سجل حضورك ببيت شعر على ذوقك

[نــجــد]

اغيب ما دام غيري كمل الباقي
انا ماحب الحضور اللي بلا معنى

[سامي الغنامي]

‏ㅤ
ㅤ
ㅤ

ㅤ
ㅤ
ㅤ آحبك محبه مآدرى عنهآ مخلوق
ولآ شالها عنتر ولآ قيس في جوفه

-

[ملكة الرواسي]

لاتسأل القلب عن هذا الغلا مـن لـه
وانت الذي لك بقلبي ينقراء بعينـي
الشوق والحب واحساس الوله كلـه
يبين لك من غلاك برعشـت ايدينـي

[فخامة انسان]

كانك تبيني قولي انك تبيني
عشرة شرف يابنت لايطري الخوف

[ملكة الرواسي]

في كبريائك شي يجذبني اليك
لو احس القلب بـ اسبابك تعب
تدري ليه اشفق على شوفك وابيك
لان قلبي صعب ويحب الصعب

[الجووهره]

نشفق لـ باكر . و المواعيد بالذات
ونسهر إلين آلفجر ما فيه ممسى

مهما غرقنا ، في الحزن و المتاهات
أشيآئنا الحلوه من الصعب تنسى… ~

[الشامخه]

‏القلوب ألوان .. والنيه : عيون !!
‏والبشر .. ما بين ( مزمار وطبل )
‏
‏بين : فكرة عقل وأنواع الجنون
‏صافي ( النيه ) يشوفونه خبل !!

[ملكة الرواسي]

‏إرسم على وجه الظروف أبتسامة
‏ وأكتب على كف المقادير راضـي

[الشامخه]

‏يا صباح الخير ياطلة الصبح الجميل
‏ياشعاع الشمس من بين اراويق السحاب
‏
‏مابقا لي منك واقع ياشبه المستحيل
‏انت باب ودون مساكتك مليون باب.

[الجووهره]

‏جدد أحلام الحياة وعيش يومك
واجعل لـ حلمك على الواقع إسم

عاند الدنيا ولا ترخي عزومك
كل ما ضاقت بك الأرض ابتسم.."

[خيال مطير]

تحققت لو نصف بعض الاماني
ماكنت بظروف الليالي توهقت
ولا طحت من عيني وانا اعرف مكاني
وش فادني شوقي وانا كل مااشتقت

[عازف الشوق]

حبيت كل البنات ومابقى الا انتي
ونسيتهم كلهم من يوم حبيتك

[الشامخه]

.‏-
‏والعيون اللي لعب فيها الحنين
‏ذابت من الشوق وأعماها النعاس .

[عذب]

يجون احلى من انسام الربيع وصافي الغيمة
على قلب من سنين الجفاف وجورها ضامي
واذا زانت مداهير الخفوق ورامت الديمة
تلوت به ملافيح السموم ويبست احلامي
كذا مرت تراتيل الغرام بجوف ترنيمة
على لحن الفراق الي توفت فيه انغامي
عذب

[الشامخه]

‏اسمك قبل اسمي لا صليت و دعيت
‏حتى الأجـر . . ودّي معاك اتقاسمه !

[خيال مطير]

لاْجيت اكتب حروف اسمك..على صفحة بحر هادي

تصير احلـى قصيـدة حـب مـع الايـام اغنيهـا

[الشامخه]

‏دلني على النوم او : خذني حلم !
‏لي عمر .. لآ نمت يزعجني آلحنين !!

[خيال مطير]

انا ساهر واحس بين الحنايا كي .. اعد النجوم الساريه واخفي الونه .. افرك كفوفي واتحرى طلوع الضي .. اهوجس ماغير ابيح السد واكنه

[الشامخه]

‏مع إني والله أكثر إنسان نسـاي
‏إلا انت أذكر لك : آدق تفاصيـلك.

[السيد زيني]

سافرت و رجعت و لا احد درا عني
مافي غير محمد الغنامي افتقدني

[طير حوران]

يزعل ولا هو عيب لا جيت أراضيه
يستاهل الحبّه على رمش عينه �� '

[شمس الوداع]

زين نور الشمس فـ عيونك الحور
ويزين ايامي عند شوفتك

انت .. الصباح والمساء والخير والورد والنور
.. اللي يجمل ايامي

[الشامخه]

‏⠀
‏⠀
‏⠀​​
‏احس قربك " وطن " ومباعدك غربه
‏اما تعال اسكنك و الا انت اسكنّي.

[عذب]

انورت سود الليالي بالبياض
ماكساها بالبياض الا القمر
من سحرها شاعر الاشواق هاض
كاتب عنوانها ليلة عمر
وامتلا صدر المشاعر لين فاض
فوق خدان العواطف انهمر
واعشبت في خافقه كل الفياض
ليلة اللقيا بها يحلى السمر
عذب

[شمس الوداع]

،
،



عانـــد الدنيـــا وابتســــم. انّ بعد الليــــل فجـــر يرتســـم. لاتقل حظّي قليــل انمـــا قـــل هذا ما قدّر ربّي وما قســــم

[الشامخه]

جالس لحالي بحالي
هزني الشوق وذكرتك
يعني معقول ياغالي
*كل هذا ماوحشتك.

[* رؤى *]

خذني على قد عقلي لا تزاعلنا
واذا رضينا على قد الوله خذني .

[* رؤى *]

حلمت في وجهك ياحنون التقاسيم
وصحيت في وجهي بقايا ابتسامه .

[الشامخه]

أشوفك سبب بسمتي
وأشوف جمال الدنيا بعيونك.

[السيد زيني]

مساحة جميلة لفضفضة المشاعر
الي يكتب هنا يحس نفسه شاعر

بعض الكلام اشوفه يجبر الخاطر
والي يجاريهم اعتبره واحد شاطر

[عذب]

الا ياخاطف قلب الغلا في رقتك خذني
ابي القى وجودي يامناة الروح في قلبك
انا محتاج لك صدق العطا ياصاحبي زدني
تعال احضن مشاعر لهفتي واحساس من حبك

عذب

[الشامخه]

‏ㅤ ‏ㅤ ‏ ‏الحـنين الي على عيـني تشوفه
‏ماعطاك اكـبر دليل اني فقدتك ؟ ‏ ‏

[الشامخه]

.......

