سجل حضورك ببيت شعر على ذوقك

[محمد العواد]

يازين منطوق بعض الناس يازينه
بالذات لاصار شرهانٍ على غيابي

هو نور عيني حسب مابيني وبينه


وحاكم ولايات نبضي سيّد احبابي

[خيال مطير]

صح لســـــــــــــــــــــــــــــــــــــــانك يالعواد . وبيض الله وجهك ^

[خيال مطير]

أنا لا ضاق صدري .. ونزع بسطي .. وعفت الناس

تكدر خاطري .. واحترت وين اسج .. وين اروح

انادي من وهج غيضي .. وزود الباس .. والهوجاس

ومن لهفة فؤادي للغضيض .. الغالي .. المملوح

اسوق بحامي الكنه .. ركاب الشوق للمياس

رفيع القدر .. ممشوق القوام .. الفارع .. الممدوح

[هزاع محمدالعاصمي]

اجاوب الورقا على نايف العود....وسأل عليك بلهفة الشوق وينك
مثل السماء في داخلي مالك حدود...تملك تعابيري بنظرات عينك
ووله عليك ولا طلبتك بمردود...اموت وحيا بس اعانق سنينك

[شيخـــة الغــيــد]

||

إنَّ الوفاء على الكريم فريضة
.... واللُّؤم مقرون بذي الإخـلاف

وترى الكريم لمن يعاشر منصفًا
.... وترى اللَّئيم مجانب الإنصاف

[عذب]

للهوى والشوق وعيون السهر
قصة تحكي معاناة الحنين
تستمع لفصولها دمعة قهر
تنتظرقصة بها الفرحة تبين
لكن الي ينتظر فجره ظهر
ياحكاية كل ليلة تبتدين
ياحكاية من حكايات الدهر
كم بقى لآخر سطورك من سنين

بوحي

[عبدالله الذيابي]

سوالف اليل تطرب كل قلبٍ عليل
ويعيش معها خيال الفكر مع عالمه


احيان همس الشفايف ذوقها سلسبيل
لو كان عبر الاثير.. اعدها مكالمه


عبدالله

[شيخـــة الغــيــد]

\\


بِينْ تقبِيلْ آل غيابْ وَ بينْ ( هزّات آلحنينْ )
يرتعشْ حِسْ آلشمُوخْ وَ يحتِرقْ فيهْ , آلولهْ !
بِينْ تَوديعْ , الأمآنيْ وَ أجملْ أحلامْ آلسنِينْ
أجوِبهْ بآتتْ ( مُحآلْ ) , وَ أسئِلهْ فِ أسئِلهْ !

[خيال مطير]

سوالف اليل تطرب كل قلبٍ عليل
ويعيش معها خيال الفكر مع عالمه


احيان همس الشفايف ذوقها سلسبيل
لو كان عبر الاثير.. اعدها مكالمه


عبدالله

صح لسَــــــــــــــــانك شاعرنا

[خيال مطير]

الغرور . ورزّة النفـس ماهـو راس مـال
التواضـع يرفـع الشخـص ويـزوّد نقـاه
والتغطرس سيمـةٍ مـا تسمووهـا الرجـال
والكبر وإن صار بالشخص ينقـص مستـواه

[احمد العوفي]

البعد وظروف الزمن هدت الحيل
وغير الصبر مافيه للشخص حييله

اللي بقى شعر و قصيد وسهر ليل
بعض الاماني يا عـرب مستحيله

[خيال مطير]

ياقلبي اللي من هوى البيض معتاذ
واليوم اشوف الوجد والشوق بذه
حسبي على اللي للمواصيل جذاذ
حبل الوصل من بيننا البعد جذه
يسقي منازل لين العود رذاذ
يلقى بها ظبي الطعاميس لذه
الصاحب اللي عن هوى القلب مالاذ
لاقلت دوك القلب يازين غذّه
ولانيب من هرجه كثير وهذاذّ
ماشاف في ليله نهاره يهذّه
عساك تأتي لي يابو زيد نفاذ
قلب تحذى الشور ياخوك حذه

الله يرحم شاعرها

[خيال مطير]

البعد وظروف الزمن هدت الحيل
وغير الصبر مافيه للشخص حييله

اللي بقى شعر و قصيد وسهر ليل
بعض الاماني يا عـرب مستحيله

صح لسانك يالامير

[ملكة الرواسي]

عقبك تراني مثل ما هُم يشوفون
‏كومة حنين و ذكريات و قصيده.

[نايف الناجي]

البرد ماهو برد رفحاء ولا الجوف
ولا تبوك الثلج وجبال حايل

البرد برد القلب في داخل الجوف
لا حال من بين المحبين حايل

(منقوله)

[شيخـــة الغــيــد]

||

الشوق بحر وهالمواجع ( سواحل )
والجرح! قارب ينتظر رحلة نعاس !
يا صاحبي شفني وصلت لـ مراحل
اشوف صدري يشتكي غربة انفاس"

[عذب]

التفت وما لقيت الا انا
في متاهات الخطاوي والدروب
مابه الا ليل يتبع هالعنا
والقمرلونه بهالليله شحوب
وينه الي يشعل الرفقة سنا
خطوته صارت مع الطرقة تذوب


بوحي

[عبدالله الذيابي]

عـقدت مـع نفسي لفنسي صداقه
وسـمـيتها صـداقـة الـذات بـالذات


سـجـلـت واردهـــا بــرقـم الـبـطاقه
وسجلت صادرها نظام الصداقات




عبدالله الذيابي

[احمد العوفي]

‏احتضنت الصمت واخفيت الكلام
ابتسم لك والوسيعه بي تضيق

قصة العشاق واحوال الغرام
اعترضها الحظ في نص الطريق؟!

