سجل حضورك ببيت شعر على ذوقك

[هزاع محمدالعاصمي]

لاصرت في صحتك والحال مستور=يغنيك عن بعض الرفاقة رفاقة
منتب على طرد المقفين مجبور= اما الوصل ولابلاش العلاقة

[الجووهره]

‏ليت الصباح اللي مضى يرجع اليوم
‏مشتاق للصبح ..اللطيف وجماله

‏كنّا بخير ونعمه .. ونبعد الحوم
‏والحين ..كلٍ ماتخطى .. رحاله


اللهم ارفع البلاء واحفظنا من الوبآء
واكشف الغمه عاجلا غير آجل

[هزاع محمدالعاصمي]

عَلّ الصباح إللي تمنين يأتي=وعل الزمان اللي يعلك به الخير
حلو الكرى في هجعتك والمباتي=ودعواي لله ماتمنيتِ ايصير

[الشامخه]

ياليت لي قدره على طيء الايام
‏واقدر اعيد سنين واقدم سنين
‏ودي انام الحين واصحى قبل عام
‏العام كان اجمل ب واجد من الحين

[هزاع محمدالعاصمي]

شيء عن الحياة الدنيا

ترى الحياة بضفها الزين والشين=وإللي كتب لك وإن تضايقت يأتي
وكلٍ سعى ومطلبة يطلب الزين = بس القدر حكمة علينا فواتي
وبعض العرب في دنيته مادرا وين = مابين وقت وقت جات الوفاتي
عش دنيتك مبسوط وعليك بالدين = أتلا ليال العمر قبر ومماتي

وسلامة الجميع

[الجووهره]

صح لسآنك شآعرنا هزآع




يا طير كان الحظ سـاق المعاذيـر
وأبطت مع الأيـام كبـوة جـواده


اكفخ بجنحـان الأمـل للمخاضيـر
وش لك بقاعٍ ما يفيـدك حصـاده


لك منزلٍ ما جـاه قبلـك مساييـر
ولا قبلـك أحـدٍ قـد تملّـك وداده


تعال وأسكن في عيوني عن الغيـر
رمشي غطن لك والجفون الوسآده

[الشامخه]

صوت المطر كنّه سوالف محبين
‏كانوا على موقف عتاب وتراضوا

[الجووهره]

‏الحياه دروب ، واختار الطريق
‏اللي ما يحدّك على الضيقه ابد

‏صير مثل البحر : من خارج انيق
‏وداخلك عالم ما يدري بّه : احد

[خيال مطير]

الحياة دروس والدنيا تجارب
والبشر طلاب داخل مدرستها

والليالي ماصفت فيها المشارب
كيف تصفى والهموم مكدرتها

[عذب]

خل المبادئ والحكم خل الأمثال
العاطفة ماتعترف بالعوايد
الحب معروف على مر الاجيال
ماينفع براعيه نصح ونقايد
كم واحد قبل الهوى قال ماقال
وعقب الهوى اصبح طريح الوسايد
يفضح طريح الحب اقوال افعال
تبين به لوكان ماهوب رايد
ان كان حبه صدق فالعشق قتال
ماتحمله اهل العزوم الشدايد
يبقى حنين القلب للخل ميال
لويمنعونه عنه ماهوب فايد
بوحي

[هزاع محمدالعاصمي]

لاتطري الفرقا على من يودك = القلب من فرقاك يالترف منصاب
أبحرت في حبك على كيف ودك=وسلمت لك قلبٍ شغوفٍ ومرتاب
ودربي مشيته لين وقف بحدك=والشوق في قلبي مقيمٍ وغلاب
ونصحت قلبي بالوفاء لايهدك = لجلك حياتي والملا عندي اغراب
أنا معك والله مانيب ضدك=لجلك حفيت القرب من كل الاصحاب
حبل الوصل لايقطعه زود صدك=أنا دخيلك في حمى سود الأهداب

وبس

[الجووهره]

عذب ، هزآع
صحت الالسن ودآم ابدآعكم


ويسلم ذووقك خيآل

[الجووهره]

‏على الأمــل نزرع بساتين الاحلام
‏عسى المزون تمرها في وعدها
‏ٰ
‏تروي عروق ً غرهــا صيف الاوهام
‏لولا الأمل ماتت ضمى في مهدها

[الشامخه]

يالله بحظٍ يطيب العمر من طيبه
‏يجبر كسور الزمن ، ويشيل عثراته !

[عذب]

حبيبي يابعد عمري يزين الوقت بوصالك
تعال نعيد حزات الغرام ونقهر الغيبه
على ذاك المكان اللي هدوءالليل يحلالك
انا باقي على حطة غلاك وكل ترتيبه
على عهد الغلا باقي وفي الخفاق منزالك
وطيفك كل ماحن الخفوق اشواقي تجيبه
بوحي

[الجووهره]

‏ياعسى صمت المساجد مايطول
‏ونسمع القــرآن بالبيت الحرام

‏يكتب الرحمن والغــمه تزول
‏وترجع صفوف البشر خلف الإمام

[هزاع محمدالعاصمي]

اتعبت قلبي بين جزرك ومدك=وجرحك بصدري ساطيٍ وانتِ الأسباب
وبيحت سدي وانت ماباح سدك=يالله دخيلك من عنا هجر الاحباب
وزريت أميز بين مزحك وجدك= وعرفت فيك إنك على الود لعاب
ورسلت لك قلبٍ شغوفٍ الردك=ارجوك ردك لايجي هجر و عتاب
ابطى جوابك جاك منهو يلدك=كل المعاني صك من دونها الباب

تكمله للي فوق والبقية بكره إن شاء الله

[خيال مطير]

اتعبت قلبـي حيـل مـن زود حبـك
وتعبت أدور لك عن اللـي يرضيـك

صار الجفا يازين مـن جـد طبعـك
رغم ان قلبـي بالوفـا دوم حاويـك

ليتك تـروف بحـال منهـو يحبـك
وتسكن بوسط العين وبالرمش اغطيك

[خيال مطير]

-
وتملك خيالي واسهر الليـل جنبـك
ونسامر النجمـات يـاروح مغليـك

بوسه على عينـك وبوسـة بخـدك
واعيش سحر الهوى وسـط عينيـك

ألـم شعـرك واشبـك يـدي بيـدك
وارش عطر الشـوق كلـه حواليـك

[خيال مطير]

ابعرف ان كـان لـي معـزة بقلبـك
وابي تعرف ان كل جروحي تناديـك

طال انتظاري وطال بوحك وصمتـك
لا جيتني ... ولا خليتلي فرصة اجيك

كلمة ... وابيها صدق هالحين منـك
ياتحبني ... ياتقولـي روح ماابيـك

[الجووهره]

صح لسآنك هزآع
وبانتظار البقيه

ويسلم ذووقك خيآل

[هزاع محمدالعاصمي]

البقيه .....

لوكان قلبي من غلاتك بيدك = حرٍ يعاف الهون للمجد طلاب
وإن جار وقتك هان منهو يضدك = ذكر رفيقٍ كل ماشنت له طاب
أسمحلي ارحل لو حياتي بحدك=بموت في القمة على راس مرقاب

وسلامة قلوبكم

[شاعرة نجد]

مــــا لازم انــــي أعــتــرف لـــــك ولا أبــيـــك
تــشــرح لــــي أحــوالـــك ولا تـعــتــرف لـــــي

وش فيك ياناسي عذااب أمس وش فيك
أنـهـااك عــن بـحـر الـشـقـى وتْـغــرف لـــي

بـــلاش,رويـــانـــه عــــســـــى الله يــهــنــيـــك
شـمــوخ نـفـسـي عـــن مـسـارك,وقـف لـــي

بوحي,’’

[الجووهره]

صح لسآنك هزآع
وصح لسآنك شآعرتنا نجد
ويعطيكم العافيه
ودآم ابدآعكم

[الجووهره]

‏عسى الله يفرجها عن الضايق المحظور
‏وتزين الامور ونجتمع مع حبايبنا .

[عذب]

لاياعساني عند الأجواد وان غبت
ان طروا اسمي صرت مذكور بالخير
والقى المحبة عندهم لاتواجدت
وبقلوبهم القى معزة وتقدير
بوحي

[هزاع محمدالعاصمي]

يطري علي في حزة الشوق طاري=وعيش ذكرى حبنا أول العام
وستجدي الأشواق وجيك ساري=أنا بقربك داخلي كله. الهام
حرام يالمحبوب اتبيع شاري= ماتدري إنه حرم بشرع الإسلام

[محمد الغنامي]

لايذوب التوت الاحمر في شفاتك
يمتزج بشفـاك ويـغـيـر طـعـمهـا
احـمـرارت شفتـك من حد ذاتك
فـرصٍ للـتـوت وده يـغـتــنـمـهـا

[خيال مطير]

طعم الشفايف توت واحلي من التوت ..
والتوت حالي بس وشلون أذوقه ..
ودي أذوقه مير خايف من الموت ..
وش حيلة اللي سكره في عروقه ..
ياللي غلاك بداخل الصدر منحوت ..
ياشمس عمري يأسناه وشروقه ..