[زهرة توليب]

عطيتك اعظم وفاء بالقلب واصدق غلا
ومشاعري كلها عندك ومنك واليك

لكنك مليت وارخصت الغلا والولا
وان كان تبغى تروح الله يستر عليك

[الملكية]

هـذي تـرى الدنيآ [يآضآيـق البآل]!
. . .صعب على الدنيا ترٍآعـي مزٍآجـك



وٍلآتشتكـي للنـاس[يآصاحبي بالحـآل]!
. . .بعـض البشـرٍ يفرٍح بوٍقت إنجرٍآحـك

[رحيل]

مصير الحي يتلاقى خرافه
انا للحين حي وما لقيتك

[الشامخه]

‏-عسى الله يبيحكء في غيابكء ولا يجزيكء
بذنب جنيتهہ في الضلوع وتصاغرتهہء.
‏
‏ ⁧‫

[محمد العتيبي]

خـوة الـطيب تخفف مـن الضيق
وإن خفت الضيقه تـهون المصيبه
كـنوز الـرجال ولا كنوز الصناديق
الـمال يـذهب والنشامـا تـجـيـبـه

[خيال مطير]

تربطني الخوة بروس المطاليـق
ربط الاخوه غير ربـط العلاقـه
واصعد برفقتهم على قمه طويـق
واصد عن راعي النفاق ونفاقـه
وانا اشهد ان الطيب هبه وتوفيق
ماهـو بعقـد يبرمـون اتفاقـه
وانتم من اللي ساكنين المعاليـق
ومن مثلكم مكسب وشوفه شفاقه.

[الشامخه]

‏إن جاك مايزعلك لاتكون حساس
‏يـمكن يـفيـدك لا تـكـون إندفاعي
‏.
‏بعض العلاج اللي تـدأوا به الناس
‏يستخلصونه من سمـوم الأفاعي
‏.
‏

[خيال مطير]

تدري انك كل عشقي وان غيرك ماطرالي
وانك بقلبي لحالك وان مالك به شريك

وان قلبي لو تفجر بالعتب وقت انفعالي
زاعلٍ منك ..وغيابي مايزعلني عليك

[خالد العبيريد]

ياحلم بكره يصح النوم
وتموت مع ميت احلامي

اسقيك من كاسي المسموم
وتجبر عزاء روحي ايامي

خالد

[غزلان]

صبآحي يعذبني لامني طريتك~
وأرجع أتنفسه حزن وأشوآقي ..

ومسآي اللي أبعدني عنك ونسيتك~
أشوفه صمت حآرقني بأعمآقي ..

بقلمي ~

[عازف الشوق]

ياساكن قلبي ترا الروح تفداك

والله احبك حب من حب ذاتي


ياجعلني فدوة لعينك وطرياك

يالي تساوي كل شي بحياتي

[رحيل]

لاهوّد الليل طار النوم من عيني
وقامت هواجيس فكري تدّرج يمّي
.
واليا اصبح الصبح واوحيت المواذيني
ارتحت وارتاح بالي وانجلا همي

[عذب]

لاصرت لي شمس عن الليل تشرق
اصيرلك ياشمس عمري سما وارض
وان صرت لي قمراي في نورك اغرق
بعطيك تملكني من الطول للعرض

عذب

[خيال مطير]

يذكرني القمر ظلك عجب ياللي ظلالك نور
وانا اللي ماعرفت الليل لولا عتمة أهدابك
حبستك في السما شمس وعلى وجه السحاب طيور
ونخيل باسق يشرب رضاك ويعطش عتابك

[طير حوران]

والله لو تبطي عن القلب وتغيب
ما دقت عروق المحبه لغيرك ��.

[الشامخه]

‏الحب ماهو بـكلمة اهواك واغليك
‏ صدق المشاعر لك تبيّـنْـه الأفـعال
‏
‏والّا الكـلام العـذب كـلّـن بيعطيك
‏تلقاه مع شاعـر وعاشق ومحتال.

[خيال مطير]

يا حبيبي فيك ظني ما يخيب .. لو حصل من بيننا صد وجفا .. شمس حبك في عيوني ما تغيب .. وفي حنانك يا بعد عمري وفاء

[عذب]

ياحبني لك وانا ميت على شوفك
ياكم تمنيت اشوفك قاعد قبالي
مشتاق اطالع حلاك ونادر وصوفك
متى عيوني تشوفك يابعد حالي

عذب

[الشامخه]

‏في مبسمك يتجمع معنى الحياة
‏وفي عيونك لي من الفرحة كثير.

[غزلان]

.
‏الكلام
‏اللي تقوله .. لا تعيده
‏إكتفيت أعذار ،
‏ياخي ملّ : صبري
‏إعتبرني :
‏فرصه .. وكانت : سعيده
‏وبـ أعتبرك !
‏الفرصه الأسوأ بـ عمري


مماراق لي ~

[عازف الشوق]

هات لي قلب يواجه هالحنين
قبل تسأل : ليه عيونك باكيه ؟

حيل تتعبني : طيوف الغايبين
حيل تتعبني : دموُعي الوافيه !

[عذب]

http://www.7ophamsa.com/up/uploads/1427661643491.jpg


ذكرى الغلا تجتاحني لاقبل الليل
للي خـــياله داخــل الروح يختــال
واسرج لشوقي صادق العاطفة خيل
دام الخــيال لطـاري الشــوق خيال
واسري مع الهوجاس مشتاق بالحيل
للي غــيابه عن مدى ناظـري طـال
لو بالخيـــال اعــيش ليــل التـعاليل
واسامر المحـبوب ويروق البــال
عذب

[السيد زيني]

الفرحة سرقت الحبايب مني
واحس الأيام راح تبعدهم عني

[أستاذ الحب]

ياليل ماذكر في حياتي تمنيت ... مثل ابتسامه تنتشل قلب منصاب
مليت ورب البيت ياليل مليت ... من الجروح اللي تجيني بلا اسباب

[الشامخه]

‏ريح المطر طرى غلاك وزمانك
‏وأنا علي به نذر ماني بناسيتك
‏
‏الغيم وجهك والمطر من حنانك
‏والجو كنه ضحكتك كل ماجيتك.

[غنجَ]

من .. منطلق : [ لا للهواجيس .. بالليل ]
من مبدأ ..: الانسان يحتـاج ( راحه )

قومو .. نغمض حزن الايام بـ الحيل
والكل يحلم في { هدآيـا صبآحـه }

[خيال مطير]

من يقول الليل للعاشق ضرير
الهوى في كل وقت له نظر
شوفة العاشق عن الباقين غير
له نظر بالعين و لقلبه بصر

[عازف الشوق]

الدمع ماهو عيب رح علم اللي
يقول عمره مابكى في حياته

الدمع مايقطع صلاة المصلي
والضحك مثل إبليس يقطع صلاته!

[عازف الشوق]

طلبت نفس القهوه اللي تحبين
ورشفت ذكرى أحلامنا والأماني

وعشان احس انك معي لين هالحين
حطيت بأقصى الطاوله كوب ثاني

[الجووهره]

آبتسم حتى لو تقسى ؛ آلظروف

من سحآب آلكون مآ ضآقتْ سمآ

كم كفيف .. قلبه آلمبصر ؛ يشوف

و كم بصير .. قلبه آلميتْ ؛ عمى ..

