سجل حضورك ببيت شعر على ذوقك

[عذب]

عزي لقلبي ياعناه وعذابه
عيازمانه لايجي له على الكيف
تمره الأفراح مثل السحابه
ويسامره ليل من الهم ويخيف
كن الفرح يخشى لقاه ويهابه
وان واجهه كثرت عليه التحاسيف
وان زان له ميعاد حظه وشى به
الين تدري عن خفاه الملاقيف

بوحي

[خيال مطير]

عزي لقلبي ياعناه وعذابه
عيازمانه لايجي له على الكيف
تمره الأفراح مثل السحابه
ويسامره ليل من الهم ويخيف
كن الفرح يخشى لقاه ويهابه
وان واجهه كثرت عليه التحاسيف
وان زان له ميعاد حظه وشى به
الين تدري عن خفاه الملاقيف

بوحي


صح لسانك يالغاليــ

[عذب]

خيال مطير صح بدنك وتسلم ولاعليك زود

[الشامخه]

https://m.youtube.com/watch?v=pa_du5hltfY

[ناصر الهواوي]

ارهقت ذاكرتي معك وارهقتني=واكذب لو اني قلت انا اليوم ما ابيك
احترت بعلومك وهي حيرتني=والا انت لو تسأل مشاعرك تنبيك
ان الحظوظ بحضرتك هيتتني=وهي هكذا دايم تبدل دواليك

[خيال مطير]

صح لسانك يابو عبيد

[عذب]

https://www.sayidaty.net/sites/default/files/styles/800x510/public/2019/09/15/5825761-1780796853.jpg
عشقتك ياوطن اسم حضني يوم ميلادي
وحب ياوطن فايق على حب الطفل لامه
وعشتك ياوطن فرحة تساوي فرحة بلادي
طموح يحمل آمال القلوب لعالي الهمه
على ذكرى الفعول الماضيات وفعل اجدادي
وفكر يشعل عقول الشباب لنهضة الأمه
بدت رؤية حكيم ساعية للعز وامجادي
الين المملكة تاصل بفضل الخالق القمه
حكاية مجد ابحكيها على اولادي واحفادي
كتبها الفارس معزي بأرض خالطت دمه
بوح وطني

[ناصر الهواوي]

بكل البرود الرد جا منك للسلام=ياثقلك مرده واجب ولازم اترده
سكوت بتبسم خير من ناشف الكلام=مثل من يحب ايجاملك بس ماوده
معك ما ايلام الناب في عضة الابهام=ولو يبيح العاقل بعد فعلتك سده

[ناصر الهواوي]

بكل البرود الرد جا منك للسلام=ياثقلك مرده واجب ولازم اترده
سكوت بتبسم خير من ناشف الكلام=مثل من يحب ايجاملك بس ماوده
معك ما ايلام الناب في عضة الابهام=ولو يبيح العاقل بعد فعلتك سده

[رحيل]

عذب
صح لسانك الشاعر الجزل
ويستاهل الوطن



ابو عبيد صح لسانك مدد شاعرنا

[الشامخه]

هلاوالله ابو عبيد نورت،،
وصح لسانكك كعادتك ابدعت،،
صح لسانك عذب دائماً متألق ،،
ويستاهل الوطن ،،
دُمتم بخير جميعاً.

[الشامخه]

السوالف ما تخلي ولا واحد خِلي
لا مقاريد الخلايق ولا عقالها
.
هي كذا من خلقة الارض والارض تغلي
لين ربي يُخرج من الاراض اثقالها
.
دام مالي من وراها محاصيل وحلي
ليه ادور عن مفاتيحها واقفالها؟
.
اعرف اللي ليّ واللي عليّ ..وماعلي
من تفاهات السوالف ومن نقالها

[الشامخه]

انت حلمً ! عشت فالواقع وشفته
قبل لا أصحى منه ، بعيوني تحقق

[عبدالله الصقري]

والثـانيـه ( ذاك السفيـه .. و زبـاينـه )
و الخـايـب و مــن يلتـحـق بركـابـهــم

هم زمـره بـ شــرّ الدســائــس كامنـه
ولابدمـا تــذري الـريـاح اعـشـاشـهــم

بصـدورهـم أرض الحســد و مـدافـنـه
ومراتــع الشّــوك ازهــرت باعماقهـم

أقــوالــهــم وافـعـالــهـــم مـتـبـايـنـــه
أوّل طـريـق اصـلاحـهــم إفـســادهــم !

تسعـى لفتـنـة شعبـنــا .. و متراهـنـه
علـى الغنيمـة مــن جلـيـل مصـابـهــم

أفـكـارنـا دايـــم و هـــي متـضـامـنــه
هي في غنى عـنهــم و عن حركاتهـم

واصلاحـنـا مـاهـو بـكــفّ صهــايـنـه
تحشــد لحـرب المسلمـيـن اعتــادهـم

أو مـعــولٍ بـايـدي الـنّـوايـا الـدّاكـنـه
إصـلاحـنــا فـــي دحـــر معتـقـداتـهـم

[الشامخه]

عليك في طيب النوايا والصلاه .
ولا تنشغل في ذا الحياه الفانيه
.
ترا الحياه الاوله ماهي حياه ،،
رتب أمورك للحياه (الثانيه) !

[عبدالله الصقري]

والثالثه ( زيـف الـولاء ) و معادنــه
رايـــة جـهــاد مـلـوّوحــه بـأفـاقـهــم

إن الـجــهــــاد لمـبـتـغـيـن عـدائــنــه
ركــنٍ إذا نــادى الجـمـوع إمــامـهــم

ونـادت بـديـن الـحـق طغـمـه خاينـه
للديـن و استحلـى الغريـر اصواتهـم

قـــومٍ بـنـزعــات الـغـلــو مـتـعـاونـه
تـأويـلـهـم حــلّــل لــهـــم إرهـابـهــم

صــوّر لـهــم إبـلـيـس جـنّــه فـاتـنـه
أذّن بـهـم وإلــى الجـحـيــم اقـتـادهـم

درب الجهـل أحـرق نـفـوسٍ واهـنـه
تـغــرس بقـيـعـان الـوحــل رايـاتـهـم

ســـذّج بـالافـعـال العـقـيـمـه شـايـنـه
فــي ظنّـهـم ديــن الله بيسـمـى بـهــم

نـهـجٍ لــه جـمـــوع الخليقــه دايـنــه
عـــاري ولا يـسـتـر دجـــى نـيّـاتـهـم

نـور الصّبـاح المدّعـى .. و مكـامـنـه
نـــارٍ شـرارتـهـا نـشــت بـاوكـارهــم

[الشامخه]

يا رب .. هذا زمن فتنة ووقت إنقسام
ما دور إلا الثبات وما اطلب إلا اليقين
-
أدعي مثل مادعى يوسف عليه السّلام
"توفني مسلمًا.. وألحقني بالصالحين"

[عذب]

قلبي اللي كل ماضاقت عليه
مالقى له كل ماضاقت سعه
وان شكى بالليل من هم يجيه
مالقى من هو لصوته يسمعه
ماحصل له من هواه اللي يبيه
كن قل الحظ دايم يتبعه

بوحي

[الجووهره]

ياصاحبي مافادنا كثر الأحلام

واللي بخاطرنا[ عجزنا نطوله]

ماتت أمانينا على< كف الأيام >

وحكم القدر فارض علينا ميوله

[عبدالله الصقري]

ياربعـنـا يـااهـل الـخـيـول الصّــافـنــه
حــنّــا بـتـوفـيـق الإلــــه اعــدامـهـــم

و ان جنـدالـشـيـطــان كــــل قـرائـنــه
عـهـــدٍ عليـنـا نبـيــدهـم واعـوانـهــم

يبقى سجين الفـكــر ( لعبـة سـاجنـــه )
و الــحـــر مايـثـنـيـه نــبــح كـلابـهــم

أرواحـنــا دون الـوطــن تـتـحاضـنـــه
بــرجــالٍ يـعـطّـــر ثــــراه دمـــاؤهـــم

ذادوا عـــن ارواح الـعـبـــاد الآمـنـــه
و بـيّـن بسـاحــات الـشــرف إيمانـهـم

الــديــن أحـكــامــه جـلــيّـــه بـايــنـــه
ماهـو بحاجــة مـن عمـت أبصـــارهـم

وصـلاة مـن كـوّن صـنــوف الكايـنـــه
علـى شفـيــع الخـلـق فــي ميعــــادهـم

[عذب]

الاحق حلمي الي مرني في مرقدي طايف
على سجة فكر مرت وانا مع رغبتي غافي
يجيني لاغفت عين التمني والنظر شايف
والامنه صحت عين المنى ماعاد ينشافي
اثاري هاتف احلامي خيال واقعه زايف
دعاني للحياة وما لقيته للوعد وافي
بوحي

[خيال مطير]

بوقت من البطا و بليل تتراقص شياطينه
بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه
و انا اللي من تفارقنا و أنا ما غمضت لي عين
غريبة كل حلم يمر برقادي تزورينه
و الأغرب كيف أحلم الحلم و ارجع و احلمه بعدين

[عبدالله الصقري]

ياليتني أقطف ربيع الشفآيف
ياللي جفا الكتمآن بَكَّى حروفك

ياما نويت آصآرحك بس خآيف
وجهة نظرك تبآعدك ما أشوفك

[نهر]

وقتٍ مضى لايهمك
أنتهى مع ناسه

.

