سجل حضورك ببيت شعر على ذوقك

[عذب]

https://i.imgur.com/HBlyJiw.jpg

[ناصر الهواوي]

لله درك يالعذب مبدع
ــــــــــــــــــــــــــــــــــــــــــــــــــ ـــــــ
خطٍ يروح ويجي لازم يسوى له مسارين
طالع ونازل لمن يقفي وللراجع مساره

احيان اسافر معه ما اعرف انا رايح على وين
وليا تذكرت بـ اول مدخل احدثت استداره

لمنزلٍ لي زمانين وزمانين وزمانين
ما شفت ديار من حوله ولا من شب ناره

[عذب]

تسلم اخوي ناصر ولا عليك زود ماشاء الله عليك مبدع في كتاباتك وفي تواجدك صح بدنك ولاتهون

[ناصر الهواوي]

لاهنت يالعذب لاهنت الله يسعدك

ادير الافكار باللي صار واللي بعد بـ يصير
واحاول استنطق لصامت احاسيسي بنفسي

احيان ود المشاعر للزمان الفايت اتطير
وتقيف تقول: بآلامه وغرباله تحسي

واقول هذا شعور بموقفٍ قد مر لا غير
ذا طبع الايام لو لانت يجي فيها تقَسي

[ناصر الهواوي]

يضيق صدرك نوب كنك تبي شي
وتبحث عنه بالقايمه ما تشوفه

ودامه كذا ياضيقةٍ بي تلاشي
ماعاد لي في ما تولى حسوفه

بمستقبلك يمكن يصير انتعاشي
بيمنى الأمل حزن الليالي تلوفه

[عذب]

https://v.3bir.net/3bir/2022/05/K1Xsisx-1.jpg

[الشامخه]

صباح الخيرات :)
صحت السنتكم وتسلم يمينكم ، ودام ابداعكم،
ماحدٍ مرتاح غير اللي يزيد إدراكه
‏أن من يركض ورا أوهام الحياة هبلته
‏
‏كل منّا في عراك ٍ داخلي . . و عراكه
‏يصنع اعدا من وهم، و هموم بمخيلته
‏
‏يااا وجودي بس يوم وجيهنا ضحّاكة
‏قبل تطلق هالحياة ظروفها المنفلته.

[الشامخه]

كنا ولا زلنا حبايب بسيطين
‏محدٍ على الثاني يطيق الكلافه

‏حنا في بعضنا طيبين ووفيين
‏وعلى بعضنا مانشيل الحسافه..

[ناصر الهواوي]

لله درك يالعذب ما اروح هــ الابيات رغم ما تتضمنه صح لسانك ولا فض فوك!!!!!

ارحبي يالشامخه بعد الغياب الطو يييييييييييييل وصح الله لسانك مليار
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
سلام راحل لليال المقيمه=مده وقالت له من همومها هاك
تضمنت لوعات فرقاً وخيمه=من وقعها ترثي لما صابك عداك
تحتاج لك صبر وثبات وعزيمه=برسن كذا طبع الزمن شد يمناك
لاتفرح الشامت بشوف الهزيمه=ولها يغني كل لايم ونماك
لعلها من نشو هــ الصيف غيمه=يزعجك عاصفها شوي وتعداك
وليا صفا جوك نسوي وليمه=وترضى على وضعك وتشكر من اعطاك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ
مرحبا مافي تهامه نابتٍ من راكه
بل كثر قافٍ على وجه الرواسي قلته

غيبتك يالشامخه صنفتها فتاكه
كم عضو فيك اقتدا بالظاهره ونقلته

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ
كم عام واحنا بالرواسي مقيمين
كلٍ على شفه ينوني بقافه

من غاب تزعج غيبته من غلا لين
كثر الغياب من نشد صار تافه

[الشامخه]

مرحبابك مدد بلا عدد ..
وصح لسانك ودام ابداعك..
وجعل هالساحه م تخلى من ابداعك ووجودك،
وانت بخير يارب.

[ناصر الهواوي]

هلابك زود يالشامخه
وجزاك الله خير ولاهنتي ودمتي وسلمتي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
اليوم يالعصفور صوتك ظاهر
وانا ادري ان قصدك سليم وطاهر
ظلك خفيف وبالغناوي ماهر
لا تشتت افكاري بكثر اللجه
لا تستشيط ان قلت لك رح عني
ابا استمع للشامخه واغني
وللي حضر ابيه يسمع مني
ومع خط سل النفس ابا آخذ سجه
ماللغناوي دون ربعي مزه
ولاكل حزه مع سواهم حزه
لفقدهم بالصدر بانت حزه
دجه ولا عقب المفارق دجه

[الشامخه]

ياليت رواد الفضاء ياخذوني
‏رحلة فضاء ماحددوا حد لاقصاه

‏مشوار علمي قاصدينه بدوني
‏تحفظوا ما بينوا سر معناه

‏وإذا انتهى مشوارهم يتركوني
‏في كوكبٍ مجهول بعده ومجراه

‏وان جاهم النشاد مايذكروني
‏يقنع ليا قالوا مكانه نسيناه

‏اببتعد عما تشوفه عيوني
‏عن واقعٍ مظلم مع الناس عشناه

[عذب]

الهواوي صح بدنك ولسانك وتسلم على المجاراة الجميلة وصح الله لسانك
الشامخة اهلا وسهلا بعوتك وان شاء الله آخر الغيبات وان شاء الله انك جبتي كل الغنايم من كتابات وابداعات وتواجد مميز كالعادة اكرر الترحيب بشخصك الكريم تحياتي لكم

[ناصر الهواوي]

اهلا يالعذب
ومرحبا يالشامخه
ــــــــــــــــــــــــــــــــــــــــــــــــــ ـــــــــــــــــــــــ
لكل فنان ابجديه ولوني
وله ميزةٍ تبين من خط يمناه

واحد طفح شبله واحد صار دوني
واحد يروع سامعه ما تمناه

بانت لي النجمه وابحلق عيوني
للشامخه باقصا المجره وبدناه

بــَ اجيبها واخافهم يمنعوني
رايد فضاهم صعب لا رحم مجناه

ياطيبها ما ادري عليهم تموني
وياصبرها/ ياهي تعاني معاناه

ان ءقسموا من ما منه ياكلوني
لها /وصب بترمس الماي من ماه

والا النتيجه حق لا تسألوني
مصيرها مصير جيلٍ دفناه
ــــــــــــــــــــــــــــــــــــــــــــــــــ ــــــــــــــ
هههههههههههههههههه

[عذب]

https://v.3bir.net/3bir/2020/08/1598483507851-1.jpg

[الشامخه]

هلابك وجعل المرحب يبقى..
العذب الله يسعدك ويسلمك..
وصح لسانك ابدعت..
غالينا الهواوي ههههههههههه
الله يسعدك،
على هالمجاراه الرايقه والرائعه،،
وصح لسانك ملايين..تمنيت اني شاعره في هاللحظه
واجاريك ب الابداع..:)

[الشامخه]

صاحبي ياجعلني فيك ما اعين بديل
‏وجعلني مجموع وياك دنيا واخره
‏
‏من عرفتك مايجي منك ياكود الجميل
‏وكان عندك شي بالطيب منت بذاخره

‏والله اني ثابت معك لا طال الطويل
‏مثل مايثبت على البحر ثقل الباخره.