[عذب]

مشاعرك قلها ولوكنت محجور
لأجل الغلا بين الحبايب طلايب
منتا على كتم الأحاسيس معذور
اطلق عنان خيولها للحبايب
اهل الفضاءوالعلم مامنهم قصور
خلوا بريد الحب فوق السحايب
عبر الفضاء ترسل احاسيس وشعور
كله بضغطة زر والبال طايب
بوحي

[الشامخه]

الملتزم بالصمت مايخطي ولا يخطى علييه
‏انشهد ان الصمت يحفظ للادمي شخصيته .

[عبدالله الصقري]

يا حبي اللي كلما قلت : ذآب
أتأمَّلَه ...... أثره بدآية قسآتك

يآما بكتك العين .. و اضحك بـ نآب
لاجلك ولكن وش سلآي و سلآتك

[هزاع محمدالعاصمي]

جعل الرفيق اللي غريب مزاجه = ابعد من المغرب على مشرق الشمس
وجعل الرفيق اللي طليق حجاجه=اقرب من الإصبع على شاشه اللمس

[عذب]

https://v.3bir.net/3bir/2020/06/D981D8A5D986D985D8B9D8A7D984D8B9D8B3D8B1-1.jpg
عندي أمل بالله كل يوم يكبر
حتى ولو الحظ عاثر له سنين
ان الفرج قادم ولوه تأخر
وان القسى قافيه عقب البطا لين
بوحي

[خيال مطير]

https://www.youtube.com/watch?v=IGYovZ_JzDY
_____________________

[خيال مطير]

عذب السجايا وعوده بأول الكنه*متى تزين السوالف واخذ علومه
واسامحه عن خطاه الجرح والونه* واعاتبه لو يصد شوي والومه
واذكره باول المسفار حتى إنه*لا من تذكر زمان اول نسى نومه
يوم إنه اقبل خدين الروح يومنه*واقبلت اراعيه والقومه هي القومه
من يومها والحشا ما عاد له خنه*إلا لصوته وميعاده وملزومه
عفري هنف للضلوع وجا لهن حنه*واستانست له فياض القلب ورجومه
لبى جبينه لا ارتج الغطا كنه*برق يصب الرفيف بكبد ديمومه
ا اقول شفته وشفت البيض يتلنه*اقول شفته وشفت الشمس منجومه
ما اقول كن الجديل الليل لاكنه*ليل خرعه الظلام وضيع نجومه
يا قبلة الله هكا العنقود لامنه*قام يتهجا شذا عطره ويشمومه
فيه انتهى النور لا والله بدا منه*فجر نعس بالوريد ونام بهدومه
ورد تفرعن حماره قلت اباكنه*الى متى والحنايا منه مفطومه
فز وتطرق رطيبه قلت ما عنه*بالم شيحه وريحانه وقيصومه
صد وتلعثم هديله في برد سنه*يا قوم ذا النور يوم انكت يا قومه
الله عطانيه والله يعطي الجنه*واليا استجد الهوى كل ومقسومه

[هزاع محمدالعاصمي]

‏ولِي قَلبٌ يكَادُ يذوبُ شوقًا
إذَا لاحت تباشِيرُ الصَّباحِ

يحنُّ إلىٰ صباحٍ فيه تعلُو
عَلىٰ الآفاقِ راياتُ الكفاحِ

صباحٌ والمآذنُ فيه تزهُو
بنصرِ اللهِ في كُلِّ البطَاحِ

وإنِّي واثقٌ من وعدِ رَبِّي
سيأتي رغمَ آلامِ الجراحِ

[الجووهره]

يآرب يآكريم
صح لسآنك هزآع



على ضفاف الصمت لاتقتل البوح
خلّـه يسولـف عـن غـلاك بصراحـة

صوتك نغم ينساب دافيء ومبحوح
يسـعـد مـسـاه ويسـعـد الله صـبـاحـه

[عذب]

http://up.svalu.com/up2015/svalu_158966713985851.jpg
عليك من الجفا عدة ملامح والورق شفاف
يبين بلون رسام الوعود ولوحة اعذاره
رسم فيها تماثيل الصدود اللي بها تنشاف
بريشة سولفت عن تركت البرواز لجداره
بوحي

[خيال مطير]

https://i.ytimg.com/vi/cbOdp9sCQEs/hqdefault.jpg

عن كل نجم ظهر بسدل أجفاني … لعل ما عيش حزني لحظة غروبه
وعن كل خلٍِ طويل الصمت كفاني … الصاحب اللي قليل الهرج عذروبه
وعن كل ثوبٍ جديد باالبس أكفاني … وأدله ولا ألقى رسايل هم في جيوبه

[خيال مطير]

http://up.svalu.com/up2015/svalu_158966713985851.jpg
عليك من الجفا عدة ملامح والورق شفاف
يبين بلون رسام الوعود ولوحة اعذاره
رسم فيها تماثيل الصدود اللي بها تنشاف
بريشة سولفت عن تركت البرواز لجداره
بوحي

يسلم بوحك

[عذب]

خيال مطير صح بدنك ولا عليك زود وتسلم على الاعجاب والاشادة تحياتي لشخصك الكريم

[الجووهره]

لابد من عقب المطاريش معواد
ولابد من عقب المواجع عوافي..
.
ولابد من عقب السهر لذة ارقاد
ولابد من عقب الكدر جو صافي

بن جدلآن
رحمه الله

[الشامخه]

ياليت أسمه مايسمى به أحد
‏خوفاً على نبض القلوب الساهيه
‏.
‏في كل بيت وکل حي وکل بلد
‏تشابه الأسماء يودينا بداهيه

[هزاع محمدالعاصمي]

مماقلت ........

وشلك بقلبٍ صار هادي وسالي=سلم الهوى في داخله نسي طاريه
ايو الله إنه من زمانين خالي = هود عن الروحة وغابت مساريه

وبس

[الشامخه]

الشاعر : خلف هذال العتيبي

‏أبوس خشمه وانشده ويش لونه
‏ومحبتي له ماوراها طمايع

‏واقدِّره واشاركه في حزونه
‏واثره عدوٍ لي خبيث الطبايع

‏فرقا وفرقا فرَّق الله ضعونه
‏الحزن من قلبه على الكبد مايع

‏إكحل عدوِّك لين تعمى عيونه
‏البس له أغلى اللبس لو كنت جايع

[عذب]

https://beautyy.cc/wp-content/uploads/2016/07/20160726-93.gif
انا واجد من الشوق العنيف ومرهف الاحساس
وانا كل الشعور اللي يودك ساكن احساسي
وانا اللي في الهوى خصك غلا من بد كل الناس
وفي هالكون معتبرك هواي واهلي وناسي
من بوحي

[خيال مطير]

يامل قلبي كل ماقلت ياحال
وياشوق عيني من ضناها تضمه
ياراحل(ن) عني والك قلب مازال
الحب جاري في عروقه ودمه
خليتني في غربت الفكر والبال
كني طفل محروم من شوفة امه
تركت قلبي بين هم(ن) وغربال
عليك همه ومايهمك همه

[عذب]

https://v.3bir.net/3bir/2020/06/159217843181391-1.jpg
مادام انك مثل طهرالغيوم ومبدأك واضح
فلا تنظر ورا واقدم مادامك صافي النيه
ولا تهتم لعقول الضعاف وكلمة الجارح
ترا من جادل الجاهل يقولون العرب زيه
وطنش تنتعش وارمي هموم الأمس والبارح
مادام الدنيا ماتسوى وهالأعمار عاريه
بوحي

[الشامخه]

عسى المرض بالدار ماعاد ينشاف
‏ويبقى الفرح في كل حي ومدينه

[الشامخه]

بعض البشر يشبه عطاء السحابه
‏من غير مايدري يفرح له انسان

[خيال مطير]

https://lh3.googleusercontent.com/-GfeyI7H2pII/W4iCMT1b6jI/AAAAAAAACrk/mQHbtMGnezEo2zbK7GJ_nNuwi9my2Fy6QCHMYCw/s5000/%255BUNSET%255D

[خيال مطير]

https://lh3.googleusercontent.com/-FrjhA691RRA/W4iCM1seZ8I/AAAAAAAACro/2kaTBmNg_nIF2P4tZPKYwPSZO4KeZoLIwCHMYCw/s5000/%255BUNSET%255D

[خيال مطير]

https://lh3.googleusercontent.com/-7QtMxIDA7fk/W4iCOYfrkcI/AAAAAAAACr0/N05_3XtEfpYoj6PqovJtxl4_u49vveTGgCHMYCw/s5000/%255BUNSET%255D

[هزاع محمدالعاصمي]

هتف الصبح وغنى بنشيد=رائع اللحن شجي النغمات
كالمنى تقبل كالحلم السعيد=في خيالي كابتسام الزهرات
بيد أني لا أبالي بالوجود=ولياليه الحسان النيرات
إن يكن قلبك لا يسمع لحني=فلمن يا فتنة الروح أغني
للهوى سر المعاني الخالدات

حساس غريب اعجبتني وحبيت احطها لكم ...........وبس

[شاعرة نجد]

ياحبيبي لاتعذّر بكورونا
والظروف وسكروا دونك الجمرك

غامر وقل فيه ناس يْتحرونا
جات حزة وش تبينه وتحت أمرك

[الجووهره]

‏ليت الزمن يرجع و ليت الليّالي تعود
‏مـا كانت الذكريـات تعذّب أصحابها ..!