[عذب]

هديت بال الشوق قبل يتمادى
قبل التوجد يذبحه والهيامي
ماكل من صوت باسمك ونادى
يقصدك يمكنه تشابه اسامي
بوحي

[عبدالله الصقري]

اللي جذبني يمك
يصعب علي قياسه

[عبدالله الصقري]

آتـمنـى شـوفـتــك فـي كـل حيـن
ليـت حلمـي فيـك وآقـع ألـمَسَــه

[الشامخه]

معك وجهي بدون الوان
عطيتك أبيضه ، تدريي ؟

معي ماكنت أي انسان
اشوفك من طرف صدري

أنا الأسف وانا الغلطان
وأنا الواجد عليك أدري

[عذب]

ياقصة الأمس يا احلى حكاياتي
ياواقع اليوم يامستقبل ايامي
يالهفة الشوق في جملة رواياتي
في دفتر العشق عنوان الغلا نامي
قريتك الحب قبل عيوني تباتي
وانام واقرأ غراماتك باحلامي
يعني حفظتك حكاية امس للآتي
ياقصة ساكنه في مكتب اعوامي

بوحي

[رحيل]

السهر دافع لـ نبش الذكريات
وش نسيت و وش ذكرت و وش فقدت

حتى لو قلبي على الصبر إستمات
ليتني قبل أذكر الماضي رقدت

[عبدالله الصقري]

السهر عَلَّم عيوني تدمعك
بالورق والحبر قلبي و دمي

خاطري لا ضج شوقه أسمعك
نآعي ٍ ينخى من الصبر همّي

[الشامخه]

https://m.youtube.com/watch?v=T743L1-KY8c

[عبدالله الصقري]

إذا شـــآب الطفـل قبل الشّبــاب
تـراهــا من نـواقـيــس الخطــر
واذا المجــروح بالأوهـام طـاب
بقى تـحـت امــر خـلاّق البشــر
لـيــوم ٍ سُمّيَ بـ يـوم الحســـاب
إذا بــه نــاسـي ٍ لـلـمـسـتــقــــر

[عذب]

https://66.media.tumblr.com/b5e66ffd200b0e2449a1af0edd44034a/tumblr_ntfhhhez4T1sypktfo1_500.gif
نظرتك برق في سما الخافق تلوح
وبسمتك غيم تسقي النفس بالسيل
يالون عشب يبهج القلب والروح
عشب من الوسمي سقته الهماليل
عطره على المشتاق من ورده يفوح
ينعش حياته عن هموم وغرابيل
ليته يزور الشوق في لحظة البوح
مع النسيم اللي يجيبه تعاليل
ان كان اعبر له عن الحب بوضوح
واعيشه جو الغلا لآخر الليل
بوحي

[شاعرة نجد]

ولي حمامه جرت الصوت والصوت
لامن سمعته جر ضامي عروقي

مستقصدتني يافهد جعلها الموت
لاهيضتني جيت من حر شوقي

ولاحيتها من صادق الروح بسكوت
والحس من نور النهار مخنوقي

بطلاسمٍ لْجوهر الشعر تابوت
باتت وماتت داخله من خفوقي

@بقلمي@

[عبدالله الصقري]

لاواعنا المشتآق لا قال سآلي
عن هآجسه و الكل يدري بـ خآفيه

و لـ هآجسه عيَّا حبيبه يبآلي
كن الجفا دربه و ملزوم يمشيه

[عذب]

بنيت لك يازين في خافقي دار
قصر بكل الحب والود عالي
وسطه حديقة شوق من ورد وازهار
ومزين بكل الغلا والدلالي
فيه الغرام يحيط به مثل الاسوار
والعاطفة تعطيه شكل جمالي
سوالف العشاق تلفيه زوار
تروي حكاوي حب عن كل غالي
من زار قصر الحب خلاه تذكار
ويقول زرت اليوم قصر خيالي

بوحي

[الشامخه]

https://m.youtube.com/watch?v=QUtaQ5eN2iA

[عبدالله الصقري]

أتذَكَّـرَه و ارحـل على حس غـآلـي
و الدمعتيـن اَصـدَق هديَّـه و تكفيه

[عبدالله الصقري]

ما احب غيره لو برى الهم حالي
سطَّرتها في قلب تدرون من فيه

[عذب]

كان حظي في حلا شوفك ردي
فالعوض في شوف احلام المنام
انت لك صورة فبالي يابعدي
كل ليلة احضن الصورة وانام
بوحي

[عبدالله الصقري]

أحرمتني يا حبي اغلى الليالي
تركتني في وقت أحتآج لك فيه

نسيتني مع هم قلبي لحالي
مرَّه ينآجيني و مرَّآت انآجيه

[عذب]

الشوق في قلبي تعدا المجره
خذ لفة بين الكواكب والأفلاك
خايف عليه من الوله لايضره
كم ليلة في ليل الأشواق ناداك
ليتك تلبي خاطر الشوق مره
وتفرحه قلب تمنى ملاقاك

بوحي

[خيال مطير]

صح لسانك عذب

[رحيل]

من دلة فوق جمر اشواق قلبي تفوح
صبيت فنجال وإن طال انتضاره برد

الشوق باللعين واضح مايبي له وضوح
والفكر .. لاجيت ارده عنه يمه شرد

[ملكة الرواسي]

في عقول الناس جمله
صاغها للناس / عاقل ..!
في حناياها كلام
مكتسي ( بالواقعيه .)

ضمنها فكره تأكد إن
ما بالكون كامل
وإن نفس إللي عطاك الحب
يعطيك الأذيه ..!!

[عذب]

خيال مطير صح بدنك وتسلم على الاعجاب والاشادة تحياتي لك

[النجلاء]

الشوق في قلبي تعدا المجره
خذ لفة بين الكواكب والأفلاك
خايف عليه من الوله لايضره
كم ليلة في ليل الأشواق ناداك
ليتك تلبي خاطر الشوق مره
وتفرحه قلب تمنى ملاقاك

بوحي

عذب صح الله لسانك مدد بلا عدد
مبدع وجزل وشهادتي فيك مجروحه شاعرنا
دام ابداعك ورقي قلمك الفاخر
تقديري لسموك
النجلاء

[هزاع محمدالعاصمي]

الضيقه اللي تمر احيان وتعدي=‏مرت على البال هالمره ولاعدت
‏‏ثارت غضب في خفاي وبيحت سدي =‏ نخيتها تبتعد عني ولا ردت

[خيال مطير]

تسولف لي عن الضّيقة وأنا كلّي ألم وأحزان
وأنا من وين ما ناظر بعيني شفـت ضيقاتـي
تسولف لي عن الضّيقة وأنا عنوان للحرمـان
دخيلك لا دخيل الجـرح لا تكشـف معاناتـي

[النجلاء]

الضيقه اللي تمر احيان وتعدي=‏مرت على البال هالمره ولاعدت
‏‏ثارت غضب في خفاي وبيحت سدي =‏ نخيتها تبتعد عني ولا ردت

صح لسانك يامبدع وسلامتك من الضيقه شاعرنا

[عذب]

لاتحجج بالبطا ياراكب خيول الرحيل
البطا وقت يعيشه من نوى الترحاليه
لكن اللي للمواصل يركب الرغبات خيل
يقطع فجوج البطا لمعانق الوصاليه
والمحبة مثل ماقالوا عطا وانت بخيل
والبخل بين الحبايب مايمد حباليه
بشر المعطي لخله بالهوى زود الحصيل
كان له خل يبادله العطا بجزاليه
ومن تعنى للخليل ومالقى هيل وحيل
قله ان الخل زاهد اتركه بالحاليه
بوحي

[عبدالله الصقري]

أمـانـتـــه قلبـــــ ٍ من الوقت انظلــــم
إمّـا يـهــــزّه بــالـغـــلا أو يـهــدّيـــــه
والاّ يســاقـيـنـي الهـوى من كل جـم
مــا دام عينــه بيّنت حبّ مـدمـيـــــه
ليتـــه يحسّ بـ خـافق ٍ مليـــان هـــم
ألفين قــاف من الولـــه ما تـكفّـيــــه

[عذب]

حنيت لك والوقت ما قدر الشوق
عيا يطيع الوقت اشتاق والقاك
كن اللقاء من جعبة الوقت مسروق
حتى الوعد عن لذة الشوف خباك
ياغايتي يامنبع الزين والذوق
قلي متى يجمعني الوقت وياك
بوحي

[هزاع محمدالعاصمي]

السلام عليكم مساء الخير يعطيكم العافية
عيد صغير معليش شايفها بحلم هههههه كمل ناصر الهواوي
جبتها من السجن هنا وكملها الهواوي في السجن ههههههه

البارحة الليل قمرا شاقني نوره = ذكرني إللي بخده يشبه القمرا
احلى القوافي تجلت فيه مسحوره = مابين وجهٍ حسين وشفةٍ حمرا

سلام

[خيال مطير]

http://forum.hwaml.com/imgcache2/hwaml.com_1296760225_679.jpg
ناديــــــت نــوره قالت عيون نــــــــــوره
أمر تدلل يابعـــــد جملة النــــــــاس
قلت الحيـــا لابـان برقــــــه ونـــــــــــوره
.قالــت نبـات الارض ينبت لك المــاس
قلـت الظلام اليــــا انعدم فيـــه نــــــــــوره
قالـــت نعيـش بنور نورك ولابـــاس
قلت الظروف اليـــــا منعت شوف نـــــوره
قالت لاجيلك لو ورى الباب حــــراس

[خيال مطير]

برق مصد عنك لو كان بـه نـور .. بالك تخيله لو ربيعك شفاقـه
ترى الرجال ابهم تمازيح واغرور .. ومن قبل بخصه لا يجي لك عشاقه

