعي وهي ضاحكة ...فالدمع في زحمة الاحزان يبتسم
فازلم كما شئت لا ارجوك مرحمة....إنا الى الله يوم الحشر نحتكم

[سمو الحرف]

في غيابك لك من أحساسي تواجد
يشبه إحساس العمى وأكثر شوي

اذا غمض يبـ يشوف أشياء واجد
واذا فتح مستحيل .. يشوف شي !!

[محمد الغنامي]

أشتاق له لاغاب عني ساعتين=وش عاد لوانه يطول غيبته
اصير هرجه في حلوق الشامتين=ويضيع مفهوم القصيد وهيبته

[النجلاء]

الله الله صح لسانك يالغنامي
تقديري لك

[حمد اليامي]

لا لاتلوم القلب يوم إنه اغلاك.... وش حيلتي مدام قلبي عصاني
غصب علي قلبي يوديني هناك.... جيت اشتكي لك من عذاب الزماني
ياروح روحي وش حياتي بلياك.... لاشفت زولك ارتبك في مكاني

[سمو الحرف]

في غيابك لك من أحساسي تواجد
يشبه إحساس العمى وأكثر شوي

اذا غمض يبـ يشوف أشياء واجد
واذا فتح مستحيل .. يشوف شي !!

[مـهـا]

كنت ضآآمي وكآن كآسك لي عنّـآ
آرتشفته من كثر مآ أنآ : ( آبـيـك )

ألـف موعـد مآت بيدينك | وأنّآ
ألف شرهه تسكن بصدري عليك

[محمد الروقي]

العادة الي في ماهيب فالناس= اكب سوري للعرب ياكلونه
وعاف سور الناس من عفة الراس=لقمة من اسوار العرب لي مهونه

[سمو الحرف]

مدام عقلي براسي .. قلبي بصدري
لا ترتمي في ضلوعي كل ما جيتك

صدقني لو يوم راح أحبك .. بتدري
انت أول الي أبـ أعلمه .. لـ حبيتك

[محمد الغنامي]

الله الله صح لسانك يالغنامي
تقديري لك



صح كلك ياخلف جداني كلهم
دمتي بخير

[هزاع محمدالعاصمي]

ياروح روحي طلتك غاية مناي... ...كل سرور بجيتك وشتريها
الشوق دربي وانت يالترف مسراي ....طيفك معي وصورتك محتويها

[سمو الحرف]

الطيب طبعي والمرجله اول فعولي ..
لانيب اتبع الوجيه المقفيه واترجاها ..

[غزلان]

لاجيت أفهمكم مدري كيف تفهمون ؟؟
الغلا ماهــوب بيدي ولا بيد غيري .

تعلنون الحب وهم بعدللحب تعلنون ؟؟
وانا شعوري مايتعدى خط سيري

[سمو الحرف]

ياصاحبي بعض البشر مثل التراث
كل ما طول معك زدت اكتساب

ما يطيح الدمع .. إلا من ثلاث
الاماني .. والمواقف .. والغياب

[سمو الحرف]

تسجن الأجساد لكن السجن سجن القلوب
قادر ( الانسان ) في زنزانته يصنع حياه

مستحيل يفكر المسجون لحظه بـ الهروب
لالقى مصحف يفضفض له وسجادة صلاه

[غزلان]

يجيني شوقك بفكري يسهرو يسامرني ؛؛ وإنا من كثر شوقي ماقويت على السمره

[سمو الحرف]

يا أنيق المشاعر ما بقى لي شعر
كل حرف كتبته فيك ما يحتويك

[قرناس الحرار]

ياخافقي وشبك تحديت الاهوال
وطبيت وسط البحر مده وجزره

ومن اول في داخل الضلع تختال
كافيك درب الشوق خيره وشره

قال العفو ماعاد به قيل أو قال
ابيات شعر تفلج اليوم سره

لا واعذابي صابر صابني هبال
ذقت العنا مرزوق حلوه ومره

يالي نطقت الشعر لاتضيق الحال
وغمض على ماجاك والثوب زره

باب يجيب الريح كثر به إقفال
لا تلتفت به دام للضيق جره

وحل بقوله من تجارب وافعال
فيها علاج القلب وابشر تسره

صل الفروض الخمس ياضايق البال
واقري كتاب الله نور ودره

وصلاة ربي عد ماصب فنجال
على الرسول وعد من جاب ذكره

[قرناس الحرار]

تقبلي مروري اختي الفاضله اخوك قرناس

[غزلان]

ياخافقي وشبك تحديت الاهوال
وطبيت وسط البحر مده وجزره

ومن اول في داخل الضلع تختال
كافيك درب الشوق خيره وشره

قال العفو ماعاد به قيل أو قال
ابيات شعر تفلج اليوم سره

لا واعذابي صابر صابني هبال
ذقت العنا مرزوق حلوه ومره

يالي نطقت الشعر لاتضيق الحال
وغمض على ماجاك والثوب زره

باب يجيب الريح كثر به إقفال
لا تلتفت به دام للضيق جره

وحل بقوله من تجارب وافعال
فيها علاج القلب وابشر تسره

صل الفروض الخمس ياضايق البال
واقري كتاب الله نور ودره

وصلاة ربي عد ماصب فنجال
على الرسول وعد من جاب ذكره











الله الله عليك ياقرناس صح لسااانك ..

[غزلان]

وين إنت ياللي مساك فارق عن كل المسا ..
طلة حضورك بارقـه كنها طلـــــة سهيل


ضاعت أحلامنا واحنا في شـــوق ورجــــا ..
كـل ماغبت يالقــمر أظلـــم علينا اللـــيل


إهداء خاص لأخي العزيز محمد الروقي عساه يطل علينا دوم ..

[سمو الحرف]

لاعاد تنشدني اذا غبت وينك
مليت اسامح وانت اغلى العزيزين

اول ارسل شعر من شان عينك
واليوم لا والله عشان المتواجدين

[محمد الروقي]

يافاقدن شوف المواليف يفداك=من حط في كفه اخضاب ونقشها
لولاك والله ماتغنيت لولاك= يامبعد ن عن روح شاعر طفشها
شفتك وجعل الي على البال لرضاك=وفراشك اطلق بنت دوك افترشها

[النجلاء]

يافاقدن شوف المواليف يفداك=من حط في كفه اخضاب ونقشها
لولاك والله ماتغنيت لولاك= يامبعد ن عن روح شاعر طفشها
شفتك وجعل الي على البال لرضاك=وفراشك اطلق بنت دوك افترشها


الله الله
صح الله لسانك ياولد روق

[سمو الحرف]

إنسان / ليت إنك عرفته من سنين
وإنسان / ليت إنك أبد ما عرفته

وإنسان ما يسقط خياله من العين
وإنسان / ما كنك مع الوقت شفته

[النجلاء]

الله الله ياسمو الحرف
صح لسانك

[حمد اليامي]

أسْرجت فكري بالدّهر طول الايّـام : قـيّـد زمـانـي مــن حيـاتـي كئيـبـه
من مقبلات (ن) والليالي الصّعيبـه : هايم بالروحي والصّدر فيه الاوهام
دقّـــات قـلـبـي كاويـتـنـي لهـيـبـه : وجدي على حالي حكمني بألاعدام
وآآآنا سجين الوقت جاير بالاحكـام : قاضي علي وانهـى حياتـي غريبـه
أصيـح بالونـات وكـتـم بالاضـيـام : سكّـات بقـعـى لا ويتـنـي مصيـبـه
مـن شيـن حظـي ماسنـدنـي بـقـدّام : مثْـلَ سّلاسـل ملتـوي لــي بخيـبـه
شفت العناء والضّيمَ قاهرْ بالاحلام : حطّم فـؤادي بالحـزن فـي صويبـه
معـاد مـيّـز فــي عيـونـي بــالآلام غـارق وهمّـي صارلـي بالحسيـبـه
أخلف ضلوعي كاوين هو بالافحام : قادر علي مالـه دواء مـن غصيبـه
صرت الضّحيّه في زمانن وعسّـام : قاضـي علـي يالله حسيبـه حسيـبـه

[سمو الحرف]

اسرجت خيل الفكر في كل وادي
ابغي بيوت في المحبة عناوين

اقفت وشلت يامحمد فؤادي
كنها الجواد اللي يدك الميادين

[هزاع محمدالعاصمي]

إن الحيايا وإن رقت ملامسها ...عند التقلب في انيابها العطب

[سامي الغنامي]

تعال اقرى الكلام اللي على لساني
ذبل عذب الكلام ، وما قدرت اقسى !