[عذب]

https://encrypted-tbn0.gstatic.com/images?q=tbn%3AANd9GcQ6LoFGTonSZNV3dOXXHaZTG_WozSP pJ3jFlEI7MujW4p2pUV0H&usqp=CAU
احبها لومادرت عن غلاها
واحبها لوكان تدري عن الحب
بيني وبيني استلذه هواها
يمرطاريها واهلي وارحب
اعيش في جو المحبه معاها
خيالها دايم لبالي مصاحب
معذورلوالقلب حب وبغاها
حلوة وامورة على طول تنحب
بوحي

[خيال مطير]

فز الخفوق وقلت يالله عسى خير
وأثر الليالى عاد غايب قمرها
ياصبح عمرى يا صباح التباشير
نوره ملا قلبى وروحى غمرها
عقب الفراق اللى تعدى المحاذير
يبس غصون القلب جافى دهرها
ياناس أحبه والمحبه مقادير
هذا هوى نفسى وهذا ... قدرها

[الجووهره]

صح لسآنك عذب
ويسلم ذوقك خيآل
يعطيكم العآفيه

[الجووهره]

‏ما تموت المحبة لو يطول الغياب
‏انت موطنك فكري منت عابر سبيل ..

[عذب]

http://www.b44u.com/do.php?img=4101
محطات العمر يبقى لها بالذاكرة تأثير
تجي ايامها زينة تجي ايامها شينه
عسى وان كانا صرنا محطة في حياة الغير
اذا مرت اسامينا نجي ذكرى لهم زينه
بوحي

[عذب]

https://pbs.twimg.com/ext_tw_video_thumb/1145399129343963136/pu/img/zSR57kY9OTkdxSY1.jpg
لاتنشغل فيني انا بحالي ادرا
لوشفتني مابين غربة وترحال
اعشق نجوم الليل في كل مسرى
والقى مع بعيد الفضا راحة البال
واكتب قصيد الليل والناس تقرا
تضحك به الابيات لودمعها سال
وان جتني هموم على القلب تترا
دعيت رب يفرج الضيق والحال
بوحي

[الجووهره]

‏تـمـرنـي ذكــرى لـيـالـي قـديمه
‏في محتواها سالفة عمـر واحــلام
‏،
‏حب وصفا قلـب .. ونـوايا سليمه
‏ما أقـول غيـر الله على ذيك الايام

[عذب]

http://www.7ophamsa.com/up/uploads/159381588410751.jpg
كل مامر ساعة قلت يمكن تجين
لين ضاع انتظاري داخل الأزمنه
طال عمر الحنان وشاب منه الحنين
وتاب شوق القلوب اللي بنا مدمنه
كم تعدت شهور وكم تعدت سنين
اثر ساعة لقانا في حسابك سنه
بوحي

[عذب]

https://ladybirdar.com/wp-content/uploads/2016/12/%D8%B5%D9%88%D8%B1-%D8%B9%D9%84%D9%89-%D8%A7%D9%84%D8%A7%D9%86%D8%AA%D8%B8%D8%A7%D8%B1-500x380.jpg

[شاعرة نجد]

متوقعه,والبارحه مستخيره
وامّا رضينا غصب عنا رضينا

خيره,ولو ماودنا بس خيره
لاصارت الفرقى لزومٍ علينا

بوحي,’’

[خيال مطير]

رسالة الجوال تشرح لي الحال
كنْها تجاوب عن سؤالٍ طرحته
طرحته بنفسي من البال عـ البال
وحالي بَرَى حالي وانا ماشرحته
أحتال في قلبي وانا كنت مـ احتال
ياما وياما غصب عني جرحته


بوحهاا

[شاعرة نجد]

^
^
شكرا خيال,’’

[شاعرة نجد]

ياموج هونك لـ اظلم الليل ياموج
هجسي سرى من فوق جزرك ومدك

لـ ضاق صدري جيت من حولك ادوج
وبحر القريحه هاج لو مو بْقدك

[عذب]

https://pbs.twimg.com/profile_images/507325322740498432/Tp3__2wA.jpeg
للعبد مقسومه وللرزق بيبان
ولوقفت الدنيا فلاني حزيني
ماني على رزقي طفوق وعجلان
باكر مع الأيام رزقي يجيني
وان فاتت الفرصة فلانيب زعلان
خيرة وغيبات الليالي تبيني
بصبر على المكتوب لوكان ماكان
عل العوض في مقبلات السنيني
بوحي

[خيال مطير]

ياموج هوَّن على قلبـي
داعيه من شطَّكم داعي
الَّلي لها مبسـمٍ عذبـي
رعبوب وعيونها وساعِ
لو ماتهيَّت على دربـي
لقتنـي بدربهـا سـاعِ
حنَّيتها من حمل ذنبـي
لي مت وعيونها تـراعِ

[الشامخه]

ليلٍ جمعني به عسى ليته يعود
‏ويبعد عن النفس الحزينة حزنها.

[الشامخه]

الخواطر صايره هشه والقلوب رهافيّ
‏والمداين صامته والهقاوي مستبيحه.

[عذب]

https://up.sham-alro7.com/do.php?img=1498
صباح الخيروالدنيا تدور وهالفلك دوار
وجعله كل ماطال الزمان يحقق احلامك
خيال كل ماجاني يغني له حمام الدار
وانا اردد مع انغام المغني عاشت ايامك
بوحي

[الشامخه]

‏يا صاحبي ما للمحبيّن قانون
‏والحبّ لـغز ولا عرفنا نحلّه
‏•
‏قلبك مثل قلبي مكبّل ومسجون
‏أحرار مير قلـوبـنا .. مستحلّه

[عذب]

https://encrypted-tbn0.gstatic.com/images?q=tbn%3AANd9GcQzxZqvHsFRe7yWYfB2NNOtn7YoeRj Zy2IKnQ&usqp=CAU
اسأل الله الكريم العافية والراحه
واسأله عفوه وغفران الزلل والجنه
واسأله أمن وأمان وعيشة مرتاحه
والحياة اللي على نهج النبي والسنه
بوحي

[الشامخه]

ان شفت وقتك صايـرن فيه مافيه
‏اصبر على الـمـقسـوم خيره وشره

‏تـرى الدهـر ماهوب ورعك تربيه
‏مـهـمـا حـصلك مـن بـراده وحـره

‏وان شفت حظك منسدح لاتوعيه
‏يـقـوم من نـومـه ويـنـحاش مـره

[عذب]

https://1.bp.blogspot.com/-lGM6KNKYjH4/WNxN0mab8eI/AAAAAAAANoo/Nto_JphtvwUijqZ7Sph5vCmO_SdqqY-KACLcB/s1600/%25D8%25AE%25D9%2584%25D9%2581%25D9%258A%25D8%25A9-%25D8%25AD%25D8%25A8.jpg
اغني له على لحن الغلا ابيات من شعري
قصايد حب لعيون الغرام اللي له لحاله
ترددها قلوب اهل الهوى والعاشق العذري
ويبقى ذكرها دايم مع اهل الحب واجياله
بوحي

[الشامخه]

ابطيت عنّي . وش الي مشغلك عني ؟
‏ما كان طبعك تغيب تقطع وصَالي

‏لو منت غاالي علي وقطعةٍ مني
‏لا غبت عن ناظري ماجيت في بالي

[عذب]

https://s-media-cache-ak0.pinimg.com/originals/bb/85/f7/bb85f792a70e71b53de4280479561904.jpg
ايه ولقيتك داخل القلب نايم
شكلك دخلت القلب ياشوق بشويش
وش لون ماحسيت والقلب هايم
اثرك قدرت تفوت من دون تشويش
خذ راحتك واسكن لك القلب دايم
دام العروق لماي قربك معاطيش
بوحي

[رحيل]

انا الراضي اللي يقنعه حظه المقسوم
وعيني لو تشوفك ملكك مالها لايم
ㅤ
محبتك كنها لذة الفطر عقب الصوم
عليها مسكت وعن جميع البشر صايم

[عذب]

https://encrypted-tbn0.gstatic.com/images?q=tbn%3AANd9GcSdgWSxa4FPw7eCedSGfEgUNvPuzr5 870bwwQ&usqp=CAU
قامت تبختر كنها باشت الروم
من قدها كل يطالع حلاها
مالت مع النسمة كما عود يشموم
لاهبت النسمة تناثر شذاها
صارت قمرهم والبني عندها نجوم
غطت على كل الحضوربسناها
بوحي