[شيخـــة الغــيــد]

||

يا طارق الباب رفقاً حين تطرقهُ
فإنه لم يعُد في الدار أصحابُ
تفرقوا في دروب الأرض وانتثروا
كأنه لم يكن أنــــــــسٌ وأحبــابُ

[عبدالله الذيابي]

‏والله إن قـلوبنا ضـميا وصـال و هشه
‏تـحتري من صادق غيوم اللقاء وسميّه


‏والوصل مثل المطر من يوم يسبل رشه
‏يـغسل قـلوب الـعرب و يـعدّل الـنفسيّه

[شيخـــة الغــيــد]

\\


الناس للناس يوم الناس كـانوا نظاف
واليوم عقب إختلاف الوقت محدٍ لأحد

ماهوب بس القوي يجحد حقوق الضعاف
اليوم حتى الضعيف إليا تقوّى جحد

[عبدالله الذيابي]

تــعــال نـبـغـاهـا تـعـالـيـل وفــكـار
خــل الـقـصيد يـفـل صـفحة كـتابه


اشوف في عينك من الشوق مقدار
وشــوف فــي خـاطرك حزن وكابه


عبدالله الذيابي

[شاعرة نجد]

عيّت تجي لي على ماودي احلامي
حـتـى المـراسـيـل يـاروحــي تـعـذّرنـي

يالله عليك العَوَض في تالـي ايامـي
وان ماحصـل ياقـوي الحيـل صبرنـي

[عبدالله الذيابي]

جننتني بالشوق ياعذب اللما
في كل يومين اتحرى وش تقول


حبك بقلبي يابيض الوجنه سما
كلامك المعسول هبل بالعقول


عبدالله

[شيخـــة الغــيــد]

\\

ثــلاثٌ يعـز الصبر عـند حــلولها
و يذهل عنها عقل كل لبيبِ
خـروج اضطرار من بلاد يحبها
و فرقة إخوان و فقد حبيبِ

[نايف الناجي]

الدين مفتاح الحظوظ المــغاليق
.........................للي يبا التوفيق والحــــــظ دايم

عسى مثل شرواك ما يلحقه ضيق
........................والطيب فالك يا قــوي العـــزايم

[شيخـــة الغــيــد]

\\

اكبر غني ..من كان ..عنده ..أحاسيس
وأكبر فقير ..اللي ..بلا حس ..موجود

واكبر غبي ..من ..لانفع ..فيه تدريس
وأكبر ذكي ..من جاوز ..بعقله ..قيود ​

[نايف الناجي]

نوب الغباء ينقال نعمه من الله
ونوب الذكاء هم(ن)وبلوه لراعيه

[شيخـــة الغــيــد]

\\

ليا منا لقينا كـل بـابٍ للأمـل مـسدود
طرقنا باب ربٍّ ماعليه أقفال وحراسه

[نايف الناجي]

والله انا في زمان (ن) مـايطمن.
فـيـه ذيب وفـيـه داب وفـيـه حـيه.

لو تـروح لصاحبك تـبغى تـطمن.
قال مدري ويش عنده فـي مجيه

سلطان الجابري

[شيخـــة الغــيــد]

\\

خـسـرٺ فـي دنياي ٱشياء كثيرھ
والـلـي صفولي بـيـن بايع وجاحد

كسبت (واحد )يسوا مليون ديره
وخسرت ديره فيها مليون (واحد).

[شيخـــة الغــيــد]

\\

الذيب لا كثرت عليه المشاعيب
أقفى بجوعه وأمرحت عقبه الشاه
،
والرجل دام إنه ترفّع عن العيب
لو يظلمونه ما يقصوّن يمناه
،
عبدالله بن شايق

[نايف الناجي]

والبلاء لطاحـت الهقـوات في يـديـن الغشـيـم
الـجـبــل مـاهـز قــدره مـاتـقـلــع مـــــن حــصـــاه

[نايف الناجي]

دامي بعينك ياالمها شيخ اباافتيـك
فتوى الأديب اللي بالإحساس شاعر

بعـيـوني الــدرة وبـالـديـن اوصــيــك
مـن شاعـراً مـا يعـرف زيـف المشاعـر

واصحي تقولـي اوف لأمـك ولابيـك
فتوى الأديب اللي بالإحساس شاعر

[شيخـــة الغــيــد]

ياسلام عليك
||

الغناه بعزة النفس والوجه الطليق
ماهي بكثر الدراهم ولا محصولها
،
فكم غني ماغتنى لوملك مال ورقيق
وكم فقير" بالقناعه وقف لحمولها

[عبدالله الذيابي]

قريت بعيونك مراسيم الوداع

ولمحت من مبسمك همسات الغرام

[هزاع محمدالعاصمي]

أهديت لك نور السلف والجهامه...ابيك ذخرٍ في مقاديم الايام
وغديت انا وياك مثل النعامه...جاها بلاها من ثقيلات الاقدام

[شيخـــة الغــيــد]

\\

كَم ليّ أحطبْ ..
مَنْ ورَى الضيقَه عنآيّ
بسسْ أكآبَر بَـ ” الأمآنِي الخآيبه “
الشتَآءْ /
لو مَد كفه فِي حشآيّ
الله أعلمْ , تطلعْ وَهِيّ ذآيبَه !

[عذب]

قصة دموع الغيم احلى حكاية
تنزل على خد الثرى وتحكيها
تروي على نبت الربيع الرواية
الين عطشان الزهر يرتويها
وتسولف بعشق الفياض البداية
لاصار براق الحيا يبتديها
يازينها لاصار فصل النهاية
باطيب عطور ورودها منتهيها

بوح جديد

[عبدالله الذيابي]

الروح حيه والمشاعر توفت
تودعت وانا لروحي وداعه



وقلامنا من كثر الاشعار جفت
ماعاد باقي في ملاقاك ساعه

[الجووهره]

يالله عساني : بــ الفرح .. موعود
واللي مضى من حزن : للنسيان

علاقتي .. مع البشر .. بـ حدود !
قلبي : تعلّم ، وأكتفى .. حرمان !

يا رب .. لا فـاقد .. " ولا مفقود "
يا رب .. " لا خيبة " .. ولا خذلان !

