سجل حضورك ببيت شعر على ذوقك

[النجلاء]

http://www.mezan.net/forum/g11/01.gif



تجديد لموضوع سابق

سجل حضورك للقسم ببيت شعر على ذوقك

أن شاء الله يعجبكم الموضوع ونشوف تواجدكم وتفاعلكم

تقديري لكم

النجلاء

[النجلاء]

غنيت أنا من زايد الضيق موال
لين إنقطع صوتي من أسباب عبره

ويلاه أنا من ضيقةٍ تبرى الحال
مافاد صبر القلب وإن زاد صبره

ياصاحبي بنشدك والدمع همال
اللي كسير القلب يآكيف جبره

خلى الدهر قلبي للأوجاع مدهال
وضيّق على طير المعاليق وكره

ياطير كان الدمع في خافقك سال
شوف القلم سيّل من الضيق حبره

نكتب قصايد علها تطرب البال
وإثر القصايد للمواجيع نبره

مد الزمن من صالي الضيق فنجال
وماعاد بالموضوع ياهيه دبره

آما تقهوى من عنا الوقت واحتال
ولانصوم ونترك الوقت يشره

[النجلاء]

كني أبعد من نجوم السما وأقرب من ثيابك
يا عساك ويا عساني ويا عسانا و يا عسى الله

يا عسى الدنيا تموت وما يعيش الا ترابك
يا أحبك واعشقك واهواك وإلا يفتح الله

[محمد الروقي]

مشكوره النجلاء على تجديد الموضوع

[محمد الروقي]

يارجل لايتعبك مرقا المراقيب=مرقاي لطوال المراقيب عاده
عن راس رجم يشرح الصدر ما اغيب= وشوف البكار العفر راس السعاده
ان صحت بعلا الصوت جني نواديب=ون نوخت حطيت يدها وساده
يالله يالي عالم{ن}خافي الغيب= تزيح هم بالظلوع اجتهاده
من يوم ماتو باذلين المواجيب=والي بقا اضعف من دبات الجراده

[النجلاء]

الروقي
صح الله لسانك شاعرنا
تقديري لك
النجلاء

[محمد الروقي]

واالله اني ود ي اني مير حضي ماسمحلي=كل يوم اقول بكره ياعسى الدنيا تزين

[محمد الروقي]

تعالي مابقالي حيل والبعد انهك المشتاق=دخيلك لا يطول ابك الطريق ومنك يحرمني
انا ودي ولكن طاح من خضر الغصون اوراق=زماني ياعنود الصيد لو حاولت ظالمني
اخذتي باليمين وباليسار القلب والمعلاق=وجعل الله من حبك بعد ماذبت يطعمني
جرا ودك بدمي مثل مايجريبه الترياق=عسى الله بعد كل الي حصلي منك يرحمني
الا يازين وجهك والنحر والردف والبراق= علاج حطك الله لو قديم الجرح يسقمني

[محمد الروقي]

تعالي ياصغيره معك اجدد صادق الميثاق=حرام لو يجي مثلك معه ماخون ميثاقي
تعالي وسئلي حبر القلب والبوك والاوراق= على ودك تبا تشهد دموع البعد ووراقي
تعالي وقطفي زهر النفل من منبت الاشواق=انا عشقي لك انتي لو جميع الناس عشاقي
انا عاذر وبي عذرك ليا جاب النصيب فراق= ونا عارف مثل قلبك حرام حرم ما الاقي

[جولييت]

يع ــطيك الع ــآفية
ولآ ع ــدمنآ تميز انآملك الذهبية
دمت ودآم بح ــر عطآئك بمآ يطرح متميزآ

تقييمي***

[النجلاء]

ياطير شف درفة الشباك مفتوحه


تركتها لك مثل ماكنت خابرها


لامن خذلك الزمان وكثرت جروحه


لاتسأل أول جروحه وشو آخرها


تعال شف صاحبك قافل على روحه


بيبان الايام..والدنيا مسكرها

[محمد الروقي]

ضاعت حروفي ولا ادري كيف اعدلها= انا اشهدني وفي معك يا حروفي

[محمد الروقي]

العذر منكم كان طول غيابي=ودي وودي بس ماجت ودي

[النجلاء]

ودي أرحـــل وامتطـــي بعـــد المسافــــــــة
واصـــل المقصـــود لـــو خـــان الزمـــــان

واعشـــق التجديـــف لـــو جانـــي كلافـــــه
واجعـــل مــن الخـــوف فــي ليلــي أمــــان

واسقـــي العطشـان فــي صحـــرا جفافـــــه
واتعنــــا لـــــه ولـــو باقصــــى مكــــــــان

[النجلاء]

اخطيت في البعد كيف اخطيت
اخطيت يا قرة اعياني
افرض ولو كنت انا زليت
تبعد وتصبح علي جاني
يا غاية القلب ما حسيت
ما شفت همي واحزاني
ما شفت حالي كيف امسيت
ما شفت دمعي على اوجاني

[النجلاء]

‏​‏​‏​‏​‏​‏​​‏​‏​فديت قلبك .. لا تسولف عن الصد
عندي وعندك من جروح الجفاء خير

عطني علوم الشوق و الشعر و الود
مليت من صوت العتب و المعاذير

[مصرية وافتخر]

تلك كانت قسوة الظروف !!
كانت حرمان
كانت ضياع
اختناق الى حد الفناء !!
قسوة الظروف شيء!!
وغيابك في ميزان القسوة اشياء !!!

[النجلاء]

ارجوك سامحني على كثرة اخطاي
وارجوك تغفر زلتي يوم زليت
وارجع تراني راجع لك من اقصاي
وان ما قبلت برجعتي لك توفيت
اثرك معك صبر وعزيمه لفرقاي
وانا احسب ان مالك امل لوتحديت
جلست افكر في غيابك وش الراي
وحسيت مدري ويش انافيه حسيت
حسيت في ذنبي وفي عظم بلواي
وان الفراق يقول لي وينك امسيت
اخطيت في نفسي وفي وصفة دواي
وانا من جروح الزمن ماتشافيت
حاولت اصلح غلطتي بس ما امداي
حتى اعترفت اني تجاهلت واخطيت
والحين جيتك مندفع لك من اقصاي
وان ما قبلت برجعتي لك توفيت

[محمد الروقي]

8
صح لساانك لين ترضين

[النجلاء]

خذني معك لا اصير جسم بلا روح
حيث انها تقفى اذا اقفيت روحي
وارحم خفوق بين الاضلاع له نوح
عقبك يعلم ساجع الورق نوحي
ليلي يطول أن غبت من غير مصلوح
وان جا النهار اطول وعيا يروحي
لو ضامني وقتي ترى الوقت مسموح
وعيني تشوفك يا مداوي جروحي

سري بحبك دايم الدوم مفضوح
لو ما نطقت دموع عيني تبوحي

[محمد الروقي]

الا ياالله ياحي بعرشك والعباد تموت=تزينها ليا ضاقت محارفها بع زانت
والا ياالله يالي لك رفعت من الهجوس الصوت=تبدلها علي بخير ياربي بعد شانت

[النجلاء]

غلاك عانه وسم في داخلي وسمه
مكتوب فوق الوسم ( اغلا مواليفي )

منت اختياري ولكن صرت لي قسمه
الله كتب لي احبك ماهو بكيفي

[النجلاء]

لك مكآن لو عرفته مآهنى نومك وطآب
ولك حنين في فؤآدي من لهيبه آحترق

إن بغيت آكتب شعوري آنقفل للبوح بآب
ولآذكرتك بين نآسي غآب فكري وآنسرق

[النجلاء]

ميّل هنيّا مر في حدب الأضلاع
تقهو لك فنجال من فايح الشوق

ريح الغلى فيني مثل ريحة القاع
لا عاث فيها ماطر الغيم من فوق

[النجلاء]

يا سيدي لو قلت لك طاب ... ما طـاب
جرحـي ولكـن للضلـوع إكترابـه

ما غير أدرّج قلب مرمي ومنصـاب
وعيون خلـق الله مخالـب ذيابـه

الله يعلم ما ذكرتـك لـ/ الأصحـاب
ولو كان في قلبي من الضيق مابـه

ودّ العرب لو أفتـح لسيرتـك بـاب
وأنطقك مثل أهل الغـلا والصبابـه

لكن وحقّـك ليـن يغمرنـي تـراب
لأحفظك لو تمسي ظلوعـي خرابـه

بيني وبينك دم وعـروق وأنسـاب
ودونك قصر حظي ولا بـه غرابـه

أدون منّك حلم ما يـوم قـد جـاب
وشلون بتجيبـك حظـوظ الغلابـه

مدري ولكن يابعد كـل مـن غـاب
ماعاد فـ/ عيون الليالـي رحابـه

[جولييت]

و أترقب شوفتك بكل لهفة وشوق
فمتى تمطر سماك بدنيتي!