[عذب]

https://v.3bir.net/3bir/2020/11/1605897655731-1.jpg

[ناصر الهواوي]

ارحبي يالشامخه وهلا بك ولا هنتي وصح بدنك ونقلك ولسانك
الله يسعدك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
ارحب يالعذب وصح لسانك مليون ولا يسدون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
ياضحى يوم الخميس آخر شهر ذي القعده
وش تقول لمن تململ فيك قايم قاعد

اوعده وقته بشي ولا وفا في وعده
قال له صبرك وتفرج وانت حظك واعد

كن بين العوج من شوقه يولع وقده
وان طلب فزعة مولعها مرده/ ما قد

حان وقت الوصل مع من هو يسرح جعده
وجلسةٍ بالمل ماهي مثل جلسة جاعد

[الشامخه]

لا تكدّر من حياتك وتاكلك الحسوف
‏لو يضيق بـ عينك الارض و يضيق الفضى

‏كافح الاياام بالعزم .. و الشدّه تطوووف
‏وفكّر بـ مستبقلك واترك اللي قد مضى

‏صاادم الدنيا ولا تطرحك بعض الظروف
‏لو تااطى دون شفّك على جمر الغضى

‏والله يـ شهب المقادير ماتعرف تروف
‏ماااشيه على البناادم زعل ولا رضى

[عذب]

https://v.3bir.net/3bir/2020/12/1607281919841-1.jpg

[الشامخه]

نطحّيني عهنك المنفوش يا غُر السحايب
‏عوضيني عن كواليس الوطى بالارتفاعه

‏وسعي حريتي ما فالفضاء مخطي وصايب
‏الفضاء ما يعترف بالكثره تغلب الشجاعة

[الشامخه]

كرامةٍ .. ماهي معزه و تقدير
‏تنعاف واللي من طرفها يعافي

‏يكرم وديع المسك عن نافخ الكير
‏لو صار من بين الأوادم تجافي

‏قولو له انّا غير و سلومنا غير
‏نثقل ليا خفّت عقول الخفافي

‏وان قامت الدنيا عجاج ومعاصير
‏نوقف ولا يصعب علينا الوقافي .

[عذب]

https://i.imgur.com/JdB2W1G.jpg

[الشامخه]

أقفى وروح من يشيل الثقالي
‏اللي ليا كبرت يحل القضيه

‏مرحوم يا نايف كريم السبالي
‏مرحوم ياراعي السطر والحميه..

[ناصر الهواوي]

اليوم سبت وقالوا الاربعاء عيد
وهجسي تعود كل عيدٍ يعايد

يا اهل الرواسي عيدكم سمح وسعيد
رحمه وعفو وصحه وخير زايد

يعيده الله للبِني والاواليد
ولكل فرد يتم ما كان رايد

الطيبين السالمين المناقيد
من حولنا واللي به البعد نايد

[عذب]

https://i.imgur.com/hRH0jnS.jpg

[ناصر الهواوي]

كل عام انتم بخير وعافيه
يالرواسي عيدكم دايم سعيد

ليا تهيت رحمة الله كافيه
ربنا عن من دعا ماهو بعيد

[ناصر الهواوي]

مادام حاضر عذب حبيت اعايده==ليله سعيد وعيده الصبح مبروك
في هالقسم مبدع وهذي عوايده=لو باقي الاقسام مهمل ومتروك
ههههههههههههههههههه

[عذب]

تسلم اخوي ناصر وكل عام والجميع بألف خير وتستاهلون هالاهداء المتواضع

https://i.imgur.com/GxpYKmD.jpg

[الشامخه]

منورين ناصر والعذب ..
صحت السنتكم ودام ابداعكم ..
وكل عام وانتم بخير ..

[عذب]

الشامخة صح بدنك ومشكورة على الاعجاب والاطراء الجميل وكل عام وانتي بصحة وسلامة

[ناصر الهواوي]

من العايدين يالشامخه وكل عام والجميع بخير
لاهنت يالعذب ومشكور على الاهداء الرائع وصح لسانك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
خطر تختل هالحدب الرهايف من رجيف القلب
وليال العيد كانت من زمان اتزيد دقاتـــــــــــــــه

وانا اعتبره على ما قد حصله في حياته صلب
رغم كم يوم ما فك الحنين وليل ما باتـــــــــــه

وللحديث شجون هههههههههههه

[ناصر الهواوي]

كثر الطواري تلبس الفكر دوشه
بين الحديث وقادم الوقت ينداش

لو حب كوعه ما مضى ما ينوشه
ما اقفت به الايام وشلون ينناش

للنفس قد كان بطرفهم معوشه
سود الليالي من تحدته ما عاش

غره تواشي وجهها في نقوشه
امسى منه طمعان واصبح على ماش

[محمد الغنامي]

لو اكتب الاشعار في عيونك السود
يعجز عن التوصيف بيت القصيده

[شاعرة نجد]

يلوفني من لاهب الصيف تيار
واضمى على سجع الحمامه واجوعه

تجيبني واكتب من الوجد تذكار
فريد لاهز المشاعر,بْنوعه

تذكار,قاسمته على حفظ الأسرار
لو كان فيها من جفى الوقت لوعه

من ضيّع الفرصه وكثّر فـ الاعذار
ماعاد عيّنها ولو حب كوعه !!

[ناصر الهواوي]

صح لسانك يابو بندر
وصح لسانتس شاعرتنا
مبدعين مبدعين
ــــــــــــــــــــــــــــــــــــــــــــــــــ ـــــــــــــــــــــ
قالوا سليته بعد طول المغيبه
لو ان زعمك صدق ما كان تسلاه

بنيت له قبة مزاعم مهيبه
والخاتمه تدله وتسلا وتنساه

منطوقهم غلف بشكه وريبه
محض افترا ما اعرف كنهه ومعناه

سري ابـ بير وما يكن بقليبه
بسابع ارض قلوب ماهم بوياه

عسى وجيه الحقد بالفين خيبه
وخمة سواد لكل وجه يتغطاه

[عذب]

https://i.imgur.com/M4aibck.jpg

[خيال مطير]

من طاول الدمعه تكدر شرابه
والغت مرارة دمعته كل حالي

وافنى عنا دنياه زهرة شبابه
لو كان من بين الخلايق مثالي

واللي يبي ياقف لوقته يجابه
ينهد حيله,, والزمن ما يبالي

[ناصر الهواوي]

بصراحه يازقينكم كلبوكم رائعين ومبدعين/ ههههههه(ترجمتها ياحلوكم)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
متى ووين وكيف وختامهن هل
اربع ولا وحده لها صار اجابه
ما مل رغم انه يقلب على مل
مع ضيق صدر وقل نوم وكآءبه
قالو مريض وقيل ذا مفارقٍ خِل
فقد بعد طوَّل جفاهم صوابه
ـــــــــــــــــــــــــــــــــــــــــــ
وبس

[شاعرة نجد]

رتب من حْروف القصيده ثلاثه
تروي ضمايه وانت تدري بها انت

علم الفراسه والنباهه وراثه
بين الطلاسم شغل الفكر لاهنت

كثر التودد والتوجد غثاثه
وان كنت, والا بـ اعتبر كنْك ماكنت

[الشامخه]

لاتعوّد ذكرياتك على شخص و مكان
‏وكل حاجه ترتبط بــ المحبه كبها

‏لا تبالغ فالتعلق .. ترى طبع الزمان
‏يسرق الحاجه على قدر منت تحبها

[عذب]

https://i.imgur.com/vE3WP0r.jpg

[خيال مطير]

اذكريني اذا حبيتي غيري ... اذكري المشتاق يانور عينه
اذكري حبٍ صفالك من ضميري ... ارجوك لا ينسيك منهو تبينه

عشت وبقيت ومنزلك في ضميري ... لايخدعك حبٍ جديدٍ ترينه
يحكي لك الدمع ويشكي مصيري ... واللي بلاني بذا تتجاهلينه

[عذب]

https://f.top4top.io/p_1871u5j691.jpg

[الشامخه]

الله الله ياعيونً ماتذوق النوم ساعه
‏تسهر اليل الطويل وترفع اشعار الشجاعه

‏والشجاعه كنز لا يفنا ونوعٍ من القناعه
‏والنصيب يصيب والدنيا تجيب الي تجيبه

[الشامخه]

ياللي تعاتب غموضي لاتوضحني
‏ماباقي في الخفوق الا تناهيته

‏اصافح الهم قبل انه يصافحني
‏واحب خشمه واردد في الخفى ليته

‏ليته قبل لاتزل خطاي ينصحني
‏ولا يريّح خفوقي من عفاريته

[ناصر الهواوي]

لله دركم كم انتم مبدعين
شاعرة نجد
الشامخه
العذب
الخيال
صحت السنتكم ودام حضوركم وسعادتكم
. ..... . ...1... ....... ....... ..... 1,,,,,,,,,,,,,,,,,,,1
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,ـ
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ
مادام يالهجس فودك لي تقط ماني براضي
حتى لو انك خلطت ءمع النقط عدة فواصل

وشلون ابا انجح وخصمي يعتبر نايب وقاضي
اللي يراوح مكانه كم شهر ماهو بواصل

ان كان لي لازم في راي ابو هذال حاظي
وشلون يقضى ولا بيني ومن يقضي تواصل

واليوم ابا الغي كلامي واطمسه والحر لاظي
مادام منتوج ما سجلت لي تحصيل حاصل

[عذب]

https://h.top4top.io/p_1837ityn31.jpg

[خيال مطير]

مهرةٍ .. ( عينها ) .. عين الظبي
لا مشت جنب العذارى .. فارقه

مُلفِته .. والعين ( تسبيها ، سَبي )
حارقه .. كرت الصبايا .. حارقه

[الشامخه]

راعي الكرم والطيب بيّن ومعروف
‏له بالكـرم والطـيب ، منهج ووجهه

‏ياما كسب له من جميله ومعروف
‏من دون وجهه .. بيض الله وجهه .