[الشامخه]

‏خلها على الله ما بقى شي ماراح ؟
‏حلمي الى هو حلمي تحقق لـ غيري.

[سهيل بن رداد]

مابعتك بالسحايب والبروق الزرق والانسام
وساموني بتلويحة وداع .. وبعت بأول سوم

مدغم

[طير حوران]

ترفع شعرها فوق واليا ارتفع فوق
تلت معاليق الحشا ، مع شعرها .

[عذب]

استنسخ الفرحة من افواه الأطفال
الي تفر حهم من الضيق لعبة
وامرر الواقع على حلو الآمال
لو كانت احلامي من الوقت صعبة
واكتب حروف البوح عن راحة البال
والضحك فيني داخل البوح كذبة
عذب

[الجووهره]

سامح وغض الطرف لو كان ما كان
عمر البحر ما ضاق من لطمة الموج

لو تلتفت في كل زلة من أنسان
شفت البشر من حولك ارقابهم عوج

[السيد زيني]

نرسل سلام مخصوص للحلوين
نقول عساكم بخير وسالمين

[رحيل]

عليك بالـقـرآن لا صرت مـهـمـوم
ويزيح عن صدرك جميع الهمومي

وصل الصلاه بوقتها دايـم الدوم
تــرا البـشر والعـافيه مـاتدومي

[الشامخه]

‏وش يحدك لـ السهر دامه نساك
‏لحّف أحلامك وطبطبها ونام
‏وإن رجع لك ولو كتب بك ألف بيت
‏مد له جرحك وقل له : مو حرام .

[هزاع محمدالعاصمي]

ياجماعة جعل ليلة مايعود... يوم جيت اعتب الغالي بكا
والله ان دمعة جرى فوق الخدود..ودنق براسة وعيا ماحكا
بس كلمة قال جعلك في الوجود ...دامني وياك في الحب شركا

[غنجَ]

اسمع صدى صوتك .. وادورك وين انت !
واصيح بين الناس { سـا ا ا معك وينك ؟

ردو علي الناس .. مسكين " يآ انت "
اللي سمعتـه بين ( نفسك .. و بينك )

[عذب]

سويت لك في ساحة القلب تذكار
واقبله مشتاق صبح ومسية
له داخلي عزة وهيبة ومقدار
خليت من شافه يدق التحية
عذب

[ملكة الرواسي]

{.. آلتعــب ...!
مـآ هو تعب جسمـ وعظـآمـ ,,
آلتعــب .. لمـآ تحب وتنــجرح !

...||||...

{.. وآلعمى ..!
مـآ هو ظلآمـ في ظلآمـ ,,
آلعمــى .. طعنـه تجي وآنت بـ فـرح !

[غنجَ]

مآ كل خوه .. شخص عندي ضروره
بعض البشر فرقآ ا ا ه ( راس السلامه )

اللي زعل من شان .. ماطعت شوره !
عسآ ا ا ه مآ يرضى لـ يوم القيآمه ,

[الشامخه]

‏العمر مايوقف ولا تموت الاحلام
‏لا غاب من وده يغيب و يخليك
‏
‏عيش الحياه بكل ما مرت ايام
‏تلقى يدينٍ غير ايده بـ آياديك !.

[الجووهره]

خلك سما واترك القاع لـ القاع
وارفع حجاجك للنجـــوم المطله
.
و خلك مثل ما قيــل للعزم تباع
ما فيه صعب الا وربك يحله

[الشامخه]

‏ضاق صدري من الدنيا وكتفيت
‏اسمحولي ماعاد اوثق في احد
‏
‏ماني اكثر شخص بدنيا وفيت
‏لكني اكثر من تجمل وانجحد.

[السيد زيني]

يا سعـدنا و يا هنانا
الي نحبه صار معانا

عساه بخير ومانسانا
والسعادة تكون حدانا

دام الفرح ذا اليـوم جانا
خلنا وصل هنا ما جفانا

[الجووهره]

خلّك وسيع البال وتحصّل الخير
وخلّك مع العالم حِسين التعامل

وسامح رفيقك لاحصل منه تقصير
واصبر ترى مافي المخاليق كامل

[خيال مطير]

يقولون العرب صدر الشمالي مايضيق بساع
وانا اقول الصدور اليوم ماعادت شماليه
ماضن احد جهل هالبيت هذا لمصدر الابداع
هذاك اللي اليامنه كوى ينجض لك الكيه

[الشامخه]

‏خلك خفيف النفس راقي وجذاب..
‏لا تـصير بعيوون المخاليق علـہ
‏.
‏أضحك وفرفش لكن بحب وآداب..
‏أعرف حدود المزح وأعرف محلہ..
‏
نصيحه.‏⁧‫

[نــجــد]

تموت جروحنا ماعلمت عن نزفها مخلوق
مقابرها الصدور و عزة النفس تدفنها

[عذب]

الي بنى لي في وطن روحه اوهام
بنى جدار اعذار من حول داره
بالحاجز الوهمي قتل كل الأحلام
حطم طموح القلب قوة جداره
خلا ظروف الوقت للشوق اعدام
واعلن على باب الوصال انتحاره

عذب

[الجووهره]

الجمـال يمـوت و الأخـلاق تبقـى
والحلا فالروح ماهو في سواها
.
البشر بـ أخلاقهـا والـذوق ترقـى
ما تزيد أشگالها من مستواها

[السيد زيني]

صح لسانك المهااا

بصراحة روعة

[السيد زيني]

تاخر الوقت و انطفت الانوار
وانا ورايا مشاوير في النهار

اخاف انسى شي وعقلي يحتار
ولمن اوصل البيت ارجع للمشوار

[الشامخه]

‏عز الله إن الوقت هذا تغيــــر.
‏ياراحة الميت ويا بلشة الحــي.!
‏
‏حتى ولو جيت ابن عمك مسير.
‏يقول لك ماسيّر الا يبي شـي.!
‏
‏ ⁧‫

[ملكة الرواسي]

لي قلب يعطي مثل صب السحابه
البرق في نبضه وصبة عروقه

[خيال مطير]

هذي دفا صوتٍ من البرد مخنوق
هذي سؤالٍ نصف عمري جوابه
هذي هي اللي عرّفتني على الشوق
هذي قدر .. ماكنت حاسب حسابه

[الشامخه]

‏آمآنينآ بهآلدنيآ مرآيآ حظ [ مكسوره ]
‏
‏إذآ جينآ ندآريهآ بدون القصد تجرحنآ .