[هزاع محمدالعاصمي]

خليتني بين الرجاء فيك والياس ....للياس اقرب يوم خيبت ظني

[سمو الحرف]

نظرات عينك عندها .. "وجهة نظـر"
تاخذني معك من اتجــاه الى اتجاه

ساكت ولا ادري انتظر او ما انتظـر
صمتك شعر صوتك مطر حبك حياه

[غزلان]

كسر فيني الصمت باب الحكي ؛؛
من صدمتي ضآع الحكي ولاقويت الصمت؟!!!

[سمو الحرف]

إمتلى صدري حنين و اسئله؟
ليه غابوا ؟ والله انهم يوجعون

والجفا يعقد حجاج المسأله
اللي غابوا غالباً مايرجعون

[عذب]

اكتب وعبرعن شعورك بالأبيات
ارجوك لاتخفي هواك وشعورك
لاتدفن احساسك وهوحي مامات
لاصارت انفاس المحبة تزورك

عذب

[سمو الحرف]

سولفي : عن امنياتك .. فـ الحياه ،
وقولي اني الموجود والباقي أرحلو !

اجمل شعور احس في طعمه وحلاه ،
اني بحياتك : من .. علو اليا .. علو !

[عذب]

مايجيب الي تبي كثر العنادي
داعي الأشواق للعاشق طبيبه
لابغيت الي عشقته قوم نادي
قله ان الشوق بك زاد بلهيبه
بلغ الأاشواق مفهوم المرادي
صادق الاحساس لابده يجيبه
العطاملح الغلا والوصل زادي
قم وصب انواعها واشرب سكيبه

عذب

[محمد الغنامي]

يافندي الله لايواجرك بالخير=وراك يالمجرم تمخش قدمها
تلعب على السيقان فالصبح وعصير=وان جيت تمشي بالخراب تختمها
اللي حصلك ماحصل يوم للغير=كم شاربٍ حاول ولاقد لزمها
لو تحصل في ذمتي لذبح بعير=واني ما اخلي لحيةٍ ما عزمها
تطري عليه كل ماغرد الطير=ياجعلني يالايمي ماعدمها
وانته مريح ماتحسب المخاسير=ولاذقت من مر الليالي طعمها
تحمد الله ياعشير الغنادير=ودور لى اقرب فرصةٍ واغتنمها

[سمو الحرف]

تقنعك الايام ، دام اني عجزت اقنعك !
ماتفيد فيك النصيحه ، وانت فيك عجله

انا لو انصحك مدري منين اببدى معك
انصحك فالدين ولا انصحك فالمرجله !

[سامي الغنامي]

‏ودي مثل ماحبك أحب غيرك
دام الهوى ماهوب سنّه ولا فرض

لكن نظر عيني عسى الله يجيرك
ماشاف أحد غيرك على كوكب الأرض

[سمو الحرف]

محتاج لـ قلوب واجد في قفص صدري
محتاج لـ اشياء : مدري وين ادورها !

[عذب]

لاجيت تقرا في قصيدي عبارات
لا تفسر المعنى على شي تبغيه
ترا المهم انك تمعن بالابيات
تقرا قصيدي ثم تفهم معانيه
واعرف ترا مابين الابيات شارات
قليل من يفهم من الناس خافيه
احد يفسرها وناسه وطربات
واحد على ماقال ماشي يعنيه
مايدري ان الحرف تكتبه آهات
على الورق حبر المواجع يغذيه
فيه الألم والحزن ماخذ مساحات
حتى جروح الوقت مكتوبة فيه
هذا بعض مافي خفوقي معاناة
والا كثير الهم في القلب مخفيه


عذب

[محمد الغنامي]

لاجيت تقرا في قصيدي عبارات
لا تفسر المعنى على شي تبغيه
ترا المهم انك تمعن بالابيات
تقرا قصيدي ثم تفهم معانيه
واعرف ترا مابين الابيات شارات
قليل من يفهم من الناس خافيه
احد يفسرها وناسه وطربات
واحد على ماقال ماشي يعنيه
مايدري ان الحرف تكتبه آهات
على الورق حبر المواجع يغذيه
فيه الألم والحزن ماخذ مساحات
حتى جروح الوقت مكتوبة فيه
هذا بعض مافي خفوقي معاناة
والا كثير الهم في القلب مخفيه


عذب




الله الله
صح لسانك ياعذب
ولك من اسمك نصيب
دمت بخير

[حمد اليامي]

أتعـب علـى دربـك أمــل ياغـلاتـي .. يَاْ مَنْيَتَيْ وصلك بشايـر غـذا الـرّوح
أشتقت لك صوتك طرب يـا حلاتـي .. بسمك أنادي يا شعر ما هوى جروح
فرحـة لقانـا مــا حـلـت يــا حيـاتـي .. اقسـم عهـد بينـك وبينـي بمـشـروح
بـحـره يـجـر مسحوبـهـا ياشـفـاتـي .. بعـدك وفرقاكـم تعبـنـي كـمـا نــوح
مشيـت علـى شعـري مثـل يامنـاتـي .. تنزف على الصدر جراحه ومذبـوح

[عذب]

محمد الغنامي صح بدنك وتسلم على اعجابك واطرائك اتشرف كثيرا بمديحك


فعلا انا محتار محتار محتار
والطيف هذا زود القلب حيرة
مر يجي للقب طايف وزوار
ومر يغيب ايام عني كثيرة
اظاهر انه بس عابر ومرار
بس يتنقل بين ديرة وديرة
كنت احسب اني صرت لمزاوره دار
خليت له روحي مساحة كبيرة
اثره مخليني على الدرب تذكار
وانا احسب اني صرت للحب سيرة

عذب

[النجلاء]

الله الله
ياسلام عليك يالعذب
وصح الله لسانك جزل وشهادتي فيك مجروحه
تقديري لك
النجلاء

[عذب]

حياك الله النجلا وصح بدنك وتسلمين على اشادتك تحياتي لشخصك


تموت احلام في صدر الكتوم وتندفن ضيقه
ولا به من يعزي خاطر المكسور واحلامه
على حلم توفى في متاهة صعب تحقيقه
رحل معه الرجا واقفى ولا به غير آلامه
عذب

[النجلاء]

زال الوصال و ساكن الروح مازال
مثل النفَس بالصدر يقفي وياتي
باقي حياتي له لوّ مفارقه طال
بـ عيش مع ذكراه باقي حياتي !

[محمد الروقي]

للفراج
الا يامحمد ماتبانا نسج الجيب= كبنك خوي يشرح الصدر عن ضيقه
رفيق بعيد عن دروب الخطاء والعيب= رفيع عن الزلات تلزم مواثيقه
نبا ديرة مانسمع الا قنيب الشيب=على راس مرقاب نعديه ونويقه
نسج القدم لينن شمس النهار تغيب=سوالف وصيد ودلة الكيف وبريقه
وباقي لها بالحفض

[سمو الحرف]

المرجلة ماهي قصيد و مشاعر
عندك حكي لكن تنقصك الأفعال

ليتك تجي رجال ماهوب شاعر
ولا تجي شاعر ولاهوب رجال

[محمد الروقي]

ابو حقب طير{ن}يصيد الخنافيس=ماهوب قرناس يصيد النعامي
والتيس بوله مغرق لحيته تيس =يهبي يالدنياء عليك السلامي

[النجلاء]

للفراج
الا يامحمد ماتبانا نسج الجيب= كبنك خوي يشرح الصدر عن ضيقه
رفيق بعيد عن دروب الخطاء والعيب= رفيع عن الزلات تلزم مواثيقه
نبا ديرة مانسمع الا قنيب الشيب=على راس مرقاب نعديه ونويقه
نسج القدم لينن شمس النهار تغيب=سوالف وصيد ودلة الكيف وبريقه
وباقي لها بالحفض


صح الله لسانك يالروقي
وان شاء الله نشوف رد الشاعر محمد الفراج
تقديري لك
النجلاء

[محمد الروقي]

رده وقصيدتي شيله قريبه يالنجلاء
في الالبوم الجديد وهذي طويله بس اانا اختصرتها وصح كلك