[خيال مطير]

https://encrypted-tbn0.gstatic.com/images?q=tbn%3AANd9GcSdgWSxa4FPw7eCedSGfEgUNvPuzr5 870bwwQ&usqp=CAU
فكرة جتني تمخطر طايشه
قمت اسايرها وهي قامت تطيش
خلت افكاري براسي شايشه
جا لصوت القاف من غبنه وشيش
والله اني ما بغيت الهايشه
تجبر اللي يستمع معها يعيش

[عذب]

https://v.3bir.net/3bir/2020/07/avatar-1.jpg
على ذكرى الغرام الي تزور البال وتضده
قعدت اسامر القمراواقلب صورة الهوجاس
لقيت بخاطري ضيقة تشق الصدر وتقده
تسابقني على اخذ الشهيق وتكتم الأنفاس
بوحي

[الشامخه]

تعال زيح السكوت الي كتم صدري
‏محتاج نسمة سوالف بيني و بينك
‏ً
‏ماعاد باقي من أجوبتي سوى مدري
‏ولاعاد باقي من أسئلتي سوى وينك

[عذب]

https://up.sham-alro7.com/do.php?img=1610
كذا خليتني روض به اشواقي لك مقيمه
تسابق به عيوني لهفتي وتجيه تحتله
ربيع تعشقه اهل النفوس الخضر وتهيمه
على جلسة غلا طابت مع الفنجال والدله
تعال ولك بساتين جناها حان تقديمه
تبيك اشجارها تقطف ورود الكادي وفله
ومادام ان لك وسط الحشامنزال وخيمه
تعال وربع بقلب كتب لك هالغلا كله
بوحي

[الشامخه]

أحن للماضي ب ادق التفاصيل
‏وأتذكر أحداثه وأنا .. مبتسم له

[عذب]

https://up.sham-alro7.com/do.php?img=1613
كنت احسب ان البال للوقت نساي
وعن ماضي الأيام ماهوب فايق
اثر الزمن يكتب مع العمر ذكراي
ويسجل احداث العمر بالدقايق
من يوم شاف اني مخاوي لمركاي
قام وفتح عندي قديم الوثايق
قمت اتذكر والصور زادت بكاي
فيها الحنين اللي ملته الشهايق
بوحي

[الجووهره]

‏يمر الزمان وكل حاجه تجي وتروح
‏و يا نعمة النسيان مكبر مكاسبها ٰ
‏تعالج صويب البعد وتعالج المجروح
‏و تختار لـ قلوب العرب ما يناسبها

[عذب]

https://v.3bir.net/3bir/2020/08/1596412566511-1.jpg
ماعاد طعم العيد بالريق حالي
لاصار خلك نازح الدار وبعيد
والعيد ماهو عيد لاغاب غالي
لاغاب نور الدار ماكن به عيد
في زحمة الأقراب كني لحالي
ماغير اردد هاجس البعد ترديد
عن طاري الأحباب مانيب سالي
لو طوقوني بالغنا والزغاريد
بوحي

[خيال مطير]

ماعاد طعم العيد بالريق حالي
لاصار خلك نازح الدار وبعيد
والعيد ماهو عيد لاغاب غالي
لاغاب نور الدار ماكن به عيد
في زحمة الأقراب كني لحالي
ماغير اردد هاجس البعد ترديد
عن طاري الأحباب مانيب سالي
لو طوقوني بالغنا والزغاريد

[خيال مطير]

غيمة فرح تمطر لنا العيدهتان
تسقي فياض قلوبنا بهجة العيد
منها يفوح الورد من كل بستان
والناس كل لابس زين وجديد
حتى طيور الصبح غنت بالالحان
احلى غناوي العيد بالحب تغريد
الله يعيد العيد والكل فرحان
جعله علينا دوم مبروك وسعيد

[خيال مطير]

ي سلام عليك عذب . صح لسانك يالغالي

[عذب]

خيال مطير
صح بدنك ومشكور على اعجابك واشادتك وتسلم على التواجد المميز تحياتي لشخصك الكريم

[عابـر]

اقسى من الحظ الردي العاثر
محاولة نسيان تنبش جروحك

ماعاد ينفع لو تصد وتكابر
ملامحك تشرح خفاك ووضوحك

عابـر

[عذب]

https://up.sham-alro7.com/do.php?img=1657
لاتواخذني على شعر كتبته
عاطفة شاعر طغت فوق العقل
انت ذنب غر قلبي وارتكبته
زينك اغواني وانا عقل وثقل
والله اني يوم اشوفك ماحسبته
عن طريق الشوف عشقك ينتقل
مايتوبك شاعر قلبه نهبته
ادمن عيونك ورمشك والمقل
كان تسجني على حب كسبته
راضي بحضنك يكون المعتقل
بوحي

[عابـر]

‏يا شين الأيام لا صارت : ( رماديّة )،
‏من بعد قمرا هلاك وشمس ترحابك!

‏خلّيت في صدري الأحلام ( عاديّة )،
‏و خلّاني الشوق متسوّل على بابك!

[الشامخه]

لاتسأل الدار عمّن كان يسكُنها
‏الباب يخبرأن القوم قد رحلو
‏ماابلغ الصمت لماجئت اسأله
‏صمتٌ يُعاتب من خانوه وارتحلو
‏يا طارق الباب رفقاً حين تطرُقه
‏فإنه لم يعُد في الدار أصحاب
‏أرحم يديك فما في الدار من أحد
‏لا ترجَ رداً فأهل الود قد رحلو
‏ولترحم الدار لاتوقظ مواجعها
‏للدورِ روح كما للناس ارواح

[عذب]

https://pbs.twimg.com/profile_images/568374891859025920/81hF08Vn.jpeg
يالله لامنا دعيناك يارب
في ساعة فيها الاجابة حرية
وبرحمتك يامالك الشرق والغرب
عنا تجاوز كل ذنب وخطية
بوحي
https://encrypted-tbn0.gstatic.com/images?q=tbn%3AANd9GcQv8epaiweACTPyqAaGVgv2ww9ml13 u8dX-0A&usqp=CAU

[خيال مطير]

يارب عفوك يالكريم الواحد الفرد الصمد
يارب جودك يا عظيم المد علام السدود
الطف بنا يارافع السبع الطباق بلا عمد
واغفر لنا يالدايم اللي ما عليك امرٍ يكود

[خيال مطير]

صح لسانك عذب

[خيال مطير]

ونت عذب

[عذب]

صح بدنك ولا تهون اخوي خيال مطير

[الشامخه]

رغم الظروف اللي تمرنا عايشين
‏و الوقت يمشي ما يطالع فايته
‏.
‏ممتع شعور الصبر بكل الحالتين
‏يعلمك كل شي بيوصل غايته
‏.
‏نتصنع الضحكه وحنا ساكتين
‏فالساكتين أشياء ماهي ساكته

[الجووهره]

‏كل العلاقات حلوه في بدايتها
‏ياليت تشبه بدايتها نهايتها

‏أو ليت أقدر أوقف ساعة أحبابي
‏يالذة الشوق فيها شفت غايتها !

[عابـر]

‏عليه من الرضا عمرٍ تفاصيل اوله تاليه
‏لو اختلفت دواعي راحتي ، واسباب ارهاقي

‏انا ما عندي الا عمر واحد قبل احبه فيه
‏مضى ثلثه . . ولاني مستعد اخسره فالباقي

[الجووهره]

‏روحي وانا من يمكم بقفل الباب
‏ماعاد ابفتح من جهتكم دريشه

‏مادام جت منكم بلا عذر واسباب
‏جيتي ورحتي مثل دعم المعيشه

‏هاذي نتاج الحب للناس الاقراب
‏كنك تبيع التمر في سوق بيشه

أعجبتني لشآعرها
حسين بن خشمان العضيآني

[عابـر]

ماكان حبه مطر .. لكن غيابه جفاف
‏وأظن .. ساعة فراقه .. حان توقيتها
‏
‏فيني ندم حزنه أكبر من نهاية مطاف
‏ليه أجمل أشياء عمري : فيه خلّيتها
‏
‏وشلون بنسى الجفا وليالي الارتجاف
‏مافيه .. " سكّة غياب " .. الا ومرّيتها
‏
‏هذا الفراق وحصل وش عاد بعده أخاف
‏كلّ الأحاسيس : بعده .. ما تعدّيتها !

[عذب]

https://i.ytimg.com/vi/OqwipIRm_BQ/hqdefault.jpg
جرب يذوب البوح في شفتينك
ودك تبوح وصوت الاحساس مقهور
كن السكوت المر يخنق حنينك
ييبقى كلامك داخل الروح مأسور
مايحكي الا دمعتين بعينك
تعكس ملامح خاطرفيك مكسور
تروي تفاصيل الشقى من سنينك
لومات منها قلب الاحساس معذور
وان طاولك ذالصمت فالله يعينك
اصبر على الكتمان والقلب مأجور
حتى ولو الصمت كبل يدينك
يمكن يجي ثوار للبوح ويثور
بوحي

[الشامخه]

صح لسانك عذب دايماً..
تبهرنا ب ابداعك تسلم يمينك ..
هالابيات راقت لي جداً..ولايهونون الباقين..
عابر وجوج صحت السنتكم واذواقكم.