[ناصر الهواوي]

سفهتني صديت واقفيت/ وش عاد؟
ابشرك لــ اليوم موجود ما مت

كيد ومكر عبر المراسيل وعناد
تملا عليك او يمكن انك توهمت

رح يا عساها لك تساهيل واسعاد
قل ما تبي ضدي وانا بــ الزم الصمت

ماني على ذم المواليف معتاد
عنه اتساما حسب ماني تعلمت

[عذب]

https://v.3bir.net/3bir/2023/04/m9IWdHw-1.jpg

[ناصر الهواوي]

اللهم صلي وسلم على محمد
صح لسانك يالعذب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
ــــــــــــــــــــــــــــــــــــــــــــــــــ ـــــــــــــــــــــــــــــان كان ناسي لك عن الحكي مده
ــــــــــــــــــــــــــــــــــــــــــــــــــ ــــــــــــــــــــــــــــــظنيت هذا بك وحبيت اذكرك
ــــــــــــــــــــــــــــــــــــــــــــــــــ ــــــــــــــــــــــــــــــحسب قوانين الغلا والموده
ــــــــــــــــــــــــــــــــــــــــــــــــــ ــــــــــــــــــــــــــــسلم وانا ارد التحيات واشكرك
ــــــــــــــــــــــــــــــــــــــــــــــــــ ــــــــــــــــــــــــــــشف ما انطوى بالصد بالوصل مده
ــــــــــــــــــــــــــــــــــــــــــــــــــ ــــــــــــــــــــــــــــــما اخبر عندك ما يبرر تنكرك

[الشامخه]

راس مالي في الحياه الطيبّين
‏اللي على وضح النقا دستورها
‏-
‏النهج واضح لا يسار و لا يمين
‏والوجه واحد لو تشين أمورها "

[محمد الغنامي]

لايذوب التوت الاحمر في شفاتك
يمتزج بشفـاك ويـغـيـر طـعـمهـا
احـمـرارت شفتـك من حد ذاتك
فـرصٍ للـتـوت وده يـغـتــنـمـهـا

[ناصر الهواوي]

نيِّف وعام العهد في رقة القاف
وسلس اللغه والمفردات الدقاقه

اوقفت انا مسترسل بيوتي اوقاف
حتى افهم المتغيرات برواقه

وقررت اعدي من على راس مشراف
وادش بالصيوان وارخي رواقه

بامرٍ خفي لا من توحى ولا شاف
لو مالي بكشفة خفا الناس فاقه

لكن من فعلة بعض ربعي اخاف
ما ساق ذاك اومى لهذا وساقه

[ناصر الهواوي]

الله يخليك يوم انه هدا لا تستثيره
توه بحالة نقاهه ما يطيق الاستثاره

خايف ومن خوفه يوم زبنه عيا يجيره
رحل عنه واهلكه بالبعد والا كان جاره

يقص الآثار والاخبار من ديره لديره
عصا النوى في يده من حين خليت منه داره

[عذب]

https://www8.0zz0.com/2023/07/13/14/382788412.jpg

[ناصر الهواوي]

يا ليل البركه يالعذب وش هالحجي الله يهداك هههههههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــ
يالعذب لاتربك مشاعر شاعرٍ طفق الشعور
قد ارهقت سود الليالي خافقه لا ترهقه

سبح محيطات الغرام وغاص في غبة بحور
ورياض ريفٍ مورقه وشموس هجرٍ محرقه

فطين لكن ضاعت الفطنه بعد جدت اومور
ما بين سندان الحقيقه والخيال المطرقه

يقرأ ويشطح به خياله ويتجاوز فيه سور
وتلعب عليه الذكريات اتفل فيلم وتطرقه

[شاعرة نجد]

ياقاسي الوقت لاتقسى على القاسي
اللي قسى غصب من قسوة مقاديره

لاحول,لاقول,لاقوه ولا احساسي
الا بلطف الكريم وحسن تدبيره

مايدري اللي بصدري لو هلي وناسي
همي,معاليق جوفي بيته وبيره

[ناصر الهواوي]

يامرحبا فيك يا طيف تقول انك لهذاك
حبيت ما شفت من طبق الاصل ياصورةٍ له

لي هكذا قلت ياطيفه وانا من شكلك ارضاك
ما اظن انا للطيوف بمذهب الكذبان مله

ان ازدروني فهذا ياهجوسي من سواياك
وان صدقوني فـ صدقي بي كما تعلم ءجبله

خيال وارخيت بعنانه وغربلني ودهواك
بلغزٍ مطلسم هجوس الشعر ما يقدر يحله

[عذب]

صح لسانك يالهواوي وتسلم على بوحك الجميل

يالعذب لاتربك مشاعر شاعرٍ طفق الشعور
قد ارهقت سود الليالي خافقه لا ترهقه

سبح محيطات الغرام وغاص في غبة بحور
ورياض ريفٍ مورقه وشموس هجرٍ محرقه

فطين لكن ضاعت الفطنه بعد جدت اومور
ما بين سندان الحقيقه والخيال المطرقه

يقرأ ويشطح به خياله ويتجاوز فيه سور
وتلعب عليه الذكريات اتفل فيلم وتطرقه


ياصاحبي بعض المشاعر تنكشف بين السطور
يشوفها من عاشها مثل الشموس المشرقه
وراعي الهوى لو يكتم اسراره يجي يوم ويخور
دام المحبة يالهواوي نوم عينه تسرقه

تحياتي للجميع عذب

[ناصر الهواوي]

يامرحبا ما جن ليلٍ خرمسي وشق نور
ما شال غصن من الورق واعداد ما حت ورقه

الله ينجي ملهمك يالعذب من كل العثور
مع ساقته هجس الهواوي من تعب فاح عرقه

[ناصر الهواوي]

الحضور ان انا و14 زاير
ــــــــــــــــــــــــــــــــــــــــــــــــــ ــــــــــــــــــــــــــــ
اللي يشيل الصبر حتت مزاوده
ولا له ذكر سوقٍ قرِّيب يراوده

كود يتيسر مخلصٍ له يروف به
على بلىً في كل فتره يعاوده

يقبض على قلبه بكفه ويصرعه
وهو داه وعلاجه بكفه موارده

كل الدوائيات ماهي بــ تنتجه
ومن البديع مسكناته شوارده

وقاف الغزل لا رحم ما عاد ينفعه
ويالبت/ نفعة ليت ما هي بــ وارده

لو شاف له هين وليِّن يقدره
بنظره منه للوجد ينهد مارده

[ناصر الهواوي]

اليوم شرقي الهواء يلعب بخضر الجريد
كنه درا ان القلب يسعد بشرقي الهواء

والهجس لــ نسنس من الشرق شيطانه مريد
وذيب الصدر لـ هبت النود من شوقه عوى

[عذب]

https://i.imgur.com/OpysAk3.jpg

[الشامخه]

ولالي بالبشر غاية ولالي بالثرى أوتاد
‏خفوقي حر واتبع مايعز النفس وارضيها
‏تركت أحلام واجد .. لأنهـا في ناظري أقياد
‏وأنا ماارضى القيود الي تشل الروح بيديها

[ناصر الهواوي]

صحت الالسن ودام الحضور
ــــــــــــــــــــــــــــــــــــــــــــــــــ ـــــــــــــــــــــــــــــــــــــ
اشرقت شمس رابع يوم للعام الجديد
ياعسى ايام من نغلي ويغلينا سعيده