[نــجــد]

لا تعاتب من توده على قل اهتمام
العتب ماعقبه الا اهتمام مجاملة

[غزلان]

لا تعاتب من توده على قل اهتمام
العتب ماعقبه الا اهتمام مجاملة

صح لسانك ي نجدد روعه ~

[الجووهره]

صح لسانك المهااا

بصراحة روعة

صح بدنك السيد زيني نيابة عن الشاعر

وتسلم وكلك ذوووق

[الجووهره]

في وجودك مآتضيع آلآ [ آلجمل ]

. . . و في غيآبك كل مآفيني [ معآك ] ,’ !

[السيد زيني]

صباح الود والشوق و كل الاحساس
وكلام معطر مخصوص لاغلى الناس

[غزلان]

رد الصبآح اللي على شآنك بديته ~
بعيون ن تسهر معك كآمل الليل ..

حبك أسرني وعشق غيرك ماجيته ~
ياكيف تتركني أعآني غربة وويل ..


بقلمي ~

[الشامخه]

‏"
‏
‏الغيآب : أتعس موآعيد . / الطريق
‏و جآي تسأل : وش يعني لي الغيآب
‏.
‏بآب دمع ، و بآب خوف ، وبآب ضيق
‏و أنت : احسب ( للموآجع ) كم بآب.

[صـدووودٓ]

‏نكتب شعر مدري على شان نشتاق
ولا نخفف من مواجع . . قديمه

أصعب شعور ان جيت تكتب عن فراق
دمعك حبـر . . و أوراق حبك يتيمه

[صـدووودٓ]

‏'

عيش فيني كثر مآني فيك أموت . .
وبالشعور اللي [ أحبك ] ، حبني ❤️'

[الشامخه]

‏↓˓❁⸀ء
‏
‏ㅤㅤㅤㅤㅤㅤ
‏ㅤㅤㅤㅤㅤㅤ
‏كل تفاصّيلك :
‏لها بَ عيني مُواري
‏وش تبي مني ؟
‏وأنا عيُوني تشيلك .
‏
‏
‏
‏

[غنجَ]

اشبهني لحالي .. ولا اشبه الناس
ماشتكي لكني احزن واعاني

ماني الوحيده اللي لها شعور واحساس
لكن احاسيسي انا ( شي ثاني ) ,

[عازف الشوق]

يا وليف الـروح عـندي لك سؤال
جاوبه بالله يا القلب العطوف

القصايد فيك ما تعرف محال
السبب فيك أنت ولا فالحروف..

[الشامخه]

‏ما احب اراوغ واغير منطق اسلوبي
‏ما اجامل اهل الكذب لو شانت ايامي
‏.
‏مشكور يلي تقول بوجهي عيوبي
‏انا اشهدنك كفو يبصم لك ابهامي.
‏⁧‫

[غنجَ]

صبرك على جمرة معاديك منقود
وصبرك على جمرة قريبك شجاعه

لو هي على قول العرب عِلَّة كبود
أهون ولانـــار الجفـــاء والقطاعه

[خيال مطير]

يقولون لا طال الجفا بالحبيب إنساه
وأنا وين ابنسى صاحبن ما تناساني
تغربت بالدنيا و هو ما بخل بخطاه
يسوق القدم في يمتي لين يلقاني

[عذب]

‏وين الغياب الي تقولون عنه ؟ !!
الي يروح لوجهته كل غياب
ودي اسافر له واعرفه لأنه
عن شوفنا ماخذ له اصحاب واحباب
يمكن ليامني تقربت منه
القى البعيد الي غيابه بلا اسباب
عذب

[نــجــد]

حلمها تكبر تبي تكتب قصيدة
لين كبرت وانكتب فيها قصايد

[الشامخه]

‏احبابنا .. قفا بهم موت و فراق
‏واخواننا .. نادا قدرهم و راحوا
‏
‏واصحابنا الي كنهم مثل الاوراق
‏هزتهم أيام الشدايد .. وطاحوا.

[خيال مطير]

ما كل من يضحك بدنيـاه مسـرور
لو ضحـــــكته دايـم تحــــرك حـجاجـه
وما كل من يبكي من الناس مقهـور
بعض الدموع رخاص من شان حـاجه
وما كل صادق لو حكا لك من شعور
يا كثر من زيف المشــــــــاعـر خراجـه
وما كل ما يخفا من السـر مستـور
بعض الوجــيه ابين من ارهــف زجاجه

[السيد زيني]

هذا السومة جاب علومها
هو ذا ابوها و جدها و عمها
قلنا لكم و من غيره بيكون لها
و ان غابت بطـولة الدوري جـابها


ق/زيني

[غنجَ]

( انا , انا ) .. واليا تغيرت خيره
نفس النقـا .. نفس السوالف ’ لا زلت

[ دآيم قنآعـاتـي ] بـ عيني كبيره
واليا عطيت الود بـ الود .. اجزلت

[غزلان]

كنت أحسب إنك أوفى من خلق ربي ~
ياحسآفه كيف الوفا فيك معدوم ..

أقفيت عن درب العشق ومشيت دربي ~
لأجل قلب ن من الصد مهموم ..

بقلمي ~

[الجووهره]

صح لسآنك غزوله

وسلامة قلبك من الهم

[الجووهره]

بعض القلوب ، النادره تشبه الورد

لا زارها احساس المحبه روآها ،♡

[الملكية]

ليـه أعبـر لك عن أحسـاس الغلا
و أنت شايف في عيونِي کيف أبيك
.
في حضـورك خافقــي يردد هـلا
وفــي غيابـک خافقي يسأل عليك

[خيال مطير]

الغلا ماهو بكيفي يالغلا
.............. الله الي حط بقلبي غلاك
والحلا ماهو بغيرك يالحلا
............ أشهد انك في نظر عيني ملاك

[الشامخه]

‏خآيف يطول البعد وتسج مني
‏ويآخذ مكآني شخص مآهوب يسوآك
‏وش عآد أسوي يومك أقفيت عني.؟
‏لآ انآ أتبع المقفي ولآ أحب فرقآك.

[غنجَ]

دآمني بنت آبوي لي وجه وقدر
‏ليه آطولها مع »الوجه القبيح«
‏
‏دام رآسي فوق والعثره حدر
‏فآلأمور بخير وآلممشى صحيح ..

[رحيل]

إن خابت الهقـوات عند الخـلايق
ما خابت الهقوات فـ اللي خلقنا

[الجووهره]

ودّك تشوف شلون تنظر لك الناس .؟
شف نظرتك للناس وتعرف وشلون

على حسب مقياس نظرتك .. تنقاس
ان شفتهم من دون شافوك من دون

[قرناس الحرار]

احيان ماندري عن الدمع وش فيه
...................... من دون مانشعر على الخد سايل

[عازف الشوق]

الحب مجرم ما يعرف القوانين
مجرم وبطشه بالأوادم عنيف
ظالم ولا يرحم قلوب المحبين
واكبر خطر بالحب بعد الوليف

[ملكة الرواسي]

لاتتركني مابين الصمت واغيابك
.................الله دخيلك ترى صمتك يعذبني..!!