[احمد العوفي]

كن الفضا في غيبته ضاق مسعاه
وكني غريقٍ ينتظر له سفينه

شف دنيتي ياصاحبي عقب فرقاه
مثل الظلام اللي حصل بالمدينة

بوسط الحشا في داخل الصدر مثواه
إما يسار القلب وإلا يمينه

[شيخـــة الغــيــد]

||

مثـلي يعيش برفعته وبمعاليه
إن طاح طاح من الثرى للسحابه
⠀
من لا يراعي عشرتي ما أراعيه
ومن لا يقدّر هيبتي ما أهابه

[نايف الناجي]

النغـمه اللــي بجــوالك يابــــــو ساري
احساسه كيـــف ولا لامس احساسك

احساس شاعر وبحساس البشر داري
باحت هـــــجوسه غلا يسلم لنا راسك

[نايف الناجي]

عمر الوفـاء ماطرقوبه علــى السوق
ولاثمنوهـه اهـل النفوس الضعافي


ماكــل مايـــطرا مـــــع الناس ماثوق
ولاكــل مــن عـــــدا الطويله يشافي


بن اليمــن مشــروبنا ياهــــــل الـذوق
لو الحــمـــــــول ثقـال ترجـــع خفافـي

[عبدالله الذيابي]

يامرسى الاحلام لاتشره على الخاطر مـجـير ومـجـار... والله يـكتب الـخيره


الـمـنـتـجع مـايـغـيـر فــكــرة الـشـاطـر
لــو كــان جــوه عـلـيل وسـيـرته سـيره


يـاشاطئ الـبحر لـو ان السماء ماطر
تـغـيض وتـفـيض فــي ركـعـه وتـكبيره


الله يـسـعـد مــسـاءك وجــوك الـعـاطر
وجـمـل تـحـيه مــن الـشـاعر وتـقـديره


عبدالله الذيابي

[ملكة الرواسي]

مدي يمينك وافتحي باب عيني
واذا دخلتي ..عندك الباب صكيه
×
مابي احد غيرك يمون.. ويجيني
واللي تبينه داخل العين.. سويه

[عذب]

عسى المسا يمطر على القلب راحه
ويبلل عروقه مسرات وافراح
ويرتاح قلب كاثرات جراحه
ويطيب صدركله طعون وجراح
ويرتاح بال للهواجيس ساحه
والراس من كثرة طواريه يرتاح
والنوم يلقى في عيوني مساحه
تهنابه عيوني من الليل بمراح
لان السهرعنده فضول وبجاحه
يشغلك لين الصبح يسفر وينباح

بوحي

[عبدالله الذيابي]

كل مدنى ظلام الليل والشمس غابت انتباني فضول .. وجاتني قشعريره


كيف هقوة ظنوني فالمحبين خابت ؟
يوم قلبي يجير ولا لقاء من يجيره !




عبدالله

[عذب]

امطري ياغيمة الطهر العفيف
واغسلي قلب من الهم امتلا
بلليه بهون يالمزن النظيف
وامسحي ضيق على القلب اعتلا
قلبي الملتاع احساسه رهيف
كم تجرح من سكاكين الملا
كم تحطم فيه من شوق عنيف
لين ماتت داخله روح الغلا
بوحي

[شاعرة نجد]

ياليل سولف لي بعيدٍ عن الناس
وانـــا بـسـولـف لــــك خـفـايــا سْــــدودي

بـ اشكي لك هْمومي من الرااس للـراس
أمــــــا يــــــزوول الـــهــــم والا يـــــــزودي

[عبدالله الذيابي]

تعال نبغاها سواليف ودروس

عطنا عن احداث المحبين قصه


عيش الحياه افراح ومزاح وعروس
عمرك عطه من ساعة الشوق نصه


عبدالله

[وافي الحرف]

لاوالله الا بان الشيب وما حسبة حسابه
ياسرع الايام وانا احسب اني بأول العمر

راحت سنين العمر صدق وليتها كذابه
راحت بغمضت عين ترمي ليالي السهر

#صادق الحرف

[عذب]

ان كان عندك مقدره تقرا عبارات الكفوف
هذي يديني في يدينك ياحبيبي واقرها
ناظركفوف العاطفة واجمع بها كل الحروف
فكك رموز خطوطها واكشف خبايا سرها
ياعارف اسرار الغلا قلي بعينك وش تشوف
يومك لمست كفوفها وشو تحس بنبضها
قلي امانة وش حكت عن خافق الحب العطوف
ماصرحت لك بالغرام الي سكن في قلبها
المسألة ياقاري الكفين ماتبغى حلوف
كل الكفوف بنبضها تصرخ تقول احبها
بوحي

[شاعرة نجد]

من لطف ربي ومن فضله على خلقه
يعيش كلٍ فخور بْعقله وُراضي

[شاعرة نجد]

سلفني الجنحان بالله ياطير
ودي أحلّق فـ السماا بضع ساعات

واوسّع الخاطر واسلّيه واطير
لـ ضاقت بْصدري فجوج الوسيعات

[عذب]

ان كان عندك مقدره تقرا عبارات الكفوف
هذي يديني في يدينك ياحبيبي واقرها
ناظركفوف العاطفة واجمع بها كل الحروف
فكك رموز خطوطها واكشف خبايا سرها
ياعارف اسرار الغلا قلي بعينك وش تشوف
يومك لمست كفوفها وشو تحس بنبضها
قلي امانة وش حكت عن خافق الحب العطوف
ماصرحت لك بالغرام الي سكن في قلبها
المسألة ياقاري الكفين ماتبغى حلوف
كل الكفوف بنبضها تصرخ تقول احبها
بوحي

[خيال مطير]

http://www.banaat.cc/uploads/images/banaat-f797a190b5.png

[شاعرة نجد]

برّدي فووح صدري ياهبوب الجنوب
واسعفيني وهبي وهج صدري يفوح

فااح من ضيقةٍ تجتاحني يـ الهبوب
ذعذعي وسعى صدري عساها تروح

[عذب]

بين الخيال وبين سجات وسروح
تهزني ذكراك واقول هو وين ؟
ذكرك يمر القلب ويقطع الروح
لامن ذكرت انك بعيده عن العين
ياذكرها مالك من البال مصلوح
وش لك تعذبنا وحنا جريحين
ذكراك ماتبري من العبد مجروح
ولاتلم اهل الغرام البعيدين
ذكرى تمر البال ساعات وتروح
لكن صداها يوجع قلوبنا سنين

بوحي

[عذب]

اليوم جمعة والدعاء فيه مطلوب
بدعي وانا في ساعة الأستجابة
يالله تغفر ماكسبنا من ذنوب
وتغسل خطاينا بصب السحابة