[عبدالله الصقري]

نَوّ ٍ غشانا تالي الليل بـ بروق
أقلق هجآد الليل يا ناس برقه

ألجا السَّهر و الهت مبآريقه الموق
و ادعى يرتِّل بالمرآعيد طرقه

[شاعرة نجد]

الليـالـي علمتني..ليتـهـا ماعلمتـنـي
ليتني مازلت طفله..واجْهَل عْلـوم الليالـي

ليتني مازلت طفله..لعبتي من فـوق متنـي
كل همي اتبع امي والعب العابي لحالي

[عبدالله الصقري]

هو هآضني ثم وقَّف الدم بـ عروق
و اخذ يذكّرني بمافآت سرقه

و اخذ يقلِّب صفحة انسآن معشوق
من فرحة المولد الى نوح ورقه

[عذب]

فرشت لك قلب الغلا حب واشواق
عشان تسكن في خفوقي وترتاح
انت الوحيدالي سكن وسط الاعماق
وانت الذي معطيه للقلب مفتاح
حافظ عليه ان كنت للحب تواق
ان كان لك قدرة على ملك الارواح
بوحي

[عبدالله الصقري]

أقول انا يابرقي الليله تشوق
يقول بعض البرق يتلاه حرقه

يالآدمي في جحدك النعمه فسوق
تجي فـ يوم الجمع طلَآب فرقه

[عذب]

البارحة في تالي الليل ناديت
ناديت خل بالهوى محتويني
يازين حبك فتت القلب تفتيت
الله على باقي عذابك يعيني
ثبت حبك باوسط القلب تثبت
وارخصت عمري لك طوال السنيني
ياشوق ماقبلك من الناس حبيت
ولاسكن عقبك بقلبي ضنيني
يمر طيفك كل مارمشت واغضيت
ودي تحس بصادق الشوق فيني
ودي بشوفك كل ماصبحت وامسيت
ممساك في شوقي وصبحك حنيني
من بوحي

[عبدالله الصقري]

يا ما برقت و شآقني مرتع النوق
ما فآضت غيومي بـ غربه و شرقه

[خيال مطير]

حبك سمـا بالقلب تلعج بروقه..
والشوق هماله من الوسم هطال..
والطيف مثل الشمس حزة شروقه..
والصد صيف للمعاليق سلال..

[عذب]

يامنبع الإحساس ياذوق راقي
ياللي حروف الحب عندك نديه
ياوردة العشاق وقت التلاقي
ياعطرك اللي بايت في يديه
يامهرة زينك على الكل فاقي
ياطهر غيمة ممطرة ببرديه
اجلس معك ويزود فيني اشتياقي
واعيشك بلهفات ياعسجديه
لحظة غرام تضم لذة عناقي
ونظرة عيون تضيع الأبجديه
خلك معي ياشوق في الحب باقي
واعطي لك الخفاق مني هديه

بوح جديد

[خيال مطير]

يا قـلــبي اللي تحــبه اصـــبح عديم إحساس
دام المحـــبة إلى الآن يجــهــل معانــــــــيها
وفــــيت له وأخلصــت له دون كل الــــناس
ويا للأسف ما هـمــــته نفــسً يعــــــــــنيها
يا قـلـــــــبي اللي تحبه وشلته فـوق الرأس
روحي ضمت من زود ظلمـه ولا هم يرويــها

[عبدالله الصقري]

ليلي جفا و الهجر طوَّل عليَّه
ياللي خذيت النور كله معآك

[خيال مطير]

من زود حبّك جيتـك بكـل ذاتـي
واشكي غيابك يابعد كـل مزيـون
خلّـك رحـوم بحالتـي يامنـاتـي
طال الغياب وضاق بعيوني الكون
ليه الجفا وانـت الوحيـد بحياتـي
مدري تغلي أو دلع منـك وفنـون

[عذب]

لاتلوم الناس لم نفسك اذا
ضاعت احلامك وفاتت فرصتك
ذا نطام الوقت دولابه كذا
عادته دوار وانت وحكمتك
مره يعطرك من طيبه شذا
ومرة قفر يخلي ديرتك
والذكي الي اذا تاحت خذا
حاجته والوقت ماهوبدبرتك

بوحي

[عبدالله الصقري]

إنسان انا
في قصّتي خوف و حزن
و بـ دمعـتي ضآق الجفن
دآريتها
و دآريت ءآهآتي
و اسكَنْتَها
في طيّ صفحاتي
محد سمعها
أو قراها
غير انا

[عذب]

عزيز الحرف يرقى بي على قمة شموخ القاف
وربان الهجوس يقودها لاغزر معانيها
على سحب القصيد الي نشى في عالي المشراف
تراكم بالشعر لين الهجوس تهل مافيها
مطرهالاهمت عذب الشراب وبارد وشفاف
تسوق غيومها ريح العطا لعيون ضاميها
هماليل على روض القلوب الضامية هتاف
صدوق بالعطا يملا نواحيها ويحييها
على نوالغرام الي ربيعه بالغلا اصناف
تزين به القلوب الي ورود الحب كاسيها
وروح العاطفة يزهر بهانبت الوله غرياف
تردد في حناياها طيور الشوق اغانيها


بوحي

[الشامخه]

الغيم يشبه ضحكتك يوم اداريك
والجو صورة من جمالك وعينك

[الجووهره]

سو الجميل ولا تحرى مرده
. ترى الجميل براعي الطيب مابار
يزرع و يسقيه الغلا و الموده
. ويظهر وينبت لك رياحين وازهار

[عبدالله الصقري]

حضرت
و ماقدرت اكتب

وقلت
اتخآرج
احسن لي

[هزاع محمدالعاصمي]

حــين لــذّ الأُنس شــيئًا أَو كمـا=هجــم الصّبــحُ هجــومَ الحـرَسِ
غــارت الشــهْبُ بنــا أَو ربّمـا = أَثّــرت فينــا عيــون النرجــسِ
....

[الشامخه]

إن قام حظك قمت من لذة النوم
صليت فرضك يوم نادى المنادي
.
و إن طاح حظك جاك لذات و حلوم
و أخترت عن داعِ الإله الرقادي
.
ما تدري إن الروح ياتي لها يوم
و إليا انتهى عمر الفتى ما يعادي
.
ما ينفعك نخوة و فزعات وسلوم
تلقى مصيرك حَرّ و إلا برادي

[عبدالله الصقري]

إنسان انا
أشكي لمن
من جرحي
و غدر الزمن
فيني رياح الشك عآنقها سؤال
و بـ نآظري صار الوهم كل المجال
أجمل أماني خافقي صعب و محال
والله عنا

................

إنسان انا
أدري نهايتنا التراب
و ادري بعد
إنّ الزمن ودَّا و جآب
في دورته
يآخذ بَعَضنا من بَعَض
مثل السراب
يزيِّن عيون العذاب
واللي سكن فيه و سكن
هووا انا

[هزاع محمدالعاصمي]

لاتشتكي للناس من حر مافيك=شكواك بعض حيان تصعب الإجابة
خلك مع ربك وناجيه يشفيك = قربك يصخرلك ويجلي الكأبه

[شاعرة نجد]

هبت جنوب وهب معها البرادي
والغيم غيّم واول الغيث قطره

يالله بْخير يْعم كل البلادي
زااهر ربيعه يقعد الراس عطره

[عذب]

تنهايد المسا قهوة تفوح بزعفران وهيل
تشق دروبها بين الضلوع العوج مقهوره
يصحيها الخلا دايم اذا خيم ظلام الليل
وهي طول النهارتبات وسط الروح مأسوره
تسامرها النجوم الي لقت في صوتهاتعليل
تحسب ان الجريح يغني الآهات وكسوره
نجوم ماغدرفيها الزمان وغرها التمثيل
ولاعانت من طعون الجفاوالصد مغدوره
ولاتدري عن طبوع البشر جملة ولاتفصيل
ولاعاشت احاسيس الغلاوالحب معذوره
احديسهروحيد ومامعه غير العناوالويل
وناس مع حبايبهاتعيش الليل مسروره
بوحي

[هزاع محمدالعاصمي]

الله عليك ياعذب لك من اسمك نصيب صح السانك حد رضاك

[الجووهره]

وٍدٍي آبُوح كل مآبخآطرٍي مكنونٌ


لكنٍ ظرُوفْ آلوٍقت تلزٍم .. سكًوتًي .. !!