[الشامخه]

أحـن لأنسـان راح ولايبـي:يرجـع
لامـر طاريه أحس بداخلـيء :غصـه.

[قرناس الحرار]

الشوق له لذتن وجروح
ولا فيه عاشق ومتهني

احيان فيه الخطاء مسموح
واحيان يخلف لك الظني

[عذب]

بسمتي اقوى من اصرار الدموع
اضحك بوجه السنين الجايرة
للظروف القاسية ماني خضوع
اتجلد للجروح الغايرة
اكتم الآهات مابين الضلوع
لوصرخات المشاعر ثايرة
ضحكتي لاصرت مابين الجموع
تترك عقول العواذل حايرة

بوحي

[الشامخه]

‏ماكنت أخاف البعد
‏ف البعد راحة ..
‏
‏لو كنت اخاف البعد
‏ماكان فارقت ،،
‏
‏لكن عشان انسى
‏عطوني مساحة..
‏
‏محتاج لي عزله
‏ومحتاج لي وقت،،.

[غزلان]

.

وأقول ~


‏ودي بشوفك كل ما أصبحت وأمسيت~
‏ممساك في قلبي وصبحك بعيني..
‏
‏وإن قلت أحطك داخل القلب عييت~
‏صعب عليه أخفيك عن شوف عيني..

مماراق لي ~

[نــجــد]

عيش عمرك حر واصنع لتاريخك نجاح
لاتموت بلا مواقف وتاريخك صفر

[عازف الشوق]

حياتنا ماهي ب .. دايم سلامات
مره وصال .. وعشر مرات فرقى !

لاعاد تقولون الغياب ، " سهالات "
لا والله إلا ( يحرق القلب ) ، حرقى,,,

[خيال مطير]

ياقلب من ماجاك والله سلامات
اصبر عسى في الامر ياقلب خيره
الحب قبل الحب تظهر علامات
ويهيم راعي الحب فــــي كل ديره

[عازف الشوق]

تعلق القلب معها والغرام الغرام
اما عطى الناس ولا انه حرق دمها!

[الشامخه]

‏بقوللك:في هالمسا عدة ابيات
‏تحكي مشاعر عشتها في(غيابك)
‏
‏ما توقف الدنيا على شخص بالذات
‏: ان رحت ولا جيت : يا مرحبابك.

[نــجــد]

كثير اشياء كنت احبها صارت
تمر العين ما تملي نظر عيني

[نهر]

كنت احسب ان الشقرديه شقرديه
الله يجزى القهاوي من هقاويها


ابعد على الصين من دار السعوديه
قهواتي اللي تضيق صدر راعيها

[قووت]

أسهرالليل وشكي همي لحالي ..
وعيني عن لذيذ النوم محرومه !
هماً تخاواني وراح يدندن ببالي
والنفس لها أشهور بالهم مهمومه..

قوت

[الشامخه]

‏حلـفـت م اسـولـف ولا أجـيب طـاريـگ
‏لكـن عيـونـيے للأسـف سـولـفـت .

[عذب]

واتنفسك رغم اختناق المحاني
والقاك بسمة ترسم لضيقتي بر
يالي نسيمك لاشهقته ملاني
ارتاح له وازفرعذاب مزبر
منك الهوى ينعش خفوق الأماني
والقى الأمل في ضم الأنفاس يكبر

عذب

[ملكة الرواسي]

لو الغلا ينمو على هيئة "انسان "
...........يمديه من كثر اشتياقي مشيب !

[الشامخه]

‏انهض مادامك تملك المجد والعز
‏ ‏
‏عمر الذهب يا نصرنا ما يصدّي!
‏

[الشامخه]

‏انهض مادامك تملك المجد والعز
‏ ‏
‏عمر الذهب يا نصرنا ما يصدّي!
‏

[الجووهره]

الليل سكه من حنين وتناهيد ..
واشواق تعزف نايها بالمحآني

وشريط ذكرى للقا والمواعيد
وأحساس شعر وضحكتين وأماني . .

[ملكة الرواسي]

وديٍ يكَونِ ( آلوقـت ) فـيٍ ( رآحـة إيـديَ !!
وأغلـقِ كَفـوفيٍ . كَلِ مـآرحتِ عـنيٍ

[نــجــد]

دللوها قمر نجد الغزال الثقيل
و امدحوا في مناسبها و جدانها

[عايض العتيبي]

يعطيكم العافيه جميعاً

[سمو الحرف]

حزين أتصفح في المنتدى قصيد الناس
هذا بيت معجبني وذا بيت ما اعجبني

أوقف على بعض القصايد وانا حساس
تقول إن شاعرها من الحزن كاتبني

[ملكة الرواسي]

إِحسَآســگ آِلدَآفِئ
لآ جَآء مِن نَصِيبــي ،
مَآ عَ ـــــآد أَبِي مِن بَآقِي آلـ ع ـــآلــم
إِحسَسســآس

[غنجَ]

( العبره ) اللي داخلي ما استراحت
مثل الامانه .. عند راعـي الامانـه

والدمعه اللي من سمـا العين طآحت
سبـه ميانـه .. لعنبوهـا { ميآنـه }

[ملكة الرواسي]

آلمسسآء لآخآلطه صوت ضحكآتك !
كني ملكت الآرض وآللي عليههآ

[رحيل]

لايهمّك لو لقيت الناس من حولك كثير
الأهَم إللي وفا من هـ الحبايب وش كثر

.

الجروح أحيان تبقى داخلك مهما يصير
يعني مو كل الجروح تْطيب ، ماتترك أثر

[الشامخه]

‏من ذاق حبك ياغلا الروح ما تاب
‏يبقي سنين العمر لاهي وعاصي
‏
‏وعن حب غيرك قافلٍ كل الابواب
‏يذوب في حبك بنوع اختصاصي
‏.
‏

[ملكة الرواسي]

كآنڪ تبي غيري
بـ تلقى ~
وكانڪ تبي مثلي
بــ [ تبطي ] ..