[النجلاء]

فـيـنــا كـبـيـريـن الـهــقــاوي يـظــنّــون
إنّــــا لــنـــا مــنـــزال فـــــوق الـنــوايــف
ومن شانهم ما نقبل المنزل الدون
والـوقـت مـدهـر والـمـزاهـب خـفـايـف

[النجلاء]

والسكوت أخفى معرفه والكلام مصيبه
كـان مـا بــه كلـمـةٍ يفـخـر بـهـا قايلـهـا
والنـشـيـد تـشـلّـه الـركـبـان وتـغـنّـي بـــه
كـل مـا غنّـوا قصيـدة قـيـل مــن قايلـهـا

[جولييت]

اشتقت لك يابعد كل ناااسي
حبك تاااج ياقلبي على راااسي

[النجلاء]

ياهجوس القلب لك عـدة ليالـي
مستبيحه في عنـاك ومستحلـه
مركزك بين الضلوع وماتبالـي
في محاجر تنثر الدمـع وتهلـه
الفرح مالـه قبـول ولا مجالـي
والحزن واضح ولا يبغـى أدلـه

[جولييت]

قرّب شويّه وإفتح إيدينك ،
وهاك (روح وشعور وقلب وأنفاس وعيون)
أمّا أكون فـ باقي سنيني، معاك
ولا عساني في حياتي ما أكون

[جولييت]

مآبه أحد لآ ضآق صدرك يسليك
إلا كتآب الله يشرح..{ حنآيآك

يعطيك من آيآته أحكآم تنجيك
وتعطر أنفآسك وتِزكـي زوآيآك

[النجلاء]

تمنيتك البارح على هجعة العربان
ابسهرمعك فى نوراخوك القمرساعة



لعلك ترد الروح للعاشق الولهان
قليل العزاروحة من البعدملتاعة

[النجلاء]

ولع رماد الشوق يامعذبي نار
من كان يحلم باشتعال الرمادي
ما كنت احسب انه يكون اللقا حار
لين التقينا واشبكتنا الايادي

[النجلاء]

http://forum.wnasa.com/images/icons/icon1.png لاغبت عني دمعة العين تبكيك
وان جيت يمي خافق القلب حياك
موج البحور ونسمة الليل تغليك
وشلون مايغليك شخص تمناك

[مصرية وافتخر]

من وجد قلبا يضمه فلا يفرط به !
كيف يقوى الانسان تبديل وطنه ؟؟؟
القلوب الوفيه والمخلصة كالاوطان
يجب ان نحبها ونحافظ عليها من العابثين !!

[ارجوان الحب]

‏اشتياقي لك نكهته مؤلمة ،
رجفته قويه ،
لم استطع مقاومته .. فَ بكيت

[محمد الروقي]

مؤلم ان تحب ثم تخلص ثم توفي

ثم تجد مايجعلك تخاف ان تنكوي فتفقد كل شي

[النجلاء]

على حر المشاعر وش بقى يا صدري المهجور
نساك الود وعروقك جفاف(ن) مالها والي

تمادى الليل بعيون السهر يالخاطر المكسور
وانا مملك من الماضي سوى همي وغربالي

مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالي

يطول الصمت ماحرك على بيض النوايا سطور
و انا مهما {’ تناسيت الزمن ’} لابد يطرالي

[النجلاء]

ياشين مس الشوق في كبد مشتاق
مثل الجمر لا شـبْ من تحت دلّـه

يبطي به العاشق من الشوق مافاق
ويحــط فـي كبــده ثمانيـــن علـه

[النجلاء]

في عيونك حياة وفي حروفك دفا
وفي شفاتك قراح لذةٍ للشاربين

حط ايدك بأيدي لين تـعرق وفـا
ضمني لين تسمع للمحاني ونين

[النجلاء]

على النوى علمي .. بهم هجـعة الليـل
نجل العيون من البكا كحلها سال

واليـــوم غـير اليــاس.. قـــل الـمــراسـيــل
يــا مــن يــطــمـّـني عـسـى لـيـلـهم طــال

الله عـلى اللي مـا صــفط لي غــرابـيـــل
لاشـك شــرع الـحـب همٍ وغربال

قـفّـــى ولي فــي حـجــر عيـنه تعـالـيــــل
تـقـــول يـا ذا الـبـعــد نـجـزيــك بـوصـال

وتــعلــقـت روحي الـلـيــالي الـمقــابيــــل
و يـا عنك مـا يـامـن مـن الـوقـت رجّـال

لا مــا عـلي لــو دمـــع عـيـني همالـيـــل
المـــوت دمـــع القـلـب لا صـار هـمــّال

[ارجوان الحب]

لِيتكَ { تُدرك } ..،
عَدِدِ تلكَـِ اَلـِ مَرَّات اَلتيِ بَكَيِتُ بِهَا
بِـٍ قَهَر وَ ـٍأإِناَ أُرَدِدِ : ـٍأإِحتَاجُكَ ..
وَ مَا سمِعنِي غِيرِ نَفِسِي !

[النجلاء]

غمّض عيونك .. ثم قرّب يدينك
من صدري اللي كن يصلاه .. شباب


ابيك تشعر .. كيف يشعر .. ضنينك
لا دورك .. بين المحاني .. والاهداب

[محمد الروقي]

انا ليا هوجست في مرتع الذود=ابعد ولا دري ليش تبعد هجوسي
اروح عند معزل الشط والعود=فيها ومنها كل جملة دروسي

[النجلاء]

صح لسانك ياولد روق
رآآآآآآآآآآآآئــــع

[النجلاء]

كل جرحٍ لاعني بـرده وشتتنـي خريفـة
تحرق ضلوعي مشاهيبة / و تطعني احرابـه

وكل طاروقٍ من الفرقا سقى نبضي نزيفـه
والله انه من وجع قلب الحزين / ومن مصابه

[ارجوان الحب]

تدري وش اللي يحتضر له وجـودي؟
.......................... ( غيّاب صبح ) .. بليلته كانـوا احبـاب

راحوا بعـد مـا جَمّعتهـم حـدودي!
.......................... شعب ونفر من موطنه .. والوطن ذاب

اعطيتهـم أرضـي ونبتـي ونــودي
.......................... وطشوني بلحظه ورى (صبح غيّـاب )

ولبَسنـي الليـل/ ( وبقايـا وعـودي؟
..........................دفنتها ) مـع كـل الاحـلام وعتـاب

[مصرية وافتخر]

هل ننتظر عيدا
لنقول لها فيه كم نحبك ؟؟؟
دعونا نجعل كلمة حبها
في كل يوم عيد لنا
نفرح به كلما نطقت قلوبنا
قبل السنتنا بالحب لها ""
امي كم احبك
كم احبك "" كم احبك ""

[النجلاء]

أحلى مقادير الزمن جلسة إثنين
يقضونها بين الدلع والمودة
هذاك يعبث في صدر كامل الزين
والزين يلعب في خيوط المخدة
مااحدٍ درى عن شرقة الشمس من وين
أحظانهم مع بعضهم مستبدة

[محمد الروقي]

يازين قرص النار من كف خباز= وليا قضى قالو علامه بلا ملح

[النجلاء]

قلب شغوف وطاري الشوق يضميه
وش حيلته لاتلـه الشـوق يمـك ؟

مل وتململ مالقـى شـي يرويـه
سراب عشق داخل الروح ضمـك

ياجعل ماغيرك من الناس يسقيـه
ولا يهتني به غير قلبـك و دمـك

[النجلاء]

مـن سـرت يمـي وأنــا مـالـي خـيـار إلا قـدرهـا
كـنـهــا كــــل الـسـنـيـن المـقـبـلـة والأولــيـــة

مـن غــدت هـمـي وأنــا مـالـي ديــار إلا ديـرهـا
جالـهـا بـيـن الضـلـوع الظـامـيـة روحـــه وجـيــه

جـادل(ن) كـل الـدروب المعشبـة تنبـت بأثـرهـا
جـت تبـي جـرح وقصـيـد وخـلـت الثنتـيـن لـيـه

مــن يحدثـنـي حـديـث الثـلـج للجـمـر بثـغـرهـا
والله إنـي كنـت نــاوي لــي بـهـاك الجـمـر نـيـة

من نشد هاك الوساع الخرس عن دنيـا حورهـا
وش جمع سحر الغموض بسودهـا والنرجسيـة

الـوكـاد إنــي بـشـط الـكـحـل غـنـيـت لبـحـرهـا
مـاحـلا هـوسـة هدبـهـا والـمـسـا والسـامـريـة

من يعلـم مستريـح الريـح عـن فوضـى شعرهـا
الحريـر اللـي كسـا هــاك المـتـون العسجـديـة

علـمـوه إن مــازح الـغـرة ونـشّـد عـــن قـمـرهـا
لايخاف إن شاف له ظلما وشاف الشمس حيه

[جولييت]

احتاج لگ .. مثل الدموع اللي تريح خافقي ,
واشتاق لگ مثل المطر ينزل على ارض الجفاف !

واحتاج لگ .. ضحگة طفل بريئ لگنه شقي ,
تدري غيابگ هزني وصاب وجهي انخطاف !

احتاج لگ .. مثل الگلام اللي يطيب خاطري ,
واموت بغيابگ قهر والروح بغيابگ تخاف !