[عذب]

هزاع العاصمي
تسلم على الاعجاب وصح بدنك على الاشادة والاطراء ولاعليك زود لك كل التحايا

[عبدالله الصقري]

أنا اللي تآه في بسمة عيونك
و ضيَّع مبسمه كلمة أحبك

[شاعرة نجد]

خلاص,قلبي متين وخاطري سامح
من عوّدتني الليال السود عـ الفرقى

[عذب]

يامدعين الدين هو وينه الدين
لاصار نسمع به ولا احنا نشوفه
بعض العرب لوجا مع اللي مصلين
ماتنفعه لاصار رزقه يحوفه
واللي يطفف كيلها بالموازين
ماينقذه من ويل كثرة حلوفه
خله يحط احسان في مقعد حسين
باكر لابان الحق جته الحسوفه
لكن ترا قال الدهاة القديمين
عين الرضا لاجا الخطاماتشوفه
تدمح خطااللي له خفوقه محبين
ومن تكرهه ماهي تشوف معروفه
بوحي

[خيال مطير]

يامدعين الدين هو وينه الدين
لاصار نسمع به ولا احنا نشوفه
بعض العرب لوجا مع اللي مصلين
ماتنفعه لاصار رزقه يحوفه
واللي يطفف كيلها بالموازين
ماينقذه من ويل كثرة حلوفه
خله يحط احسان في مقعد حسين
باكر لابان الحق جته الحسوفه
لكن ترا قال الدهاة القديمين
عين الرضا لاجا الخطاماتشوفه
تدمح خطااللي له خفوقه محبين
ومن تكرهه ماهي تشوف معروفه
بوحي
صح لســــــــــــــــــــــــــ _؛ نك يالامير
ثم صح لسانك
عذب
وأنت عذب
وتبقى عذب
بكل المعانيــــ

[نايف الناجي]

ما يبلش الصراف لو راحت وجات
لكــــل عمله سلــــــــم عنده وذمه

لوخـــــالف الخيال درب المـــــروات
يبقى لجاه العـــــــــرف شين يتمه

على الوفاء مرسى الجبال المهيبات
والعلم جــــــوف بحورها المدلهمه

[خيال مطير]

صح لسانك يانايف عوده حميده

يصهل الخيال والمهره حوا فرها تـزوع
تسهج الميدان والسايس رسنها في يـده
الرسن محكم لجامه لانواها بـا لرجـوع
وان عصت طبع العسافه تل حبله وجرده
لو تبخترما حسب معها نزول ولاطلـوع
ونوا يشرب مطرها يسبق الغيث رعـده
ياالزويكي لو تسون الخصايل والطبـوع
كان ما يحسب من الايام بكـره وبعـده
الخرز منظوم والسبحه على الخيط البتوع
وان حسبته باخره قدم اوله جاب عـدده
ودي اعيده وحسبه مير شيمت الجمـوع
وعن رداهم ياالزويكي سقت لطيب سعده
وانت عينك لثلوث اللي سبق يوم الربوع
وش نسوي بالخميس اللي تغير موعـده

[نايف الناجي]

صح بدنك ياخيال على الاوله والتاليه

[الجووهره]

هلا بك نآيف النآجي
نورت بعد الغيبه
وصح لسآنك

[عبدالله الصقري]

حلو الحزن لاصآر لعيون الاحبآب
أحلى من الفرحه بليَّا حبآيب

القلب لا ذآب و ذكر غآلي ٍ غآب
يحنّ لجروح ٍ بها كان طآيب

[عذب]

اترك القلب عندك مرتهن ما ابيه
دام مالي نصيب يالغلا في هواك
ويش ابي في خفوق منت عاطف عليه
قلبي اللي تركته مايعيش برجاك
من جفاني جفيته بالهوى ما ارتجيه
حافظ عز نفسي لو خفوقي بغاك
من بغاني يجيني والجدي من يجيه
ماتساوى نجوم سابحة في سماك

بوحي

[هزاع محمدالعاصمي]

اكتب لك المعنى على بيض الاوراق=ابيك تفهم وانت منتاب يمي
سلم الهوى ما يحتمل بعد وفراق = ياغالين ماله جدى غير همي

منتاب كلمة يستعملها اهل الرياض للمعلوميه

[عبدالله الصقري]

بالله ياللي عننــا تـنـــــوي اْفـراق
وش تنفع النظـرات حين الوداعـــه

حرام نحـرم عمرنــا لحظة اْعنــاق
لا صارت اللحظات بالشوق ساعه

[نايف الناجي]

ساكت وانا صدري من البوح مزحوم
حتى السكوت يقول تكفى تكلم!
ابن القصيد

[ملكة الرواسي]

منورين شعار الرواسي

..


لقيت فيك إحساس ، ماهو مع الناس
و لقيت بــك ، من بــد الآرواح روحي

[عذب]

ياغاليه خفي على القلب تكفين
لاتحرمين العين شوفة عيونك
متلهف ومشتاق لوكان تدرين
والله ماتسوى حياتي بدونك
مشتاق للأحضان والعين بالعين
يازينها بالحب لحظة جنونك

بوحي

[عذب]

يحق لك يازين نايم ومرتاح
واناعيون طولت في سهرها
يمرني طيفك مع الليل سواح
واسامره لين يتبين سفرها
واسأل عليك الشوق والشوق فضاح
كم نظرة لأهل الهوى ماسترها
بوحي

[نور]

انا مثل حزة فجر مالي احباب
‏ اصالح الظلما مع النور واغيب

[الشامخه]

ما عندي أحّد أسأله ، أسأل الليل :
نذكر بعض للحين ... و إلا نسينا ؟
.
كل ما تذكّرتك و حنّيت لك حيييييل
أقسى على قلبي و أقول : أنتهينا !

[الشامخه]

شفت السحاب اللي بياضه مسّرات
عليه من وجهك رسوم وملامح

[عذب]

وصلاة ربي عد ماطاير طار
وعد النجوم اللامعات السهيرة
وعد الرمال وعد همال الأمطار
واعداد من يسكن بلاد وديرة
مع ماخلق بالكون في بر وابحار
مع مثلهن واكثر صلاة كثيرة
على النبي الي من الله مختار
محمد الي للخلايق بشيرة
بوحي

[خيال مطير]

سجلت دخولي لاجل امسـيك بالخير
يسعد مساك ويسعد الله حضورك
ياللـي حضورك غير يفرق عن الغير
الـجـو جـوك وأجمـل الـنـور نـورك

[الشامخه]

https://m.youtube.com/watch?v=wHHf3y-jes0

[خيال مطير]

ليت الخبر ما كان في ليلة السبت
ويوم الاحد ما كان يوم الوداعي
عز الله اني يا هوى البال شيبت
قلبي من الفرقا عليكم يلاعي
لوعة هبوبٍ يا صفق ناعم النبت
من لوعته يبست زهور المراعي

[عذب]

مااحلى المسا لاخالطه لون الاشفاق
لاصاريجمع بين برق وغيمه
جوه خيال ويشبه لجو عشاق
ضمت مشاعرهم هماليل ديمه
بوحي

[شاعرة نجد]

يانسيم الليل ياعذب البرادي
يامقاديم الشتاا يامرحبابك

لـ حداني من غزير الشوق حادي
جيت مع هجس القصيد اطق بابك

[خيال مطير]

ياسعود تكفى لايفكون الأطناب
ياسعود تكفى قلهم بس ليله
ياسعود شفي من هوى البر ماطاب
خلوا حبيس الدار يبرد غليله
يكفيه من طول السنه صكت الباب
ويكفيه من طول السنين المحيله

[الشامخه]

عمر مع جنابك و العمر معك ما املّه
الايـام ساعتـها تسـابـق دقـايـقها
ㅤㅤㅤㅤㅤㅤㅤㅤㅤㅤㅤㅤㅤㅤ
و لي قلب واحد وانت من جيت محتلّه
معك ذقت لذّات الغلا و انت ذايقها
ㅤㅤㅤㅤㅤㅤㅤㅤㅤㅤㅤㅤㅤㅤ
تعدت مراحـل خلٍ يموت في خِلّه
انا ادمنت بك حتى العذاريب عاشقها “. .


حمد_السعيد

[عبدالله الصقري]

تتحطّم الموجه على الصخر يـ سعود
لا مآتت الموجه . ولا هزَّت الصَّخْر

و ان مآتت الموجه 100 موجه نعود
تلثم جبين الصخر و تعآنقه دهر

[شاعرة نجد]

تعال واسْمعني من الرااس للراس
ياكثر مافيني وياقو باسي

بـ اشكي لك هْمومي بعيده عن الناس
يانور عيني يابعد كل ناسي

[عذب]

صباح الخيروالدنيا تدور وهالفلك دوار
وجعله كل ماطال الزمان يحقق احلامك
خيال كل ماجاني يغني له حمام الدار
وانا اردد مع انغام المغني عاشت ايامك

بوحي

[عبدالله الصقري]

عَـسَــآهَـــا دَوُمْ تِـتْبَـسَّـــمْ فَـرَحْ
وَلَآ تَطْعَـمْ غَصِبْ مِلْـحَ اَلعُـيُـوُنْ

هَذِيِك اَلعَينْ . بُـسْتَــآنْ وُ طَـرَحْ
بَـرَآهِـيِـنَ اَلـمَحَـبَّـهْ وَ اَلشُّجُـوُنْ

نَعَمْ .. لَآ شُفْتَهَــآ قَلْبِي اِنْـشَـرَحْ
وُ طـآب وُ ذَآآبَتْ آهَـآتَـهْ لُحُـوُنْ

[عذب]

يطلبون اهل الهوى عشق وغرام
والمشاعر كلها يبغونها
كل احساسك يبونه بالتمام
مع عبارات الغلا وفنونها
وان بغيت تواعد اللي به تهام
في مكان عن جميع عيونها
كثرة اعذار اللذي حبه كلام
واظهرت لك نيته مكنونها
دام منتب قد هامات الغمام
لاتحراها تجيك مزونها

بوحي

[شاعرة نجد]

الله أكبر ياسحابٍ ترااكم في سماي
شاقت عْيوني برووقه ولا هل امطره

كل ما انشا زااد خوفي ولا ادري وش بلاي
أتوجّد شوف غيثه واخاف مْن اخطره

[الجووهره]

وان عذربوك الأوآدم خل صدرك وسيع
ماعذرب عنآقيد العنب غير الذي ما طآلها

[هزاع محمدالعاصمي]

للغالين

كلي تفائل إني بيوم ألاقيك = وشعل قناديل الأمل لوثواني
وحطك بقلبي وضمك وداريك=في داخلي تذوق احلى الحناني
ويما حتريت إنك تجي عند مغليك=اشرح لك الأوضاع مما أعاني

[الجووهره]