[النجلاء]

صح لسانك ولسانه مقدماً وأن شاء الله نسمع ونستمتع بالشيله
قريباً

[محمد الغنامي]

والله اني ماحسبت حساب للهراجه=خص ناسٍ قدرها عندي بحجم الذره

[عذب]

https://s.yimg.com/lo/api/res/1.2/PAxzhk_cDxnU6sygS7RsYQ--/YXBwaWQ9bWti/http://3.bp.blogspot.com/_EHuU_vGAsno/TFZdSrPE8GI/AAAAAAAAAQ0/f2k1d4U1aIo/s1600/0e98f6fe6131baeb.jpg
الا ياعازف الناي الحزين ولحنك المبكي
خلاص اترك غناوي هالحزن امنتك بالله
تعال وغن لي لحن الأمل خل الفرح يحكي
ابي اطرب على انغام السعاده هالعمركله
عذب

[محمد الغنامي]

اللي صدى صوته مثل نغمة الناي

جاله على حدب الضلوع ارتكايه

[غزلان]

فيني تعب فيني عتب فيني ملامح دآمعه ؛؛ يمكن انا في زحمه عشق والا مشاعر خاطئة ،،

[عذب]

وان قلت يارجل الهواوي على وين
وش هالطريق الي تبي تطرقينه ؟؟
كنك وقفتي حايرة بين دربين
حرتي يسار الدرب والا يمينه
جسي ليان الدرب بين الطريقين
قبل المسير الي تببن تخطينه
وان كان مالك يالرجل سبت تاطين
درب الوعر خليه لاتسلكينه
بعض الدروب وكاد تهدي عناوين
وبعض الطرق منها السلامة غنيمه
عذب

[هزاع محمدالعاصمي]

اكثر مايضيق خاطري نشدت الملقوف ...الا شاف فيني من ظروف الزمن خله
عساني الا زليت مازل عند ضعوف .... عسى زلتي قدام من يدمح الزله

[سمو الحرف]

احفظ لها قيمة غلاها وأنتظرها من شمال
وإذا نستني هذي الدنيا وهذا حالها

أما أني أنساها نسى الله من نسى ذاك القبال
ياااااصب روحي صب دلتها على فنجالها

[غزلان]

صارت افعال البشر للشر طلابه ،، يا تجينا بالأدب حنا مانجي على الكيف ؟؟

[هزاع محمدالعاصمي]

لا ضاق صدرك من غرابيل دنياك
ناج العظيم مكون الكون ناجه

واعرف ترى علم الفرج عند مولاك
بامره تهون وتنقضي كل حاجه

[غطرسة قلم]

كتبـتُ وقد أيقنـتُ يـوم كتابتـــي
بـأنَّ يدي تفـنى ويبقـى كتابُـهــا

فإن كتبتْ خيرًا ستـُجزى بمثلـه
وإن كـتبتْ شرًا عليها حسابهــا

[سمو الحرف]

واذا في غيبتك تتحقق الأحلام
احس بشي ناقص يشبه التقصير

انا ماني بخير وتمضي الايام
الى منا تلاقينا بكون بخير

[محمد الغنامي]

وان قلت يارجل الهواوي على وين
وش هالطريق الي تبي تطرقينه ؟؟
كنك وقفتي حايرة بين دربين
حرتي يسار الدرب والا يمينه
جسي ليان الدرب بين الطريقين
قبل المسير الي تببن تخطينه
وان كان مالك يالرجل سبت تاطين
درب الوعر خليه لاتسلكينه
بعض الدروب وكاد تهدي عناوين
وبعض الطرق منها السلامة غنيمه
عذب






الله الله

صح لسانك ياعذب

راقت لي بقووه يسلم حسك

[سمو الحرف]

أغويتني بالحب والحب سلطان
وسرقت قلبي والعواقب و خيمه

في عالم الانسان وحقوق الانسان
سرق المشاعر مثل فعل الجريمه

[النجلاء]

باقي بقلبي حلم والعمر مافات
يامنتهى رجواي شف لي طريقه
أبطت تجاذبني عليك الخيالات
مدري متى يصبح خيالك حقيقه !

[عذب]

http://img.tgareed.com/imgcache/507078.png



نامت عيون المدينة والغلا مانام
مابقى بك يالشوارع غير انا وياك
تعبت رجول المحبة مابقى قدام
وانتهى مشوارعيني مالقى شباك
كنها كل المدينة سكرت احلام
والسما ماكن فيها للأمل افلاك
ايه ياشوق سرى بي مامعك خدام
عود ادراج الهوى ماطاب لك مسراك

عذب

[غزلان]

سرحت في بحر شعرك أدور مكآني ؛؛
شفت حروفك ماحتوتني ولالي مكآن

[حمد اليامي]

شـاري مزاجي ولا أدور على الزلہ
وآخـذ كلام ، البشر على حسن نيہ
لو كل : كلمة بـ حسب حسابها واللہ
لـ عيش كـل العمـر بـ أزمـات نفسية

[سمو الحرف]

حلاوة الشوق مثل الشعر ما أمله
وأنتم غلاكم مثل شعر الغزل راقي

إن غبت يومين أو غبت العمـر كله
يبقى الولاء للمحبة داخل أعماقي

[غزلان]

إيه أبي قربك وإن كنت تهوآني ,,
تعآل وصرح بحبك مليت أنا هالاقنعه؟؟




تخفي غلآي اللي أشقآك وأشقآني ،،
تصد بحبك المخفي وكنك تحاول تمنعه ؟؟

[سمو الحرف]

تعلقت في الدنيا بكثير أشياء
وتساقطت تساقط أوراق الخريف

وايقنت ان الذي يرفعك للعلياء
رضا "ربك" وبعدك عن التسويف

[عذب]

http://sh-3nzih.com/up/uploads/141580976871.jpg

ليت الزمان ابيض واسود ولازال
اضداد لكن صافية ود واخوان
مابثته من حب موجود في البال
ماغيره طول الليالي والازمان
واليوم كثراللون وتغير الحال
زادت تلاوين الشقى دون عنوان
على العيون الصافية ترسم اشكال
الين عميت من كثرشوف الالوان

عذب

[سمو الحرف]

ارواحنا ما عاد تشعر بالآمان
الا اذا نادى المنادي لـ الصلاة !

[محمد الغنامي]

لاطرت لي عيونك ياحسين الوصايف=طابت النفس عن باقي عيون العذارا
عين حرٍ تعلى فوق روس النوايف=فارقٍ في وصوفه عن حرار ووكارا

[النجلاء]

الله الله
صح الله لسانك ياعذب

[النجلاء]

صح الله لسانك يالغنامي
رآآآآآآئــــــــع

[محمد الغنامي]

صح الله لسانك يالغنامي
رآآآآآآئــــــــع


صح بدنك وصح كلك يالنجلاء
الرائع وجودك وتشجيعك
لاهنتي

[سمو الحرف]

ما ينكتـب شـعـر ... بليا مشـاعــر
ولا ينكتب بيت بلا صدق واحساس

صحيح بين الـناس ملـيون شـاعـر
لكن قليل اللي عجب شعره الـناس

[غزلان]

لا مرني طيفك في مجمل أحلامي..
يصبح علي الصبح وأنا في حالة اليأس ؟

[عذب]

انتحردرب الوصول وماتت الخطوة قهر
في متاهات الضياع الي دفن اقدامها
كم مشت رجل الملاقا في مجاهيل الدهر
تنشد عدود تلاشت مالقت عنوانها
في ظمارحلة هجير هدها حر الظهر
كل ماجت تنشد الراحة يشح ظلالها
مع مشاويرالنهار وفي محطات السهر
طالت الغربة وصارت هالفجوج ديارها


عذب

[سمو الحرف]

وجيتك وانا كلي غلا جيتك وانا كلي ميول
النفس لرضاك احضرت والقلب لرضاك استجاب

سمعت قولي وانت قلي ودي اسمع وش تقول
انا طرحت لك السؤال ومنتظر رد الجواب

[قرناس الحرار]

ياعل قلب بالهوى محتويني
تسقيه روحي دون برق ورعاد

[محمد الروقي]

ياشر قلبي ويا موتي وغربالي= اثرك مصيبه ونا ماكنت داريبك
العين جابتني امن اول ومن تالي= والمبسم الي خطير منه اهذريبك
مادمتي انتي كذا مادونك موالي= لكن عيبك بياضك والغنج عيبك
يفداك ياام العيون اولهن وتالي= يازين شكلك دخيلك ويش اسويبك

[مـهـا]

صحت السنتكم شعرائنا ابدعتوا...