[النجلاء]

إليا اقبلت برقٍ يسوق المخاييـل
وإليا ادبرت قلبي جروحه نقضها
الـثـوب قـــد ذاق الـعـنـا والغـرابـيـل
ومشـاعـري يـامــا ويـامــا نفـضـهـا
لكـنـهـا راحـــت عـسـاهـا تـسـاهـيـل
ماهي فريضه حكـم ربـي فرضهـا
يالله عـسـانــا فـالـلـيـال الـمـقـابـيـل
نلقى مع الركب المروّح عوضهـا

[مصرية وافتخر]

ضعون النسيان
حجة غياب ""
يعلمون كم نتعذب
من بعدهم ""
الا يحملون مثلنا
في صدورهم قلوب ""
قررت ان انتزعهم
من صدري واتوب
واتوب واتوب ""

[جولييت]

يالله يارب ومالي احد سواك اشكي لـــه

اسألك يارب تفريج هموم القلب ولوعاته

[النجلاء]

الصمت لو تدري وش اللي ورى الصمت
اكفاكـ عن بعض القصايد اسكاتي

ماهو دليل اني ونيس ان تكلمت
لو هو دليل اتعب لساني اشفاتي

ياما تهاونت الجروح وتبسمت
وأتحفت جلاسي بطرفة حكـاتي

ماقد شكيت الجرح ولا تظلمت
عشقت معنى الصمت عشقي لذاتي

هأذا وانا اللي في زماني تعشمت
حتى خذا مني عزيز امنياتي

كم خانني وجه الدهر ماتندمت
وش عاد لو إنه تزعزع ثباتي

يكفيني اني من جروحي تعلمت
من يستحق لسيتي وحسناتي

[محمد الروقي]

ايدعتي في الاختيار
وصح لسانك

[محمد الروقي]

المشكله لاصار عندك معاناة =ولا فاد بوحك في وضوح الخوافي
ون قلت جات وطال صبرك ولا جات=هذي هي الي صدق مامن عوافي

[النجلاء]

ياذا القمر ياللي علينا تضوّي
ماشفت زول حبيّبي بين الازوال

محتار بأمري يا عرب ويش اسوي
داله وسالي لين يطري على البال

لامن ذكرته زادت غيوم جوي
والدمع من عيني على وجنتي سال

[جولييت]

هي رساله علها توصل جنابك
الهوا غلاب واشواقي اسيره

[جولييت]

آهات قلبي عجزت عن وصوفه
ماعرف قلبي قدره لين رحل

[محمد الروقي]

ياقو قلبي على الزلات ياقوه=الصبر عندي على الزلات متعود
ياراس شي يعزك طالبك سوه=الطيب يرفع مقام الرجل ويزود

[النجلاء]

لو.. .غبت ماغاب الوله لهفته زوود

في.. .قلب من حلمه حبيبي وصاالك

موجود في نبضي وفي الروح موجود

لك ...داخل اعماااقي مكانه الحاالك

[النجلاء]

من رحلت! وريحة الذكرى تهب
ما ينـسيني من الدنــيا متــاع

لا يغرّك قولتي صدري رحب؟
كابرت نفسي على طيحة شجاع

روح : والذكرى محـطات الـتعب
والسكوت أحيان: للحكي القناع

[محمد الروقي]

تدرين لامني تعكر مزاجي=رسمت في فكري ملامح خيالك
وسولفت مع طيفك وراح انزعاجي=فالبال لك طاري عساني ابالك

[النجلاء]

صح لسانك ياولد روق

[النجلاء]

أنــــــا لهـــا شمس وأنــــــا لهــــا فيّ
وأنــــا لهــــا روح الجســد في بدنهـــا
يـــا ضي عيني يا بديـــلٍ عــــن الضي
مـــا أريد ضي العـين إن غبت عنهــا

[النجلاء]

مـا يسكن الياس في ضلوعي
ومن الصغر ما أعرف الياس
ومـا أقضي العمــر موجوعي
ومـا همني اللي يهــم النـاس
قلبي مـــن الصغــر مطبوعي
على الصعايب شديـد البــاس
وما كـــــل خطّــــاف متبوعي
ما إختــــار إلا عزيــزة راس
متوالفٍ نوعهــــــا ونـــوعي
يـــاكننا مفصلــــين قيــــــاس

[محمد الروقي]

يانيتي احسني ضنك وروفيبي=مدام صرتي بعين البعض خربانه
لو جربو جربتي رضيو عذاريبي=لكن ماجربو بالوقت وعوانه
احساس قلبي يعلمني ويدريبي=يقول شف جرتك وعرض عن الشانه

[النجلاء]

صح لسانك ياولد روق

[النجلاء]

مديت كفي للوصـل ماقصرتـه
لامانسيت الـود لوكنـت ناسيـه

واللي مضى من عشرتك مانكرته
دام الوفا طبعـي فلانـي مخليـه

في ذمتك تقوى الهجر لو طلبته
ولا أنت قصدك تختبرني بطاريـه

إلا الهجر ياصاحبـي ماقدرتـه
الهجـر بحـرٍ ماترسـي موانيـه

أرفق على قلبٍ بحبـك أسرتـه
الموت عنده اهون من فراق غاليه

ولاتنسى عهدٍ لك بحبي قطعتـه
مـد الوصـل لصاحبـك لاتعنيـه

رمح الفراق اللي بقلبي طعنتـه
لو تلمسه بيديك طابـت محانيـه

[محمد الروقي]

صح لساااانك عرفتي تختارين صح

اعجااااااااااااااااااااااااااااابي

[النجلاء]

صح قلبك ياولد روق من ذوقك الراقي يالغلا

لاخلا ولاعدم احساسك الراقي

[النجلاء]

" ياع’ـبرهـَ " يلعب بها الصمت . .[ والبوح ].
وتخفي " شفايف " صمتها بضيقه .[ البال ].


إلى متى .[ صمتك ]. يردك عن " البـوح "
وإلى متى " حزنك " مع الصمت .[ رحال ].

[محمد الروقي]

مادام مبسوط ونت بخير يكفيني = الله يزيك هنا ويوسع الخاطر

[النجلاء]

اقوم في ليلي واصبح على ليل
ومدري النهار اللي يقولون وينه

مشغلني اللي مشغل البال بالحيل
واخفت شعاع الشمس غرة جبينه

[النجلاء]

آلحلم عآجز .. وتغيير آلقدر : خوفه !
وآلحزن من وقت متربع على آكتآفي ،
آللي كسرني آلبعآد - شلون مآشوفه ؟!
وآنآ آرتويت آلجفآ : وآقول - متعآفي
مآعآد تفرق : اشوف آلموت وطيوفه '
مآدآم ... هزتني : آلضيقه - وآنآ غآفي
لو كنت .. آنآَظر لقلبه وآلمس : كفوفه
مآكآن : لآمن ذكرته - ترجف - آطرآفي ،

[هزاع محمدالعاصمي]

أهلن هلا والليل نور بمسراك =يانادرٍ عندي رفيع المقامي
تسلم وتسلم والفخر مثل شرواك =رمز الشرف دخيلهم ما يضامي
والخير في وجهك رسم في محياك =مسلسلٍ مابين خال وعمامي
وانت العديم إللي تنومس مزاياك =وانت الكريم إللي اعده احزامي
قلته وانا في غايتي اطلب ارضاك =وامدح رفيعين المقام الحشامي
انشهد ان الطيب اصلك ومجناك = احصان جامح في المراجل اهمامي
وختامها اطلب من الرب يرعاك =ياوحدٍ ارسل بطيب السلامي

[محمد الروقي]

مطلسمه ياهزاع وقويه
صح لسااانك يابو محمد

[محمد الروقي]

أمنول كل يوم اسمع سوالفها =واليوم مدري وش الي صدها عني
ماقلتها لجل اعاتبها وكلفها =لكن شي يحد الشاعر يغني
الناس تفضح دواخلها عواطفها=يعني هذاه اعتراف{ن} ونفضح مني

[عبدالله بن طلال]

جاني .. مثل ضحكة طفل في ضحى العيد ., !
...........و روّح .. مثل دمعه على [ خد شايب

[النجلاء]

صح الله لسانكم شعرائنا المبدعين

لاعدمنا شاعريتكم الراقيه

[النجلاء]

ليت الهموم المزمنات استكنـت
ماجابت الي باالهواجس يجينـي

لاهب ذعذاع الشمال استجنـت
ماعاد تقظب راجفاتـه ايدينـي

[محمد الروقي]

هذي هي الدنياء صواديف وكدور= الله يغثك يالحياه التعيسه
ان شفت بعيوني شعاع من النور= طبيت في غب الحضوض الخسيسه
مشكور يا يوم امس واليوم مشكور=علمتني قبل انزل الجم اقيسه

[محمد الروقي]

قالو شروق الشمس يعجبك قلت ايه=يطري على قلب المقفي طواري
يهزني شي تحرك طواريه = قالو تحسه قلت بالدم جاري
قالو وبعده قلت قررت اخبيه=عجزت اجاري مجريات الجواري
قالو وصبرك قلت ماعاد لي فيه= انا على لوع المقادير ضاري

[النجلاء]

صح الله لسانك ياولد روق

[~ألٌوتُيْنَِ~]

بلغۈه .. إن [ اڵمڛآفہ ] مآ تبعده عن خيآلے ¦
طمنۈه .. إن [ البعد ] مآينقص من غـلآتہ } .!!