[رحيل]

ياللي تقول ايامنا فرقتنا..
(لاتشتكي جور الليالي والايام)
.
كم مرةٍ من مرّها قد سقتنا..
ونصبر عليها لين تحقيق الاحلام

[خيال مطير]

قالو هبيل وجايزلي هبالي اهبال طيب ولا صحاوت رخامه

[سمو الحرف]

صباح الغيم لا عانق رقيق الجو
الا يا حلو جون فيك يا الطايف

احاسيس الشعر في داخلي لجو
مع انسام البراد الزاحف الكايف

الطايف احلى

[ملكة الرواسي]

ياكثر من يضحك وهو يخفي حزون
يضحك وهو له تالي الليل دمعـات

تلقاه بنجوم السماء صـار مفتـون
بينه وبين النجـم بالليـل كلمـات

[نــجــد]

ماهمني ضرب العصا في ظلالي
مادام ظلي يحرق قلوب واعصاب

[ملكة الرواسي]

لك ْ في َ خفوقي َ ، ألف َ مرسى َ للإبحآإر ْ
شدّ الششرآإع َ ، وشيل َ مرسى َ السسفينه َ

[خيال مطير]

لجّ الخفوق و جرّ صوته من أقصاه
........................ و لجّت معه حدب الحنايا تنوحـي

عليك ياللي كـل ماقلـت ابنسـاه
........................ عيـّـا خياله عن خيالـي يروحـي

[الشامخه]

‏لاصابنا من خلف رمي المهابيل
‏أنظارنا قـدّام .. ما تلتفت خلفْ
‏َ
‏أبيوتنا منصى ظـروف الرياجيل
‏وهيباتنا تذري .. وميقافنا صلف.
‏
‏⁧

[خيال مطير]

الشـــرف يا صـاحبي ما هو كلام
الشريف اللي كســر وهم الغــرور

من عـرف قــدره وتقدير المقــــام
والــذي يبني بأخــــــــلاقه قصـــــــور

[الشامخه]

‏ً ما مت من فرقاك لكن تألمت **
وشيبت بي يا صاحبي قبل اشيب **
أضحك وأسولف وإن لحقني سهر نمت **
لكن قسم بالـله مانيب طيب.

[سمو الحرف]

مشيخه ومدلعه طوع وانكار
لا ارد شيختها ولا انكر دلعها

[* رؤى *]

خذني على قد عقلي لا تزاعلنا
واذا رضينا على قد الوله خذني .

[* رؤى *]

سبحان من حط وصلك في عيوني حلال
وان شفت غيرك من الخشيه اغض البصر ⁧.

[ملكة الرواسي]

بوح المساء غير واحساس المساء راقي
يكشف تفاصيل طول الوقت نخفيها
جميع ما اشعربه وفي داخل أعماقي
قبل منامي اغردها واغنيها

[عايض العتيبي]

خلوني اسج عن موضوعه احسلي=ولا الغلا والله ليبطي وهو غالي

[ملكة الرواسي]

خبري بقلبه صدوق الشوق يجتاحـه ,,, عندي خبر فيه مايقوى على فراقـي



اتعب وغيري يجي وياخذ على الراحه ,,, من حظ غيري وانا اللي زارع وساقي

[سمو الحرف]

قل للنفوس اللي تربت على القاع
حنا على روس النوايف ربينا

إنفوسنا من عزها ماهي إجياع
وبغير فعل الطايله ما رضينا

[ملكة الرواسي]

الصبح في عيني بدونك ولا شي
أصبح العالم بلا روح وإحسـاس

وكلمة صباح الخير من مبسمك لي
خلت صباحي غير عن باقي الناس

[الملكية]

ياليت أقدر أد-خل قلوب البشر
وأعرف يآ صآحبي مكانتي فيها
يمكن أحد يعزني وما عندي خبر
ويمكن ناس أحبها وأنا مخدوع فيها

[السيد زيني]

ودي اجي واكتب بنبض الخفوق .. بس ما هقيت يفهم كلامي مخلوق

[عذب]

انتي صباحي والمسا وآخر الليل
وانتي تفاصيل الغرام المهمه
وانتي سماي وغيمتي والهماليل
يا أرضي الي كل ضيقي تلمه
انتي نهار وجو ليل التعاليل
ومسامرك يجلي عن القلب همه
لك في ثنايا الروح كل التفاصيل
يالي لقلب الشوق خاله وعمه

عذب

[رحيل]

يحسب الجفا يأثر على صاحب المعروف
نسى اني عزيز النفس جعله على القوة ..

[نــجــد]

احبك قد ماتطري و اهلي بك
واحبك قد ماتبعد بدون اعذار

[الملكية]

اصحى وصح أفراح قلبك من النوم
نجاح قلبك بالسعاده نجاحك !
.
وانسى هموم البارحه وإضحك اليوم
عسى صباح اليوم يسعد صباحك !

[ملكة الرواسي]

ياصبح صبح لي على منبع الورد
قلـه : صباح الورد والياسمينا
ثم آنتظر يـاصبح من عنده الرد
إن كــان لــه نيـه يصبــح علينــــا

[سمو الحرف]

اقرا القصيد اللي كتبته عشانك
ان كان فيك احساس تفهم معانيه

هــذا مــكانـك مـا تغير مكــانــك
يفـزلـك نبـض الخفوق ومحانيــه

[ملكة الرواسي]

مآ تخون الملامح ' لو يخون الگلام
أنت موطنك فكري منت عآبر سبيل !

[السيد زيني]

لو كتبت خواطر او حتى قصيدة .. وش الفايدة دام انها عنيدة

[ملكة الرواسي]

اشـوف ’ الـورد ، بـقـدومـك تنـفـس وانتـعـش و ازهـر ..
اشـوف الـدار بـ / حضـورك .. تـغـنـت كـل جـدرانـه ..!!

[* رؤى *]

الله حسيب الشوق واليوم الطويل
والله حسيب اللي يغيب ولا يحّن ..

[* رؤى *]

أكثر شطر من رحت عني أغنيه
ليتك مفارقني على شي يسوى .

[ملكة الرواسي]

‏لوحة حنين و درب مدري على وين
‏من وين ما دار الخطاوي تطيعه !
‏.
‏و أنا شمالي .. بس لا غورقت عين
‏ضاقت لي فجوج الشمال الوسيع

[جوري]

‏يدخل حدود آلقلب من دون حراس
متقاسمين الروح بينه وبيني
.
أشتاق له مثل آلامل باخر الياس
وأشتاق له لو كان قدام عيني،،

[جوري]

‏ياصاحبي لا تنشد العين مانمت
دايم على ذكر المواجع أنوحـي

والظاهر اني من زماني تعلمّـت
الصبر يبقى والليالي تروحــي

[جوري]

‏جعل القلوب اللي لها القلب يشتاق
تصبح وتمسي بالهناوالسعاده

وجعل النفوس اللي تحلت بالأخلاق
تصبح وتمسي ما تشوف النكاده

[خيال مطير]