[مـهـا]

ياشر قلبي ويا موتي وغربالي= اثرك مصيبه ونا ماكنت داريبك
العين جابتني امن اول ومن تالي= والمبسم الي خطير منه اهذريبك
مادمتي انتي كذا مادونك موالي= لكن عيبك بياضك والغنج عيبك
يفداك ياام العيون اولهن وتالي= يابوك انا ويش اسويبي وسويبك
الله عليك يا محمد ابداااع يفوق الوصف.. صح لسانك شاعرنا امتعتنا بابياتك الجميلة .. عساك دايم بخير

[محمد الروقي]

صح قلبك فديتك

[سمو الحرف]

احتريته في صباح النايمين
و وجهي الذابل تعابيره أفا

ي عيوني ليه باقي تحترين،
لو يحبك ؟ عن وصالك م غفا.

[غزلان]

ياصباح الخير يالوجه الصبوح ؛؛ صباح يليق بحضرتك ويزهى بك

[عذب]

متى يزين الوقت والجو يصفي
حوادث الايام وش صار فيها ؟
حاولت اجاريها ولا جت بصفي
تنده على الحظ الضعيف ويجيها
صارت عجارفها على القلب تلفي
تعتاد خفاقي واصافح يديها
قولوا لجايرها على الروح يكفي
لوزاد حمل الروح يقضي عليها
عذب

[سمو الحرف]

ياحبيبي احبك والقصايد دليل.
كل بيت كتبته في عيونك غزل.

بيت شعر لدرب الحب لجلك يميل.
وقبل شوفك قصيد الحب ماله امل

[النجلاء]

مساي انت .. ورغبتي واحلامي
يستعذبك قلب الغلا واضلاعه ،
الصدفه اللي جابتك قدامي
اجمل صدف عمري إلى ذا الساعه

[عذب]

متوحد الاحساس مستوحش الروح
رغم ازدحام الناس كني لحالي
آخذ مع الافكار سجات وسروح
كني من الضيقات في جو خالي

عذب

[غزلان]

صحت الابدان شعراء رواسي ..

[غزلان]

خليتني اسرح بك واهيم بأفكاري ،،وأحاول استرجع معك أيام مدفونه ؛؛ أيام كنت بها أجمل أسراري ؛؛ عدت ولكني معك بالقلب مرهونه ؛

[سمو الحرف]

ماأقسى من غيابك إلا شوفتك صدفه
وبـ عيوني أحلامك وبـ عيونك أحلامي

شعوري اللي جبرني فيك ... ماأعرفه
لو كنت أعرفه ؟!! عرفت أواجه أيامي

[عذب]

انت السهر وانا السهر صار ادمان
عشق السهر لعيون الأحباب عادة
بيني وبينك آخر الليل عنوان
عزي لمن مثلي نسته الوسادة
عذب

[ابوفارس]

صح لسانك ياعذب قصايدك مميزه
كل الشكر لوجودك

[عذب]

صح بدنك اخوي راكان وتسلم على اطرائك
كم ليلة مع نغمة العود سهران
اعزف واغني ليلة البعد ويحول
من ضيقتي غنيت مانيب طربان
لحن الهموم الي من الضيق معمول
صرت لأغاني لحن الأحزان فنان
اردد الآهات لوليلي يطول
عذب

[عبدالعزيز]

http://up.arab-x.com/Dec11/Pxf54698.gif (http://[URL]http://up.arab-x.com/)



يازهرة اللوتس ذبحني برد هجرك والشتا = درايشي بين الظلوع لريح عطرك فاتحه!
الى متى مدري متى؟ بالله قولي لي متى؟ = ابسط يميني في يمينك ثم نقرأ الفاتحه!

[سمو الحرف]

ودي اعبر عن شعوري واعلمك ,
عن كل شي يخصني واستشيرك

الا بعد ودي اجي لك واسلمك
قلب تعلق فيك من دون غيرك

[غزلان]

لاتتبع خطآي لامني نويت أرحل ؛؛
لا ولا تسأل وتقول ياقلب وينك ؟؟

خلني أشد رحالي عنك وأكفل ؛؛
قلبن يتيم ماضمته يوم عينك ؟؟

[حمد اليامي]

هلا بصاحب عزة النفس والجود
اللي تبشر النفس ساعة
وصاله..!
لو يبتعد عنا على البال موجود
ذكره على الخاطر برغم
انشغاله..!
وافي ولا به من العذاريب منقود
جعل السعادة عبر الايام
فاله..!

[سمو الحرف]

ياقلب سامحني علي كثر الخطا ،
والله اني كنت انا الواجد .. عليه !

[مـهـا]

‏المكان الي يضيق اب هله من جيتي = ويش ابيبه يلعن الله جده من مكان
والله اني صادق مع هله في نيتي= مير حضي ماش والي حسبته جاء وكان ....... مسرووق من تويتر الروقي :-)

[النجلاء]

يازهرة اللوتس ذبحني برد هجرك والشتا = درايشي بين الظلوع لريح عطرك فاتحه!
الى متى مدري متى؟ بالله قولي لي متى؟ = ابسط يميني في يمينك ثم نقرأ الفاتحه!


صح الله لسانك ياعبد العزيز
رآآآآآآئــــــع

[عذب]

محتاج لك رغبة ومحتاج لك شوف
محتاج اعيشك لحظة الشوق نظرة
ودي ابروز صورتك داخل الجوف
واحطها في داخل القلب درة
عشان لامن صرت للشوف ملهوف
اقعد اقلب صورتك كل مرة
عذب

[محمد الغنامي]

http://up.arab-x.com/dec11/pxf54698.gif (http://[url]http://up.arab-x.com/)



يازهرة اللوتس ذبحني برد هجرك والشتا = درايشي بين الظلوع لريح عطرك فاتحه!
الى متى مدري متى؟ بالله قولي لي متى؟ = ابسط يميني في يمينك ثم نقرأ الفاتحه!





الله الله ياعزوز

صح لسانك روعه

[محمد الغنامي]

محتاج لك رغبة ومحتاج لك شوف

محتاج اعيشك لحظة الشوق نظرة
ودي ابروز صورتك داخل الجوف
واحطها في داخل القلب درة
عشان لامن صرت للشوف ملهوف
اقعد اقلب صورتك كل مرة
عذب





يابري حالي بريااه

ايو الله انك صادق ياعذب

صح لسانك

[النجلاء]

الله الله صح الله لسانك ياعذب
رآآآآآآآئـــع
ماشاء الله عليك

[محمد الغنامي]

ليا طرالي بالمحبه غيرك=يزيد في قلبي غلاك وحبك
انا اشهدني بالغرام اسيرك=لاكن دخيلك خاف فيني ربك

[النجلاء]

يَ طير |ياللي - فوق غصن الأَلَم - نحت
نوحك أليم . . و ليتني . . كنت / دآري ~

ذكَّرتني / يومك ب نوحك - لنآ - بحت
عن [ جرحي ] اللي صآر ل النآس عآري !