[الشامخه]

‏أنا ما بين حزني و ليلي اللوّام
‏أدوّر عذر لأحبابي إذا صَدّوا
‏-
‏يا قصر الليل لو عين الحنين تْنام
‏و تنسى كل من راحوا و لا رَدّوا

[عذب]

الشامخة لاهنتي على اعجابك وتسلمين على الاطراء الجميل ولايهون الجميع تحياتي

[الجووهره]

عآبر، عذب
مبدعين صحت الالسن
ودآم ابدآعكم

شمووخه
تسلمين حبيبتي
وماعليك زوود
ويسلم ذووقك

[عذب]

لجوهرة كل الشكرلك على الاعجاب والاشادة والمتابعة تحياتي

[الجووهره]

‏يالله عسـى هاليوم خير و تباشيـر
‏تفـرح بـه قلـوبٍ و تفرج به كروب
‏'
‏عليـك يـا رب البشــر و التدابيــر
‏تصلح لنا الأحوال وتفتح لنا دروب

[الشامخه]

كل الجروح تهون ما عاد جرحين
‏ضيق الزمن . . واهمال شخص تحبه

[الشامخه]

تقاسموا وجهك وجيه الحاضرين
‏في كل وجه . . اشوفه لوجهك أثر

[الجووهره]

‏ان حداك الليل بالسيف الشطير
‏ابتسم له غصب كنك هازمه
‏وان رماك الهم في البحر الغزير
‏صب له فنجال كنك عازمه

[عابـر]

‏أنا "آآآآآسف" إذا "خيّبت" ظن اللي علي ردّوا
‏بـ أنّي يوم ردّوا لي .. ما قمت أفرح، وأتحفّى !
‏
‏أنا آخر من تعلّق في رجاء رجعات من صدّوا
‏وأنا أول من خطب ود الفراق لـ عايف، وقفّى !

[الشامخه]

يقول محمد السكران :

‏ من كثر ماني فاقدك ودي اغيب
‏ يمكن أصادف في غيابي غيابك. ⠀

‏رد عليه بدر عبدالمحسن :

‏بكره إذا هلّت عيونك من الشوق
‏خل الغياب . . اللي بغيته يسرّك

[الشامخه]

وانا اقول:
يا قو قلب الرفيق اللي مخليني
‏ماهوب معذور لو يشرح لي ظروفه.

[عابـر]

واسوّي لك من خيوط الأماني لهفتين "وريق"
عساك تصحّي اللي نام فيني قبل اصحاني

ذخرتك ل السنين المقبلات ورحت كلي ضيق
تغنّى ل الدروب الموحشة وقلوب خلاني

انا مبطي دفنت الأنتظار وموعد ماذيق
وسط حضن الورق حتى تخيّل جفت الواني !

اخاف اصحى وانا حزني خبل يشره على هـالريق"
واخاف التيه يلقى له عذر لاجيت القاني !

[عذب]

https://www.hamasatdamad.com/upload/uploads/1598021629751.jpg

[الشامخه]

حنيت
يا شين الحنين
موحش جفافه بالصدر
يا قلب ابلاه الانين
يا تايه بسكة سفر
نمشي خطاوينا لوين
انا وشوقي والعمر
ماهي سنة كل السنين
ماهو صبر مر الصبر
نعتب على اللي ضايعين
ألين ضيعنا السهر

[عذب]

https://www.hamasatdamad.com/upload/uploads/159839003991.jpg

[الجووهره]

مبدع عذب
صح لسآنك



‏بعض البشر تغليه لو ما تشوفه
‏ يجذبك له شيٍ غريبٍ بالأحساس
‏
‏تسمع ( كلامه ) ثم تقرا حروفه
‏تبحر معه تنسى مشاكلك والناس

[عذب]

الجوهرة صح بدنك وماعليك زود اشكرلك اعجابك واطرائك الجميل تحياتي لك

[عذب]

https://www.hamasatdamad.com/upload/uploads/1597169753481.jpg

[عابـر]

‏ناس ٍ تضيْع بـ طردها خلف الأحلام
‏وناس ٍ من أجل أحلامها ضيّعت ناس .

[الشامخه]

‏لو تموت ، آحلآمنآ تبقى آلسوآلف ،
‏مآتنسينآ : آلليآلي .. وش حكينآ !
‏.
‏نبتسم ... حتى لو آن : آلحلم تآلف ،
‏نزرع : آلآآمآل ... لكن ، مآجنينآ ؛

[سعود العتيبي]

مهما تغيب وتبتعد مقدر انساك
صورتك دايم ماتفارق خيالي

[عذب]

https://www.hamasatdamad.com/upload/uploads/1598483507851.jpg

[حمد الخالدي]

يا لطيف الروح وش عندك سوالف؟
قولها لو كان معظمها سخيفه

هي سخيفة؟؟قولها لي ما يخالف
السخيفة من فمك تطلع ظريفه :)

[الجووهره]

الـتجـاهل .. والتـغلي .. والـغيـاب
ضيـقـت صـدر الـمواصـل وامـتحـق

ان بـخلـتي مـاعلى المقـفـي .. عتـاب
وان عطيتي ( من كريم لـ مستحق )

[عابـر]

‏فـ الذاكرة ياما وياما من الناس
‏ظلت مـلامحهم رهينة وراحـوا

‏البعض كان أجمل تفاصيل وإحساس
‏والأغلبية ريـحـوا وإسـتـراحـوا

[عذب]

https://www.hamasatdamad.com/upload/uploads/1598641852441.jpg

[الشامخه]

‏لفاني السّهر يسحب ردونه على المعتاد
‏وقرّبت له مُركى السّوالف . . و حيّيته

[خيال مطير]

رضينا بالقدر يوم جمعنا ويوم فرقنا
ضحكنا للهوي مرة واشوفة صار يبكينا
لبسنا من الفرح ثوب وعاد اليوم يلبسنا
من الوان الحزن ثوب وبدد كل امانينا

[عابـر]

البخت مقفي يارفيق احتيارك
وزودٍ عليه هموم بالقلب ناخت

مرٍ تلوم الوقت ومر اختيارك
وملامحك شِفها حزينه وشاخت
عابـر

[الشامخه]

‏لا تقبل تعيش المحبه .. بنقصان
‏اما الكمال ، او البعاد وهمومه

‏إبقى وحيد افضل من مواصل انسان
‏يسدد بوصلك . . فراغات يومه

[الجووهره]

سآمح وغـض الطرف لـو كآن ما كآن ..
عـمر البحر ما ضآق من لـطمة الـموج !

لـو تلـتفت فـي كـل زلــه من انســــــــآن ..
شفـت آلبشر من حـولك ارقابهم عووج

[الشامخه]

ماهزك الشوق ولا ماجذبك الحنين
‏انا ترى ما بقى بي حيل وانا انتظر
‏.
‏واقف واناظر مكانٍ منه عاده تجين
‏مجيّك اللي يذكرني ب جيّ المطر
‏.
‏ماباقي الا اتهور وانشد العابرين
‏ما مرّكم عود موزٍ في علوّه ثمر"

[عذب]

https://www.hamasatdamad.com/upload/uploads/1599004659211.jpg

[الشامخه]

‏ما أعتقد .. فيه أقسى من شعُور
‏كنت أحسب إني ما أهون وهِنت .

[عذب]

https://www.hamasatdamad.com/upload/uploads/1599072966511.jpg

[الجووهره]

‏مصير الأحزان تنساني وتفتكره
‏ماكل الأيام بيض وسمحة محيّا
‏.
‏.
‏ياليتني لابغيت أكره.. قدرت أكره
‏ماكان قلبي لياجيت أكرهك.. عيّا
‏.
رآآآقت لي
‏لـ متعب التركي

[عذب]

https://www.hamasatdamad.com/upload/uploads/1599182172481.jpg

[الشامخه]

الحلم له نافذه والرزق بابه كَبير
‏لاتقفل البابّ وتعود على النافذه

‏لايشغلك طيّر غيرك وأنت طيرك يطير
‏ياتيك رزقك ورزق الناس مَاتاخذه .

[الشامخه]

‏" غافلٍ ما ينتبه لك .. وإن تنبّه
‏يبتسم من طيب روح وطيب نيه

‏لا تدور له شبه، ما ينتشبّه
‏نادر اللي يسرقون القلب زيّـه .."

[حمد الخالدي]

بعض العرب ودك تجنب طريقه
اللي يتهبد لا زعل هبدة الثور

ما هو بهمي يا عساه بحريقه
مير البلا من عسته زادوا العور

[الجووهره]

يا سحابة في فرحنا والسرور
جودي بظلك علينا والمطر

ازرعي في حلمنا ورد وزهور!!
يوم شالتها عواصيف الدهر!!!

و عبري عن كل ماتخفي الصدور
وقدميها بالوفا باقة زهر!!!