بوحي

[نايف الناجي]

لو نحسب الغلطه علی كل غلطان
.........................................ياكثر ناس ماتسلم علينا

لاكن نحشم فلان من حشمة فلان
.......................................ونصد كنا بالخطا مادرينا

زابن الدوسري

[عذب]

ياســــعود والله اتعــبتني جـــروحــي
تنزف وانا دمعي على الخد صباب
والجمرة الي وسط جوفي تفوحي
نيرانها شبت من ايدين الأصحاب
يطيب جرح الناس وقت ويروحي
الموت جـرح القـرب يتعبك ماطاب

بوحي

[الجووهره]

من تجربه وأحداث عمر وحكايات
لقيت في آخر فصول الروايه

فـ الحب حاول لا تثق فـ البدايات
الصدق دايـم يتضـح فـ النهـايه

[عذب]

ياهاجس الذكرى على القلب طليت
وش ذا الطواري فيك يالله عسى خير
كم مرة ناداك بالي وصديت
اختل وجودك بين الأفكار وتطير
تدري خيالك كل ما اصبحت وامسيت
يهجم على بالي مع الشوق ويغير
دايم يفاجئني وانا ما استعديت
من قبل لايعطي هل البال تحذير

بوحي

[عبدالله الذيابي]

اعاتب النفس ولحق ونتي ونه

يوم اني ارخصتها وهفيت معناها


الحب ماهو بلا واجب ولا سنه
مشاعراً ماتمنى من تمناها

[عذب]

هاتي يدينك تحتضنها يديني
ملمس يدينك عندي انعم من الوورد
بين الكفوف نذوب شوق وحنيني
وتغني الأرواح وقلوبنا ترد
احلى قصيدالعشق بينك وبيني
صارت طيورالحب فيهاتغرد
في ضمتك ياشوق تدفى سنيني
لاتتركين الشوق ميت من البرد

بوحي

[رحيل]

لو كان ماتسعفني انصاف .. الحلول
ماضاق صدري من عواكيس .. الحياه!

اصبر على دنياي لو صبري .. يطول
ماعندي الا الصبر ولا .... املك سواه!

[عبدالله الذيابي]

شفت الغلاء والمحبه عملة ماتبور

منها بنوك المحبه ماحد هزها


يجوز فيها المجامل عند بعض الامور


وشلون ترخص غلاتك دامك تعزها

[محمد العواد]

يازين منطوق بعض الناس يازينه
بالذات لاصار شرهانٍ على غيابي

هو نور عيني حسب مابيني وبينه
وحاكم ولاية غلاي .. وسيّد احبابي
‏

[الجووهره]

عش صباحات التفاءل والامل
أبتسم لايام عمرك كلها

الفرح للناس ماعمره كمل
الحسايف في حياتك خلها

لاتحمّل فوق مالا تحتمل
كل ضيقة عند ربك حلها

[هزاع محمدالعاصمي]

حرام تخليني لا مقيد ولا مربوط ... الواجب انك بما تنوي تعلمني
يو الله اني خابرك دايمٍ مظبوط ...حلو المشاعر ياصديقي تونسني

اعجبتني لا تخليني مقيد ولا مربوط هههههه

[الجووهره]

لا علمننني

ههههههه

صح لسآنك هزآع

[الجووهره]

جيتك , وأنا في داخلي زحمة كلام
ألف أبو مليون .. قصه , وسالفه !

شي حزن, وشي بوح, وشي ملام
وأكثره ( آهات روح ٍ ).. تالفه

قلت أسولف لك عساي أقدر أنام
وأستريح .. من العنا .. وموالفه !

طارت أسراب الحكي بإسم السلام
تحلم بـ ( غصن السماع ) .. تحالفه

ماتحقق حلمها ,,, ومات الـحمام
والبقيه ,, بـ رأس ( باقي السالفه )

[خيال مطير]

البارحة ربي كتب لي ومريت ..
..دربٍ عليه بروق الأحباب لاحت
جيت المكان اللي جمعنا وخفيت ..
.. وقامت جروحي للجوارح وصاحت
ياليتني في لفة الدرب زليت ..
.. كان العيون من الدموع استباحت

[رحيل]

وجدي على صبح الصباح المعطّر
من ريحة الدله على واهج الضو

عقب " الصلاه " وبارد الجو مطّر
مابعدها دله ولا بعدها " جو "

[نايف الناجي]

ماعاد فيه اخلاق لاتدور اخلاق
............................... نص العرب فى دون واخلاقهم دون

[عبدالله الذيابي]

كل ماضاق صدري وحتواني غلاك
قلت غير الغلاء ياقلب ماذا تبي


اسعد الله مسايه وسعد الله مساك


عطني المسك من دمك ياعنق الظبي



# بوحي

[عذب]

انا واجد من الشوق العنيف ومرهف الاحساس
وانا كل الشعور اللي يودك ساكن احساسي
وانا اللي في الهوى خصك غلا من بد كل الناس
وفي هالكون معتبرك هواي واهلي وناسي
بوحي

[شاعرة نجد]

عليك الله اكبر لاتزيد الجرووح جْروح
سؤالك وموالك يجدد هوى الماضي

وانا ودي العب بس صوت الغلا مبحوح
يروح ويعوّد لو رفعته على الفاضي

[عذب]

يابعد كل الحياة وياخلف جد الأماني
يامعاني للوجود اللي لعمري مستديمة
والله اني لو اعيشه بعد عمري عمر ثاني
كان اكرر في حياتي قصة الحب العظيمة
بوحي

[خيال مطير]

لا تـلمس الجرح يا معود وصبحا عزوم .. الـبرد فتق ضلوعي وانت دوار صيت
ضيعت عمري اطاول في حزومي رجوم .. وايست اباقول كل الشعر في شطر بيت
لا الـوقت وقتي ولا حلومي تطيع وتنوم .. ولا الركايب وحادي العيس ترضيه ليت
ذهـايب الـذود راحت مع ذواهيب قوم .. لا صـار لك الف قوماني فلك الف بيت
ترى اصعب الموت موت يذبحك كل يوم .. واصعب حياتك تعيش وانت جواك ميت
اواه يـا طـول عمري لا حسبت الهموم .. يـا كـني اكبر من الدنيا ولا قد شكيت

[الجووهره]

كنّا بلا جنحان ، و اليوم طرنا
واثر السّما ياصاحبي عجّ وغبار

ياما حلمنا نكبر ، و من كبرنا
صارت اعزّ احلامنا "نرجع صغار"

[عبدالله الذيابي]

مع طيب الاصل تربطنا علاقه وصل وان غاب عنا وسيع المعرفه نذكره


والود .. بقلوبنا يزداد مهما حصل
اليا حضر نشكره .. وما حضر نشكره


عبدالله الذيابي

[رحيل]

والله ان سدي على هلت العبره متين
بس .. لا فاضت عيوني تلقيت الخلا
ٰ
اتهشم والصدر ممتلي شوق وحنين
قل صبري للفرج .. بس ماقل الغلا ..