[الشامخه]

شلون امل المكابر فالأمور الكبار؟
‏و الكبرياء جزء من نفسي و تكوينها

‏عجزت لا اناظر الدنيا بـ عين إنكسار
‏ادعس على غارب الأيام و اهينها

‏ما يعتذر بالظروف إلا عديم القرار
‏وما يبكي من الحياة إلا مساكينها

[ناصر الهواوي]

ياسلام ياسلام
ــــــــــــــــــــــــــــــــــــــــــــــــــ ــــــ
تبي ترا من تحب ان رف رمش العيون
ورمشي له سنين ما بركد ولا شفتهم

وتنميلة الرجل من غابو عنك يرجعون
وتنام رجلي ولا جاني مبشر بهم

تعليل للنفس ما اقول اتهم يكذبون
بس الخبل من يلد البال في قولهم

[شاعرة نجد]

كان ماغنيت لاغنّى الحمام
لاقسم مانيب نجد الشاعره

لاسجع غيّم على شمس الغرام
والمولع شب في مشاعره

[عذب]

https://i.imgur.com/KHqBO2N.jpg

[ناصر الهواوي]

مبدعين بلا منازع
ــــــــــــــــــــــــــــــــــــــــــــــــــ ــــــــــــــــــ
ترى احيان ما ادري تعتبر كلمة استفزاز
معي كن كماي بقولها ما استفزيتك

بها للذهول اعطيت فكر المحب ايعاز
لقدحة شراره فوقها يندلق زيتك

حولت العلاقه/ليه؟ ما ادري حجا والغاز
يالبتك تجوز من اكثر الحكي ياليتك

[خيال مطير]

من صان حق الناس بالغيب صانوه
محفوظ لو هو كان غايب مقامه

ومـن هان خلق الله تعثر وهانوه
لـو كان شيخ ومن سلايل زعامه

[ناصر الهواوي]

صوموا عاشوراء فانه يكفر السنه الماضيه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
بــ اي حق العين ترضى السهر في حق عين
مثلها بالجرم مثل العيون العاينه

ايه لوهي عين ذات الوشاح اشجب وادين
لو علي رموشها الهدب ماهي هاينه

سدلت الشيله على قرضة البرقع كمين
لكل نفسٍ ساعة الصفر منها دانيه

[ناصر الهواوي]

سجل حضورك ابــ بيتٍ يعجبك رسمه ومعناه
في هــ القسم لجل به يا كاتبه تثبت حضورك

اواه لو من تأوهنا من اجله يسمع الــ آاااااه
ويدرك معاناك ياقلب الشقا زانت اومورك

لكن فقدنا الكلام اللي يسلي من فقدناه
وشفنا الوزا حين بانت يالجفا عقبه نذورك

والله والله لوطاعت ظروف الوقت والله
وتسهلت لي ومنك المانعات اني لزورك

وبسهههههههههههههههه

[ناصر الهواوي]

كل ما مريت موقع بعد غادرته لقيته
مثل خبري من قبل على طموم الشايب

[عذب]

https://i.imgur.com/W1HUH73.jpg

[ناصر الهواوي]

مداعبه للعذب
وش لك بغبات المحيطات يالعذب
كم راح فيها يا ابيض الوجه سباح

كم هز موجه مركب الحب وانكب
والحب راح ومن على مركبه راح

موج بحره لو هو صدق يوم يكذب
بمده وجزره فرحه يعود اتراح

لريع ابا اسلم كم كما حضرتك ذب
وهو كان ظنه بالهوى لعب وامزاح

اونس لهيبه بين حدب اضلعه شب
وما كان في راسه قبل يونسه طاح

[ناصر الهواوي]

تعال عندي . . أبيك بـ سالفة قرّب
بعلّمك وش يسر القلب ويضره . .
الحب تدري وشنهو ( إسأل مجرّب )
الحب قهوة بدو .. حلوة وهي مرة !
إتبع ( حبيبك ) بـ حبّه شرق وغرب !
قلوب الأحباب .. مملوكة وهي حرة
إن خَرّب الكون ، خلك مثله وخّرِب
حلاوة الحب مرة . . والعمر مرة
ــــــــــــــــــــــــــــــــــــــــــــــــــ ـــــــ
من مشاركات النجلاء الله يذكرها بالخير ويردها لنا

[عذب]

مداعبه للعذب

وش لك بغبات المحيطات يالعذب
كم راح فيها يا ابيض الوجه سباح

كم هز موجه مركب الحب وانكب
والحب راح ومن على مركبه راح

موج بحره لو هو صدق يوم يكذب
بمده وجزره فرحه يعود اتراح

لريع ابا اسلم كم كما حضرتك ذب
وهو كان ظنه بالهوى لعب وامزاح

اونس لهيبه بين حدب اضلعه شب
وما كان في راسه قبل يونسه طاح

تسلم اخوي الهواوي على هالمداعبة الجميلة كما عهدناك اخوي ناصر شاعر متمكن ومافيك حيلة لكن خلها على طمام المرحوم هههههه

من خاطره في شي لزم يتسبب
وحبل السبب في يديه من وين ماراح

والعذب لوانه بوسط البحر طب
فاعرف تراه لصفق الأمواج نطاح

يسعى لقصده ومتوكل على الرب
لعل في قاع البحر يلقى الارباح

عذب

[ناصر الهواوي]

صح الله لسانك يالعذب ولا هان راسك وكفو ثم كفو
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

[ناصر الهواوي]

ياقلب هف اللي بقي فيه واكفه
لو ساخن ابــ يبرد ولو بارد احتر

مقبلك من مالك مضى اقل واتفه
ما بينهن ياصلك به حبله ابتر

فلوٍ ربى ما بينكم قرب حتفه
يوم العلاقه زاد فيها التوتر

[ناصر الهواوي]

امس العصر طرا على القلب طاري
ودقيت سلف اللي على جبهته صح
وحي لي انه واقفٍ بانتظاري
عقلي رفض والعاطفه رايها رح
وحركت والمكتوب لابد جاري
وحاولت اشيل الصوت والحلق منبح
وكل البلد خليتها في يساري
ما بين ازور ولا ما ازور اتمرجح
واندشت ما عاد الامر بــ اختياري
وصار الخلل فيني قبل ما آصل اوضح
من هو يدل المنجم بالنهاري
ذا قول بخوته واثر قولها صح
ومن حيث جيت ارجع قوي انبهاري
وكل العروق من المطمه تنادح
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
حقيقه وبس هههههههههههههههه

[ناصر الهواوي]

ذليت يخصم علي وقلت ابا اسجل حضوري
واوسع الخاطر المشحون والمطعون بـــ ـابيات
دام العذب قبل اجي ما قال يارجال دوري
وانا قد اخذت عنه الدور في ما فات مرات
يا هاجسي كان طعت اليوم قبل تقول شوري
جنب عن والوادي وذكره ونجم سهيل بالذات
والا الجبل كم معه زانت بهالماضي اوموري
لي صحبةٍ معه وحكايات بسنينٍ قديمات
يغار نبت الخزامى لو تمشى فيه جوري
ولا زلت ارا فيه لو مريته رسوم وعلامات

[عذب]

ياسلام الله سلام يشرح الخاطر وفوري
من هجوس كل مافيها بيوت صاملات
والعميل اللي مثل شرواك نحضرله ضروري
القرب فيها ملاها والركايب زاهبات

عذب

[الشامخه]

يافاقدين أحبابكم وش تسوون
‏لا مدت الذكرى الحزينه يديها

‏كيف نتجاوز حزننا ماتعرفون ؟
‏بعض الطواري موجعه مانبيها

‏دايم على بال المواجع يمرون
‏مافيه ضحكه مالهم صوت فيها ،

‏ياليتهم عن ضيقه الفقد يدرون
‏ودروبهم وشلون دايم نجيها

‏من كثر ماصاروا على البال يطرون
‏حتى خطاياهم ولهنا عليهّا .