[هزاع محمدالعاصمي]

هلت على خد الوله دمع الأهداب=دمعة وفا جارت علي وطريتي
صوت الشعر ينده يدور للأسباب=ليتك معى حلو القوافي سريتي
ما جارت الفرقا على غير الأحباب= ياليلة الفرقا علينا فتريتي

[الجووهره]

هلا بك هزاع
عودا حميدا
وصح لسآنك


للشعر ذويقه وللبوح كتّاب
ولليل بعيون السهارى تفاصيل


وبعيني لعينك سواليف وعتاب
اطول من شروح الغلا والمواويل ..

[عبدالله الصقري]

وش للخفوق ان تآه في ليل ٍ اعمى
و البوصله طيف ٍ لـ محبوب سالي

[عذب]

https://www.hamasatdamad.com/upload/uploads/1597959372261.jpg

[الجووهره]

‏ياصبـاح الخـيـر يانجــد العـذيه
‏يابعــد بيروت والغيــم بسمــاها

‏ان بغــوها عشـق والا عنصـريـة
‏لآيمــي في نجـد مايسـوى ثـراها


للشاعر عايد بن ضلعآن
صح لسآنه مليووون

[عذب]

https://www.hamasatdamad.com/upload/uploads/160012055271.jpg

[هزاع محمدالعاصمي]

لاتطري الفرقا على من يودك=القلب من فرقاك يالترف منصاب
أبحرت في حبك على كيف ودك=وسلمتلك قلبٍ شغوفٍ ومرتاب
ودربي مشيته لين وقف بحدك=والشوق في قلبي مقيمٍ وغلاب
ونصحت قلبي بالوفا لا يهدك =لجلك حياتي والملا عندي غراب
أنا معك والله مانيب ضدك =لجلك جفيت القرب من كل الاصحاب

[الجووهره]

عذب ، هزآع
صحت الالسن
ودآم ابدآعكم

[الجووهره]

سوالفك غيمه على هيئة كلام
‏تتساقط حروفك سوالف شافيه
‏اكبر تفاصيلك تثير الإهتمام
‏واصغر تفاصيلك تجيب العافيه ..

[رحيل]

بين " أيه" و بين " لا " الله لنا
حرت ما بين التناقض والوضوح

خايف اتعود على قربك و انا
كل ماقربت من حاجه تروح

[الشامخه]

ماني حزين إلا : على عمري معاه
‏رحل .. وما خلّى له بْـ قلبي .. محل

‏ما كنّي مْفارقْه .. " فارقت الحياه "
‏توقّفت .. ساعات عمري .. من رحل

[عذب]

https://www.hamasatdamad.com/upload/uploads/1600628473971.jpg

[خيال مطير]

http://www.alriyadh.com/media/thumb/45/00/330_3cc079e013.jpg

يوم الصبا بالشوق هبة من شمال
علـي ذكراها أقبلـت مع نودها
هذاه خامس عام من حلم الليال
وانا ارتحل مثل الكرى وأعودها
ذابت عليها مهجتي، والقلب مال
ومشاعري سلك الحرير أيقودها

[عبدالله الصقري]

يا حياتي ترى لليل همس ٍ عطوف
ما سمع به أبد قلبك ولا بك سهآد

[عذب]

https://www.hamasatdamad.com/upload/uploads/1600796403141.jpg

[عبدالله الصقري]

يسلم بوحك العذب يا عذب

[عذب]

عبدالله الصقري
صح بدنك ولا عليك زود وتسلم على اعجابك واطرائك الجميل لك مني كل الشكر الجزيل كل التحايا لشخصك الكريم

[هزاع محمدالعاصمي]

له في حنايا الصدر قيمة ومنزال= أما الغلا في ذمتي وش عيوني
غالي وقلبي له على طول مدهال=مخترت غيرك في البشر يافتوني

[عذب]

https://www.hamasatdamad.com/upload/uploads/1600897137931.jpg

[رحيل]

صحت السنتكم
عذب ، عبدالله ، هزاع






صاحبي كل الثواني فـ الحياة مهمة
لا حرمك الله' من وجهٍ تشوفه دايم

ما تلام إن رحت عند العالم الملتمة
حتى أنا يوم أنعزل وآغيب ! مالي لايم

[الجووهره]

اللي يبيك يجيك لو دونك قيود
يكسر على شانك خشوم الصعايب

واللي يبي فرقاك لو دربك ورود
ما جاك لو انك من ادنى القرايب

[الشامخه]

الليال تمر والبعد كل ماله يزيد
‏ياحياة الي قضى عمره يدور عمر
‏ٓ
‏يارصيد الي مايملك في ذالدنيا رصيد
‏كل يوم يمر .. ياخذ طواريك ويمر
‏ٓ
‏لاتحسبني على غيبتك قلبي بليد
‏والله ان قلبي وكبدي على نار وجمر

[الجووهره]

منوره شموخه
بعددالغيبه
ويسلم ذوقك




‏على طاري صباح النور
‏صباح النــور ياعصفور
‏صباح الغايب المعــذور
‏وانا اللي لوبغيت انساه

‏يذكرني شروق الشمس
‏على ذكرى بقايا الامس
‏ اناظـرها واقول بهمس
‏صبـاح الخيــر ياذكــراه

عآيد بن ضلعآن

[عذب]

https://www.hamasatdamad.com/upload/uploads/1601570398631.jpg

[الشامخه]

جوج تسلمييين ي بعدي وصح ذوقك..
منور فيك ..
العذب صح لسااانك ابدعت..
كما اعتدنا منك.

[عذب]

الشامخة تسلمين على الاعجاب والاطراء الجميل وشكرا لك على المتابعة والحضور الراقي

[رحيل]

وأنت راحل : لـ البعيد !
كيف أشوفك وأسمعك ؟
لا تخلّيني " وحيد " !!
طالبك .. خذني معك !

[الشامخه]

الصدفة اللي جابتك يوم مرّيت
‏تسوى مواعيد العُمر والتلاقيّ

[هزاع محمدالعاصمي]

لامن ذكرت أيامنا قلت الله =وشلون تسلا وانت تعرف غلاتك
ماتنفع المحزون ياحبَبنا آه = لومي على الأيام تخفي حلاتك

[الجووهره]

‏كانت حكايتنا .. رسايل ، وأغاني
‏وكنت أسمع اللي ما أحبّه عشانه

‏ما ودّي أكسر : خاطره .. لو ثواني
‏هذا : " قدر قلبي " .. وهذا مكانه

‏ما كان عابر .. كان : كلّ الأماني !
‏كان : الوطن .. لا جيت أدوّر أمانه

‏ولو كان فيني حيل ، وآحبّ ثاني ؟
‏برجع : أحبّه لو " تغيّر زمانه "

[عذب]

http://www.e72sas.com/uploads/160175710595591.jpg

[الشامخه]

والله أنك ربيع القلب وأنكَ
‏أكثر العالمّ طهر روح ورحابه

‏جابك الله في زحام العمَر كنك
‏دعوة أمٍ وافقت وقت أستجابه

[هزاع محمدالعاصمي]

مخاطبة للربيع وجمال الطبيعة في حالة نزول المطر

سهرت ليلي والسماء تشعق بروق=تبرق وترعد والمطر في قفاها
في خايعن نبته خزاما وزملوق = هذى هوى روحي وغاية مناها
بروقٍ تلاعق في السماء تجذب الموق=فيها من الرعاد ضجت سماها
هلت وبلت ورتوى القاع برفوق = معاد نلحق لوبغينا ثراها
خدٍ بها من كل عشبة وزملوق = قفرن من الدواج محدٍ وطاها

[رحيل]

صحت ألسنتكم
وصحت الأذواق

(:



،،،


لك يلتفت قلب .. ويماري عليك الضمير
لو صاحب القلب ما له فالدروب التفات.

[الجووهره]

صح لسآنك شآعرنا هزآع
والله يجيب المطر والخير والربيع

‏" إذا ضاع الكلام و خانني التعبير
‏و كبّلني السكوت المرّ و أزعلتك ؟

‏تعالي في عيوني و الله أنك غير
‏تلاقين الجواب لـ كل أسألتك


ياسلام ع الكلام
هههههه

[عبدالله الصقري]

سَآآآلِم ٍ يَآ ذَا الحَمَآمْ
مِنْ وُسُوُمْ وُ مِنْ وُجُوُمْ

دَآمْ ظَلَّلْكْ اَلغَمَــــــآمْ
لآ تِبَلِّلكَ اَلْغُيُـــوُمْ

[هزاع محمدالعاصمي]

سألت عنك كل من جاب طرياك=في غيبتك ماني على البعد قاوي

[رحيل]

الجناب السمح والوجه الحياوي
والكلام الذرب و النفس النقيـه

والعقل والدين والكف الرهاوي
سبع تفرض لك حضور و قابليـه

[الشامخه]

اسجل حضوري ب ابيات هالشيله..
https://youtu.be/FpHJ1Jdwvd8

https://www.youtube.com/watch?v=FpHJ1Jdwvd8&feature=youtu.be&ab_channe

[خيال مطير]