يا جعل قلبي وقلبك في سعاده
والعمر وياك يهنى في سرور
ليلي بعيونك ترى كحّل سواده
وابرقت فيه العيون اللي تحور

[قرناس الحرار]

لبيه جيتك دون توجيه وإرشاد
...................ياغالين سقت الشعر في عيونك
مديت كفي بين جمهور واحشاد
....................واسوق روحي فدوه اليوم دونك

[سمو الحرف]

يـمـنعني أسأل عنك داء الكبرياء
حتى و لـو فـي داخـلي أوله عليك

أنـا كـذا أعـشـق ولـكـن بـالخفـاء
لا قلت (لا) أفهم ترى المعنى أبيك

[خيال مطير]

انا كذا طبعي : ( احب الاحترام )
خل الوجيہ .. و خل عنك الاقنعہ ..
حتى اللي ما بيني ، ولا بينہ كلام
لو يضحك بوجهي احب اضحك معہ

[الجووهره]

يبقى الغلا لوفرقتنا المشاريه
والشرهة الي بالخواطر تروحي

كل يعاتب بعض الاحيان غاليه
والحب يبقى فوق كل الجروحي

[سمو الحرف]

صباح الخير ياخير الصباح ونوره الفتان
صباح انفاسك اللي تطلق عنان الغناء للطير

صباح الوردتين النادية والتوت والرمان
صباح خدودك اللي تغري النسمة على التعطير

صباح رموشك الكسلى صباح الناظر النعسان
صباح ماحتضن وجهك اجل ماهو صباح الخير !

[غزلان]

نآديتك بصوتي وماودك تسمعني ~
ماغير صوت الصدى يردد ندآي ..

ادري ب تنسآني بس تعال ودعني ~
قبل موت الأمل من حرة بكآي ..

بقلمي ~

[عذب]

الليل طال وضاق صدر المواعيد
يالي مواعدني بليل التعاليل
خليتني محتار يابن الأجاويد
بين الرجا واليأس ومساهر الليل
والحين وجه الليل كله تجاعيد
شاب وتغير مابقى لآخره حيل
لملم ظلامه والبقايا تناهيد
واقفى وخلاني مع الهم والويل

عذب

[ملكة الرواسي]

احيان تلقى لك مع الناس ، إنسان
يغنيك عن كل العرب ، والرفاقه

[سمو الحرف]

ودي اغيب انا بحاجة لـ الغياب
أبيك واحيانا احس إني ما أبيك


شعوري مشتت ولا عندي جواب
مشتاق لك محتاج لك خايف عليك

[جوري]

مَ ابيك حبيب ، الحبآيب يرحلون
آبيك نبض يعيش فيني للممآت !

[الشامخه]

‏عشقته شرف ماهو على شان شي
‏وحبيته بقلبي ماهو مواعيد وموآجهه.

[محمد العواد]

مدري وش اللي صار بيني وبينك

أحس عندي للمحبه بدايه

[رحيل]

دامك بخير انا على طول في خير
حتى ولو عانيــت مـن شوق بعدك

غلاك عندي يختلف عن غلا الغير
ولا همني واحــد من الناس بعدك

[سمو الحرف]

تدري ليا من ذكرتك وش يجي فيني
أعيش حالة غريبة ماتصـــورها

أضحك وأسولف مابين نفسي وبيني
وأفتح رسايلك وأقراها وأكــررها

[رحيل]

اكسر الصمت واترك للمعاتب مجال
حاجز الصمت علّه م اعرف اسبابها

ليه زوّدت حال بـ/ميم واصبح محال
اثاري الروح ( علتها ) من احبابها

[الجووهره]

يـا كبـر حـظ النـوم لازار عيـنـك
يكفيه من عينك معانقـة الاهـداب

مالوم لـو دنّـق وقبّـل جبينـك
لأنه مثـل قلبـي علـى ضمتـك ذاب

مانيب قايل من ضنا الشوق وينك
لأنك بنيت بداخل الصـدر محـراب​

[ملكة الرواسي]

يآ ليتنى أجرح مثل بآقي آلنآس
وآكسر خوآطر من كسرنى، وآقسى
لكني من كثر مآ أملك إحساس
أجبر خـطـآآر من كسرني ×وآنسى ×

[رحيل]

لا تـأمن آلطيب ولآ تأمن آلشـين
خلّك فطين وخل نفسك حريصه

[خيال مطير]

جربت في الدنيا تجاريب شايب
وعرفت خلاني وميزت الأصحاب
وعرفت طبع الناس مخطي وصايب
ماني بخبلٍ تخدعه ضحكة الناب

[الشامخه]

جيت قلبي غريب وَرحت عنه حبيب
آلبدايہ مشاعر وَ آلنهايہ طموح'
قمت آردد على قلبي كَلَآم ، غريب
آبتديتہ محبہ وَ آنتهيتہ جروح ♡̷̷̷̷̷̷̷

[سمو الحرف]

القلوب اسرار والدنيا عبر
والعمر لو طال تاليه الرحيل

والخواطر كسرها ماله جبر
لو يعيد الوقت ماضيه الجميل

[الجووهره]

عشــان ماتحــزن وتذكرك السنين
لا تِسهــر عيونـــك مــع ليلك .. أبد

عيش بحياتك وانتبه من حاجتين
لا ترخص إحساسك ولا تامن لأحد

[جوري]

كيف ماتبقى خفوقي تهتويك ..وأنت أجمل من على دربي عبر

[جوري]

مكتفي بك وادري انك بي مكتفي ..
واكتفي بعيونك لعيوني وطن ...
انت لي الحب المخلص الوفي ..
وأنالك اسم مايتغير مع الزمن ...

[جوري]

لقيت بسواد عيونك موطني .ياملاذ هالقلب ياريحة هلي

[خيال مطير]

الله أكبر كيف يجرحن العيون

كيف مايبرى صويب العين أبد

أحسب أن الرمش لا سلهم حنون

أثر رمش العين ماياويلأحد

[الشامخه]

‏
‏منكسر بي شيء
‏لـكنّي بخير ،
‏عشرتي هانت ؟
‏أجل حزني يهون . ‏

[خيال مطير]

العشره الطيبه من طيبها ما تهون
اليا ابتدت في شرف واليا انتهت في شرف
أجمل هديه تقدمها لخلّك / تكون
دعوتْك بِإن الله إيسرّه / وهو ما عرف

[سمو الحرف]

وديٍ اكلمك كل شوي واسكر
ابغى اتطمن مثل لو انك اوزاني

من امس واليوم (http://www.l7ft.net/vb/showthread.php?t=44535) والليله وانا (http://www.l7ft.net/vb/showthread.php?t=44535) افكر
تكفى تحرص (http://www.l7ft.net/vb/showthread.php?t=44535) على روحك (http://www.l7ft.net/vb/showthread.php?t=44535) علشاني

[جوري]

تغيب عنّي..وافقدك واتباطاك
والقلب ينشد يامنى الروح وينك؟ ،
من زود حبّك ينتظر ويتحرّاك
حسبي على من حال بيني وبينك

[جوري]

‏ياكثر عشقي لك وياكثر ماغليك
ياللي غديت كل شي بحياتي

اكتبك في بوح القصايد واغنيك
وافضلك مابين كل امنياتي

[غزلان]

.
‏جروحك اللي مهمله قدلها عام ~
‏زادت على القلب الذي مسكنك به..
‏
‏ تبغيني ارجع لك موافق اذا قام ~
‏يرجع لك الماء لا انتثر عقب سكبه..