[~ألٌوتُيْنَِ~]

الحاجه الم والبوح زفرة وجع
واالبعد غربه والوطن سيرة حنين

[~ألٌوتُيْنَِ~]

يآششين آلجرح لو جآني على غفلة من آلغآلين ..
يتل آلقلب من بين آلضلوع .. ويلوي ذرآعي ..

[النجلاء]

اقـلــط بقـهـويـك الـغــلا واقــــدع الــشــوق
جــمــر انـتــظــارك فـــــوح دلال مـغـلـيــك
قـاعـد لحـالـي بـيـن هـاجــس وطـــاروق
اطريـك واتضايـق واذا ضقـت اطريـك
هَــلا رفـعـت الـصـوت يـاحـادي الـنـوق
هَــلا شــدوت الـحــزن يـاسـاجـع الأيـــك
لـديــت عـيـنــي لـلـسـمـا رعــــود وبــــروق
ونـسـايــم الـغـربــي مــــن الــهـــم تـشـفـيــك
اثــرك مـعـي مابـيـن فـكـرٍٍٍ ومـعـلـوق
أحــيـــاك وأحــيــابــك وأحـــبـــك وأحــيــيــك

[جولييت]

اهلا بمن هو يسعد القلب طاريه

لوغاب قام القلب باسمه ينادي

مثـل الـقمـر يبهر بنوره مسـاريه

اذا ظهـر أهـيــم في كـل وادي

[جولييت]

محيت حبك وانهيت العلاقه
ماعااد لك حب باقي معايا
ابتعد عني بطيب .. ولباقه
وبهديك الرحيل .... وبقايا
من جرووحك ع شكل باقه
فيها حطاام قلبي والشظايا

[النجلاء]

الحب صدفه دون موعد ~ وتوقيت
يــبـرك على قلب البشر .. ثم يـفـلـي

وإن كان ماتعشق وفـا ؟ ماتهنيت !
وش تـنـفـع الدلــه بلا هـيل ؟؟ قــلـي

مثل العجوز اللي سنـعها بلا صيت
تـدعـي على العالم وهي ما تـصلـي

[محمد الروقي]

قسم ضحكت من بيوتك يالنجلاء

من جد ان شاعرها جزل وفكاهي وبحر

[النجلاء]

الروقي

دوم الضحكه يارب

واهم شي انها تعجبك

[محمد الروقي]

احس اني على قرع الطبول الصامته غنيت=ولا ياشين من غنا ولا سمعوه جمهوره
ابا حسب قيمتي في سوقهم ياكم وش ساويت=وباخذ من كئابة صدر بالايام كم دوره

[~سالفة قلبين~]

مآإنيَ : ملاقيَ !
منَ ؤرى َ غيبتگ ؛ خخخير ..!
لاغآإب حسسكَ ,
أسألَ [ الله ] السسلامهه

[النجلاء]