إن تكلمـت بغـلا لافـظ فـوك = كم على هرجك خفوقي بك سرح
وإن تمايلت بدلع لارحم أبـوك = هالدلع في كبريائي كـم طـرح
وإن ضحكت الله يالريم الضحوك = زانت الضحكه لهمي وإنشـرح
وإن ضميت وضمني لك كلبوك = ضمتك تبديـد حزنـي بالمـرح
كني صغير معك يعنـي أخـوك = مشتريلـه لعبـة فيهـا فـرح

[عبدالله الصقري]

يا ربّنا يا بديع الكون يـ الأعظم
قلوب ً اهديتها لا لا تغوّيها

أنت الذي لو بخلنا بالعطا أكرم
و النّفس طمَّاعه لغفران باريها

لا تغفل قلوبنا عن طاعتك و اِحلم
و عن الحرام بـ حلالك دايم اغنيها

إعتق رقاب امّة الإسلام لا تضرم
ترفَّق و من عذاب السوء نجّيها

و ختامها صلّي و سلِّم على المُكرم
عِدّ السِّني المقبله وعداد ماضيها

[رحيل]

صح لسااانك عبدالله

،،،



ما حنو الغايبين وبادرو بالرجوع
غابو وغبنا ولا ادري بعدنا وش لقو

احاضي العين ما ابغاها تهل الدموع
واقول للقلب خلك قلب ذيب وتقوو

[الجووهره]

‏العمــر غـالــي لا تضيّــع ثـوانيــه
‏اغنــم مــرور الثـانيه والـدقيقـه

‏لـولا الامـل ماأحدٍ يحقق امـانيه
‏اسعى لعـل الحلـم يصبح حقيقـة

‏واللي زرعته بارض الاحلام تـجنيه
‏غصبٍ على الاشواك تجني رحيقه

عآيد بن ضلعآن

[عبدالله الصقري]

تسلمي صح بدنك رحيل



من لآفني بالهجر ما عدت نومآس
أصبحت كـ العود الهشيم اليبوسه

من دمعتي كرَّآس يغرق .. و كرَّآس
تمثآل تنطق بـ المئآسي حسوسه

[رحيل]

من راح لاتكثر عليه الحسايف
مايروح انسان بالروح شاريك

[الجووهره]

‏ليل الشتاء قامت تبين مواريه
‏حييت يـا ليل السهر والتعاليل

[ملكة الرواسي]

لو هو على گيفي عزلتگ عن ﺂﻟنآس
ْومــآفيه عين غير عيني تشـوفگ
.
ْوحـطيت لك بين ﺂﻟشـرآيين مجلآس
رآعي محـل وقلبــي آغـلى ضـيوفگ

[رحيل]

ان كان تبغى العفو والعافيه والستر
لا تفتقد من رقد او تنتظر من صحى

إن أسدل الليل جلبابه فـ صل الوتر
وإن اشرق الصبح بأنواره فـ صل الضحى

[خيال مطير]

شكراً على حبك حبيبي ومشكور = على المحبه والغلا الي لقيته
جبرة خاطر فالزمن كان مكسور = يشكي عطش دنياه حتى سقيته
جمعتني وانا الذي كنت منثور = ومسحة دمعٍ في حضورك بكيته
كتبتني قصه على سقف معمور = مضمونها ما ينمحي لو محيته
فتحة الي قلبك وجيت الك مخمور = من بعد حبٍ من جنابك جنيته
وقعة في حبك حبيبي بلا شعور = وادمنة حبك يالغلا واهتويته
واليوم بفراقك ترى بفقد النور = ويصعب علي انسى زمانٍ قضيته
لاكن بما انك ودك تروح معذور = ولك الشكر عن كل شيٍ عطيته
ويا الله عسى حياتك افراح وسرور = ويعين قلبٍ بالمحبه بليته

سامي الرقيب

[خيال مطير]

أروح وأرجع ومهما تبعد خطايه=إن رحت وإن جيت جوالي على حاله
أناظر الشاشة أرقب للوصل آيه=لا فيه مس كول ، ولا حتى به رساله
أقول يمكن يمرّه طيف ذكرايه=يمكنّ الأشواق هزّت قلبه الدّاله
يمكن يناظر صوره العام ويّايه=يمكن يحاول ولكن ما تهيّاله
يمكنّه يحنّ ، يمكن للجفا غايه=يمكن ظروفه ، ويمكنّه يورّى له
لكن أشوفه تمادى لما له نهايه=وتمرّ الأيام مانطري على باله
نسّته الأيام ، والأيام نسّايه=وهذي عوايد طروق الحب وأحواله
ومع ذلك ألقى لصدّه عذر وحكايه=وأقول عذره معه مادامه لحاله
ومهما يطول الجفا والصّد والسّايه=مانيب ناسيه دام القلب يبرى له
ولانيب سامع بحبه لوم ووشايه=مهما يقولون فيّ وفيه عذّاله
لي في غرامه قصيدة شعر وروايه=باقي على العهد والحاله هي الحاله
ومن لامني في هواه بذمتي تايه=ماجرّب الحب في الدنيا ولا ناله
ورغم انقطاع الوصل واعداه واعدايه=القلب باقي على رجواه وآماله
باقي لعلّه يغيّر في الجفا رايه=وأجي وألاقي مِنِه مس كول ورساله

حسين السبيعي

[عذب]

https://www.hamasatdamad.com/upload/uploads/1602868684471.jpg

[الشامخه]

بتسهرون وتشتكون وتنامون
‏الذكريات اجراح لو كانت افراح
‏ㅤ
‏تفائلوا بالجاي يا اللي تحبون
‏اللي تحب لو إنه يحب ما راح

[عابـر]

‏في شرفة اليوم كان الصدر ماله زفير
‏يكتم هوى الارض ليه الارض ماتعذره ؟

‏ماكان هاليوم ! هادي كان شر وشرير
‏متبعثر اليوم ( مدري عاد من بعثره ..

[عذب]

https://www.hamasatdamad.com/upload/uploads/1603303096361.jpg

[عابـر]

‏لو لقيت لجرحهم عندي سبب
‏ما لقيت لـ عذرهم عذر البطا

‏ما على المخطين شرهات وعتب
‏كانو أدرى قبل ينوون الخطا !

[هزاع محمدالعاصمي]

‏ياعاذلين القلب ماهي طلابه=‏لوهو مطاوعني من العام ناهيه
‏خلوه يبتل في عناه وعذابه = ‏ماينعذل قلب برا جسم راعيه

[عبدالله الصقري]

يا سلامي رفيق ٍ دون همِّي خطرت
يوصلك من فؤاد ٍ يحسبك جنبه
وانت غايب اقهويك بقصيدٍ بَهَرت
خامست كفَّه لقلبك عقب جاضي

[عبدالله الصقري]

لا تلومني يوم الهوى صآب فيني
مَـ اقدر أردّ الموت من عين حورا

[الشامخه]

هذا السهر ضريبة أشواق و هموم
‏يعني على ما قيل سهران سهران
‏.
‏وحده من الثنتين ما تجلب النوم
‏يا من همومك أو مشتاق لـ إنسان

[عبدالله الصقري]

‏وحده من الثنتين ما تجلب النوم
‏يا من همومك أو مشتاق لـ إنسان



والا مـدآوم طول هـ الليــل كـ البــوم
وليا اشرقت غطّت على العين جنحآن



هههههههههههههههههه

[الشامخه]

ههههههههههههه عبدالله صح لسانكك..
الله يعينكك ويوفقكك يااارب.

[رحيل]

صحت السنتكم (:



لي صاحبٍ جاله مع الوقت تغير
ادرو و لكن كنكم مـا دريتو !

من قبل مشروبه حليب المصاغير
و اليوم اشوفه طايحٍ فـ الموهيتو


(؛

[عبدالله الصقري]

صح كلك يالشامخه واللهم آمين ويآك و السآمعين
و صح كلك رحول بس وش الموهيتو و المصآغير

لي صآحب ٍ عنده نيآق ٍ مغآتيـر
بعد الهجيني مع أليسا بـ دويتـو

من بعد ما هي له صباح التباشير
جتها مجآهيـم الزمـآن و سـريتـوا

[خيال مطير]

قالوا غرامك؟! قلت شوف المغاتير

شوفاتها تشعل فتيل الغرامي

الوضح شوقٍ غير ومقابلٍ غير
هي منتهى شوقي ومبدا هيامي

[الشامخه]

‏
‏عقب اتساعة خاطري صرت حساس
‏حتى الرفيق الكفو ، مااقبل منه شيّ
‏؛
‏أخفقت واجد ،، فالتعامل مع الناس
‏مدري البلا فالناس؟..ولا البلا فيّ ؟
‏

[عذب]

https://www.hamasatdamad.com/upload/uploads/1603639202562.jpg

[خيال مطير]

ياطير حملتك وصيه بلاحد = تاصل بها اللي كل عرق يتله
تحية عطره من الخد للخد = تسليمة اللي خافقي مايمله
من عقبها تسليمة الراس واليد = تسليم غالي في غلا الكون كله
أحفظ غرامه حفظي لسابع الجد = ويعرف غرامه بالغلا وش محله

[الشامخه]

آلـلہ يسعد مسآ آلگل بـ آلخير..
‏من غربي هآلگون لـ شرقي مدآره..