[نايف الناجي]

من صفات الشاعر الجزل عنوان الوفا
...................... .....والجماله والشجاعه وبر الوالدين

[عبدالله الذيابي]

يامشعلٍ نار الغرام ولهبها

وسط العروق اللي من الشوق يباس




ماتدري ان النار تاكل حطبها !


ولا ماعندك شوق وشعور واحساس ؟

[الجووهره]

الجمـال يمـوت و الأخـلاق تبقـى
والحلا فالروح ماهو في سواها
.
البشر بـ أخلاقهـا والـذوق ترقـى
ما تزيد أشگالها من مستواها

[رحيل]

لو يحبك ما ترك عينك تنام
الا لما تكون عينك راضية .!

يمسكك بيدينك لعُمره أمام
يرفض انْه يكون ذكرى ماضية

المحبّة ما هي بـ كثر الكلام
كلّ كلمة "لو هي حلوة" قاضية

حبّ ما به غيرة وخالي اهتمام
ماهو حبّ .. الا سوالف فاضية

[النجلاء]

‏ربي يسهل خطوتك قدّ ما صرت
‏أجمل محطات الرضا في حياتي

‏و الضحكة اللي كل ما شفتها طرت
‏اللي تلملمني و تقوى شتاتي

‏كانت خياراتي كثيرة ، و انا اخترت
‏اني اراضي بك غرور امنياتي

‏ماهو مهم اني بحبك تأخرت
‏عادي ما دام بشمس وجهك جهاتي

[الجووهره]

لاتنشُد الُساكت عن إشفيہ مافيه
يغني عن إسكاتهُ سوالف عيونه

مثل الشُجر لاحتاج لإنسان يسقيه
ساكت ونعرف حاجتہ / من غصونه.

[محمد الروقي]

الجو يصلح كان بعض العرب جو ــــــ ونكان ماجوني خرب صفو جوي
كفخت كفخ الي كفخ ريشته جو ـــــــ اسبق من الي خلفها سرب جوي

ابن الباديه

[ملكة الرواسي]

أحب فيكـ الوقت لا غابوا الناس
وأحب فيكـ الناس لا صرت موجود

[عذب]

تحيا بك الروح يالي للغلا ديمة
وانا خفوقي من الهجران عطشاني
الناس غيرك هجير وشوفتك غيمة
تعال وامطر سحاب الحب هتاني

بوحي

[ملكة الرواسي]

الله يمسي كل الأجواد بالخير
‏بعد المساء بثني عليكم سلامي

‏يوصل محمل بالمعزه وتقدير
‏على الجميع بدون ذكر الأسامي

[محمد الروقي]

الله يمسي كل الأجواد بالخير
‏بعد المساء بثني عليكم سلامي

‏يوصل محمل بالمعزه وتقدير
‏على الجميع بدون ذكر الأسامي

يامرحبا عداد مارفرف الطير ,,, يالي لك التقير ولك احترامي
نعطي على قافك هدايا النباشير,,, قاف جزيل وستحق الوسامي
ولك البقا يصرخ صريخ النواعير,,,صوت المحال ايطيرن المنامي
غرب على الجيلان جاله شخاتير,,,,ازرا يصدربه كبير السنامي

[خيال مطير]

ياربعنـا ياأهـل الوفـا والطيـب والشـعـر الجـزيـل .. يـاهـل الفـعـول الـلـي بطـيـب اعمالـكـم فزتـوبـهـا
ياالمنـتـدى ياأعـضـاه يـاالـزوار ياالعـقـل النـبـيـل .. هـاكــم قـصـيـدة مـــن يـــوف القـافـيـه ماجـوبـهـا
بدعـتـهـا والـــراس شـامــخ لايـحـيــل ولايـمـيــل .. ولبستهـا مـن صـادق احسـاسـي وشـعـري ثوبـهـا
صنفرتها لين اصبحت تلمع كمى السيف الصقيـل .. وقـدمـتـهـا يـــــوم الـنـشـامــا قــدمـــو مـنـدوبـهــا

[نايف الناجي]

كان شفك بالمطير اشرب وقود الطايرت
ثم سابق طايرات الجو بعلو السماء

[ملكة الرواسي]

لا تـحسب إن النـور يـا زيــن منّـي ... وجهي ترى يعكـس لك النـور منّـــــك
مثـل القمـر والشمس كنّك وكنّـــي ... أعكس شعاعــك وأسهـر الليـل عنّــك

[خيال مطير]

الأحمر زهرة الرمان .. وإحساس الخجل والدم
والأصفر للجفاف .. وللعطش .. والنار والغيره
والأخضر للمحبـة .. والسـلام ومهجـة المغـرَّم
والأبيـض للحمـام .. والغمـام وبيـض أزاهـيـره
والأسود لليالي والكحـل .. والغامـض والمبّهـم
والأزرق للسما .. والبحر وأسفـاره وأساطيـره
والأرمـد للرمـاد .. وللحـيـاد .. وجــاره الأدهــم
لدخََّان الغموض .. وللحصان وعـج احافيـره

[عبدالله الذيابي]

ياغيمة الشوق هلي من سحابك برد

الروح تعشق من الغيمه صدوق المطر

[خيال مطير]

ياغيمة الأشواق غاب خراجها
هل سَرَّ.. بُعدَك . شقوتي وعذابي

فــرح الزهراني

[خيال مطير]