‏ترقى الحروف ولهفـة الشـوق ترقـا
‏حتى يغار البـرق مـن غـرة الغيـم

‏غصن ونسيم وقاف ولحون ورقا
‏تعزف على همس المشاعر ترانيـم

[هزاع محمدالعاصمي]

العين من وجعة قوافيك غرقا=فيها من الدمعه كما رشة الديم
مدري علام العين يازين حرقا = عيت تشالا والوجع جار ومقيم
في سجتي عانقت بالصوت ورقا=انده على ظبي الفلا قايد الريم

[الجووهره]

صح لسآنك هزآع
أبدعت في المجآرآة
يعطيك العآآفيه

[الجووهره]

جو الشتا رجع لصدري حكايات
الـشـوق والـذكرى وروعـة حلاهـا

كل مانسيت وقلت مافات قد مات
تـبـرد ضلـوعـي وأتـذكـر دفـاهـا

[عبدالله الصقري]

الله يذكرك الشهاده يالجوهره

هالبيتين ذكرتني بـ نص قدييييييييييييييم

لا يحضزني الان
لكن امانه ذكريني لاحقا وبانزله في تاج القصيد

تحياتي للجميع

[عذب]

حرام تتعب هاجسك بالتفاكير
لاصار ماتكتبه ماهوب مقري
خل الكتابة بالصور والتعابير
للصاحب اللي عن مشاعرك يدري
بوحي

[ملكة الرواسي]

من يناظر في ، عيونكك مايتوب
.. بحر عينك من توسط به غرق ..

[عبدالله الصقري]

انتي الحب الحقيقي و الحنين
و انتي اعذب من زلآل الشَّهد مآك

[الجووهره]

الله يذكرك الشهاده يالجوهره

هالبيتين ذكرتني بـ نص قدييييييييييييييم

لا يحضزني الان
لكن امانه ذكريني لاحقا وبانزله في تاج القصيد

تحياتي للجميع

آميييين وايآآآك يآرب
وبانتظار النص وابدآعك

[الجووهره]

اشيائنا المبهمه فتنة غموض وسكوت
كلً حسب نظرته بيشـــوف تفسيرها

القلـــــــوب متنوعه متفاوته بالقنوت
والعقــــــــول انماط مختلفه بتفكيرها

كثيــــــر فينا مشاعر قبل تولد تموت
وكثيــــــــر احاسيس تقتلها تعابيرها

[عذب]

عود الليل معتم قلت يالله تعين
كن طاري غيابه مع مساي انعقد
بين ليل طويل وبين شوق وحنين
المشاعر حزينه والجفن مارقد
من فقد حس غالي بالليالي يبين
جلسة الليل خالي تشعرك بالفقد
بوحي

[خيال مطير]

لي الشرف وجروح قلبي سببها أنت
محدن تجرّأ يجرح القلب غيرك
بيدين صعبات المقادير ما لنت
وأصبحت أسيرك بالعبير وحريرك
لوّنت عالم شاعرك ما تلونت
ما يرتوي من ذاق رشفة غديرك
تبقى معي في عالمي وين ما كنت
لاهب نسناس الغلا جا عبيرك

/

[عذب]

لي شرهة بالقلب ماتقبل اعذار
للصاحب اللي مالقيت اهتمامه
اخفي جروح القلب لوكانت كبار
واقابل اللي ماوفوا بابتسامه
حنا خلقنا الله رجاجيل واحرار
تفنى النفوس ولاتموت الكرامه
بوحي

[شاعرة نجد]

طلاسم حْروفي نشطي فكره الكسلان
يفك الرموز اللي عجز لايحللها

بعثت الرساله وأحْسب انّه مثل ما كان
سريع البديهه لافهمها بيرسلها

[خيال مطير]

أحب وقت الغروب ولونه الدافي
يشبه لشلال شعرك يوم احلي به
وأحب ضوح القمر.. والكون متصافي
عليه من جيدك اللي صرت اهذري به
وأحب لون الورد ولونها كافي
ما افرق الورد من خدك واغني به

[خيال مطير]

#1
يارساله عزيزه ودي اقراها ...بس يالاسف خانتني اعصابي
صارلي مدت وانا اتحراها.... من وليف عليه القلب منصابي
هو كتبها وعنونها وقراها ....وانتظرني شهر ما رد من مابي
واعتبرني مقصر يوم وداها ...مادرى اني حرقت الخط من مابي
لا قريته لواني نثرت ماها.... قالت الخط مرسول من احبابي
خلها تمشي الدنيا بمجراها ... لا يجي جرح ينقذ جرح معطابي

[هزاع محمدالعاصمي]

اعرف ترى سر الغلا فيك صوتك= ياللي بصوتك تسحر قلوب الاحباب
هذي البلابل في نغمها تعيدك=وكل المشاعر تأخذ الصوتك احساب

[خيال مطير]

اترك غلاك ياحبيبي على جنب ..
غير الغلا تعجبني بزود طيبك
كلك على بعظك تجنن وتنحب ..
حظي كبير اللي جعلني (رفيقك)
ماأقول غير الله يخليك يارب ..
ويعمي العيون اللي تحاول تصيبك

[عذب]

مافيه شخص الا بقلبه ذكريات
تبقى دفينه لين جسمه يندفن
مايفضحه الا الأماكن بالحياة
ان مرها بيح بهاصوت وجفن
بوحي

[الجووهره]

طبع الندى يبكي وهو حاضن الورد

في عز ماهو فارغ الصدر مرتـاح

مثل السحاب اللي بكا دمعة البـرد

تفرح به العربـان لا بارقـــه لاح

[عذب]

يابخته الي له حبيب مصافيه
عايش معه في الحب لحظه بلحظه
يملا النظرمنه يحسه يحاكيه
هذا الذي في الحب يازين حظه

نبضي

[هزاع محمدالعاصمي]

هذى حنانٍ عطره لي ربيعك=يوم العواذل مادرت ويش الأسباب
ترى الهوى ينقصه نفحت عبيرك=ياللي بصوتك تسحر قلوب الاحباب

[الجووهره]

نكتم شعور قلوبنا من حيا آلروح
دام الأماني بالمحاني كثيره
أحيان نطريها على آلبال وتروح
وأحيان تطغى بـ آلخفوق وتثيره

[عذب]

حسبي على طيفك معي وين ما اروح
حتى القمر يعكس ملامح وجودك
يعني سكنت العين والقلب والروح
حتى خيالي ماتعدا حدودك

بوحي

[خيال مطير]

حسبي عليك اليوم روّح ولا أبغاك
من بعد ماكنت الغلا ياغناتي
وش جاك مني يامنى الروح وش جاك
أخطيت يوم إني عطيتك حياتي
فارقني وأفهم كلمتي قلت بجفاك
من ضيقتي صرت أتمنى مماتي
سويت شي الله يجازي سواياك
حطمتني وضيعت كل أمنياتي

محمد بن لافي المقاطي

[خيال مطير]

شمّيـت عطـرك وأنتثـر فينـي الشـوق
من دون ماشعـر زاد فينـي حنينـي

[خيال مطير]

اعرف ترى سر الغلا فيك صوتك.
.ياللي بصوتك تسحر قلوب الاحباب
هذي البلابل في نغمها تعيدك..
وكل المشاعر تأخذ لصوتك الحساب
وهذى حنان عطره لي ربيعك..
يوم العواذل مادرت ويش الاسباب


هزاع العاصمي

[عذب]

دن القلم واكتب من الشعر بيتين
من هاجس همه على القاف حده
هم يخلي ليل الأحزان ليلين
كنه يبات الهم تحت المخده
ياعاذلي فيني من الوقت جرحين
جرح الغريب وجرح منهوتوده
وش حيلتي لاصار للوقت وجهين
وجه ضحوك ووجه صعربخده
الله يعديها من العسر للين
ولوقت الأقشرربنا لايرده
والمعذرة سجيت عن هاجس اثنين
اثرالهجوس لبوحها مستعده

عذب

[الجووهره]

ترى الشدايد وعسر الأيام و الضيق ..
تظهر حقايق صاحبك لا جهلته

إمّا إرتكا مثل ( الجبال الشواهيق ) ..
ولا صَغر في ناظرك واحتقرته .