[شاعرة نجد]

هزها ماهزها والقاف غنّى
والمشاعر كلها جابت واجابت

إينعم ماجاا لنجد اللي تمنى
لو تسلت بالشعر والنفس طابت

[عذب]

https://i.imgur.com/E7i1dPC.jpg

[ناصر الهواوي]

مرحبا ترحيبةٍ عطورها كادي وجوري
الجمر يشعم لهيبه والدلال مهيلات
قل مرادك مستحيل اقول في لازمك سوري(آسف)
المزاهب باللوازم يالعميل مكملات

[ناصر الهواوي]

هذا وذاك او ذلك العلم سيان
كل الثلاثه فيهن القصد مجهول
قسا الزمن معه قسا القلب ما لان
ولا تحقق معه ما كان مامول

[الشامخه]

توجع الطعنات لاجت من قراب
‏في صميم القلب طعنات القريب

‏اشهد ان الوقت له مخلب وناب
‏تبطي جروحه بقلبك ماتطيب

[ناصر الهواوي]

الله لقلبٍ من سنه ما بقى له
مِن مَن لهم يرتاح بالقرب لو زول

بكثرة بشر لكن كنه لحاله
ولا له بغير الله قوه ولا حول

لا راح هم ارسل قبيله وجاء له
وطواريٍ في راسه اتصول وتجول

[عذب]

https://i.imgur.com/mu3mB4y.jpg

[الشامخه]

كم واحدٍ طحنا على شانه وراح
‏يكثرهم يوم اختفى النور اختفو

‏يروح وليا صكته دنياه صاااح
‏جانا يقول العذر منكم والعفو

‏وحنا بعادتنا معااازيب الفلاح
‏ننسى خطاهم واصلو ولا جفو

‏الله خلقنا للهجاد وللصبااااح
‏وفو عيال بليس ولا ماوفو .

[الجووهره]

كفووووو شمووووخه
منووره ويسلم ذووقك

[ناصر الهواوي]

متى يدري الجاهل ويستيقن المرتاب
وتقنع قلوبٍ ذا لها عام مرتابه

شاب القاف واللي يكتبه دوك راسه شاب
وتدمى اصبعه من كثر ما عضه بنابه

للمرزم لهيب وبالصدر يحرقه ملهاب
ياوجداه ملهاب الصدر فاق ملهابه

لا واتس اب لا هاتف ولا حصله بسناب
ما يهتم في من عنه ينشد ولا يابه

شبهته بعد ما اقفى بملحٍ بماه وذاب
لا الاجناب جابت عنه جابه ولا اقرابه
ــــــــــــــــــــــــــــــــــــــــــــــــــ ـــــــــــــــــــــــ
وبس ههههه

[الشامخه]

كفووووو شمووووخه
منووره ويسلم ذووقك

حبيبتي جوجو النور نورك..
ويسلمك ربي ي روحي:)

[الشامخه]

ياللي تقول ( السر في بير ) دارين
‏( البير هذي سر ) كل الدواهي ..!
‏•
‏الظاهر ان كل الجماعة متكين
‏في قاعة البير > يتقهوون شاهي..!

‏

[الشامخه]

عن الناس أغيب شهور واطلع طلوع سهيل
‏عساها تباشربي مثل:ماتباشربه

‏يازين السعه والبعد عن قوم قال وقيل
‏وعن اللي لسانه يمنع الناس من قربه

‏لسان البذي ماكنه الاّ لسان السيل
‏يجيب الخفيف الساقط اللي على دربه

[ناصر الهواوي]

روعه يالشامخه هالمقتطفات
بس وش حاشرهم يشربون الشاهي بالبير؟؟!! اكيد القشر هههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ
يا فكري اللي مرهقتك الهواجيس
كم قيل وانا قلت لك لا تمادا

تسعين بالميه لك يجيبه ابليس
وعشره بقت معها الطواري تعادا

لمشاعرك تحرق وتتلف لـ احاسيس
والضغط تلعب به وتحرم رقادا

واللي تحدا البرتقاله ولاميس
ما اضحك بعاشور احزنك في جمادا

بيس الغلا لو كان هذا غلا بيس
بمشب ناره ما بقى الا الرمادا

مير افترض ما صار كله وساويس
اعقل بدرب العاطفه لا تمادا

[الشامخه]

اهلين الهواوي..
ههههه اي والله القشر حاشرهم:)
دايمه هالضحكه يارب ..
وصح لسانك ابدعت كعادتك.

[ناصر الهواوي]

اضحك تعجب عسى ضحكك سعاده وانشراحة صدر
يالشامخه يا عسى الرحمن سبحانه يزيدك شموخ

لك عندنا يا زميلتنا العزيزة بالرواسي قدر
مطنوخ سجن الرواسي لو تمرينه يزيده طنوخ

[الشامخه]

صح لسانك الهواوي..
الله يسغدك ويرفع قدرك>>احرجتني
ابشر على هالخشم ..وغيابي عن السجن
مهوب كره والله..
لان له مكانته ولازم انتقي شيء يليق به..
لكنك اخونا العود وم نقدر نرفض لك طلب..
دُمت بخير

[ناصر الهواوي]

هم يقولون عليه الشحم
وانا اقول عليه دهن عود كمبودي معنق
وما فيه داعي للاحراج الله يهداتس
واعتقد انك شاعره لانه على اقل تفدير من يعشق الشعر لابد ما ينوني بابيات
ههههههههههههه

[ناصر الهواوي]

بعد كتمه غصون الشجر والسعف تهتز
رقاق النسيم ينسن برفق ويهزه

شرقيه وانا هجسي ليا نسنست له فز
يفرح به مثل ما يفرح بصاحب يعزه

عن مطلع سهيل العام يادوب ادزه دز
ولذاك الجبل والوادى يحوص واكزه

مربى من زها ريان عوده رقاق البز
فديت الجبل وشعيبه وطلحه وبزه

معزة سنينٍ روحت لو يدوم العز
حاستها طناخة راس بنفيسته عزه

[الشامخه]

كلن يشوف اني مقصر و غايب
‏وانا مقصر صدق .. مدري وش اقول
خسرت ربع طيبين وقرايب
‏أحبهم لكن مابي منهم الزول

‏معي بلا عجزت عليه الطبايب
‏يتكني وأنا ماعندي حلول
عيت على صدري تهب الهبايب
‏لا اداني الجمعة ولا اداني الضول

‏ماكن لي بين الحبايب حبايب
‏لو اضحك شوي اتعومس على طول

اقرب وصف لي هالايام هالابيات..
نشوفكم على خير.

[ناصر الهواوي]

ههههههههههه لاحول ولا قوة الا بالله
الله اسأل ان يشرح صدرك ويزيل همك ويشملنا جميعا بعفوه ورحمتهصح لسان شاعرها وذوق ناقلها
جاز لي معناها وجاريتها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
هي هكذا الدنيا حظوظ ووهايب
ما فات مات ومقبل الوقت مجهول

ما راح لا تكثر عليه النحايب
واتكل مقابيله على لطف ذي الطول

رب العباد اللي يدير الهبايب
بلياه ما للعبد قوه ولا حول

لااحترت ما بالشور نقد ومعايب
يمكن براي لما تمنيته اتنول

[ناصر الهواوي]

يالعذب وش هالسكوت الحكي يا رجال ببلاش
خذ واعط معنا تراني معجب بقافٍ تقوله

حلو القوافي تراها في مثابة دعم وانعاش
من غير غرفة عنايه تنقذ النفس الملوله

الفكر من كثرة التفكير في ماضيه منداش
له في متاهة خيالاته ليا امسا الليل جوله

كنت اتحيزم على جور الليال بصملة الجاش
واليوم لامحزمي حولي وانا مانيب حوله

[ناصر الهواوي]

مهب الهواء غربي وانا رغبتي شرق وجنوب
اقفِّي عن النسناس ما ابيه لو انه ندي

تغر الاماني والمواعيد باغلبها كذوب
يومن بي من سهيل اليماني الى نجم الجدي

اعرف الحقيقه لكن اماشي الضبي اللعوب
مثل ما يقول النادم اطرفت عيني في يدي

عصر لي بعد كوب العسل من عصير الشري كوب
ومع ذا ليا جيت ازهمه قلت وينك يابعدي

انادي وانا بيني وبينه مسافه لها الموتر يجوب
لساعات والرجلي شهر لو بتل يعدي عدي

[ناصر الهواوي]

ممممممممممممممممم ههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
خيال لو من بعض الاقوال جزنا
ماء الوجه يا خيالنا ما دفقناه

لو احتفظنا بالذي فيه فزنا
وما ضاع منا يامعلم نسيناه

ياما لما به يُرفَع الراس حزنا
واللي يجي من بعدنا له ذخرناه

وهي هكذا الايام فرحه وحزنا
وآهـٍ بعد ضحكه وضحكه تعقب آااااهـ

[شاعرة نجد]

ودي يزاورني خيالك ليا نمت
وان صار,أنام الليل مع طول يومي

مَـ دام مابه غير ذكراك لاقمت
وطيور شوقي في سمايه تحومي

ومَـ داام تأسرني ظروفي ومادمت
مثلي ظروفك في ضحاها نجومي

خل الخيال يْحاكي الروح في صمت
يجمع شتاتي لاتردّت عْزومي..