مماااا راق لي ~

[رحيل]

عليك الصبر يا قلب دام الصبر ماجور
ما فالوصل حل إذا ظروف الزمن عيّت ..!

[سمو الحرف]

إعفني مـن شرهة الشوق يا مال الغناة
في غرامك مـابقى لي لا طمـوح ولا ثـقه .!

[رحيل]

ليت الابيات تعبر عن كل مافينا
كآن كتبنا كل اللي في خواطرنا !

[الشامخه]

‏ليه الصباح بالذات يرسم و صوفك
‏و ليه الوله يدعيک يازين بالـذات
‏
‏تعال يسعدلي صباحك و طيوفك
‏ياللي طيوفک كل ابوها سعادات.
‏⁧‫

[جوري]

‏لك في سكُون الليل طاري وحزّه
لانامت عيون المخاليق مانمت

[الشامخه]

‏أبعد عن اللي لازعل أنكر الطيب
‏اللي تقلب عشرتـه مـع ... مزاجه
‏
‏ إن راق رقــاها طــوال المـراقيب
‏وإن ضاق ضيقها على ادناة حاجه.

[خيال مطير]

الـضـيـقـه الــلــي تقـلـبـنـي واقـلـبـهـا
يالله عسـاهـا طــواري لـيــل وتـعــدي
لــي يــوم ثـالـث تجاذبـنـي واجـاذبـهـا
الـيــن شـــدت بيـديـهـا عـلــى يــــدي
مـــا كـنــي الا قـريــب مـــن قرايـبـهـا
وماكنـهـا الا سليـلـه مــن نـمـى جــدي

[جوري]

اثر الزمن دوار ..وايامنا طيش
ومصادم الايام يحتاج صمله

الطير ياكل نملة الارض ويعيش
وأن مات ترجع تاكل الطير نمله

[الشامخه]

‏تكفيني الذكرى ويكفيني البوح
‏المقبلات أسعد من ..المقفياتي
‏الله يسهل طرقتك وين ما تروح
‏والله لادعيلك وانا .في صلاتي.

[ملكة الرواسي]

الصمت في بعض المواضيع مطلوب
والنفس عن بعض السوالف غنيه

[الشامخه]

‏أنت يَ آخر محطات الذهول
‏صار حبك جزء من شخصيتي
‏كل حلم يجول في صدري يقول
‏أعطنِي قيدي و خذ حريتي.

[ملكة الرواسي]

يذوب صمت الليل في بوح الاقلام
وارسم ملامح صورته في خيالي
.
وليا غفت عيني تمنيت الاحلام
تجيب طيفه دامني منه خالي

[سمو الحرف]

اشتقت لك واشتقت لأسمك ولونك
واشتقت لمعاندك واشتقت ل خطاك

وحتى المشاعر فى غيابك يبونك
تعال سولف لي وش اخبار دنياك

[ملكة الرواسي]

تعال لك بالقلب حشمة ومقدار
بعيوني وقلبي وروحي رضيتك

[سمو الحرف]

تنام بعيونى ويصحى ضميري
وأنا من أصوات الأحاسيس ماأنام

[ملكة الرواسي]

على بســآط الليــل نـسري بالاحلآم
ونــسآمـر نجــوم الـســمآ بالأمـــآني

[سمو الحرف]

صباح الغيم لا عانق رقيق الجو
الا يا حلو جون فيك يا الطايف

احاسيس الشعر في داخلي لجو
مع انسام البراد الزاحف الكايف

[ملكة الرواسي]

سجلت فى قلبي دخولك على طول
..... وغنت جروح القلب فيكم نشيده

[سمو الحرف]

ربي استر حاجتي واقبل صلاتي
واغفر ذنوبي سوا عمد او زله

اجعل اخر ،، ما اقوله في حياتي
اشهد ،، ان ،، لا إله ،، الا ،، الله

[ملكة الرواسي]

دمع تناثر واتعب الكف لمه



من حيرتي قمت امسح الدمع بالدمع

[سمو الحرف]

غرد على عفويتك دون تزوير
خلّك كبير وعيش عـمرك بكيفك

لا تغير افكارك عشان الجماهير
واحد يحذفك والف واحد يضيفك

[الشامخه]

‏~أُحِبُّـگْ~ بِحَجمِ رَوعتُگ ⇠
‏و تَبقى رَوعتُِگ لا حُدودَ لهَا ..{✺
‏⁧‫

[عذب]

ياعيون ترسل الحيرة نظر
والنظر من حيرة العينين طال
يا خوي السين بأطراف السطر
اسمع لجيمي على هذا السؤال
هل انا هذا الخيال المستتر ؟؟
او حقيقة جت على صورة خيال؟؟
بين رحال المنى والمستقر
غربة تلهث على موطن آمال
اركض وحلمي لغاياتي جسر
بين رغبات المحقق والمحال
مقصدي وضاح والرغبة ستر
للوصول الي دفن درب الوصال

عذب

[ملكة الرواسي]

اسرح بفكري لا جرى طاري فيه
لا اقدر ارد الهرج ولا اقدر اقوله

[سمو الحرف]

دون قصد تحس معه بـ إرتيااح
لو يغيب بلا سبب تشتااق له

و إن حضر صدرك بداا فيه إنشراح
هو كذاا بعض البشر ترتااح له

[خيال مطير]

هات الغياب وروح واقصر كلامك
مافيه داعي تخلق لغدرك اسبـاب
مابي اعاتب واسالك وش علامك
دامك نويت البعد ماينفع عتــــاب

[رحيل]

ما بيننا غير شـاشـه في تعاملنا
مع بعض لكن نفرض بيننا الاحترام

من طاب طبنا معه وان مال ما ملنا
نبقى على الطيب والهقوه ونهج الكرام

[سمو الحرف]

من فقد وصلك فقد طعم الحياة ،
ومن كسب طيبة وصالك وش فقد

صح انا أحتاج بعض الامنيات ،
بس .. عقبك ماني بحاجة لـ أحد !