[عذب]

صحت ابدان الجميع وماعليكم زود

بكتب لها عن صادق الحب قصه
عن سيرة اقوى حب مابين اثنين
عشان لاروح من الليل نصه
حضنتها في شوق والتم روحين
واحكي لها مابين رصه ورصه
سوالف العشاق مابين قلبين
واقول خوذي داخل الروح بصة
شوفي غلاك الي سكن بالشرايين
صار الخفوق لفوز حبك منصه
خذتي غلاته عن جميع المزايين
والحين خوذي من حلا النوم حصه
هذي ترا احلى حكايا المحبين

عذب

[محمد الروقي]

مدام لك حشمه وقيمة ومقدار = خلك مثل ماكنت ذكرى قديمه
لاعاد تنبشني عن اضهار الاسرار =خلك معي نيتك دايم سليمه
ترا الحصان احصان ماينجب احمار =الله يعز اهل النفوس الكريمه
ياهيه لي بين النقاء والوفاء كار = ولا شك لي مع ماذكرناه شيمه

[سمو الحرف]

أجني من الشعر في حبك مالذ وطاب
وأنثر شعوري شعر والناس تستعذبه

حتى تويتر والانستغرام والواتس اب
كل بيت احب اكتبـه ،، لولاك ما اكتبـه

[النجلاء]

ودي على شوفك وقربك ولقياك
مابيك تتركني بعد مالقيتك
ياصاحبي في ذمتي ماتعداك
لو تطلب أعيوني تراني عطيتك
أحفظ كلام اللي يحبك ويهواك
لاصرت شاريني تراني شريتك

[محمد الغنامي]

ودي على شوفك وقربك ولقياك

مابيك تتركني بعد مالقيتك
ياصاحبي في ذمتي ماتعداك
لو تطلب أعيوني تراني عطيتك

أحفظ كلام اللي يحبك ويهواك

لاصرت شاريني تراني شريتك




الله الله

ذوق جميل ورااااائع

يسلم ذوقك

[محمد الغنامي]

سلامتك يانظر عيني من الضيقه=امسيت من ضيقتك ضايق ومشحوني
من نايد الناس صار الهرج ما اطيقه=لاضاق صدرك يضيق الكون بعيوني

[سمو الحرف]

يالله إنك لاتفرح علي الشامتين
الضعوف اللي تقلب على كل إتجاه

إنتحمل وإنتجمل من أجل الطيبين
اللي جمعاهم معزه وشوفتهم غناه

[مساعد الجليدي]

ايه اسـجّـل باالـرواسـي حـضوري



بابـيات شـعـرٍ مـن غـرايز افـوادي

::::::

من هاجسٍ وسط الفواد محـشـوري

سـيـلٍ تحـدّر مع ضـباضـيب وادي

::::::

قالو تحـب وقـلت شـي مـخـبـوري

والحـب ماهـو عـيـب عـلمٍ وكـادي

::::::

والحب يامشكاي مطلب ضروري

ودربٍ بـلـيّـا حــب راعـيه غـادي

::::::

التوقيع مساعد الجليدي

الجليدي

[النجلاء]

صح الله لسانك يالجليدي
رآآآآآآآآئــــــــــع

[عذب]

جرب يذوب البوح في شفتينك
ودك تبوح وصوت الاحساس مقهور
كن السكوت المر يخنق حنينك
ييبقى كلامك داخل الروح مأسور
مايحكي الا دمعتين بعينك
تعكس ملامح خاطرفيك مكسور
تروي تفاصيل الشقى من سنينك
لومات منها قلب الاحساس معذور
وان طاولك ذالصمت فالله يعينك
اصبر على الكتمان والقلب مأجور
حتى ولو الصمت كبل يدينك
يمكن يجي ثوار للبوح ويثور
عذب

[سمو الحرف]

غاسلن كفي من مصافحـة بعـض اليديـن
وقافـلن بوجيـه اهلهـا صناديـق البـريـد

وشايفن شي ٍ لي اعـوام مالـي فيـه عيـن
وقاطـعن خيـط الهقـاوي بسكيـن الوكـيـد

[غزلان]

صمتي حكمه عن بعض الحكي و السوآلف ؛؛
قبل الزعل راجع حساباتك معي شووي .


لاني من زود الفكر صرت شايف وعايف ؛؛
ياكيف أزعل على شئ بداخلي ماهوب حي .

[النجلاء]

ماطرقت من القصيد إلا لعينك طرقي
شعر ماهو في عيونك ينكتب، وشهو له ؟
كل ما ذعذع هواك من الشمال الشرقي
من كبر حجم الوله فيني تضيق الدوله

[محمد الغنامي]

ماطرقت من القصيد إلا لعينك طرقي


شعر ماهو في عيونك ينكتب، وشهو له ؟


كل ما ذعذع هواك من الشمال الشرقي


من كبر حجم الوله فيني تضيق الدوله




والله انه كل ماغنى حمام الورقي=راح هاجوس القصايد مع جنابك جوله
جيت طرقي واستحليتي قليب الطرقي=بالعيون الخرس مدري شفةٍ معسوله
ليه بالله تسرقين النوم مني سرقي=ماتخافين القبر يوم الحساب وهوله

[النجلاء]

الله الله صح لسانك يالغنامي
رووووووووعـــــــــــــه

[محمد الغنامي]

الله الله صح لسانك يالغنامي
رووووووووعـــــــــــــه



صح بدنك وكلك من كل شر

[سامي الغنامي]

والله انه كل ماغنى حمام الورقي=راح هاجوس القصايد مع جنابك جوله
جيت طرقي واستحليتي قليب الطرقي=بالعيون الخرس مدري شفةٍ معسوله
ليه بالله تسرقين النوم مني سرقي=ماتخافين القبر يوم الحساب وهوله



الغرام اللي حرق كل المشاعر حرقي
الجريمه واضحه .. واسبابها مجهوله

المولع هاض قلبه .. يوم شاف البرقي
ماحصل له من غيوم الشوق .. شي ينوله

كل شيً ب النقاّء .. مايشترك به درقي ..
والله انه طيّب .. ولا يبلشك ب احلوله ..

[النجلاء]

ياسلام عليك ياسامي
صح الله لسانك ع المجارآه الرائعه

[غزلان]

صحت ابدانكم جميعا يا شعراء رواسي ..

[عذب]

يامسا نظرة عيونك والخدود وبسمتك
يافخامة هالجمال لي ملا الدنيا علي
وش عذوبة هالمساء الي توشح رقتك
يالهنوف الي تفرد بالجمال المخملي
ياهلا بك والشعور الي دفا من طلتك
من دفا قربك دفا قلب بحبك ممتلي

عذب

[سامي الغنامي]

‏عشاق واجد وعمر شوي
و الواقع يفل .. و يطوّي !

بعقل ميّت ، و قلب حي
واحساس ضامي ومتروّي !

نحب ولا نسوي شي ،
الحب هو اللي يسوّي !

[محمد الغنامي]

الغرام اللي حرق كل المشاعر حرقي
الجريمه واضحه .. واسبابها مجهوله

المولع هاض قلبه .. يوم شاف البرقي
ماحصل له من غيوم الشوق .. شي ينوله

كل شيً ب النقاّء .. مايشترك به درقي ..
والله انه طيّب .. ولا يبلشك ب احلوله ..




الله الله الله

رائع رائع ياسامي

صح لسانك يامبدع

[البندري]

" تعال سولف لي عن احلام دنياك
من ليلة البارح وانا ودي اسالكك

تدري وش اكثر ما *اتمناه* وياك
اقرا ..! ملامح ضحكتك واتأملكك"

[البندري]

يافز قلبي حين يطرون طاريك
فزة سجين أحكموا فك قيده

عيني تبي شوفك وقلبي يناديك
وبنك الغلا يزيد لك في رصيده

[البندري]

مرني طيف الغرام وذكرياتك
,,,,يا مسا همس الوليع ويا صباحه


روّحت لي الف همسه من شفاتك
,,,,والرهين الروح من يطلق سراحه

[البندري]

انا شموخ الحرف والعرف والدين
ما جيـت أمآري بـ العلوم الرديه

إذا المدى بـ الزين مُلكن لنآ الزين
وإذا المدى بـ الطيب فـ أنآ بدويه

[سامي الغنامي]

صحت الابدان ..

[النجلاء]

إشتقت ، لو طال المدى في تحرّيك
ومن حلم رجوى شوفتك مابعد فقت
حاجه وأبيها منْك يا نبض مغليك
في غيبتك حسّو بـ شوقي إذا أشتقت

[سامي الغنامي]

‏جابه الشوق .. وضلوعي تبيه ،
واحدٍ .. معه م للضيق : حس !

ويوم طال الغرام ، وضعت فيه ،
قال : أحبك / وضميته / وبس !"

[غزلان]

ياكيف أصد عن شوقه وقلبي يبيه ؛؛؛؛ و دوروب الوصل صارت بيننا همس .. أنشهد قلبي يحبه وميت ن فيه ؛؛؛؛ عشقي له من سنين ماهو اليووم والا أمس !!!!