قالو شروق الشمس يعجبك قلت ايه
يـطــري عـلــى قـلــب المـقـفـي طــــواري
يـــهـــزنـــي شـــــــــي تـــــحـــــرك طـــــواريـــــه
قـــالـــو تــحــســه قـــلـــت بـــالـــدم جــــــاري
قــالـــو وبــعـــده قــلـــت قــــــررت اخــبــيــه
عـجــزت اجـــاري مـجـريـات الــجــواري
قـالـو وصـبـرك قـلـت مـاعـاد لــي فـيــه
انـــــا عــلـــى لـــــوع الـمـقـاديــر ضــــــاري

~~~~
ابيات اعجبتني لشاعر
محمد الروقي

[~سالفة قلبين~]

ســو خير وخل جرحــك في(( مــكــــانــه ))...
ولا تجي / مالي على شوفك مــــــزاج ...

كل شي اعالجه غــيــر (( الاهـــــأنـــه ))
هذي الي .. مالـــها عنــدي عــــلاج ...

[محمد الروقي]

ان شفت قدرك طاح من عين مغليك=اصبر وعبق الصبر تلقا البدايل
اما تزين وداير الوقت يرضيك=ولا على الخيال عسف الاصايل
وياك ثم اياك قولتك وش فيك = مايفهم المقصود غير القلايل
والعلم حطه وحفضه بين اذانيك=ايك سر{ن} ثم يقولون قايل

[جولييت]

حب البعض يسـكن فؤادي ومحتَلْ
داخـل شـراييني معـي يـا هلا بـه

خيره على روحي كما عارضٍ هَلْ
تمطر على روحي غمامة سحابه

[النجلاء]

لو كانت الدنيا تجينا على الكيف.......
......... لأرمي بما تملك ايديني خلافي
إن أدبرت شفت العنى والتكاليف.......
...... مثل الذي يمشي على الشوك حافي
وإن أقبلت جوها الخلايق ملاهيف.......
.......... لهفة ظما عقب السنين العجافي

[جولييت]

يقول القلب تغيره الظروف كذاب
اعذار يقدمها ب اسم ذيـــك الظروف
ماعمر الظروف فرقت بين الاحباب
الحب داخل القلب ماهو بذيك الظروف

ويقولون الظروف الظروف ..

[النجلاء]

لا تسالين الناس عن مغرم هام
في غبة اوهام بعيد مداها
تلوح له شمس الهنا بعض الايام
لكن ظلام الياس يسرق ضياها
يمكن بعد يومين يمكن بعد عام
نفسه تحقق في هواها رجاها
أو يمكن تضيع الحقايق بالاوهام
وتبيعه أيام بعمره شراها

[النجلاء]

دنياك لو ضاقت عليك وتكدرت
إصبر عسى صبرك يزيل المصايب

وان شانت ظروف الزمان وتحيرّت
مانته لحالك في زمان العجايب !!

انجح وسيله للزمن لو تبصرت
تقنع بما قدر كريم الوهااااايب

[عبدالرحمن الميموني]

سجل حضورك قبل اسجل خروووجي
يااقدمها كلمه مضت باليااالي

[محمد الروقي]

يازول تضحكبي ع شانك على جيب=ما اعطاك ربك خايف منك يازول
حنا تروح فلوسنا فالمواجيب =ونت عشاك اليا تكلف صحن فول

[النجلاء]

صح الله لسانك يالروقي

[جولييت]

أهديت لك قـلبي وروحي والايـــام
ماهي خسارة إن ضاع كلي عشانك

[جولييت]

ليلة البارح على شاطئ البحر
ناقص شوفك وتكمل سهرتي

ليتني وياك الى بعد السحر
فارس وناقص معايا مهرتي

[النجلاء]

ياذا السحاب الي معه برق ورعود
امطرعلى قلـب مـن الــود ضــامي
بـلل فيــاض الــقلب يـاديم بركـــود
برد لهيب من عنـا الشـوق حــامي

[~ألٌوتُيْنَِ~]

http://forum.hwaml.com/imgcache2/hwaml.com_1337857205_625.gif

[~ألٌوتُيْنَِ~]

http://alajman.net/up/uploads/753b18f009.jpg

[~ألٌوتُيْنَِ~]

http://img.el-wlid.com/imgcache/2013/11/724400.jpg

[جولييت]

مسجون قلبي بحبك بالله حررني

غلطان يومي سجنتك بين أضلاعي

[جولييت]

آهـ , ياشين الغياب ’لي فتح لي ألف باب .


باب من بحر الـ/ [ حزن ]

باب من آهـ وعذاب

[أوهــام]

صوتك إذا جاني وصبح عليه
يومي يزين وأمنياتي تحقق
عطني من أوقاتك حبيبي شويه
لا تقطعه وانا علي اتشفق

[محمد الروقي]

انا احمد الله دامني حي وبخير=باقي علومي كلبوها تساهيل

[محمد الروقي]

جزاك الله ياقلب ليا حبيت ماصديت= ولو قص الوليف الي هويته عرق شريانك
سنه تفرح ويطلعلك ولا ياليت ثم ياليت= قفلت عن االهوى من شان نبضك كل بيبانك
انا يحرم حرام ما اذكر اني للخطاء سويت=ولكن صم وريحني وفيه تكسب احسانك

[احلام]

يا من على شغف الفؤاد ترنما
واتكأ فــوق الجراح وتبسمــــا
وغرد مثــل الطيـور لأننـــــــي
من وقــــع آلامـي أتألمــــــــا
يامن نســـــى حبـاَ قد عاث به
حتــى ارتوى منه سلمـــــــا
ساب الجراح على حضيض فؤاديا
متجهماَ , لو قلت ياذا إرحما !!

[احلام]

أحبك....حبا كرائحة العنبر
حبا يتدفق كالشلال المنهمر
ملكت قلبي...سرقت عقلي
لا أستطيع أن أفكر أكثر
غلبتني....قتلتني
حتى نطق الصخر وتفجر
مهلا....مهلا...سيدي
فالحب سفينة لا أكثر
جمعت الجن والبشر
الحب ثروة لا أثر
الحب خاتمة القدر
أحبك سيدي....حبا لم يعرف في كل البشر
وسأظل أحبك....حبا يكبر
حتى نموت أو يجمعنا القدر


روح ولف الدنيا كلها
روح ودور بين اهلهــا

المحبة الي في قلبي .......... لا تظن تلقى مثلها

[النجلاء]

أنا ماشيّب بعيني .. كثر ماغابوا الغالين
وكثر ماطاحت الدمعه .. لاجل فرقا حبايبها

وكثر ما قالوا .. نشوفك اذا حنا من / الحيّيّن
تموت بعيني الدمعه حزن .. لعيون غايبها

[النجلاء]

عليك تسوقني لهفة وشـوق فـي سمـاك يطيـر
وقلبـ (ن) من غلا حبـك يـذوق المـر والحالـي
يانبض النبض ... من دونك ترى مافي حياتي خير
لأنك إنت ياعمـري الوحيـد اللـي علـى بالـي

[محمد الروقي]

اليوم مدري ليش يطريلي العام = اتعب ليا جتني بها ذكرياتي
ابني وسوي وفترش زل الاحلام= وضحك على نفسي وهذي حياتي
والله يجازي صدق دورات الايام =ضاعت وراحاحت بالفرح ومنياتي

[محمد الغنامي]

بعض العرب لو غاب ما والله انساه=تقنب له ضلوعي قنيب الذيابه
ينساق له قلبي من ادناه لقصاه=وينهب لذيذ النوم مني نهابه

[محمد الغنامي]

؟؟؟؟؟؟؟؟؟؟؟؟؟؟؟؟؟؟؟؟

[النجلاء]

الغنامي
صح الله لسانك رآآآآآآآئــــع
كماعهدناك

[محمد الروقي]

اذا خسرت بدنياك شي غالي عليك فتذكر هذا البيت


مخلوق بالدنيا ونا مامعي شي = وروح عنها مامعي شي منها

[جولييت]

يشتاق لك قلبي ولو كان ساهي
وطيفك بفكري ما يخالطه نسيان



اعزك دون البشر وانت غالي
وأقول عساك بخير يا أعز انسان

[جولييت]

يانفحة الشوق هبًـي لعنبوا حيّك
هبّي وصحّي معـاه احساسه البارد

ابيه مثـل اول اليـا ضقت م اشيّك
رقمه مع الصادر ورقمه مع الوارد.

[محمد الروقي]

كل يوم لي مع العالم طرايف=ياالله اني زابنك ويش الخطيه
مايجيب الحض لي غير الضعايف=الردي القلباني والرديه
لو انا مالي شروط ولاكلايف=بس وينك يالخوي ويالخويه

[جولييت]

اشـوف نـكـك بينـهـم و آتأمـلْـك
وابحر مـع مرسـى غـلاك وحنينـي

اتـابـع ردودك واقـبّـل تواصـلْـك
في نك زائر خـوف (ل) تحـس فينـي

رغم اني اتجاهلْـك واشعـر تجاهلْـك

احس فيـه شعـور .. بينـك وبينـي

ويوم(ن) سمعت ان اصدق الشوق يقتلْك
شرّعت لـك جوفـي وقلـت اقتلينـي

[محمد الروقي]

اضحك وسولف وفي الي مكفيني =ماودي ابين العله لشماتي
احدن يبي قلعتي وحدن يناديني = ماراح قد راح والله يستر الاتي

[محمد الروقي]

ياصاحبي لادق جوالك اليوم=ورديت قل للمتصل كييف حاله
ترا الشرا والبيع مفتاحه السوم =والصدق مفتاح الوفاء والشكاله
ماقلت قولي والمقاصد هو الوم= كل بخير وفي يدينه حلاله

[ارجوان الحب]

ﻟﻮ ﺎن ﻗﺮﺑﮏ ﻭ ﺎﻟﻮﺻﻞ ﺏ ﺎﻟتﻤﻨﻲ
ﻡ ﻏبت ﻋن ﻋﻴـﻨﻲ ﻛﺜﺮ ﻣا تﻤﻨﺎﮎ .

[النجلاء]

الروقي
صح الله لسانك مبدع لاعدمناك

[محمد الروقي]

صح كلك يالنجلاء

[الليل الداكن]

يقولون: حِصنٌ، ثم تأبَى نفوسُهم ـ ـ ـ وكيفَ بحصنٍ ، والجبالُ جموحُ
ولم تَلفظِ الموتَى القُبورُ، ولم تَزلْ ـ ـ ـ نجومُ السماءِ، والأديمُ صَحيحُ


الشاعر الجاهلي النابغة الذبياني

[محمد الروقي]

لو شفت في شي تبيه وخاطرك بنه يكون= زحمة قدم سج القدم يا هاجسي لا تقربه