[عذب]

https://i.imgur.com/tqSRhzC.jpg

[ناصر الهواوي]

ياسلام ياسلام
لله دركما //مبدعين مبدعين
بلا منازع
ــــــــــــــــــــــــــــــــــــــــــــــــــ ــــــــــــــــــــــــــ
اكيد يحصل بالحودث تزامن
بالوقت والمعنى وبالعرض والطول

والسر ما احدٍ يعرفه وين كامن
ويكثر به التخمين والظن والقول

ولا فيه احد من سود الايام يامن
لو هو شديد الباس ويصول ويجول

خل اليسار وفي طرقك تيامن
تراك عن نوضيح ما ابهمت مسؤول

[عذب]

ناصر الهواوي بحجم الكون مشكور ولايكفون وتسلم على التواجد المميز والحضور الدائم لك كل التحايا مني على الاطراء والمديح

[ناصر الهواوي]

تسلم لكن انا ما اجامل اقول الحقيقه
سؤال
احيان يغدي هـ القسم وين القاه؟؟ ههههههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
اليوم شرقي الهواء بارد وصلف
يهز لدنات الجريد ابــ صلافه

يشجي فوادٍ كن به تغرز الشلف
ما اخطن صميمه طاعنه به وذافه

من له يراعي بعد ما لافه الولف
يا وجد حاله كبف قرر ولافه

رماه رمية محترف لاعب القلف
يبي الذهبيه بطول المسافه

[شاعرة نجد]

رسالة الجوال تشرح لك الحال
كنْها تجاوب عن سؤالٍ طرحته

طرحته بنفسي من البال عـ البال
واضح وانا في ذمتي ماشرحته

أحتال في قلبي وانا كنت مـ احتال
ياما وياما غصب عني جرحته,’

[ناصر الهواوي]

اوكد حضوري والا انا من زمان هني
في بيتين والا قي ثلاثه ان امداني

وين البلسم؟ يداوي جريحٍ بقلبي ني
كلش بلطمه حتى الشبه فيه/ واوذاني

انا اسرج خيول القاف لا امسيت واعني
واتعبت الهجوس وطاري الولف عناني

اسأل نفسي بنفسي عسا ما بدر مني
ما كان السبب للهجر وأحلِّف لساني

[ناصر الهواوي]

شيبني وفيه ومنه عيا يشيب القاف
هجوسي رغم ما صار ياتي فتا قافه

لياليه تفرش من همومه عليه لحاف
حتى صار من سطح انهياره على الحافه

[خيال مطير]

يامن يراعيني بعينه واراعيه
في عيون قلبي كل مالاح زوله...

يفز قلبي لا تبــدت موالــيه
واغض عنه الطرف والناس حوله

اقعد معه في الناس مااقدر احاكيه
اخشى لساني يختلف في مقوله

نجديه

[ناصر الهواوي]

روعه يالخيال

[عذب]

https://i.imgur.com/XlxFxm7.jpg

[ناصر الهواوي]

جميل جدا
ــــــــــــــــــــــــــــــــ
يا همسةٍ عذبه لها خافقي فز
بعد البطا تزن بإذني غريبه

لها الكيان ارتج بالحيل واهتز
وعوى لها من داخل الصدر ذيبه

علي منها كل ما قد مضى عز
والحال يرثى له ونفسي كئيبه

ياعين حرٍ شاف من ماكره وز
منهن عشا فرخه مقرر يجيبه

وياجيد خشفٍ بالنفيد يقمز
بالخشم شم وشاف بالعين ريبه

قطعت بس الطيف في خاطري حز
بنومي يجي واقول ياطيب طيبه

[الشامخه]

صبرت صبرٍ صابني منه وسواس
‏صبرٍ له النفس العزيزه ذليله

‏على وليفٍ حال من دونه الياس
‏و الياس طبٍّ للقلوب العليله

‏من يتبع المقفي مردّه بالافلاس
‏مثل الذي بالقيض يدفق صميله

‏- اللوح ، عبدالله بن لويحان رحمه الله

[ناصر الهواوي]

ياذالقلم لا تقول وش ودك اكتب
ما ينقله هجسي من الفكر اوده

اسمع ونسق ما يجي لك ورتب
مالاق واللي مالك يلوق عده

مترجم انت لملهم الشعر ما انت بــ
شاكي ولا مشكي ولا كنت قده

[ناصر الهواوي]

اي والله
ــــــــــــــــــــــــــــــــــ
ياذا الجريد اللي تمايل مع الهواء
وكن الجريده ذي تناجي ذيك

تدني سعفها من سعف ذيك بــ التوى
ولا اسعدتني في همسةٍ من فيك

من جد ما عندك لمن يشتكي دواء
حاول وحاول قبل لا يعديك

بعلةٍ منها بعد راحو اكتوى
بنار الفراق ولا احد يداويك

قل للعصافير ان صوت ما لكن لوى
وصح للحمام الراعبي يجيك

عله بسجعه يطفي الـ جمرة النوى
ويمسك بها رجف الفواد بريك

[عذب]

https://i.imgur.com/frBZwd8.jpg

[ناصر الهواوي]

اثر ما اشغل الجوال طول الزمان الا انت
وهــ الحين يا عله يدندن ويا ليته
وياليتك تعاود عادتك مثل ما فد كنت
ترا شاشته من بعدكم تعتبر ميته
الا يا زمنا الزين لو كان بعده شنت
لو انك فزعت وكل موذي تلاشيته
وبس ههههههههه

[ناصر الهواوي]

الى هالساع يعني ما حضر بعدي احد
لكتي حضرت
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
وادي مفيضه شرق له جد مشتاق
شوق الوطا المجدب لوبل السحابه

مالت غصون الطلح من ثقل الاوراق
شكله بعد قام الحمى صار غابه

اجيه واغرق في هواجيسي اغراق
واعود لعهود الصبا والصبابه

لو ما جمل لي في حدوده ولا ناق
ولا باقيٍ لي بالمدينه قرابه

سابق عصر بي موثقٍ قيده اوثاق
بجذع سلمه بيدين حضرة جنابه

وبعد رحل ما ارسل مواسي ولا واق
على الربيط ولا ادرجه في حسابه

وين اللذي يقرا مكانين الاوراق
ويفزع لمن ما جابت الورق جابه


ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
ـتوقيع حضور

[ناصر الهواوي]

دفتر حضور ولا استجدت تواقيع
لافوا ورقك وبدلوها ابــ بصمه

النفس عذفه والمشاعر مواجيع
وعلى جبينك من جفا الناس وصمه

[عذب]

https://i.imgur.com/2u1znrn.jpg

[ناصر الهواوي]

خف النخل من بعد جدوا عذوقه
لكن صدري فيه ثقله ولا خف

تشكي بعد زاد خفقانه عروقه
من رجفه الحدب الرهايف تراجف

لــ شافته يبي المغادر تعوقه
تقول له ممنوع يا سيدنا قف

ماعاد له في فقد الاحباب طوقه
تقول مصفوقٍ على الخد بالكف

مساه ينفخ جمرة الوجد شوقه
لصبحٍ اشوى من مساه يتلهف
ــــــــــــــــــــــــــــــــــــــــــــــــ
وبسك هههههههه

[خيال مطير]

كل ما دار الهوى شرقي وهب … رجّع بطيب الثرى عبقٍ عليل
وان تصلّب بالشمالي أو غرب … فاح بن واقحوان وشاع هيل