[محمد الغنامي]

ان كان تبغاء العلم يالطرف الكحيل
اشتاق لك في كل ساعه مرتين
وليا طرالك بالتنحي والرحيل
انا اعتبرني من حساب الميتين

[عذب]

نبوح بشي و المقصودفي بعض الحكي مفقود
وتبقى غاية المقصود في هالبوح مفقوده
واشوف انه قليل الي بيفهم غاية المقصود
لأن القلب مايعطي لأية شخص مقصوده
عذب

[سمو الحرف]

الحمد لله ماعادت دموعي تطيح
حتى لو اتذكرك فجأه ، ولو المحك

اللي تخبره قبل مده حزين وجريح
ضحك وهو يحسبه بيموت ماقد ضحك

[سامي الغنامي]

‏سولف فديت آلحروف وتمتمآت آلكلآم
يمكن يلين آلحزن .... وآعصآبي آلتآلفھ

جيتك معي سآلفة شووق وحكآية غرآم
حتى نسيت آلكلآم .. وضآعت آلسآلفھ

[الغلا دمي]

عين مني على ردف وصدر
وعين مني على وجنه وعين
انت يابدرالارض ازين بدر
السماء بدرها ماهو بزين
جيت من فوق واللامن حدر
حمدلله رب العالمين

[النجلاء]

أجيه من زود الغلا .. عندي كـلام
واليا وصلته .. علمي يضيع أكثره !!
القلب يجمع له .. عبارات الـغرام
ولساني يقول الحروف .. مبعثره

[سمو الحرف]

يا أول انسان .. والفته وحبيته
ويا آخر انسان جوه وافق لجوي

[غزلان]

جيتك وأنا كلي عشق ولعيونك هيآم ؛؛. عندي أمل تمسح دموع عيني النآزفه. العشق لا صآر في هوى غيرك حرآم ؛؛ يعلم الله اني أحبك وهاذي كل السالفه !!!!

[محمد الغنامي]

تضيع القوافي كل ماجيت اغني بيت=مشتت ولي مده عجزت اجمع افكاري
اهوجس وافكر فيه لن رحت ولاجيت=اروح لشغل وارجع ماكملت مشواري

[عذب]

بين المحال وبين تحقيق الآمال
اكيد فيه اشياء ماتت بيدينا
ولو بيننا باب الطموحات لازال
خايف سلاح الصمت يقضي علينا

عذب

[عذب]

مابه جديد بسلة اوجاع صدري
نفس الألم والهم موجود فيها
قلبتها مابه مكان لصبري
من ثقلها مانيب قاوي عليها
مااظنها تقبل مع الوقت عذري
عيت على النسيان يمسك يديها
عذب

[سمو الحرف]

اللي من اغيابه يصول الهم فـ الصدر ويجول
في داخلي زحمة حكي ليته يجيني يسمعه

[سامي الغنامي]

‏لك عليّ .. إني احبك لـ النهايه ،
عاد مدري وين حبك ينتهي بي !

[الغلا دمي]

ينام الشر ولا مايـنام
من آول قالوا الماء مايروب
تركنا حب سلمى وابتسام
يذوب القلب ولا مايذوب
تحررنا من قيود الغرام
شماليين والذكرى جنوب
أمانينا تطير مع الحمام
تعينها على متن الهبوب

[غزلان]

لاهب على قلبي نسنآس الشمآل ؛؛ دعيت ربي يقربك لي ويجيبك !!ياللي غلاك تعدى حدود الخيآل ؛؛ صوبتني بالعشق والعشق صاير نصيبك !!

[سمو الحرف]

شاعر كتاباته عن الشوق والحب
محسود لو انها مجرد خواطر

تعال واسمعني من القلب للقلب
انا لو أملك حظ ماصرت شاعر

[عذب]

لاتقول اقدر وهي صعبة عليك
لاتعشمني ولانتب قدها
لا تقول اشتاق لك واوله وابيك
لا تقول لطلبتي ابشربها
خايف لاقلت لك ودي اجيك
تتهمها طلبتي وتردها
عذب

[الغلا دمي]

أكسب المدح قبل يلوح شيبك
واللا والله لتفنا ماكسبته
كل عيبن تشوفه غيرعيبـــك
مايشوف البعيرعْوجت رقبتـه

[سمو الحرف]

مابين حفظ الذات بين العلاقات
ما اهتم لـ امر اللي ما يهتم لـ امري

ماجيت اخيط الجرح واجمع شتات
الخافي بـ صدري ويا وسع صدري ، !!

[الغلا دمي]

بلقيس يابنت السناعيس

الأشاوس مقابيس الدجا

حجا الرفيق كْعام من

وسوس له أبليس

[سامي الغنامي]

‏-

احبھ واودھ واحشمھ واعشقھ واهواھ
واردھ واصدھ .. واقطع الوصل واملھ

شعورن معھ مجنون لارحم ابو مجناھ
بغيتھ على جوي .. واخذني على جوھ

[غزلان]

عطيتك قلبي وعمري وباقي سنيني ؛؛ قلي بعد وش بقى فيني ماهديتك . القلب مايشوف غيرك يا ضي عيني ؛؛ لاغبت عني مااعاتبك الابكلمه وينك !.

[الغلا دمي]

سلم وخلك من بعيد وتسلم
فالوقت ذا لاحدٍ يفل حجاجه
لو تبتسم في وجه أخوك المسلم
يمكن يقول انه يبي له حاجه

[قرناس الحرار]

لا تضيع وانتبه ياخوك من غربك وشرقي

[سمو الحرف]

الغلا محفوظ والسيره جميله
والعتب مرات من كبر المحبه

[الغلا دمي]

من لا ستر وجهه عن الذل والعيـب
ما عاد يلقى لذل وجهه طبـايب

ومن لا حمى وجهه قبل طلعت الشيب
محدن يعوظه وجهه لا صار شايـب

[سامي الغنامي]

‏انتظر حظك و عيشه وامهلہ
وكثر مَ شانت معا ربك تزين

شوفني عندك نسيج الأمثلہ
مبتسم جدا و أنا جدا حزين

[عذب]

ياوادي البعد خذني لأبعد حدودك
مابيك تترك على جالك عناويني
اترك وجودي يعيش بساحة وجودك
مافي المدينة مساحة حب تكفيني
عذب

[غزلان]

وشلون تتركني وأنا ماشوف غيرك ..
تغيب لو لحظه عن عيوني أضيع ؟؟

اخاف يجي يوم و يتغير خط سيرك ..
وتصد واشري الحزن وللفرح أبيع ؟؟

[الغلا دمي]

أنا شاعر هل السنه وأنا شاعر هل التوحيد
أجاهد كل من يأذن ولي ألأمر بجهاده

[عذب]

تنزل دموع الشوق وتموت ورده
على زجاج الطاولة كل ميعاد
للموعد الي ينتظر مد يده
مد الكفوف وصافحت نية بعاد
والموعد الي ذاب قفا بصده
لوينده عهد المواصيل مافاد

عذب

[النجلاء]

ودي اركد عنك واركّد جنوني
بس شوقي لا انتحى مافيه حيله
استره لكن تفضحني عيوني
وان كتبته بان في بووحي دليله

[سامي الغنامي]

‏✒

تدري يسار القلب وش يحتوي فيه
. . . . . . . . . . . أنت وتفاصيلك ودنيا عيونك ..♡"

[سمو الحرف]

رحلت..؟ لكن .. ماتغير معي شي ..
عادي ومتعود على كثر .. الاوجاع !