‏آنتوآ مسآگم خيـر ووجوهگم خير..
‏ آللہ يسعد گل غآلي بـ دآره.

[عابـر]

‏لو لقيت لْرحلة أيامي؛ ثمن
‏ما لقيت لْنظرة عيونك؛ بديل

‏صامتة، فيها كثير مْن الوطن !
‏موجعة، فيها كثير مْن الرحيل

[هزاع محمدالعاصمي]

ياموطني جيتك وانا كلي الهام=من غيرك أحيابة وقبل ترابة

[عذب]

https://www.hamasatdamad.com/upload/uploads/1603826345651.jpg

[عابـر]

ما للغياب أعذار ياللي تغيبون
بلّوا معاذير الجفا واشربوها

[الشامخه]

ٱلله ٱلله يالطواري ونسناس الهبـوب
‏كل ماهب الهوى داعب طيوف المسآء
‏.
‏يشتعل بي هاجس البوح والجو اللعوب
‏بـيـن شـبة نار ودلال وخـلاص الـحسآء

[عبدالله الصقري]

نامي فقلبي و اسهري في عيوني
و انسي عذابات الجفا و الملام

[هزاع محمدالعاصمي]

مالي آراكَ كاعاشقٍ مغبوني=اضناكَ حبي أم سهاد عيونِ
اغراك قلتَ حيلتي وتوسلي= رفقاً فأنتي دريَ المكنونِ

[الشامخه]

أنا و اللّيل خلان ورفاقه
‏اخذني عشق واخذته عشاقه

‏ابيح له ضناين ما بروحي
‏ويفتح لي على الغياب طاقه..

(خلف بن هذال)

[عبدالله الصقري]

ألا يـــا قلبي المجــروح غَنِّي
وشَكِّل صورتي بـ دموع عيني

و يـعلــم قآضي الحآجآت إنِّي
سعيت و ما وصلت الغآيتيني

يلـومـونـي ولا يـــدرون عنِّي
و يجزوني بدال الطيب شيني

و يرجوني و فيهم خآب ظنّي
و منهـم زآد تغـريمي و ديني

سـبـب حـيّ ٍ و انـا حيّ ٍ دفنِّي
تحت مآطــآه ثم ٍ قـآل : ويني !

و ذآك اللي و هـو دمّي طعنِّي
و ضحَّـى بالّـذي بينـه و بيني

أنـا مـانـي بــ دنيــآي مْـتَهَنِّي
و لـو مَـدَّت سعـآدتهــم يديني

غريبه ! كيف يزهي الضّيم فنِّي
و لا يدرون من مدمين عيني !

[الشامخه]

لا تضايق يوُم خلاك جحاد الجميل
‏الكسير اليا تعالج تخلى عن عصاه

لاتضيق الوقت دوار والدنيا تميل
‏واللي مثلك يابن الاجواد مايبغي وصاه

[عابـر]

تبقى حبيس الذاكرة والحنايا !
ماكنت واضح بس ماكنت مغمور

تكفيك عن كثر الوجيه : المرايا
وعن نار خذلانك يكفيك : ديجور

تحكي تحت جنحه قديم الحكايا
وتستاذن الظلمآ وتآخد يد النور

اوتيت سُؤلك ياحبيس الحنايا
استاذن الظلما وصافح يد النور !

وانفض غبارك مابقى بك بقايا
ماخلف هذا الصمت غير ارضه البور

سود الليالي عذر بيض النوايا
لاتعتذر حتى ولو قيل معذور

مديت للماضي يدينك عرايا
وتخطَّفتك يدين الأيام بالدور !

تصحى وامانيك القديمة سبايا !
ويصحى الزمان وساعد الحلم مبتور

تقاسموا جملة جروحك هدايا
خيبات وآمال وسهر ليل وشعور

عبدالله البديري

[عذب]

https://www.hamasatdamad.com/upload/uploads/1604098963491.jpg

[الشامخه]

اصدق مشاعر .. بين كل المحبين
‏مشاعر الأحياء .. في حُب الاموات

‏تشتاق تحضن شخص ميّت له سنين
‏و هذا هو اقسى نوع فالاشتياقات

[عبدالله الصقري]

ظَميآن شِعر ,, و مرتوي فَرقا
مَوتور حُب .. و ضآيق ٍ خلقي

[الشامخه]

احب اسمه ولا احب البشر تطريه
‏احس اني ملكت الاسم وحقوقه.

[الشامخه]

ادري انه ياخذ اخباري وينشد عني
‏ويتحرى جيتي من مده الى مده

‏والعمر قفى لاقابلته ولاقابلني
‏والامر ماهوب في يدي والافي يده

‏علموه ان صدتي ماهيب ضعف مني
‏كبر معروفه علي ولا قدرت ارده .

[الجووهره]

‏مايتوب النحل من قطف الرحيق
‏ولا يعـيب الورد .. لو كثر النحل

‏بالنهايه ...كل... حي.. وله ..رفيق
‏ينعرف طيب الزهور من ..العسل

[هزاع محمدالعاصمي]

يطري علي في حزة الشوق طاري=وعيش ذكرى حبنا أول العام
وستجدي الاشواق و اجيك ساري =أنا بقربك داخلي كله الهام
حرام يالمحبوب لا تبيع شاري = متدري إنه حرم بشرع الاسلام

[خيال مطير]

إذا إحترقت بشوق ولا تعبك همك = تذكر الي مع الخطوه تحرالك

وإذا سواد اليل بهومه لفى وضمك = تذكر الي بصدره دوم منزالك

[الشامخه]

تساهلت الفراق و غبت كلّي
‏وأنا قلبي كبير و عذري أكبرㅤㅤㅤㅤㅤ
‏.
‏لقيت الحب ما يصلح مع اللي
‏" ليا ليّنت له قلبك تكبّر "

[عذب]

https://www.hamasatdamad.com/upload/uploads/1604603849261.jpg
https://www.3b8-y.com/vb/images/smilies/so_cute_by_vafiehya-dahgja8.gif

[خيال مطير]

https://www.hamasatdamad.com/upload/uploads/1604603849261.jpg
https://www.3b8-y.com/vb/images/smilies/so_cute_by_vafiehya-dahgja8.gif

صح لســـــــــــــــانك
وعتلأأ شانك
تبقى عذب

[خيال مطير]

تعال ياسكر نبات العشق ياملح القصــيد
غيبتك لي مده وانا اغني على طاروقها

قصيدةٍ موالها تهتز له خظر الجريـــــد
ترخي هماليل المزون اللي تلوح بروقها

ماهي دراما اومسلسل تكتبه فجر السعيد
مشاعرٍ تليق بي وانت وغلاك تلوقهــا

ناديت لك وانت القريب من المحاني والبعيد
وسقت القدم والا لغيرك مستحيل اسوقهــا

ومديت لك كف الرضا والعشق والعمر الزهيد
ومدلـــلك مثل الرجــــال اللـي تدلـل نوقهــا

واصبحت تسري وسط شرياني وترجع فاالوريد
تقفي وتقبل وانت لي طعـــم الحيـــاه وذوقهـا

ياراس مالي يوم مالي لاحساب ولارصيـــد
فالبنك والاسهم نموت ولادخلنــــا سوقها

تعال قربك عيد والبعد ضربه من حديـــــد
يامن تشب النار بغيابي وانا اطى فوقها

اشعلت بردي في دفاك وذابت امواج الجليد
اللي شواطيها تحرا فيّتك وشــــــــــروقها

وكتبت فيك اغلى القصيد يفيد والا مايفيد
ابيات لا غنيتها تـــروق لي واروقـــهـــا

ارجع ولا ابغى لك عذر من دون شرط ودون قيد
يااول هوا نفسي وتاليهـــم وغاية شــــوقها

احايل رفقتك والعمر ينقــــص مايـــــزيد
سنين ادوّر رفقة اللي رفقته مابـــوقـها

تعال وافعل ماتبي والله يفعل مايـــريد
اترك كلام اللي على السيره تبل حلوقها

[عذب]

خيال مطير
شكرا لك على اعجابك وصح بدنك على اشادتك الجميلة ولا عليك زود تحياتي لشخصك الكريم

[عذب]

https://www.hamasatdamad.com/upload/uploads/160478030721.jpg

[الشامخه]

اي والله اني اموت فيك
‏واشتاقلك واشرهه عليك .

[عبدالله الصقري]

لو قآلوا العآلم أسير
فـ حبّك و قلبي كسير
ماآخون لحظة فرحتي
لو كنت من همي
بـ اطير

[عذب]

https://www.hamasatdamad.com/upload/uploads/1605316628331.jpg

[الشامخه]

نصبح وتصبح كل الاملاك لله
‏على هوى صبحً يشافي نسيمه
‏ويفوز بالارزاق من عاف مشهاه
‏(وكم فات رقّاد الضحى من غنيمه)
‏.

[الشامخه]

صبّح علي من بدة الناس بالخير
‏ودي بصبحٍ يفرق اليوم عن امس