انته عفيف وعفتك يكفي لها ضحكة سنون = اصبر وحضك ياقوي الصبر لازم تجربه

[ارجوان الحب]

لما قـالوا اسمك واسمي سوا ..!
فجأة فز بداخلي كل الحنين?
ومن سمعته تذكرت الهوى
وقلبـي عورني على ذيــك السنين <"(

[محمد الروقي]

ياصاح لا تسئل عن الجو وش فيه= ونته تعرف الي يعكر مزاجي
صبري قضا والوقت كثرت بلاويه = ون كان عندك صبر سد احتياجي

[احلام]

يا حبيبي فيك ظني ما يخيب

لو حصل من بيننا صد وجفا

شمس حبك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفا

لو تروح بعيد من قلبي قريب

في غرامك هام قلبي واكتفاء

في غيابك مشتعل مثل اللهيب

ومن عرفتك شوق قلبي ما طفاء

صدق إني وافي يا أغلى حبيب

صادق ما فيه مثلي بالوفاء

[النجلاء]

المَسألة ماهيْ على ضيقَة البال
أو اكتِئاب الصدْر وِ اطلالة الضيقّ

المِشكلة لا صرتْ تجهَل وِش الحال !
وَ انفاسّ جوفك ما قوتْ , بلعة الريق

[النجلاء]

سيّر غلاك , وجيت يمك مسيّر
الشوق وداني مثل ما أنت وداك
طول المسافه في عيوني قصيّر
مهما تطول , اقول تقصر وتفداك

[ابن البادية الليبي]

ماسألتك عن غيابك والظروف
لاأنى أدري مالها عندك ( سبب )

ولا ابي اسأل و تعطيني حلوف
خايف ذنوبك يزودها .. ( الكذب )

[النجلاء]

ابن الباديه صح لسانك
ذائقه راقيه جداً
تقديري لسموك
النجلاء

[النجلاء]

لا غبت عنكم بالمراسيل وابطيت
وصدت بي الاشغال عن كل غالي

لا احد يقول انك علينا تغليـت
لا والله الا من ظـروف الليالي

[مصرية وافتخر]

دعة الايام تفعل ما تشاء
وطب نفسا اذا حم القضاء
ولا تجزع لاحداث الليالي
فما لحوادث الدنيا بقــــــــاء

[محمد الروقي]

صحاني الي برشاشه ورا الزفه= الله يزفه عن الدنياء ومافيها
مافيه شيمه ولا نخوه ولا عفه = يمشي ورا حرمة في جنب مغليها
ومعها يلالي ومثله صفق بكفه= ويهز هز المره وش عاد تاليها

[النجلاء]

صح الله لسانك ياولد روق

[محمد الروقي]

صح قلبك يالطيبه

[النجلاء]

يا وليف الروح قلبي ما نساك
والله إن قلبي بحبك ما سلا

إنت عارف وش محبتك وغلاك
في خفوقي ثابت حب وغلا

[محمد الغنامي]

يسعد صباح الحلوه المزيونه=اللي هواها صابني وأشقاني
اللي عيوني لو تشوف عيونه=ماعاد اطالع فالعرب من داني

[النجلاء]

الغنامي
صح الله لسانك

[محمد الغنامي]

صح بدنك يالاميره

[محمد الغنامي]

ياللي عيونك تذبح العشاقه=ارخ الهدب لاجيت تذبح طيرك
دامت عيونك للقل مشتاقه=يحق لك مالا يحق لغيرك

[محمد الغنامي]

مادريت اني أحبك لين شفت الغيره=نقزت فيش المخيخ وقصت فيوزاته
عقب ماقفت هواجيسي وجات مغيره=صرت علقكه في ضروس العالم الشماته

[محمد الغنامي]

أستغفر الله وش هالضيق في صدري=راحت طواله عسى ربي يفرجها
الضاهر الضيق عاشقني وانا مدري=ضلوع صدري ملجمها ومسرجها

[النجلاء]

الغنامي
صح الله لسانك ودام الابداع

[النجلاء]

لادقّ في صدري من الشوق هوجاس
دقيت هاجـــوس القصـايد / بصدّري !
وارخيت شعور القصايد بالأحساس
وخليّت من لا يعرف الحب / يدري ..!

[احلام]

يابدويه.....


قالت الله لا يهينك انت خابرني بدويه
ماأحب اللي يمسس غترته ويزبّط عقاله

انا ودي ببدويِ يمشي بدمه حميّه
لاتعزوى بالقبيله كلهم صاروا عياله

البدو غالين عندي لو حصل منهم خطيّه
الولد فيهم يساوي شيخ ِ بجاهه وماله

قلت انا انعم واكرم ماكذبتي يااجوديّه
سجّل التاريخ عنهم البطوله والجماله

لكن الله لايهينك لاتناسين البقيّه
الحضر رجالهم ياوسع صدره وطول باله

في المواقف انشديني مايتخلى عن خويه
لافزع ماعاد يدري من وراه ومن قباله

وضيفهم يبشر بعزه والوفا المقدريه
كل واحد يسبق الثاني ولاندري بحاله

قالت اكبر عيب فيني يالحضر النرجسيه
مااظن احد بيغرني بطبعه او جماله

انا احب اللي زهابه حاجتين وبندقيه
يفتخر بالذود ويسرح كل يومِ عن حلاله

وان لفاه الضيف شاف الفرق شاف الناس حيه .
إبدوي ِ صوت نجره اطرب الطرقي وعناله

قلت انا ليه اختلقتي فرق وسويتي قضيه
الكبر لله والمؤمن ضعيفِ براس ماله

يا بدويه الجروح اللي من اسبابك نديه
والخفوق اللي تحرّى جيتك يا ما جراله

والعيون اللي تمنى شوفتك صارت شقيه
والفراق اللي بليا ذنبِ يذبحني لحاله

قالت الله لا يعاقبني انا بنتِ بريه
من السوالف كلها والحب وين اللي وفاله

ياولد لاتحسب اني جاهله ولا غبيّه
الهوى ماهو كذا والحب انا مابي مجاله

انا اخوي إن قال اخو فلانه عرفت اني بدويه
تجتمع رووس العرب له من يمينه وشماله

وسلامتكم

وصح لسان قايلها
منقووووله

[ابن البادية الليبي]

ما كنت ممن يدخل العشق قلبه
ولكن من يبصر جفونك يعشق
‏

[النجلاء]

آشب نار الفكر وأزيدهـا نـار
وآحمس عليها هاجسي وإنشغالي

وأدق حالي كنهـا بـن وبهـار
صفيتها واركزتها فـي خيالـي

واليّا استوت دلة نصيبي والأقدار
آبا اتقهوى قسمتي مـن دلالـي

[محمد الروقي]

ورا القصيد الي منول على البال =مع ضيق صدري رافض لا يجيني
يالله يامعبود ياعالم الحال =ياعالم سر الضلوع الدفيني
تفك ضيق زاد ومع الصبر طال=ونك على حمل الثقايل تعيني

[احلام]

تعال أحتاج أسولفلك عن الأيام وأشكيلك

وأفض غيم الحزن وأنثر حنين الشوق بقبالك

تعال وحط في قلبي هموم الفرقى وأشيلك

لأن القلب ماهو قلب إذا في نبضه ما شالك

وقف دمعي من عيوني أبي من عينك أبكيلك

أخاف أبكي من عيوني وأبعثر جية وصالك

[محمد الروقي]

قالو علامك قلت مابي علاما =من عقب كانو عن خوافي يدرون
يابوك من دنيا عليك السلاما=منون يادنيا الصواديف ممنون

[جولييت]

صباح الخيروالدنيا تدور وهالفلك دوار
وجعله كل ماطال الزمان يحقق احلامك
حبيب كل ماجاني يغني له حمام الدار
وانا اردد مع انغام الحمامة عاشت ايامك

[محمد الروقي]

ياحي يامقفي على عزفة الناي = ترا الكلام بلاش والقول مغري
لكن تبطي عظم ماجاك شرواي= انكان ماتدري انا طيب ادري
تدري اعرفك سبت الجرح ودواي=ودري غلاك مطوق كل صدري
تبعت لين ازريت وحترت فالراي = وليا عطيتك راي بنهان قدري
يااضاحك{ن} بوجيه الاجناب بلاوي= ان قلت اغار اقبل من القلب عذري

ا

[احلام]

كم هي صعبة تلك الليالي
التي أحاول أن أصل فيها إليك
أصل إلى شرايينك
إلى قلبك
كم هي شاقة تلك الليالي
كم هي صعبة تلك اللحظات
التي أبحث فيها عن صدرك ليضم رأسي

حبيبي
الشوق إليك يقتلني
دائماً أنت في أفكاري
وفي ليلي ونهاري


صورتك
محفورة بين جفوني
وهي نور عيوني
عيناك ..... تنادي لعيناي
يداك ..... تحتضن يداي
همساتك .. تطرب أُذناي

[محمد الروقي]

سلام كيف الحال وشلونك اليوم=لعل مابك باس وبخير يازين
دامك سعيد ابيه ترا منت ملزوم= افرح وسجلني بكشف المقفين
ابا اقضي العمر الشقي سهر وهموم=ون مر طيفك قلت من وين لاوين

[النجلاء]

صح لسانك ياولد روق رائع لاعدمناك

[النجلاء]

اخاف ابوح بسـر قلبي و شكواي
و تصير نفسي بين ربعي ذليله

اضحك ودايم بسمتي تسكن شفاي
و من شافني قال محدن مثيله

و انا بجـوفي هـم و النار بحـشاي
و الجرح ينزف و الليالي طويله

[محمد الروقي]

سلم ذوووقك

[النجلاء]

من ذوقك الراقي ياولد روق
,
’
قال السراب وقلت ظامي لسـرابه
قال الهلاك وقلت لعيون الاحباب

يا لايمي في حب متـرف شـبابه
الموت حق ولاتبـرق بالاسباب

كانه ذبحني صـاحبي من عـذابه
ماابي لدمي يا هل اللـوم طلاب

الـجادل اللي فيه زيـن ومهابه
يفز له قلبٍ .. وتخضع له أرقاب

في حجر عينة لي غديـر وسحابه
وفي وسط قلبي له تناهيت وعتاب

إن قلت أحبه يكفي القلب مـابه