[محمد الروقي]

انا حضوري غير في سكبت القاف= المفردات اهون عليه من الهون
لكن دامي صرت من هاك الاسلاف= قسم السلف دوب الخلف يالله العون

[عذب]

يابيوت الطين لوك من تراب
حتى لو انك سنينك ساكته
لك مشاعر لو يسمونك خراب
تحكي آثارك ولوك صامته
دون دارك حايل بحر السراب
والامام الي لبست عمامته
لوتعلى طايتك صوت الغراب
كم سجع فيها حمام رامته
لك شواهد كم حكت برد وشراب
يرفع التاريخ فيها هامته

عذب

[الغلا دمي]

حتيش يابوحقب لومعك بوز ومعك مخلاب
الحر فوقك لو يورالك انك انت فوقه
انكانك الحيه ام جنيب انامحسوبك الداب
اللي بنابين برقاويه ونابين روقه

[سمو الحرف]

لج الخفوق و جر صوته من اقصاه
و لجت معه حدب الحنايا تنوحـي




عليك ياللي كـل ماقلـت بنسـاه
عيـّـا خياله عن خيالـي يروحـي

[غزلان]

ياقلبي اتعبك الوله وبيحت سدك ؛؛ وجنيت بالعشق على ليل الاشواق. .ياقلب وش حيلتي في جزرك ومدك. ؛؛ساعه تجيني ببعد وساعه تجي مشتآق. اعشقك واعشق قربك وصدك ؛؛ خلك على الوعد ولايجي منك فرآق

[عذب]

ينام الضيق في حضن الوحيد وتسهر اعيانه
وتبدا للتعب قصة يسولفها ظلام الليل
على جور الزمان الي جفاه وصك بيبانه
تحمل منه مايكفي من حمول تهد الحيل
وقلب كل ماحل الظلام وزادت اشجانه
جلس يكتب من ابياته على جمر الغضى والهيل
يبي نظم القصيد الي نخاه يبدد احزانه
مادام ان الهجوس تسامره ليل الشقى تعليل
عذب

[عذب]

مافيه احد
الا انا في هالمكان المبتعد
مافيه احد
غير المسافة والبعد
غيرانتظاري للوعد
مافيه احد
ياموعدي نفس الزمان
نفس الكراسي والمكان
جيت وعنيت لمقصدي
ودي الاقي موعدي
رد المكان وقال لي
مافيه احد
مافيه احد

عذب

[محمد الروقي]

يانعنبوك اتصا ل ونعنبو جدك= اليا طرالي قصيدة حست مجناها
ون جيت ابا احدثك بكلك وردك = ضاعت عليه وضقت وحست معناها

[النجلاء]

ياناقد الحب لاتشره على مبلي
خل النفوس الجريحه وش تبي فيها
قال المثل والمثل مطروق من قبلي
ماتحرق الجمره الا رجل واطيها.

[حمد اليامي]

الدمع لو انه نطق .. عذب الناس
والحب لو أنه خطأ .. ما وصل لك

خلك ثقيل وكل كلامك بمقياس
ماكل من يسمع همومك فزعلك

بعض البشر من حبها .. تقول لا باس
وبعض البشر من حقدها تبتسم لك

[محمد الغنامي]

الله يسعد مساكم يالرواسي بخير=ابدا بها من ضميرٍ حي واقولها
إلكم معزه بقلبي كبر راس البعير=وقدر وغلا والمعزه ما احد يطولها
لاكن فيكم هنوفٍ غير والحب غير=ياجعلني ماعدم يابو علي زولها
إلها فخامة حضوروكنها بنت امير=منها صدورٍ كثيره طاقٍ جولها

[غزلان]

ههههههههههه عجبتني كبر راس البعير صح لسانك وان شاء الله تجي بالسلامه ياخوي . ودي وتقديري

[البندري]

أرتحت ياغايب وأنا مثلك أرتحت
ترى الغياب أحيان للنفس راحه

وأبشرك مع دمعة العين ماطحت
للحين باقي لك في عيني مساحه !

[البندري]

لا تستهين بشوق الأحباب وتروح
وتقـول : جرح ودمعتينٍ وعبرا

الشوق وحشه روح من غيبة الروح
ما هو بـ جرح ايدين يدمى ويبرا !

[البندري]

لا كتبت اسمك تزين لي الحروف
ولا نطقته صار في لساني حلا

صدق أنا أحبك ولكن فيني خوف
خوف نتفارق بعد ذاك الغلا

لا تقابلنا يسكنا الكسوف
ضاعت الكلمات مني يا غلا

كانت الكلمات في لساني ألوف
ويوم شفتك ما ذكرت إلا هلا

[عذب]

رح واسأل الغربة عن دروب رحال
لاتسأل الرحال عن درب غربه
ماله مع العالم مساكن ومنزال
مساكنه ترحال والبعد دربه
كل الأماكن ماطرت له على البال
الا المكان الي تشوق لقربه
ذاك المكان يغني القرب موال
وترقص مداهيله من الشوق طربه
عذب

[سامي الغنامي]

‏يطلع "فجر يومي" وأنا مالي أمل !
النوم لك وأقسى التعب و الـ آخ لي

اعتب شكل، اغضب شكل، ازعل شكل
يعني قسم بـ الله .. مو من داخلي !

[البندري]

‏انا مع الناس كنّي نايم وحالم !
متشتت الفكر لاهاذي ولا ذيّه ..

قررت اجدّد علاقاتي مع العالم !
واصير رسمي واعيش بدور رسميه ؟

[الغلا دمي]

العام نبني سوى والحلم فوق السحاب
واليـوم حـال الفـراق والبعـد مـن دونـهـا

[عذب]

اتخيل والخيال اوسع مدى
بس اصورحاجتي لك بالخيال
كل ماطيفك على البال اعتدى
ارفع الراية لجيش الأحتلال
واتحرى منك ياقطر الندى
تسقي الخفاق من نبع الوصال
حلم والأحلام مافيها جدى
لوتصيراحلامنا كبر الجبال
كم ندهته حلم ويرد الصدى
وادري انه حلمنا يابن الحلال
وان لقيته حلم ضاع ومااهتدى
فاعرف انه حلم تحقيقه محال




عذب

[غزلان]

حبها سكن بداخلي واستوطن القلب ..
يعلني دوم يارب فدوه قدمها


يسألوني عن الحب هذا هو الحب ..
حبها لوحه فنان ابدع ورسمها


اهداء لحبيبتي امي ..

[البندري]

طيف المفارق في غيابك سكني
وكل الدروب تحدني يم دربك


انا وشوقي في غيابك نغني
ايام حلوه كانت ايام حبك

[البندري]

طلبتك قول أي كلمه وحاول بس تهديني
تجي صدمه ورى صدمه من الصدمات يكفيني



طبيعي اعتب وازعل اذا كل يوم تجرحني
يآعـمـي روح ولاتسأل وابيك بخير تذكرني



أنـا غصبن علي عايش غصب متحمل طعونـك
يجـيني سـهمـك الطـايش وأضمه لخاطـر عيونـك

[البندري]

لخاطر المكسور يا عاذلـي طـاب
والوقت ما قصر محـا كـل تأثيـر

والمخطي اللي من كثر ما خطا صاب
يشفع له انه لا وقف وقفتـه غيـر

[البندري]

للصدر بوح وللمدامـع سواليـف
.............. وللسجه اللي كل ساعـة حكايـه

كتمتها ليـن أوقدتهـا الصواديـف
.............. ورويتها والحـزن صوت الروايه

عن ماخسرته .. قد قطعت التحاسيف
.............. ليه اتحسـف والعمر .. فالبدايه

أفنيت حالـي بالبـذل والمعاريـف
.............. و لا طلت غير جحودهم فالنهايه ..!

الحل أصد وصدتـي صـدة معيـف
.............. وأقفي .. وهم أدعي لهم بالهدآيه

[البندري]

يغمرني الشوق وأبحر دون عنواني
يمكن بغربة سنينـي نـور أمانيهـا


نزفك على الجرح كنه غيـم هتانـي
وإلا ورود ٍ تمايـل فـي صحاريهـا


أجيك وألقى بليلك حضـن تحنانـي
وأسهر معك والنجوم يغيب ساريهـا

[البندري]

آلـطيب قـصر ماآ يشوبہ عذاريب
وآلتربيه ھي سور قصرك وساسه
من لا تربـى في شبابه على طيب
ما ھو بَ متربي ليا شـآب راسـه

[عذب]

قولوا لصوت التمني لايغني امنيات
مات احساس المسامع من لصوته يسمعه
لورفع صوته يغني باللحون الماضيات
ماطرب له من هوى قلبه فنون منوعه
كم تغنى والأماكن تسمع اصوات الشتات
والصدى في هالأماكن وحده يردد معه
صارت الحانه تردد في شريط الذكريات
والمحطات الجديدة كل مطرب تتبعه
عذب

[سامي الغنامي]

‏اثر العشاشيق لامن نامت العالم
اسموعهم فتحت وعيونهم قامت

جاين لهم وندقه مير الله العالم
مافيهم اللي تليفونه على الصامت

[صـدووودٓ]

صار الفراق وانتهينا على خير
وعيوننا -عاشت -وشافت - ودارت
مو كل شي بـ كيفنا لازم يصير
أشياء واجد م نبيها و صارت