[عبدالله الصقري]

ليه يومي على حدّ الصراط اهتديت
راغت خطاي وماعندي ذنوب و ديون

وليه يومي جحيم ظروف غيري طفيت
أحترق مالي من الألف واحد حنون

[عذب]

يامزون الخير انا كلي ظما
مدهر حالي على حد الهلاك
اسكن بصحرا وتسكن في سما
خف من الله والحيا يملا سماك
كيف اموت وفي شفاك الحمرما
اسقني من عذب ريقك ياملاك

بوحي

[عبدالله الصقري]

صدقيني ما كتبت الشوق لك
قآصد ٍ غيرك و مدري كيف جآك

ما قصدت آبوح لك أو أوصلك
صدفة ٍ و رسآلتي بآتت معآك

وصّليها بالذي يحفظ هَلِك
للملآك و انتي اجمل من ملآك

بلّغيها بـ قلب ٍ من اوَّل ملك
ما طرى له شوف هذا و حب ذآك

الهوى يا بنت ما قد زلزلك
في عروقك ما مشى ممشا دمآك

من بعيد آشآهدك و اتأمّلك
و آتخيّل جرحك و همسة شفآك

قد ما أشتآق لك أتجآهلك
ما أبي شي ٍ يعلّقني بـ هوآك

و قد ما تستغربين ابـ اسألك
في عيونك لي هَنا و الا هلآك

ما نويت آدلّعك و آغآزلك
يا فؤآدك يا معاه انسى حلآك

و صدقيني لو رميت القلب لك
ما عرفتك مير جاك القلب جاك

[عبدالله الذيابي]

مصافحة تشفع في غياب

‏



ليل الـشتاء هــيـض عــلـي الـمـشـاعر
‏وطرب شجون الفكر من هيض واحساس

‏لا شــفــت ضـــو الــنـار يــشتـب ســاعـر
‏في داخـلـي يـشـتب سـاعـر وهـوجـاس

‏عبدالله الذيابي

[عذب]

الحب ماهو بس هرج وسواليف
ولاتحسبن الحب يكبر من بعيد
الحب يصدق بالعطا للمواليف
ويكبر بحزات اللقاء والمواعيد
مثل الهلال ان كان بالعين ماشيف
لا يعتبر به صوم ولا يعتبر عيد
بوحي

[عبدالله الصقري]

من حب ليلى تجنن قيس
و في الحب عنتر صلت ناره

الحب شييب رضيع الديس
ياما حلا الحب و اسراره

كسره قديمه
منقول

[عذب]

مالي على العابرمشاريه وعتاب
الأجودي ماهوب فيني ومني
اشره على اللي معتبرهم لي اصحاب
لابطيت عنهم مايسالون عني ؟؟
بوحي

[الجووهره]

‏اقبل العام الجديد بما حوى
‏رغم حزن اللي مضى متفائلين

‏الصبر باقي لو القلب انكوى
‏والأمل بالله رب العالمين

[عذب]

اكسر مفاهيم الخجل وانثر الشوق
لاصار صندوق الغلا زاد شوقه
كم عاشق من نار الاشواق محروق
كتم الغلا بالقلب زود حروقه
لاتقتل احساس الهوى في يد العوق
صدق الغلا مافيه شي يعوقه

بوحي

[الجووهره]

مايتوب النحل من قطف الرحيق
ولا يعيب الورد لو كثر "النحل"
،،
وبـ النـهايه كل حي ولـه رفيق
ينعرف طيب الزهور من العسل

[ملكة الرواسي]

اشتَقت لك .. واشتَاق لك وييين مَآرُوح

, ويزِيد شُوقِي كلّ ماطوّل الوَقت

ترَى الجسَد لَو غاب ماغَابت الروح

لِيتك تجِي وتشُوف وش لُون أنَا اشتَقتْ

[عذب]

اشره على اللي معتبرني رفيقه
ماشره على اللي معتبرني عدوه
لوشانت طبوع العدو بحريقه
ماهمني لوشفت منه الجفوه
اعتب على اللي له علاقة وثيقه
وش لون يصخي بالوفاءولأخوه
هذي حقيقه وان بغيت الحقيقه
ذنبه مثل من يدعون النبوه

بوحي

[الشامخه]

لولا ظروف الوقت ماقـيل لابـاس
ولولا الامل مايبتسم فـ الزمن حي
.
الله خلق هـ الناس تحتاج للناس
لا تبخل اليـا صرت تقدر على شي

[عذب]

حبيبي والمسا يضحك وليل فرحته لقياك
تناديك النجوم الي تبي تسهر على نورك
تــعال ونـور الدنيا بخـدك طـلعة محيــاك
مادام ان السماصافي يزين الجوبحضورك
تعال وظلـمة الليـل البـهـيم تبدده طـرياك
وجـوبالمسارايق حـداه الشـوق لعـطورك
بوحي

[الجووهره]

‏ياشتاء نجد لاتقسى علينا ببردك
‏وانت لو كان تقسى زود بالحيل غالي؛

‏ماتقفّي مصاديرك ولاقل وردك
‏البلاء كل ماهبـّت هبـوب الشمالي


عبدالله العضيآني

[عذب]

ابغاك من بد الخيالات واقع
وابغى اعيشك في حياتي حقيقة
يمكن خيالي بعض الأحيان واسع
لكن لقيته للتلاقي طريقة
بوحي

[الجووهره]

‏يازارع الورد بقدوم الشتاء والخريف
‏الورد له حزته .. والبرد له حزته ..

‏لا اخطيت يازارعه وجه الربيع النظيف
‏والله لـ تذبل زهوره ماكملت فزته

‏رياح الآيام لاتحسب هواها خفيف
‏الشجره آم الغصن لآمرته هزته ..


عبد الله العضيّآني

[عذب]

سرى بي هاجس الذكرى على انغام ماضيها
يذكرني اغاني شوقها بالحان مهجورة
اناديها ويرجع لي صدى صوتي واناديها
اخاف اتهزها ريح الجفا وطيح مكسورة
اخاف الي يضحكها يعود يوم يبكيها
وانا ما احبها تبكي دموع الوجد مقهورة

من ابياتي

[الشامخه]

راحوا بسرعه كنها سرعة الريح /
‏بس العرب من طيبهم ما نستهم
‏.
‏.
‏الأرض أزرت لا تشيل الزحازيح ،
‏تضايقت من ثقلهم وادفنتهم .

[الشامخه]

دام الغلا ، في هالزمن صار مشروط
‏لاتبدي اللي تكتمه وسط جوفك
‏.
‏كلٍ يبيك ان صرت رايق ، و مبسوط
‏و ان ضقت ، ما ودّ الخلايق بشوفك

[الشامخه]

يسعدليء صباحكم بكل خير..
راقت لي ابيات هالشيله جداً..وحبيت اشاركها معاكم..
https://m.youtube.com/watch?v=kYj5_1fxksk

[الجووهره]

صح لسآنك عذب
على الابيآت الجميله

ويسلم ذوقك شمووخه
على الابيآت والشيله الجميله

[الجووهره]

‏الجفا مثل الشتاا .. برد وصقيع
‏والمواصل لـ القلوب أحلى دفاا

[عذب]

استغفرالله عن كل اللذي قلته
ان كان يغضب اله الكون سبحانه
ولوفات شي من الرغبات مانلته
فالحمدلله على فضله واحسانه
بوحي

[خيال مطير]

استغفر الله العظيم من الخطايا والذنوب
استغفر الله كل ما اركع في رحاب الله واتوب
استغفر الله كل مالبس من ثياب الذنب ثوب
استغفر الله العظيم... استغفر الله العظيم

[عذب]

الناس كل على دربه ومنهاجه
وانا من الناس لي دربي ومنهاجي
كل يقدي عتيمة ليله اسراجه
وانا عتيمي لك الله نوره سراجي
ماني من اللي كلامه سبب احراجه
ولافيه فعل تسبب لي باحراجي
ادل باب الدخول وباب مخراجه
والحمدلله اعرفه باب مخراجي
بوحي

[الجووهره]

مَحْدٍ يِحبَكْ ويِتَمَنآكْ و يِغِيبْ
حتَى لَو ظُرُوفَه علَىَ طُولْ صَصعْبَه !

لَوْ إنْ قلْبَه عَآشْ حُبِكْ بِلآ رِيبْ
بِ يِقَآوِمْ ظُرُوفَه لآجْلْ حُبْ قلبَه

[الشامخه]

لقيت فـ الصبر خير وفـ اليقين السلام
‏وسريت نفسي بـ شبعتها عقب جوعها

‏من اول ادنى مايحزني هديل الحمام
‏واليوم اواسي الحمامه وامسح دموعها.

[الشامخه]

حرفياً هالشيله خذت قلبي:
https://m.youtube.com/watch?v=dgK3MaBva7Q

[الجووهره]

رووعه الشيله
يسلم ذوقك شمووخه
ياليت نزلتيها بالصوتيات ؟

[الجووهره]

من هدوء آلليل ياخذنا آلحنين
وعن لذيذ آلنوم يغرينا السهر..

[الشامخه]

ي عُمري تسلميين والله هذا من ذوقكك..
ابشري ان شاءالله بنزلها:)..
وصح ذوقكك ي ذوق.

[الجووهره]

الله يبشرك بالجنه
وكل خير يآرب

[عذب]

حيرتني مابين يمكن وياليت
مدري تبيني او بعد ماتبيني
ان جيت لك مقبل عن الوجه صديت
وان شفتني مقفي تعلقت فيني
مدري اصدق دمعتك كل مااقفيت
والا اكذب كل شوق وحنيني

بوحي

[عبدالله الصقري]

ايوالله صح لسان العذب دايم

انت يا عذب اكثر شخص احبه في هالمنتدى

لا عدمناك و ليتك تنور باقي الاماكن المحتاجه ضوك يالعذب

[عبدالله الصقري]

اشوف الغير يتهنى بوصلك
وانا المشتاق لمعانق عيونك

[عذب]

عبدالله الصقري ماعليك زود
احبك الله ومشكور على هالشعور الغير مستغرب من اخ غالي مثلك وتسلم على الاعجاب والاطراء وابشر ان شاء الله اكون متواجد دائما تحياتي لشخصك الكريم

[الجووهره]

شاعرنا العذب
أضم صوتي لصوت شاعرنا الصقري
وأقدم لك دعوه لزيارة سجن الرواسي
الاسم يخووف ههههه
بس هو مكان جميل كله شعر
وابداع وجزاله من شعراء وشاعرات
رواسي المبدعيييين

[الجووهره]

البرد عابر .. مسألة وقت ويروح
لكن دخيلك لا يجي قلوبنا برد

[عذب]

جيت اقطفك ياورد وادميت يدي
واللي جذبني لك نسايم عبيرك
عطرك يناديني والأشواك ضدي
ياللي اسيرالسور وانا اسيرك
حتى بوكيه الورد مالم وردي
ياباقة الأشواق وشهو مصيرك؟
بوحي