وان قلت أنا مابيه .. باصير كذاب

[محمد الروقي]

8
8
والله اني لعلم عليك انك شاعره
ان ماجبتي بيوت لك هههههههههههههه

[النجلاء]

هههههههه الروقي الشعر لهله انا مجرد متذوقه
ويكفيني استمتع بقصايد شعراء رواسي

[احلام]

يامحمد يااصيل =مقامك عالي وغالي
كل بنات رواسي =تبيك ويش اسوي انا في حالي
النجلاء تقول بنت العم وفتفوفة =موزة ونا تاركني من الاحزان اعاني
يا تلم نفسك يا راح اشتكيك للعالي
هههههههههههه شورايك في شعر

[محمد الروقي]

هههههههههههههههههه
الله يسعد قلبك يا احلام ورب العرش ضحكت من قلبي
وقلبي تعباااان ربي يسعدك

[النجلاء]

هههههههه صح لسانك ياحلومه
والله انك خطيره يابنت المغرب

[احلام]

ربي ايشافيك يالغالي ويخليك

[ارجوان الحب]

روحي عني مناك ي المغربيه .. ترا بنت الجنوب فيها الدلع الغنجريه
واللي خلق الكون واللي فيه .. غير دلعنا عيالنا حايسين مو ليه
في طبخي ماتوصلون ليه .. خبز التنور والعصيده والعريكه
وترا انا بنت الجنوب الاجوديه .. في دلع ها الكون عربجيه


ههههههههههههههههههه
ع بالكم انتم بس شعار هاه شوفي انا كيف
اطيح عيون السيح من فوق السماء
ههههههههههههههه

[محمد الروقي]

جعل ربي منك مايحرم عيوني = ياجميله منك حملت الجمايل
ياوفيه فيك ماخابت ضنوني= ياسند عزم عجز والحض مايل
والله اني لو بغيرك خيروني=لحلف انه مثل مخلوقك قلايل
من يلوم الي بشرواك احسدوني=يرفعون الروس لمهار الاصايل

[ارجوان الحب]

خلني بين الثريـا و السحاب
و الهجوس اللي خفوقي ضمها
اسرج ركابي و أنادي للسراب
و أحتمل كبر الطعون و همها

[النجلاء]

جعل ربي منك مايحرم عيوني = ياجميله منك حملت الجمايل
ياوفيه فيك ماخابت ضنوني= ياسند عزم عجز والحض مايل
والله اني لو بغيرك خيروني=لحلف انه مثل مخلوقك قلايل
من يلوم الي بشرواك احسدوني=يرفعون الروس لمهار الاصايل





الله الله
صح الله لسانك ياولد روق
اعجز وانا اقول روعه

[محمد الروقي]

لاعدمتك حضورك نوماس ورفعة راس

[صـدووودٓ]

بعض الشوارع لاهدت .. مرت بها الذكرى سراب
تأخذ خطاوينا وله ../ وتردنا كسرى قلوب !

[محمد الـفراج]

غـردي لــه يا طيور الورق عــني
زخـرفيها بــالـمـدوح ولـحـنيـــها
جادلن لا جيت ابوصفها وغــني
ابتلشت بوصفها من وين اجيها
كل شي في هواء بالي فـتني
من حلاها ما لقيت الشين فيها

[محمد الـفراج]

:heart::heart::heart::heart:

[ارجوان الحب]

اقطف لك الورد وانت بعيد واشمه ،
واتذكرك في : سواليفك وبجنونك !!
واجمع كلامي وتطري اغنية شمه
لاجيت ابكلمك ( نستني عيونك ) !!

[النجلاء]

غـردي لــه يا طيور الورق عــني
زخـرفيها بــالـمـدوح ولـحـنيـــها
جادلن لا جيت ابوصفها وغــني
ابتلشت بوصفها من وين اجيها
كل شي في هواء بالي فـتني
من حلاها ما لقيت الشين فيها



الله الله
صح الله لسانك يالفراج
رائع لاتحرمنا جمال مشاعرك العذبه

[النجلاء]

اسـهــر واعــانــي والـخـلايــق يـنـامــون
مــن سـبـة الـلــي فـــي غـرامــه بـلانــي
يــتــل قـلــبــي دون رفـــــق ٍ ولاهـــــون
مـــــزع مـعـالـيــق الـخــفــوق وطـــوانـــي
لاشفت زوله طحت قمت اطلب العون
وان صابـنـي فــي سـهـم حـبــه رمـانــي
قـــرم وُفـــي فـيــه الـوسـامــه ومــزيــون
اصــلــه عــريــب بــكــل شــــيِ دهــانـــي

[النجلاء]

لا ضوى ليلي ونامت عيون الغافلين ..
طار نوم العين وإدموعها في موقها ..

مشكلة بعض الهموم الخفيه ماتبين ..
لين يأتيها ظلام المساء ويسوقها ..

ولا بغيت النوم حزة منام الهاجعين ..
جرت النفس الحزينه لحن طاروقها

[محمد الروقي]

كبيره منك في حقي ولا ادري كيف ارقعها= ونا الي في طوال الشامخات النوب ميكاري
طلبتك ثم طلبتك في حشاء مغليك سنعها =ونا ماني بذاكرها ولا جايلها طاري
ابا ادفنها بصدري عنك ونته لا تطلعها = تراني من قديم الوقت لجروح العنا ضاري
ولكن دوك كلمة ياعساك اليوم تسمعها=على قلبي سرا لليل العنا والهم سماري
ابا اسر ي مع جروح الوقت يامشكاي وقنعها =عساها تحترك من قلبي الي عندك ال غاري

[جولييت]

صف النوايا واذكر اللہ ترتاح ..
واللي تشوفه قابلہ بـ ابتسامة ..
خلك وسيع الصدر طيب ومزاح ..
ترى الزمن ما يستحق الملامه ..

[جولييت]

الوله والشوق؟ وحـروف الغـرام!
تنتثر في دفتري.. لامـن طريـت..
يا حبيبي ليـه؟ تشّقينـي حـرام..
يشهد الله غير حبك.. مـا بغيـت..
جيت كلّي شوق.. واحساس وهيام..
جيتلك لو كان.. في بعدي نسيـت.

[محمد الروقي]

احس انه تغير كل شي كنت احبه في= الا ياوين هاك الضحكه الي كنت اداعبها
ليا جيت ابحث القصه ودور كل شي لي = فقدت الكل والي كنت بالقيفان الاعبها
انا والله ماني سي لكن الزمان السي= لليال الوقت ترعبني ونا الي كنت مرعبها

[النجلاء]

جولي انتقاء راقي ياراقيه

[النجلاء]

الروقي
صح الله لسانك يارائع ودامت مشاعرك العذبه

[جولييت]

ﺗﻌﺎﻝ ﺍﺿﻤﻚ ﻭﺍﺣﻀﻦ ﺍﻟﺮﻭﺡ ﺑﺸﻮﻳﺶ
ﺗﻌﺎﻝ ﺍﺣﺒﻚ ﻛﻞ ﻣﺎﺍ ﻓﻴﻨﻲ ، ( ﺍﺷﺘﺎﻕ )

ﻣﺎﺑﻲ ﺗﻘﻮﻝ ﻣﻘﺪﺭ ﻭ ﻣﺪﺭﻱ ﻭﻻ ﻟﻴﺶ
ﻗﺮﺏ ﻓﺪﻳﺘﻚ ﺗﺮﻯ ﻛﻠﻨﺎ ﺣﻴﻞ ﻋﺸﺎﺍﻕ

[جولييت]

قالوا علام القلب متولع فيه ؟
دور لعل القلب يغلي بداله ..؟
قلت الغلا ماهو على كيف راعيه
لوالغلا بكيفي قلنا حلاله ..!

[جولييت]

عطرك ، دموعك ، ضحكتك ، أغنيآتك
تزورني .. وأذبح لهآ [ وحشة الليل ] !

وشلون أبهرب من سجن ذكريآتك
و أنا مكبّل بـ الوله .. و التفآصيل !

[النجلاء]

فيني مـن الحـزن مـايكسرسنـام البعير
الـلـي عليـة العرب تضرب بـه أمثالها

من ذكريات الزمان ومن عذاب الضمير
ثـنـتـيـن مـاخلن أحوالـي علـى حالها

[محمد الروقي]

الله يعينك النجلاء
وصح لسااااااااااااااااااااانك


يمكن يجيك الخبر بكره يقولون مات==ون صار,, قل ياعسا الي راح له يرحمه

[ارجوان الحب]

العمى لعيون من يبغض عيونك
وانت عينك سم باسم الله عليها
سعد عين اللي يمرون ويجونك
ولأ أنا لو جيت صوبك رحت فيها

[النجلاء]

اشغلتنـي ياهـم واسهـرت عينـي
من زرتني والنـوم مايدخـل المـوق
لازارنـي همـي وبـيـح كنيـنـي
خذيت لي لا هـود الليـل طـاروق
امـا اِلعبـه مسحـوب ولا هجينـي
من ضيقتي ماهو من الوله والشـوق
ياحسرتي ياما مضـى مـن سنينـي
والله يستر لايجـي الطـاق مطبـوق

[محمد الروقي]

ياهيه ياهيه يالي ماش من قدك=وشلون ابا احيي مشاعر مات راعيها
انا اعرف انه مهو ودي ولا ودك =لكن اشوفك ونا وشلون اسويها
امنول اسوي المرزام في خدك=ون صدت اعيونك النعاس اناديها
وسحبك من كثر ما اغليك انت وردك=ودفي البنت بين ظلوع مغليها
واليوم كانه هذا يازين ماسدك= ابشرك في جروح شف مواريها
بانت بقلبي ونا معك انت لا ضدك=لكن دنياي يا مكثر بلاويها

[النجلاء]

صح الله لسانك ياولد روق
مشاعر صادقه ونابعه من قلب وافي بالحب والاخلاص
تقديري لك
النجلاء

[ابن البادية الليبي]

ياقوم إذني لبعض الحي عاشقة ...والأذن تعشق قبل العين أحيانا
إن العيون التي في طرفها حور ....قتلننا ثم لم يحيين قتــــــــــلانا

[محمد الروقي]

صح قلبك يابنت العم

[محمد الروقي]

الوفا يامر عليه وينهاني وطيع=نعنبو حي الوفاء لا حكم رجل وفي
كيف اخليها ونا راعي الصدر الوسيع= الجمايل ردها هو هذا كل هدفي
الجميله عند شيالها صعبه تضيع= والامور الثانيه جعلني منها عفي

[النجلاء]

صح الله لسانك يالولد روق
كفيت وفيت وبيض الله وجهك
تقديري لك
النجلاء

[حمد الخالدي]

وجدي على شوفة عيونك ولقياك
وجد الفقير اللي عجاف ن ظروفه

مديون ما يرجي التباهي بالاملاك