لاتغيب عن عيني وتروح
دام انا مغليك بالله راعني
وارفق بقلب غذا كله جروح
سهم حبك بالضماير صابني
يابعد روحي ترى ماني شحوح
خذ عيوني كان قلبك طاعني
بس عطني كلمه فيها وضوح
وكان انا غلطان بالصد جازني
عيني لشوفك بها شوق لحوح
كل ماسجيت طيفك زارني
انت لك بالقلب يالغالي صروح
ماتغير لو ضميرك باعني
بس لاتقسى علي يوم وتروح
وانت خابر كيف بعدك تاعبني

[الجووهره]

‏ما للـزمن في حــزنك و فــرحتك راي
‏عـش يـومك وقلبك بـــ الاقدار راضي
‏واللي يقول الماضي احلى من الجاي
‏قل له : مصير الجـــاي بيكون ماضي

[عبدالله الذيابي]

من الخجل تفرك يديها في الكلام

رعبوبة بين التغطرس والخجال


قالت سلام وقلت عليك السلام


قالت ياخوي الذوق من ذوقك حلال

[شاعرة نجد]

يا غايتي مد حبل الوصل وامده
مـ عاد باقي معاي مْن الصبر ذره

خلص,تقلص,نفذ,يُم زااد عن حده
وانا على البوح يامشكاي مضطره

[خيال مطير]

شب الحنين وسامر الليل يابوح
عيوننا من فـــايض الوجد غرقا

[شاعرة نجد]

تكمله
ليل الشتاا طويل والدله تفوح
وجمر المشاعر يحرق الروح حرقا

[الجووهره]

على دروب الأمآنـي سقّنـا خطآوينـا
يـ الله عسـى خيــرة الأيـآم تسعدنـا

[خيال مطير]

والله إني ضايق الصدر مدري وين أروح
طحت لي في حيرةٍ ماعرفـت حدودهـا
بس أسلي خاطري بالسوالف والمـزوح
لين شرسـات الليالـي تفـك قيودهـا
يابوفيصل كل مانقض الوقت الجـروح
أكره الرفقـه وأبوهـا وكـل جدودهـا

[عبدالله الذيابي]

يمر الوقت والدنيا تمر بخاطر المشتاق

مثل شكل السراب اللي يحول اليأس من دونه


يصول الود وتجول المحبه داخل الاعماق


ولكن الخواطر من ظروف الوصل مشحونه


عبدالله الذيابي

[عابـر]

‏كنتي على مرمى من الدمع لكن
‏مثلي يلوذ بعزَّته عن هوانه"

[ناصر الهواوي]

على الواد المسمى امس العصر مريت=وغريب اللي حصل لي يوم مريته
سمعته قال حول يا رجل حييت=ونزلت وقلت وشلونك وحييته
روعني هالشعيب بما نطق واوحيت=وسميته قس عصره ينهدم بيته
قال اللي فات عاد؟؟ وقلت انا ياليت=تمنى يالشعيب اللي تمنيته

(قس)اقصد قس بن ساعده من فصحا العرب وخطبائهم وحكمائهم

[عذب]

على جو السهر نادت عيوني والهموم ضيوف
تزاحم في وسط صدر فتح لكبارها بابه
تلافت حزة المغرب على باب الكريم صفوف
وضيق الخاطر الي مع غثاها نوخ ركابه
ونجمات السما عنده تعلل والسما مكشوف
مع كثار الظنون الي غدت له حسبة احبابه
يقهويها من دلال الهجوس الي تبوح حروف
وهي تسمع لقصاص الحزن يقرا من كتابه
بوحي

[الجووهره]

خلك حمامة سلام وعيش باخلاقك
لا تـجـرح الناس وتكدر مشاعرها .
سامح وشيل العفو في داخل اعماقك
ولا تعشق مـن الجواهر كود فاخرها

[خيال مطير]

أنا بعمري ماجرحت إنسان
واحب كل الناس واغليها
قلبي كبير وصدري الميدان
صابر على الدنيا ومافيها
لاشفت دمعه في عيون إنسان
احاول اخفي العبره واداريها

[عابـر]

نتوق للبوح وان جت فرصته مانقول
نبي البكآ وان جت غصّته نكتمه !

احتاج غيمه تطهّرني و وابل هَطول
واسكن لضلع اعرف عروقه واحن لدمه

وقلبٍ محمّل بـ امانيه وشغف مايزول
وحلمٍ عصيٍّ على التحقيق ابي احلمه

[عذب]

انت الوحيد الي له القلب يشتاق
ياواحـد تملـك حيــاتي يدينــه
شــلال حـبك بالشرايين ينسـاق
والروح يالمجمول عندك رهينه
خذني على كف الغلا حب واشواق
ابيـك للــغربة حيـــــاة ومـدينــه
لاتتعب الخــفاق في بـعـد وافــراق
خــلك مع المشــتاق باقي ســنيـنـه

بوحي

[الجووهره]

لا تخاف العمر وتداري سنينه /
للفرح والحزن بصمه في حياتك ،

ابتسم حتى لو اللحظه حزينه /
لحظتك هذي جزء من ذكرياتك

[عذب]

اووووه
نامي ياعين نامي
دام الناس نامت
ياعين بالله نامي
دام كل خلق الله
ياعين نامت وانتي مالك
ساهرة تسكبين دموع
ياعين بالله نامي
دام كل خلق خلق الله
ياعين نامت وانتي مالك
ساهرة تسكبين دموع

[الجووهره]

عسى ـآلله يجيب آلخير و يحقق آلأمآل ،
مدآم آلظنون بـ مآلگ آلملگ مآ خآبت !