[الجووهره]

تفهمك ناس و ناس ما يفهمونك
و تتبع للناس و ناس تتبع خطاويك
ناس تفكر كيف هم يسعدونك
و ناس تفكر كيف تقدر تبكيك
لا تشتري من حاولو يخسرونك
و لا تخسر اللي فكر بيوم يشريك

[عذب]

ياقلب قلي من اللي قدر جروحك
قلي من اللي يهمه يفرح احساسك
محدمقدرسهرك ودمعك ونوحك
لااحباب قلبك ولا اهلك ولاناسك
واعرف ترا النفس معها القلب مع روحك
عندك امانة مثل نبضك وانفاسك
حافظ عليهاولاتبدي لاحد بوحك
بيطيب جرحك مدامه سالم راسك
بوحي

[الشامخه]

عاد السنين القديمة ما لها مأوى
‏وبمراحل الشوق ياكبرك وياصغرك
‏ً
‏على كثر ما شريط الذاكرة يطوى
‏مافيه وجهٍ ثبت فالذاكرة كثرك

[شاعرة نجد]

نسّيتني روحك وأنا مابي أنساك
عذرك ظروفك والليالي تجيبك

لابد شمس الصبح تكشف خفاياك
وأشوف لو عن بُعد عيبك وطيبك

أما كسبتك وافتخرت بْمزاياك
والا ندمت وشمت والله حسيبك

بوحي,’’

[عذب]

والله مادري ويش ذنب المسافه
مدري ورانا نتهمها بلا اسباب
نلومها ونقول والله حسافه
انتي سبب قلة مواصيل الاحباب
لكن حقيقه من بغى الخل شافه
والمهتوي لابديعمل بالاسباب
يمشي مسافاته بليا كلافه
يجيه لوكانت مشاويره صعاب
بوحي

[خيال مطير]

والله مدري وش يرمي به الفال
والموت ماني ضامنه لايجينــــــــــي
انا اشهد إن البعد لروح قتــــــال
لاأنا اجيك ولا انت قادر تجينــــــــي
لاني ولد عمك ولاني ولد خـــال
انا غــــــــــــــــريب بعثرته السنيني
لاعاد تسالني وتنشد عن الحال
من رحت كل الهم مني وفينـــــــي

[عذب]

وين اختفوا اهل الهوى هجعة الليل
لاطاب جو اللي بليله يغنون
دايم بوسط الليل تحلى التعاليل
بين النجوم وسهرة اللي يحبون
هم وينهم لازان ظرف المواصيل
وش لون لاطاب الملاقا يغيبون ؟!
بوحي

[هزاع محمدالعاصمي]

تَركتُ لِرَحمةِ الرَّحْمَنِ نَفْسِي
فَمالي دُونَ رَحمتِهِ؛رَجاءُ
لَقَدْ قَصَّرتُ فِيِ عَمَلِي ؛؛طويلاً
وَقَدْ أخطَأْتُ والدُّنْيا إبتِلاٌ
فإن يَعفوبفَفضلٍ مِنْهُ أنْجُو
وإلاّفالحِسابُ هُوَ الشّقاءُ
إلهي وَالحَياءُ يُذِيبُ نَفْسِي
إذا أدْعُوك ذَوَّبَني الحياءُ
أَنَاالإنسانُ في ظلمي؛؛وَعَجْزِي
وَأنتَ اللهُ تَفْعَلُ ماتشاءُ

[الشامخه]

رفرفت رايات حبك وحبك "انتصر"
‏وانكسر جيش الحزن لين طاحت رايته
‏.
‏عشت ولا مت طال العمر ولا قصر؟
‏الغـلا بداااايتـه أنت . . وأنت نهاااايتـه

[عذب]

ايه انا مع كل صبح يطل يشرق بي امل
واتغنى بالتفائل وارفعه سقف الطموح
وارفع الهقوة لشوق ينتظرلحظة وصل
وادري ان الحظ في وقت اللقاءعندي شحوح
وانتظر ثم انتظر في وقتها نفس المحل
يمكن المح في سماالحروة لها برق يلوح
وان سرى ليل المحبة واللقاء به ماحصل
مالكلمات الحسايف في خفوقي اي بوح
ماخذ قلبي على اللي كل ماينزل رحل
ومتعود بالهوى صدري على كثر الجروح
بوحي

[الشامخه]

وش يـقـول الليل ماهـو بالجديد
‏غير السهر والشوق لملمني دفاه

‏يزورني طـيـفـكـ وأنـا كني وحـيـد
‏أمشي مـع العالم ولـٰكني.. مـعـاه

[الجووهره]

عيش الحياة ولا تبالي بما فات
‏الي مضى ماضي ولا له إعـاده

‏وأستقبل المقبل بخير وسهالات
ترا. التفآؤل من أسآس السعآده

[عذب]

كن المساء هذا عيونه حزينه
من غابت اشفاقه وهو حيل تعبان
مدري على نجومه تزايد حنينه
والا على نور القمر ليه مابان
والا على اللي دايم مواعدينه
اللي جمعهم فيه شوق وتحنان
اصحابه اللي دايم مسامرينه
اللي لموعدهم فتح كل بيبان
مدري نسوا والا الوعد جاهلينه
والا لقوا عن ساتر الليل جدران
من عاف ستر الليل ربي يعينه
لأن نور الصبح فاضح لخلان
بوحي

[شاعرة نجد]

لاعااد تنشدني ترى خاطري شين
وان قلت لي وشفيتس هلت دْموعي

لو أنْك تقرأ وش على شاشة العين
حَجَزت وأعْلنت السفر والرجوعي

[الشامخه]

‏وفر على نفسك عتاب ، و مضره
‏اللي حصل واااجد علينا ... وربك

‏لو تعتذر مليون ... مره ، و مره !
ما راح أحبك مثل ما كنت أحبك.

[الشامخه]

‏وتطيبُ دقّاتُ القلوبِ بذكرهِ
‏فتفيضُ شوقًا دافئًا وعَمِيما

‏هو رحمةُ الرحمن أشرقَ بالهُدى
‏صلّوا عليه وسلّموا تسليما .*

[الجووهره]

اللهم صلّ وسلّم على نبينامحمد
وعلى آله وصحبه أجمعين

[الجووهره]

‏ بعض البشر ورده على صفحة كتاب
‏ وبعض البشر غيمة امل من نظرها
‏ ..
‏ للورد انفاس تداعب سما الاحباب
‏ وللغيم روح تروي الروح من مطرها

[عبدالله الدّنّيش]

ليتك بقربي كلما حل ذكراك = ذاكراك دايم .. ليتكم تذكرونا
وليت الصدف تولد كما الشهر وأراك = وأشوف وجهك بدر وإلا ترونا
وليتك معى وقت السفر وأتحراك = ودي ولكن .. عطلتنا ((كرونا ))

[الجووهره]

ههههههه
صح لسآنك شآعرنا
الله يكفينا شر الامراض
ويحفظ كل بلاد المسلمين

[هزاع محمدالعاصمي]

مما قلت ........

لاصرت في صحتك والحال مستور...يغنيك عن بعض الرفاقة رفاقة
منتب على طرد المقفين مجبور ... أما الوصل ولا بلاش العلاقة

[الشامخه]

‏السفينه اللي ما تشيلك تغرقك
‏والأهتمام بعد الطلب ماهو أهتمام

‏لاتركض ورا اللي بالوصل يسفهك
‏مايراكض وراهم الا رخيص المقام

[الجووهره]

‏لو كان ندري .. وش تخبّيه الأيام
‏كان " أكثر الأخطاء " ما نرتكبها

‏نتعب .. ولا يشعر بنا غير الأقلام
‏تشرح مشاعرنا ، وتجهل سببها !

‏نعيش ، والدنيا .. مواعيد وأوهام
‏حتى الصدف .. ما عادنا نرتقبها

ماجآت ع الوآقع ولا حتى الاحلآم
خيرة ولكن ليت ربي كتبهااا.

[شاعرة نجد]

صبيت له من رحيق حروفي العذبـه
كأسٍ يشافي المريض ويروي الضامي

خلطة مشاعر لذيذه,جـات منجذبـه
تعزف على هونها من صادق الهامي

بوحي

[خيال مطير]

سقاك الله يا يوم التلاقي على
سيف الغرام اللي مشيته ‘
صحيح اني تجرعت الفراقي
لكن الله واكبر لا طريته ‘
يحن القلب ويزيد اشتياقي
على الليل الطويل اللي سريته ‘
مع اللي مايخون بالوثاقي
هذاك اللي دعاني مادعيته ‘

[الشامخه]

‏ابوي يسولف لي عن وطن ماله حدُود
‏وكبرت ولقيت أبـوي أصدقّ وطن.