عفيف نفس وكن عيني تشوفه

فكره تنقل بين هذا وهذاك
ما جاب طاري نكبته في حروفه

لو بامدح اللي في يده قال يفداك
نفسه على مد الجزايل شغوفه

يقدم أزهار الوفا لو الاشواك
جت له من اللي شايلتهم كفوفه

راح متعني فوق جمسه ل...اك
لعيال عمه ناقصين المروفه

قالوا يبه فراج راع السلف..جاك
كشر بوجهه جاك ينفض كتوفه

والمشكله بأسمه يعينك ويبلاك
فراج..لكن من يفرج ظروفه

[النجلاء]

صح الله لسانك يالخالدي
رآآآآآآآآآآآآآئـــــع

[محمد الروقي]

لو التمني ينفع الي تمنا == حرام للزعج حارتي بالمناوي



ونت صح لساااااااانك والله يحققلك رجاك
تقبل مروري والتقدير كله

[النجلاء]

اسجل حضوري بأبيات لشاعرنا
محمد الروقي
عليك الله ومانه وقفيلي ياعنود الصيد
ابا احكر سكبة المرزام في خدك ونا عجلي
تراك بعين شاعرك العتيبي سيدة للغيد
ولو اعرف طريقك والله اني لمشي ابرجلي
على شانك ومن شانك على رجلي قطعت البيد
ابا منك الرظا ء والقرب ونتي وافقي لجلي
تراني صرت مافرق بعد ودك بزيد وعيد
على شاني هو اء بالي طلبتك بس غنجلي

[النجلاء]

يامنتهى الذوق كلــــمني وخبرني
عن صحـــتك ياأعز الناس وأغـــلاها
وعن زايد الشــــوق طمني وبشرني
وعن المحــبة بقلــبك كيف دنيـاها
حي الله اللي ملك روحــــي وسيرني
على دروب الغـــلا والنفــس يدراها
لاناموا الناس طيفك جـاء يسهـرني
ونفــسي على درب وصلك طـاب مسراها

[محمد الروقي]

8
8
صج لسااااااااااااااااااانك

[جولييت]

تذكر ان لك قيمه وحشمه وتقديـر
ومعزّةٍ في خافقي ( ماهي بشوي ) .!

[جولييت]

أبادلك يا غايتي حس واحساس
وشعور مع حرف مع الشعر محسوس
.................


في ليلهـ يا برق الالماس
أهديك همس الحب بالنبض ملموس
..............

اليوم وأنت حب مغروس بأنفاس
في وسط شرياني مع الدم مغموس
............

الك الغلا والحب يا غالي الناس
خلف الحنايا وداخل القلب محبوس

[محمد الروقي]

عليه آلعيون مـن آول آلصيـف مـدرآره
سـحـآبٍ تـرآيـع مقـدمـه وآنتـثـر وبـلـه
تحت كل روض قآم يزعـج علـى جـآره
آلين آلتوآ غصن آلخزآمى علـى آلربلـه
آبرجيـه حتـى يبـلـع آلــوآدي آشـجـآره...
وتسير آلجبال وتشرق آلشمس من قبله
وجـودي لوآنـي بـيـن يمـنـآه ويـسـآره
وجـود آبـدوي حآلـو آلـقـوم دون آبـلـه
[ تصد آلنفوس آللي مـن آلشيـن نفّـآره
مثل صدّة آلطيـب عـن آلكلمـة آلخبلـه

[جولييت]

اكتب شعر واعزف من { اشواقي الحــآن }
واسلي قلوب الغـــرام الحزينـــهـ ..

ولو الشعر مخلوق في { هيئة انسان }
والله لأقول له تسلم { واقبل جبينهـ }..

[النجلاء]

صح الله لسانك ياولد روق


جيتك سحايب حب واشواق واحساس
جيتك قصايد تحتوي كل ذاتي
جيتك لااني شفت فعيونك الناس
واصبحت ناسي والاهم في حياتي

[محمد الروقي]

دنتي شاعره يابت
ههههههه من عاشر القوم
صح قلبك لا عدمتك والله

[النجلاء]

ياصاحبي شفت الغلا فـي عيونـك
مدري.. ولكـن المحبـه مقاديـر
معجب ولاخابت اظنوني ظنونـك
حسب الشعور اللي معي دون تبرير

[محمد الروقي]

كلن يروح ويجي يبحث عن احبابه=ونا رواسي مكاني ماتغيرنا
يالله يالي له العربان طلابه= ياعالم ويش بالدنيا محيرنا
تحل حض وقف وتسهل اسبابه=ونك على درب رجوانا تسيرنا
الصبر ماعاد ليبه طالت انشابه= والشور مانسمعه من كذب شايرنا
اليا لقينا صديق كشر انيابه =تشربكت باعاواذلنا دوايرنا

[~ألٌوتُيْنَِ~]

*»

آلبلٱ .. مٱ هو منّ ( فرآق ) آلحبيبّ . ,
آلبلٱ .. لٱ صآر قلبه ,
مٱ يحّن `,ْ !

[~ألٌوتُيْنَِ~]

زمانك لو صفالك يوم .. فلا تحسب صفالك دوم
وعينك لا اهتنت بالنوم .. ترا الأيام غدااااااره

[محمد الروقي]

ماعلينا
من بغانا منزله بين الضماير

ماله الا
شي واحد والله انا مانخون

ون رحل
يطلب بدلنا كن مابه شي صاير
عنه
يانظم القصايد غيري طرق الحون

[محمد الروقي]

اتخيلك صورة في عيوني = تبتسملي ونا شفق لها

[جولييت]

‏العفو منكم ياحبايب والسماح
من الخطاء مافيه احد معصوم
ان جاتكم زله في العمر لي راح
واليوم اهنيكم بشهر الصوم"

كل عام وانتم بخير

[النجلاء]

وانتي بخير ياجولي
تقبل الله منا ومنكم صالح الاعمال وجعلنا من عتقائه من النار

[تلميذة الايآم]

بعض العرب لو فرّشوا مايبوني..
وبعض العرب لو اني على الشوك مااضيق./

[النجلاء]

تعيش بالوجدان ما عاش هالراس
لولاك قلي وش انا عايش(ن) له

إن زانت الايام يا شوق لاباس
ولاّ صبرنا لين ربك يحلَّه

[تلميذة الايآم]

وان كنت لم تشرب مرارا على القذى.,/
ضمئت وأي الناس تصفو مشاربه,,

[محمد الروقي]

ياغنج وشبك ماتسلم عليه=ترا الجفاء يحسب حساب الخطيه
الزين لا يطيغيك ياكاحل العين=ونا المولع فيك تخطي عليه
الله خلق فيك الحلاء والغناجه= والله يلولا الخوف لاخذ قضيه
اخطفك غصب عنك والناس هجاع=وقول انا المجرم وهذي بريه
وقول فيها زين ماهو طبيعي =ملح ودلع مافالمخاليق زيه
العود موز كل ماهبت النود=قام ايتمايل يلعب الديلحيه
والصدر ياويلي من الصدر ويلاه=تكفون قولو ويش بس السويه
والعين فيها سم قلبي وشره=اكيد ثم اكيد ماهي حضيه
والشط شط حوير{ن}عانق امه=لا غنجت وقفت كوا القلب كيه
قولولها تكفون ياخلق تكفون= الود قبلي شال ضلعة طميه

[عذبة الاحساس]

مثل المطر ياصافي القلب طاريك
يغسل هموم النفس ويروي ظماها

[النجلاء]

ياغنج وشبك ماتسلم عليه=ترا الجفاء يحسب حساب الخطيه
الزين لا يطيغيك ياكاحل العين=ونا المولع فيك تخطي عليه
الله خلق فيك الحلاء والغناجه= والله يلولا الخوف لاخذ قضيه
اخطفك غصب عنك والناس هجاع=وقول انا المجرم وهذي بريه
وقول فيها زين ماهو طبيعي =ملح ودلع مافالمخاليق زيه
العود موز كل ماهبت النود=قام ايتمايل يلعب الديلحيه
والصدر ياويلي من الصدر ويلاه=تكفون قولو ويش بس السويه
والعين فيها سم قلبي وشره=اكيد ثم اكيد ماهي حضيه
والشط شط حوير{ن}عانق امه=لا غنجت وقفت كوا القلب كيه
قولولها تكفون ياخلق تكفون= الود قبلي شال ضلعة طميه




الله الله الله

شنو هاالزين ياولد روق
صح الله لسانك الى الابد
شهادتي فيك وفي شاعريتك مجروحه مهما اقول
دام هاالابداع والعذوبه

[محمد الروقي]

الزين بعيونك لا عدمتك
مرورك وسااااااااااام عساني ما اسمع بيومك

[ارجوان الحب]

طريت لي ، نفدآك يَ نعم الطرى
ونآديت لـ آفكاري وغنيت آللحون
عيني ترى .. لكن غيرك مآ ترى
وكلن يهـون آﻻ آنـت جعلك مَ تهون

[جولييت]

ودي (افضفـض) بـس ويـن التعابـيـر
ودي أعـبّر بس ويـن المعانـي
حـاولـت أبـرّر (صمـتـي) بــأي تبـريـر
وعجزت ابرّر صمتي اللـي غشانـي

[جولييت]

اكتب واسلي خاطري بالكتابة ٠
كود ألتهي في نظم الأبيات وانساه
واثر القصايد منه قامت تشابه
من وين أقلّب دفتر أوجاعي ألقاه

[النجلاء]

صآحبيْ .. لآ تحزنك سوء الأوضآع
ربك يفرجهآ مثل : مآ عقدهآ !
كل الأوآدم صآبها " طلق الأوجآع "
ذآقوا رصآصتهآ و .. طآبوا بعدهآ

[~ألٌوتُيْنَِ~]

/


ياصغر هالدنيا بعيني لا طرت لي [ غيبتك ]..,



\

[عذبة الاحساس]

+

العذر منكم كان طول غيابي
ودي وودي بس ماجت ودي

[محمد الروقي]

8
8
8
هههه من وين سرقتيه هاتي ريال

[محمد الروقي]

العذر منكم ياوجيه الرفاقه= انكان شفتو من هل الوصل تقصير

[عذبة الاحساس]

http://s2.rimg.info/e26b0d3319d23acaa27b7112590015d6.gif مآعندي آلآ هاذا هع ^

.
من غبت كن الحفر بعيوني تراب
... احجار لو كان سمّوها مباني ..

[محمد الروقي]

الله يرزقنا حنا نبي ريال ونتي بالدولار
يسعدك ربي