[عذب]

مابقى في جعبة احلامي كلام
دامك اغتلت المنى واخرستها
كل ماجيت انده بصوت الغرام
شفة اصوات الوصال اسكتها
ماتت اللقيا قبل كف السلام
فرحة العاني بيدك اغتلتها

عذب

[النجلاء]

ياسلام على الشعراء وعلى ذويقة الشعر والمبدعين
صح لسانك ياسامي
وصح لسانك يالعذب
البندري و لعوبه
تسلمون ع الذوق المميز
لاعدمناكم يارواسي

[عذب]

على كثير البوح مانيب مكلوف
وماني على سرد الخوافي مكلف
اضحك مع العالم والاوجاع بالجوف
والقلب سره في ضلوعي مغلف
مابيه يدري عنه فاضي وملقوف
الي على زود الكلام يتعلف
لان العرب تقرأ عبارات وحروف
ماهمها من هو يصير المؤلف

عذب

[محمد الروقي]

فمان الله يالي لك بقلبي موقع الثلثين= وثلث لجل دمي ونت ياجراح في دمي

[البندري]

لو السهر يحشم .. سهر عين عشآق
مآشفتني ضآيق .. من أربع ليآلي


تدري وش آقسى شي فصدر مشتآق
لآصآر شوقةة .. مآدرى عنةة غآلي

[البندري]

طال البعاد ولع القلب فرقاك
ومن غيبتك صاب المولع مضره


اسهر طوال الليل واعيد ذكراك
واراجع الماضي وبالقلب حره


يذكر زمان فات بالخير وياك
الله يعيده لو بالايام مرره

[البندري]

ضــــــاقت الدنيا ولاعنــــــــــدي كلام

ياهي صعبه ضيقه الشخص الكتـــــوم

[البندري]

مابين صدري والمقآبر ( علآقآت ) ,

بالإسم وآلمعنى .. دفن آلضحيه ،

آلفرق إن المقبره تدفن أموآت /

وأنا دفنت أشيآء ب آلقلب حيه !

[الغلا دمي]

يارب ياساتر على الناس الاحوال
سترك ولطفك يوم نشر الصحايف

رحمتك يارحمن في يوم الاهوال
في موقفاً مافـيه حب و لايف

[البندري]

أبوي ربـــــــــانــــي على قــــوة البــــــــــــــــــــاس..,,
ركـــــــز شمـــــــــوخهــ .. في ثنــــايـــا طبوعـــــــي..,,

[عذب]

اتعبتني رحلتي بين الدروب
يامشاويراغترابي وينها ؟؟
كل خطوة تقترب منها تذوب
تاهت الأقدام وسط سنينها
بس اسابق رغبة القلب الشحوب
ماقدرت اوصل الى بعدينها
لوبغيت انهي عنا الرحلة واتوب
اشرت لي من بعيد يدينها
واقفه مع شمسها بنت الغروب
ترقد غياب الشفق بحضينها

عذب

[غزلان]

سلام يوصلك مني وين ماكنت ؛؛ ياللي عليك القلب زايد اشتياقه .. انشهد اني اعشقك ياانت ؛؛ غالي بحياتي ولك من الورد باقه !

[النجلاء]

جيت لك وبلٍ حقوق وجيتني كلك جفاف
وجيت ابشري كل مابك وجيتني بايع وعد
جيت اقدم خافقٍ يعشق تفاصيلك وخاااف
يوم حس ان السماء حولك يجلجلها رعد

[عذب]

ياما ظلمنا القلب والحب والشوق
وياما رسمنا من خيالات واوهام
لاصارت دروب الوصل كلها عوق
وش لون نكتب للغلا شوق وهيام
الشوق لو به شوق يأخذك للطروق
تسري بك الأشواق قدام قدام
قلب المحبة للمحبين ماسوق
على هوى الخفاق يمشين الأقدام

عذب

[البندري]

ترى البكا عقب القدر ماله أفعال
.................. كنك تحاكي واحدٍ فاقد السمع !

[البندري]

الياس حل و ماتت اليوم رجواي
.................... ولا عاد لي غير الصبر من وسيلہ
يا اللہ يا عالم ب سري و نجواي
......................... تشيل عن قلبيء .. هموم ٍثقيلہ

[محمد الغنامي]

هذي البيوت امزح بها على اخوي : محمد الفراج
وحنا جالسين نشرب كوفي في مول في (مانلا ) الفلبين
واحسن شي فينا يالاثنين شايلين الاسنان والحروف عندنا معدومه ههههه
وكل واحد يضحك على سالفة الثاني ههههههههه



اعاهدك مابوق لو انك تبوق=اقولها ياصاحبي من ميانه
السر خله يارفيقي بصندوق=تراه في صدرك سوات الامانه
لاتظهره ياعزوتي لي مخلوق=داره عن اللي مايجود لسانه
وارخ الريال ليا تمثنيت فالسوق=ولاتشتري ياكود دره ودانه
دور على الجزله لو الطاق مطبوق=للطيبه دايم وقار ومكانه
وان رحت براء لاتعزوا ببن روق=وليا رجعت لنجد خلك تكانه

[عذب]

اجيلك كل مايطلع نهار وتستفيق طيور
ولا القى شبابيك الغلا والحب مفتوحه
ابي وصلك ولاالقى على نهرالغرام جسور
على ضفة مساك انطربلهفة شوق مفضوحه
متى في ليلة اللقيا تفرح قلبي المكسور
تراها شوفتك تشفي كسيرالقلب وجروحه
تعال وكل ما فيني من حروف الغرام سطور
تزاحم بالغلا في خافق غناه في بوحه
عذب

[هزاع محمدالعاصمي]

لا يشغلك نظره ولا يشغلك بوح ...بعض الحكي احيان ماله معاني
كم واحدن كنت احسبه حسبة الروح...صدت به ظروف الزمان ونساني

[غطرسة قلم]

‏الصمت بوح لبعض حالات الانسان
يشرح له أحزانه .. و يشرح سروره

حتى ترى الشاعر وهو شاعر أحيان
يحتاج له شاعر .. ( يترجم شعوره )

[عذب]

ياحظ مابيني وبينك صداقه
يامعاندي وشفيه بينك وبيني
دايم تخليني على حد فاقه
وانا الذي لرضاك تندى يديني
مد الوصال وشد حبل الوثاقه
خلك معي ياحظ باقي سنيني
عذب

[محمد الروقي]

ونا ضمنت الشعر من هاك الازمان=قصايدي عند الرجال امخبوه
وفهم وعرف القاف لوشان ون زان= وضحك من الي كسر العام كوره
ياغطرسة شعر النبط مات ونهان = مع بعضهم يابنت بانت كسوره
ونتي بداية والبدايه لها شان= ارقي ولا انتي للنزول امعسوره
قافك لو انك في بدايتك فنان= هذي نصيحة من طلبتي لشوره

[الغلا دمي]

اما تجي خوه على العز والطيب
والا المصالح طيب راسي رفضها

الذيب يقنب جـوع ما يأكل الذيب
والا الضباع ضباع تاكل بعضها !

[غطرسة قلم]

تسلم يعطر فااح بريح ريحان=عساك تسكن في جنانه وقصوره.
.....وعذرا ع القصور....

[النجلاء]

اما تجي خوه على العز والطيب
والا المصالح طيب راسي رفضها

الذيب يقنب جـوع ما يأكل الذيب
والا الضباع ضباع تاكل بعضها !




صح لسانك يالغلا دمي
بيتين عن قصيده
تقديري لك

[عذب]

يارب تغفر ذنبنا مع خطانا
تمسح جميع ذنوبا صغاروكبار
وعلى سراط الحق تثبت خطانا
تكتب لنا الجنة ونبعد عن النار
عذب

[البندري]

صدّيت , لكن لا تشك بغلاتك
غالي عليّ , وإن كان خيّبت ظني


لو كان بيدي قلت خذني و هاتك
( بس المطالب ماتجي بالتمنّي )

[الغلا دمي]

يبقى الغصن لو مابقى فالغصن تـوت
تحرك انسام الذعاذيع صمته

[غزلان]

يا روح قلبي لك بداخلي عشق واشواق ..
يسوقني يمك شووق ورى شووق.

ي روح روحي لك القلب نابض وخفاق ..
يفداك ضي عيني يا ســــاكن المووق .