[عذب]

الناس ماصاروا يحبون من قلب
وماعاد في هالوقت حب بلاشي
اول يغلبك صادق العاطفة غلب
وتعيش لحظات الغرام انتعاشي
حتى ولوك فوق جمره تقلب
تصبر مادام الحب في القلب عاشي
حب امس ماهو وسط الاسواق يجلب
مايشرط الشهرة وكثرالمعاشي
حب عفيف ويسلب العاطف سلب
لوكان توه وسط الاظلاع ناشي
بوحي

[الشامخه]

‏نصيحه خذها على محمل الجد
‏لا ترتبط في شخص وتحب جدا

‏خفف سواليفك وحدد لها حد
‏عشان م تحزن عليه ان تردا

[الجووهره]

‏رآحو بلآ موعد وغآبٺ ملآمحهم
‏مآيوجع آلفقد لكن توجع آلذگرى

[عبدالله الصقري]

كيف ابـ انسآها و بعض الشوق جآب
مـــــا يـخـلّـيـنـي أبـــــوح لـطـلّــهــا

دامـهــا عـذبــه نـهـآيـآت الــعــذآب
خـلّـهــا تــقــرأ جــروحـــي خـلّـهــا

كــل جــرحٍ خــطّ بــآبٍ فـــي كـتــاب
و كــل حــرفٍ تــلّــنــي .. مـاتـلّـهــا

[الجووهره]

‏الليــل شبّاك لـ مواعيــد الاحبـــاب
‏ناموا البشر وعيون الاشواق قامت

‏سهران ادور للفـرح قـرب واسبـاب
عيون تسهر شوق .. وعيون نآمت

[عذب]

كل ماجيت اكتب ابياتي لها
اعتذر للنفس عن نظم القصيد
ما اشوف الا معاتب قلبها
شرهة تبكي على خد البليد
دمعة تبعد تهايم صدها
تقلب التهمة على القلب الحديد
لكن التهمة في عيني ردها
دمعة الأشواق مع نبض الوريد
هي دليل اني اعاني بعدها
والقصيد اللي يناديها نشيد
كيف ابكتب عن مشاعر ودها
دام احساس الغلا فيها جليد

بوحي

[الشامخه]

يالله عسى هالليل يصبح على خير
‏وكـل الأمـور اللي على البال تفـرج
‏،
‏وتشرق لنا شمس الفجر بالتباشير
‏ونلقى لنا من ضيقة الصدر مخرج

[الشامخه]

حنا بلشنا بالقريب اللي عرض دون البعيد
‏يا صعبها لا وقعت مابين خشم وبين عين

‏الجرح مبطي مابرى والصبر ذاب مع الجليد
‏ولا اقول غير الله يعين القانتين الصابرين

[عبدالله الصقري]

ليتك خذيت الحب ما بآت جنبي
والَّا رجعت بـ خآفق ٍ معك يرحل

[عذب]

سلام ياللي يستلذ التقادم
وابك البقا ياللي يبي الماضي يدوم
تغيرت اطباع ابناء آدم
وتغيرت معها قناعات وسلوم
فعل الخطأ راعيه ماهوب نادم
ولاعاد به شرهة ولاعاد به لوم
وصارت مشاعرنا تحب التصادم
والحق ضايع بين صادم ومصدوم

من قصيده لي

[خيال مطير]

سلام ياللي تدرك الطيب يمناك
ياللي على فعل الجمايل تربيت

[الشامخه]

‏يا عساني فالأدب طبعي خلوق
‏و فالعباده من مقيمين الصلاة
‏
‏و للكرم و الطيبّ في فعلي سبوق
‏ولا اخيب من زهمني في هقاه .

[شاعرة نجد]

أرسلت له عبر البريد الرساله
قد لي شهر ماجاا على حسها رد

الغالي اللي كل همي وصاله
معزته في خاطري مالها حد

[الشامخه]

‏خلك سما واترك هل القاع للقاع
‏وارفع عيونك ، للنجوم المطله!

‏وخلك مثل ما قيل للعزم تبّاع
‏مافيه صعب ، إلا وربك يحله!

[عبدالله الصقري]

1000000 كلمه اَجَمِّعهـا
من قلبك الصافي و قلبي

لاجل اِن حَضَرتي أَرَتِّبهـا
و آخطَّها بصدرك العذبي

[عذب]

والله ياهي ياهل العرف حاله
النوح زايد والبكى جرح الخد
والقلب مني حرق الشوق جاله
والنفس متعبها من الغالي الصد
وان كان شال القلب فوق احتماله
فاعرف ترا معذور لو بيح السد
بوحي

[عبدالله الصقري]

إستخير الرب و الهوجآس كبَّه
خلّي المعبود يتولّى الأمر

[الشامخه]

اسهر على شانك عشان اسهرك واسهر معاك..
واواعدك واقول انا مواعد مع القمرا قمر.

[الجووهره]

على ملة العشاق وأهل السهر والنوح
نخيت القصيد وزان للهاجـس المسرا

يسامـر دلال ٍفوق جمر الغرام تفـوح
لها من بـهـار الوعــد تلقيـمـة شـقــرا

يقولـون حـب الـروح أغـلا غـلا للـروح
وأنا أقـول حبـه فـاق روحـي وهو أدرا

جروح الجسد تأخـذ لها أيـام ثـم تروح
وجـرح المحبة يأخـذ اسنـيـن ما يـبــرا

[شاعرة نجد]

عليه الله أكبر شاق عيني حمام الدوح
على الغصن يسجع والهوى العذب يومي به

وانا طول يومي فالحديقه واجي واروح
تعمّد يهيض خافقي ويش اسوي به

رقيقه,حقيقه,ضيقه وخاطرٍ مجروح
تلوفه هواجيسه وتقبل وتقفي به

أمانه أمانه ياحمامه بلاش النوح
قبل لاتجود العين بالدمع وتجيبه

(بوحي)

[عذب]

ياللي بحسن الدل طاغي ومملوح
مثل القمر لاطل يضوي على الكون
ريح ضميرك ياهوى البال والروح
مافيه غيرك منزله داخل النون
كم مرة قلبي لك اسراره يبوح
اللي كتب لك صك بالحب مضمون
مايكفي اني صرت بالحب مفضوح
الين كل قال عاشق ومفتون
وش عاد تبغى من بيانات وشروح
اكثر من اللي قالوا الناس مجنون

بوحي

[عبدالله الصقري]

جانا الذي به نستهين
و شآل وآحدنا

في لحظه .. و هدَّ السنين
و مآت صآحبنا

[الشامخه]

كل شي فـ الدنيا " نخافه " نهجره ..
‏الا من " الله " كل م خفنا .. نجيه

[عذب]

يبقى الغياب بسوق الاحباب ميزان
يعطيك عند اهل الغلا كم وزنك
اماغديت برجعتك غال الأثمان
والا اخلف اهل السوق بالسوم ظنك
بوحي

[الشامخه]

السهر دافع لنبش .. الذكريات
‏وش نسيت / وش ذكرت / وش فقدت
‏ٓ
‏حتى لو قلبي على الصبر استمات
‏ليتني قبل اذكر الماضي ..(رقدْت)

[عذب]

مع شديد الأحترام لكل شخص بهالبلد
للمواطن والمقيم وللصغير وللكبير
اعرف ان الوضع ماهو بهالبساطة ياولد
واعرف ان الأمر هذا يالخوي والله خطير
كل يوم لهالوباء المنتشر يولد ولد
والسبب ناس تجاهل بالغباء كل تحذير
كم عنيد للأوامر طاع نفسه وانجلد
خاطر بنفسه وصابه عقبها سوء المصير
لكن اللي التزم بالأمر للراحة خلد
قدر الموقف بفعله للسبب والله قدير
ندري ان الله خالق والد وما ولد
لكن المولى عطاك العقل حتى تستنير
بوحي

[الشامخه]

‏عن فتنة الدنيا .. وعن كثرة القيل
‏ " استغفر الله " ، كان يمديك قلها
‏ .
‏ تلقى جزاها .. بـ الليال المقابيل
‏ في ساعةٍ تجزى النفوس بـ عملها

[الجووهره]

المجتمع مخـلوط من كـل الأنـواع ،
وأطيبهـم اللـي فَـ المـواجـه يواجــه !
خلك مثل فضل السحايب على القاع ،
تعطـي ولا تـاخذ مـن القــاع حاجــه

[الشامخه]

رغم إمتداد التعب عيّا يموت الطموح والشمس بكره رغم أنف الدجى شارقه.

[الشامخه]

ربينا على يامرحبا ويالله تحييهم
‏ما نافس وساع صدورنا الا مجالسنا .

[الجووهره]

‏ما يلوي ذراع الصبر غير الاقدار
‏او دعوةٍ نامت بمتن السحابة

‏شيٍ نبيه و يمضي العمر ماصار
‏و شيٍ يصير و ما حسبنا حسابه

[محمد الغنامي]

ياشمـعة الدار مدري شـمعـة الحاره
غيابك اشعل غروب الشمس قنديله
الليل يفضح شروق الشمس لاسراره
ولايحفظ الدمع عقب الجفن منديله
العـذر ماهـوب عـذر ان دام تكـراره
ماعاد يقنع ولا الالباب تصغي له

[الشامخه]

بكرة تزين الأمور وتنجلي الغمة
‏ونرجع نصلي وندعي في مساجدنا
‏.
‏ويشع نور الأمل والخير للامــة
‏ونرجع نسيّـر كما كانــت عـوايـدنا

[عذب]

الكرونا بينت ناس كثيره
يوم داعي الحرب طبله دندنه
يوم كل بالرخا حاله ستيره
تكشف الشدات وشو معدنه
بينت حال الذهب من حال غيره
كل موقف للرجال تبينه
مير يالله تردع الجند المغيره
وان حال المسلمين تزينه
بوحي

[خيال مطير]

صح الله الســـــــــــــنتكم جميع
عذب
وانت عذب صح لسانك

[الشامخه]

هيضتني ياحمام الدوح
‏كنك على الضلع تكويني

‏إلين قام الخفوق يفوح
‏ومن فوحته هملت عيني

‏ذكرتني خلي المملوح
‏وشين مضى بينه وبيني

‏الصاحب اللي غدا منزوح
‏واللي طوى حبه سنيني

‏زمان يوم الصدر مشروح
‏يومه بقربي .. يسليني

‏واليوم معاد فيه مزوح
‏أفلت يدينه من إيديني