يرفل البلبل بجنحانه طرب … والنخيل يهزها الشوق وتميل
يا نخيل الخير يا فخر العرب … والزمان اللي عطا مجد ونخيل

يا ملاذ قلوبنا وقت التعب … يا ذرانا يا دفانا والظليل
من جريدك غارت بيوت القصب … وازفنت شمس الضحى عرش المقيل

[عذب]

https://i.imgur.com/ielyw4L.jpg

[ناصر الهواوي]

ر
ـــــــــــــــــــــــــــــــــــ
لك ما تجي رائعه لا صار مالك مزاج
ما تعجب المستمع/ ما تروي الذايقه

لكن مالك طرا حطه وسط حِق عاج
وبسبَّع الارض لا تلمح لها وايقه

يغث شين الفهم والحمق ماله علاج
من ذا وذا عن شدادك بت علايقه

حتى ترا ان الدعاوي صار فيها انفراج
ومشاعرك والقريحه للطرب رايقه

[عذب]

بحر الغرام الي بقلبي تلاطم
يلعب باحاسيس الغلا مثل الأمواج
مشاعر بن المحاني تزاحم
وش حيلتي والشوق في داخلي هاج
يامركب العشاق والقلب هايم
سلم على الي بالهوى طب وعلاج


بوحي

[ناصر الهواوي]

صخ لسانك يالعذب على الكلام العذب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
ـاسمع ويا ما لي سمعت وما فهمت اللي نويت
الى متى والى متى والطق بالميت حرام

مالك تهيا ما تريد ولا حصل لي ما بغيت
مالك وما للبهذله وماللمغربل والغرام

ان جيت اسلي خاطري نوح الحمامه والبويت
هو ردني للي مضى وهي حركت في الهيام

ولحديث ذو شجون

[عذب]

تسلم يالهواوي وصح بدنك ولسانك كلام جميل في غاية الروعة ولا يستغرب الابداع من اهل الابداع تحياتي واعجابي

[محمد الغنامي]

والله ان الوضع ماهو معك مثل الاول
حاضر ولاكن ما انته مثل الاول حاظر
المـشـاعـر ماتـحـب اللـي لاغـاب يطـول
عشقهااللي مايغيب عن النظر والناظر

[عذب]

https://i.imgur.com/teuq2GS.jpg

[الجووهره]

شآعرنا عذب
شآعرنا الهوآوي
مديرنااااا

أبدعتو صحت الالسن
ودآم الحضور والابدآع

[محمد الغنامي]

مساء الخير على الجميع

[خيال مطير]

مساااااا كككك مســــــــــــــــكـ .. ابوبندر صحتـــــ الســـــــــــــــــــــــــــــــــــــنتكم جميع

[خيال مطير]

مساء الخير مساء الورد يافله
مساء الليل وريح الهيل مع الكادي

مساء النور تموج بحور من طله
مساء المسك وريح العود والأوركادي

مساء الورد بكل انواعهن كله
مساء الطفل إذا لأمه غدى ينادي

[ناصر الهواوي]

ما بقت للي سبقنا.....ذا الكلام مقوَّل
وانت عارف ما تعرَّف يالمدير الناظر

الليالي كل ما افتر الزمان تهول
يبلش بتوضيحها للحاضرين ءمحاضر

[نهر]

الشوق والوصل من بعد الغياب الطويل
بردني في مكان أغلى من الامكنه

[عذب]

https://i.imgur.com/1YaiGS5.jpg

[ناصر الهواوي]

كل ما حاولت تركيد الخفوق شويه
رقق العذب القوافي له وزاد ارجافه

وذكّْره في طلته وعيونه الخمريه
كنه قباله لو انه له سنه ما شافه

[نهر]

يارجال الرواسي وينكم غايبين
ارجعو رجعتي واحيو السنين القدام

حلوها الذكريات اللي من أربع سنين
يوم كان الوصل دايم ولله الدوام

[ناصر الهواوي]

ابي ردك لو سألتك ما يجيني سالب
الردود اللي تجي مني لك ايجابيه

ذا طلب واحد وانا مازلت منك اطالب
ولك بتلبية المطالب كامل الحريه

[عذب]

https://i.imgur.com/1wzW8Ql.jpg

[شاعرة نجد]

من كثر مايشرد بي الفكر واروح
أعيش غربه موحشه بين ناسي

ظروف وصْدوف ومتاهات وجروح
واشيلها بسكات من فوق راسي

[ناصر الهواوي]

قلت نامت رجلي اليمنى وقالوا من لك طاري
قلت هو / لو ذا صحيح ان كان دايم نيمه

[نهر]

يارواسي نجد وان الشعر عندي كثير
مير بعض احيان مالي على عده طراه

[محمد الغنامي]

هات ماعندك تراء الوضع من مبطي خطير
لا يهف من البطاء هفت مقيط ورشااه

[عذب]

https://i.imgur.com/UWAL3l1.jpg

[نهر]

احبه وادري ان سلطة الحب جباره
تجيه العرب صاحين وتروح منهبله

[عذب]

https://i.imgur.com/LSsC1As.jpg

[ناصر الهواوي]

تعوذ من الشيطان والنفس الأماره
وسحاب القصيد العذب لا ينقطع وبله

على قولة القصمان هاجسك وش كاره؟
اطربنا وحفزنا على ط5ة الطبله

[ملكة الرواسي]

اشتقت له ب الأمس واليوم مشتاق
وكل ماذكرته يزيد اشتياقي
غلاه عندي عن غلا كل البشر فاق
مهما ابتعد مكانه داخل اعماقي

[عذب]

https://i.imgur.com/6HURg0K.jpg

[ناصر الهواوي]

اثر نعمة النسيان ما تنتقيم بالذهب
في حالات لو تنباع بفلوس لشريها

الذكرى كف الله شرها تنهب السلوه نهب
وتقفي وخافق من طرت له يباريها

يحاول مخاواها وترميه في مهب
ريح الشوق يسري به من الوجد ساريها

[خيال مطير]

يامل عين عليها من زمان اهل الهوى ميل
تسهر من اسباب غروا شاقها واليأس دونه

دونه حوادي صعاب معقده بالحيل بالحيـل
ظرف الزمان الذي دون الغضي ياقو كونه

[ناصر الهواوي]

لمشاركات الخفير اقول انا ياليل ياعين
والجوهره ما تجيبه رايع ويشجي هجوسي

والشاعره ما سمعنا صوتها وايضا نهر وين
والظاهر ان السجن من غقبهم حظه مسوس

[عذب]

https://i.imgur.com/n419kCD.jpg

[ناصر الهواوي]

سجل حضورك بــ بيت من الشعر بفتح العين او بكسرها هههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
اقول انا اللي صار عندي قناعه
والظاهر ان الغير بالمثل قنعان

ان الأماني ما اهي اربح بضاعه
ومن حطها له مال خايب وخسران

قلبك بثلج الصبر برِّد اوجاعه
ان كان من جمر الجفا القلب وجعان

الفكر لا تعطيه سمعٍ وطاعه
لو حاول الرجعه الى كان ما كان

وقاف الغزل مادام ما اثبت نجاعه
خله مهف مقيط ورشاه يا فلان

واجعل بتفكيرك ركود ووقاعه
ترى التسرع ينطلق معه شيطان

[خيال مطير]

هم يحسبون المسأله كلها سلك
إذا انقطع تقطع معاه المسالك

ما دروا إني بالإحساس أبادلك
مو شرط أشوفك وأسألك كيف حالك !

أحس بك لو كنت ماني مقابلك
وتحس بي و لو كنت ماني قبالك ..