[شاعرة نجد]

طفّى ضياا المصباح يوم اشرق الصبح
حرام ماستمتعت شرقة صباحي

جيته كذا لامن خساره ولاربح
وبيدينه الثنتين قصقص جناحي

سيفه ذبح رووح الجديد البري ذبح
من عقب طرزت الحروف بوشاحي

[عذب]

عزيز الحرف يرقا بي على قمة شموخ القاف
وربان الهجوس يقودها لاغزر معانيها
على سحب القصيد الي نشى في عالي المشراف
تراكم بالشعر لين الهجوس تهل مافيها
مطرهالاهمت عذب الشراب وبارد وشفاف
تسوق غيومها ريح العطا لعيون ضاميها
هماليل على روض القلوب الضامية هتاف
صدوق بالعطا يملا نواحيها ويحييها
على نوالغرام الي ربيعه بالغلا اصناف
تزين به القلوب الي ورود الحب كاسيها

من قصيدي

[خيال مطير]

عزيز الحرف يرقا بي على قمة شموخ القاف
وربان الهجوس يقودها لاغزر معانيها
على سحب القصيد الي نشى في عالي المشراف
تراكم بالشعر لين الهجوس تهل مافيها
مطرهالاهمت عذب الشراب وبارد وشفاف
تسوق غيومها ريح العطا لعيون ضاميها
هماليل على روض القلوب الضامية هتاف
صدوق بالعطا يملا نواحيها ويحييها
على نوالغرام الي ربيعه بالغلا اصناف
تزين به القلوب الي ورود الحب كاسيها

من قصيدي

صح لسانك يالامير

[خيال مطير]

صح لسانك شاعرة نجد
وصح لسانك يالجوهره

[خيال مطير]

أغليك وا هدي لك عيون تراعيك
وتصد عن غيرك وتحضا ك برفوق
وا عطيك قلب ما يبي غير طاريك
ونفس حدا ها ا لشوق ياغاية الشوق
تعال ا شيلك في عيوني وا داريك
يانظرةالعينيين يا ساحر الموق
تعال احطك في قصيدي وا جاريك
وطوقك قصه وباقصى الحشى طوق
تعال نجمه في سمايه وا عليك
واغيض هالنجمات وا نت ا لقمر فوق

[عذب]

خيال مطير تسلم يالنشمي وصح بدنك ولا عليك زود

[شاعرة نجد]

ذكرتني مارااح ياوادي رماح
(يُم)كنت أمرك كل ليلة ربوعي
"
شفتك على الصحراء تذكرت ماراح
عن بُعد، سالت مع سيولك دموعي
"
وحماام حزني من وَلَع خافقي ناح
مع عبرةٍ قامت تحطّم ضلوعي

[الجووهره]

صح لسآنك عذب
صح لسآنك شآعرة نجد
وتسلم خيآل البيت من الذآئقه
وماعليك زوود

[الجووهره]

أداري تقلّاب الزمن والزمن دوّار
يغيّر مضامين النفوس ومشاعرها

صبرت عليها والصبر للحليم إشعار
تجيني الأمور الكايده واتصاغرها

[ناصر الهواوي]

الله اكبر عليك يالعذب


مانيب الحين عاشق واتجرر عشقي الله راح=بمراراته ولوعاته وحلواته واغني له
بانامل كفي اليمني على قلبي لمست جراح=اعرف اللي جرحنى وادري البصمات من هي له

[عذب]

الا ياناصر الشاعر والاياناصر الجراح
نخيتك تفزع لقلب من اللوعات جاري له

يروح الليل من همه يجض وماهناه مراح
اذا صارت مقادر الزمن خصمه وش الحيله

عذب

[رحيل]

تواصل مع الغاليّن ما دامھم حييّن
تغانم زمانك قبل لا يبعدك عنھم

[عبدالله الذيابي]

الروح حيه والمشاعر توفت

ودعتها وان لروحي وداعه

[الجووهره]

ان ما رقيت بكف يمناك السحاب
محدن على متنه يشيلك للسماا

[خيال مطير]

لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح … شلته افدربك

[عذب]

ياقلب خفف من كثير التنهات
صدري غدا كله لهايب سعيره
اوذيتني تبكي على كل مافات
مافات مات وجعل مافات خيره
كثر البكى ياعين مارد من مات
والنوح مارد العشير لعشيره
طرد المقفي ياعيوني خسارات
ترجع عقب طرده حياتك حسيره

بوحي

[شاعرة نجد]

عين ياللي كل ما قلت طاب لْها المنام
كدر الخاطر عليها لذيذه وسْهَرت

رااحت الايام تجري ولاتدري,حرام
لو درت هانت عليها ولكن مادرت

[عبدالله الدّنّيش]

من الذائقة ...
لا رحت للساحل الشرقي = طرا علي نجد وفياضه
ياما حلي لايح البرق = والزين لحار بحياضه
ياما حلي نايح الورق = بين البساتين في رياضه
يا نجد ريمك بهن فرقي = يطول عنده ومركاضه
قلبي علي شوفكم حرقي = يا حلو صيفه ومقياضه

[الجووهره]

عذب ، شاعرة نجد
صح لسآنكم يامبدعين
خيال يسلم ذوقك ويعطيك العافيه
عبدالله الدنيش
لبى نجد واهلها ومن سكنها
صح لسآن شآعرها
ويسلم ذوقك ويعطيك العآفيه

[الجووهره]

من ظلام اللـــيل جيتك يا الصباح..
والأمل فيك أنت بعد الله كبير
بدد بنور الأمل خضر الجراح ..
وقلي أن اليوم هذا يوم خـــير..

[عذب]

لبى المسا هذا ولبى عيونك
ولبى النسيم الي لفاني بطرياك
روحي وقلبي والمشاعر يبونك
واحساسي الي صادق الود يبغاك
تعال مالليل لذة بدونك
لب الخفوق الي من الشوق لباك

عذب

[شاعرة نجد]

متوقعـه,والـبـارحـه مسـتـخـيـره
وامّا رضينا غصب عنا رضينا

خيره,ولـو مـاودنـا بــس خـيـره
لاصـارت الفرقـى لــزومٍ عليـنـا

[عذب]

لبى ولبى ثم لبى ولبى
لبى الخفوق الي يبيني وانا ابيه
الي مكانه في خفوقي تربى
من يوم شفته في حياتي مربيه
حبه عن العذال فيني مخبا
وعن كل حاسد في خفوقي مغبيه

بوحي

[الجووهره]

ابتسم للـوقت واضحـك للحياه​​
‏​​لا يـروح الـعـمـر في هم ونكد​​
‏​​عيش يومك واحتسب للي وراه​​
‏​​من يعد الوقت يبلـش في العدد ..