تدري وش اللي بس يقطع وصلك
الموت بس الموت.. يقطع وصالك

[عذب]

https://i.imgur.com/FG4PfKH.jpg

[محمد الغنامي]

العام انا اقول وانته تسمع لقولي
واليوم ماعندى ولازول يسمعني

[محمد الغنامي]

العام انا اقول وانته تسمع لقولي
واليوم ماعندى ولازول يسمعني

[خيال مطير]

ياصاحبي مال المشاريه داعي
قدام تفرض شرهتك شم يمناك

مشاعري ماهيب نقل جماعي
أجمع بها حكيك واسوي سواياك

العام قلت انك طويل الذراعي
واليوم أبسحب كلمتي واتحداك

دافعت عنك ولا نفعني دفاعي
وسويت لك قيمة وكبرت مركاك

[ناصر الهواوي]

كثرت حكاياكم عن العام والعام
وما فات مات وش تقولون بكره

تزعجني طيوفٍ لها بنومي إلمام
حيث انها تجيب ما احب واكره

الجفن عن نومه لتاثيرها شام
وافتر لفلام الهواجيس مكره

بخصله وسلسال ومعه قلب وزمام
ومنتوق جيد وعين من غِز وكره

وباقي بويتٍ بايمن الدرب منهال
عادي// ولكن لي ابــ باقيه فكره

لقلبي قبل رجلي قبل فيه مدهال
للعين به زوغه وللفكر سكره

الهجس يلقى في طواريفه إلهام
وعنده يقلط لي من الضيق حكره

وبسسسسسسسس

[ناصر الهواوي]

يالعذب قل ما ودك اتقول في سرع
اشوف باقوالك هــ الايام رقه

تستاهل البيرق وتستاهل الدرع
وما فوق مبدع من لقب تستحقه

[عذب]

لابد ارش القلب لايهايف الزرع
حتى الثمر ياخذ من الماي حقه
امشي على القانون وامشي على الشرع
من خوف لا يلحق خفوقي مشقه
عذب

[الجووهره]

صح لسآنك مديرناا
وصح لسآنك شآعرناا الهوآوي
وشآعرنااا العذب ويعطيكم العآفيه

[ناصر الهواوي]

يوم انت يا هجسي بقيفانها برع
ماش العذب لو كاد بالحيل طرقه

شفت السحاب اللي لمع بارقه فرع
والوادي اللي شاقني صوت ورقه

وردتني الذكرى لعصري وانا ورع
وبمقارنه باليوم جا في شرقه

وللحديث بقيه

[عذب]

https://i.imgur.com/uVDW1Bj.jpg

[شاعرة نجد]

اثر الحديقه تشرح الصدر ياسعود
حتى لو اجلس كل يومي لحالي

بالذات لـ صار السماا غيم ورعود
وجبت الحطب فيها وصفر الدلالي

وشبيت ضو وجت على الكيف والمود
لو خاطري ماهو من الهم خالي

[ناصر الهواوي]

ترتاح صدق ونوب الغصب ترتاح
امحق ليا صارت بالاكراه راحه

للطير في وسط القفص صوت وصياح
ويطربك تغريده ليا اِطْلِق سراحه

لا ياس لكن كل ما يعجبك راح
وجه الليال السود ما به سماحه

[الشامخه]

استعن بـ الله ، تشوف الدرب قدامك وسيع :
‏الله اللي … ( قادر بـ ليلك يسخر لك .… قمر ) !

‏و خل خيط الوصل بين العالم و بينك رفيع :
‏ما تعرف اليا انقطع بكرا .. ( يدخلك بـ جدر ) !

‏لا تخوّن بس حرّص .. ( لا تسر سير القطيع ) :
‏اعطهم وجهك ( سلام ) و لا تلقيهم ... ظهر !

‏و انتبه مليون مره تفشي ( السر ) … و تذيع :
‏سرك اولى فيه صدرك ( بيرهم مملي غدر ) !

‏التحف ( صمتك ) ترى داخل ( سوالفهم صقيع ) :
‏و لا تثق في شكل مُطلق ( خوّن فـ موضع شبر ) !

‏و لجل تأمن خطوتك حاسب و لا تمشي سريع :
‏( ما خبرت اللي على مهله مشى .. صابه كسر ) !

[نهر]

ياسلام الله على كل الحظور
ويا سلام الله سلام الله علي

يارواسي لو تبادلني الشعور
حبك بقلبي مثل حبي هلي

[الشامخه]

تموت بداخلي خيبة مشاريهي على الأحباب
‏ ولا شافوا سوى وجهٍ سموح .. وبسمة محيّا

[ناصر الهواوي]

في ضايع الوقت شدتني بيوت القصيد
ومنها انفتح كل قفلٍ صار فيه انغلاق

من القريحه وهاجوسي يقول المزيد
حيث انها تعتبر بصمة حضور الرفاق

[عذب]

https://i.imgur.com/Rv1TTsG.jpg

[الشامخه]

العمر غفوه طويله و النعَم ما تدوم
‏واَحوال الانسان ما تبقى على حالها
‏.
‏الايام تمضي مضي البرق بين الغيوم
‏وش يمهل اعمارنا لا حانت آجالها
‏.
‏يالله بـ قـلبٍ سليم بـ يوم مافيه نوم
‏في ساعةٍ يغفل الجاهل عن اهوالها
‏.
‏للنفس حاجات لو يبقى من العمر يوم
‏" يموت الانسان يطردها ولا .. نالها "

[عذب]

https://i.imgur.com/AWYjuqn.jpg

[ناصر الهواوي]

إييه ماندري وش اللي نبندي به
كل شي نشوف له فينا اولويه

ذا نقوا القلب وان راح يغدي به
وذا نوي القلب دايم من نويه

لو تصبرنا الفراق اكبر مصيبه
لحظة حدوثه لها صدمه قويه

[الشامخه]

الحظيظ اللي يشوفك كل حزة
‏سعد عينه يوم وجهك له تهيّا .

[الشامخه]

إذا انتصرت أصير للنصر تذكار
وإذا أنهزمت أرفع مقام الهزيمة .

[ناصر الهواوي]

لا تعتذر مادام هذا قرارك
عن اقتناع وكن ماشي يعنيك

وبك طالت النجعه رغم قرب دارك
وعجزت رجاوينا تحنن معاليك

على خفوقٍ ذاب من حر نارك
بالرخص بيع وبالغلا كان شاريك

لك ما استجد نقول جعله مبارك
منك ابتدا ونهايته عادت ايليك

[عذب]

https://i.imgur.com/4OBDQg7.jpg

[ناصر الهواوي]

للورى عِد بتفكيرك شوي
لا تطول رجوعك للورى

وتجرح القلب في ما كان سي
لقولة الذاكره هو ما ترى

[الشامخه]

شايبٍ في جمجمة رأسي رزين
‏ مايدانيّ ورعٍ في جُوفي شقيّ

[عذب]

https://c.top4top.io/p_1844av40y1.jpg

[ناصر الهواوي]

صح لسانك يالعذب
ــــــــــــــــــــــــــــــــــــــــــــــــــ ــــــــــــ
يالقلب لو لك قيل هاليوم كيف انت
واجابتك جت موجبه قلت كذاب

عطهم حقيقة واقعك صح لاهنت
بالصدق قنِّع ناشدك واقفل الباب

مع الزمان اللي قسا ليه له لنت
وعزيمتك خارت بعد فتل الاشناب

يومٍ هدم يوم اللقاء فيه لا كنت
القاف شاب وعارض الهجر ما شاب

[عذب]

الهواوي صح بدنك وتسلم ولا عليك زود شاكرلك الاعجاب والاشادة لك كل التحايا

[الشامخه]

بدوٍ حفايا ما انصفتنا المقاسيم
‏وبصدورنا عزٍّ تطارخ فحيحه

‏نرعى رفيق البرق في ساقة الغيم
‏ومن يستبيح حدودنا مانبيحه

[الشامخه]

ادور انا وانت مثل السبت والجمعه
‏يا قربنا والصحيح انّا بعيديني

[عذب]

https://i.imgur.com/56g93Kq.jpeg

[الجووهره]

صح لسانك عذب
وكل عام وانت بخير
وآل رواسي.جميعا
مع ان ماعاد فيه رواسي
الله يحفظهم ويسعدهم

[خيال مطير]

صح لسانك

[عذب]

https://i.imgur.com/AHC1J1D.jpg

[الشامخه]

تكاثرت خذلاني وقفّلت باب اللوم
‏"ملامي على روحي وصبري على حِله"

‏من العمر كله ما آعرف كم باقي يوم
‏لكن جععل باقي يوم يسوى العمر كله.

[الجووهره]

،،،

[الجووهره]

‏قل للحنين الله يسلمك وافي
‏وقل للحبيب الله يسامحك غدار

‏#والذكريات اللي ذرتها السوافي
‏ماراح ينبت دربها ورد وازهار