[عذب]

محلى المسا والشمس تسحب رداها
فوق الرمال الناعمة والغراميل
تمسح على راس الطعوس بسناها
والنورحاضنته محبة وتدليل
قفت توادع من كساهم كساها
وارخت عليهم لون الأشفاق تظليل


من جديدي

[شاعرة نجد]

والله انه خذاني الشوق غصبٍ علـي
لـيـتـنـي مـاتـذكـرتـه ولا اشـتــقــت لـــــه

عـجّـلــي يامـراسـيـلـي عــلــي عـجــلــي
من بَعَد طول صبري صار فيّ عْجله

[عذب]

الي سهر متلحف بارد الجو
في ليلة فيها وحيد لحاله
على صليب القاع جالس بلاضو
يشكي خليل بالهوى ماصفى له
هواجسه يلعبها الليت واللو
مثل الضعيف الي غدا راس ماله
بوحي

[الجووهره]

السيل يبقاله على القـاع مجـرى
....ويبقالـك التذكارلوكنـت فارقـت

اشوف لك من وين مارحت ذكرى
....ولاشفتها صديـت عنهـا ودنقـت

ماكل جـرحٍ لاخـذا أيـام يبـرى
....بعض الجروح يزيد شره مع الوقت

[شاعرة نجد]

صبيـت لـه مـن رحيـق حروفـي العـذبـه
كااسٍ يشافي المريض ويروي الضامي

خلـطـة مـشـاعـر لـذيـذه,جـات منـجـذبـه
تعزف على هونها من صـادق الهامـي

[الجووهره]

يطربني الليل الطويل وأن جا معه لفح النسيم
..................... يـســر نفـسـي لـوعنـاها مستبيح فْـؤادها

أنسـى متاعب دنيتي لو كـان جـوي فيه غـيـم
..................... وأسهرمعه حتى ولوغايرجْروحي زادهـا

دنـيـا غريـبه ما أعتقد فيها ولا واحـد سـلـيـم
..................... لابــد , ما ذوّقـتـه الدنـيا و ذاق أنـكـادهـا

[شاعرة نجد]

يطربني الليل الطويل وأن جا معه لفح النسيم
..................... يـســر نفـسـي لـوعنـاها مستبيح فْـؤادها

أنسـى متاعب دنيتي لو كـان جـوي فيه غـيـم
..................... وأسهرمعه حتى ولوغايرجْروحي زادهـا

دنـيـا غريـبه ما أعتقد فيها ولا واحـد سـلـيـم
..................... لابــد , ما ذوّقـتـه الدنـيا و ذاق أنـكـادهـا

من وين جبتي هـ الابيات,هذي لي:smile:
لاعدمت الذائقه وتسلمين على نقلها بـ هالصفحه

شكري وتقديري,’’

[عبدالله الصقري]

إنسان انا
أدري نهايتنا التراب
و ادري بعد
إنّ الزمن ودَّا و جآب
في دورته
يآخذ بَعَضنا من بَعَض
مثل السراب
يزيِّن عيون العذاب
واللي سكن فيه و سكن
هووا انا
.

[رحيل]

^
صح لسااانك




،،

ي الله عسى
الايّـام تضحك لنا لين ؟
ماعاد نذكر
شكلها اللي يضايق

[عبدالله الذيابي]

يالله مساء خير وش جاني مع الصفره
يمرني طيف.. يشبه واحدٍ غااااالي

يقول لي ياولد انت من الوفره
ملامحك كانها تشبه ولد خالي

[شاعرة نجد]

يالله مساء خير وش جاني مع الصفره
يمرني طيف.. يشبه واحدٍ غااااالي

يقول لي ياولد انت من الوفره
ملامحك كانها تشبه ولد خالي

بسم الله الرحمن الرحيم:smile:
صح لسانك يـ الذيابي مبدع مبدع شاعرنا

تقديري,’’

[شاعرة نجد]

ياطـول صبـري وان تجـاوز حْـدوده
غطّـى عـلـى بـحـر الخلـيـج وتـعـدّاه

ذا اللـيـل عــن كــل الليـالـي بْزوده
مثقال ذره بس,تلحق على اقصاه

[خيال مطير]

https://i.ytimg.com/vi/0MYlnhuYT_s/hqdefault.jpg

[عبدالله الذيابي]

بسم الله الرحمن الرحيم:smile:
صح لسانك يـ الذيابي مبدع مبدع شاعرنا

تقديري,’’

الإبداع انتم اهله وخاصته




لاعدمت حضورك العطر شاعرتنا

[عذب]

تناهيد المسا في ساحة اجواء الشتاء باتت
وسط ليل تغطى بالظلام ونامت نجومه
تعب تحكي مناويها الين احلامها ماتت
على صخر الجليد اللي به الآمال مهزومه
خنق انفاسهاجو الجمود ونفسها فاتت
وكن الأرض من كل اكسجين الكون معدومه

بوحي

[الجووهره]

من وين جبتي هـ الابيات,هذي لي:smile:
لاعدمت الذائقه وتسلمين على نقلها بـ هالصفحه

شكري وتقديري,’’

هههههه
سبحآن الله
شي حلوو هذا دليل اني ذوآقه في الشعر
دآم اختيآري من شعرك الجزل والجميل
وصح لسآنك شآعرتنا المبدعه

والله ما ادري وين لطشتها منه هههههه
المكان اعرفه بس القسم نسيت ههههه
باحاول اتذكر. وأقول لك
ابشري
ربي يسعدك

[الجووهره]

بعض الدفـآتر موجعه دون م أقرأ
وشلون لو ضمت بهآ ذكريـآتي

أشعآر وأمـآني وخوآطر وشكوى
وخطوط أغلى ناس مروآ بحيآتي

[عبدالله الذيابي]

‎‏⁧⁩ ‎‏
‎‏ المهره الجامحه بنت الفرس والحصان
‎‏ مـن الـقـهـر والـغـبـيـنه عظت الجامها


‎ مدري ذبحها القهر ولا جفاها الزمان
‎ ولا تهاب الحواجز .. تكسر اعظامها

[عذب]

قولي لكل العذارى وش تبون
دام عندي كاملة و مكمله
لو جميلات البني عندي يجون
اي شخص غير شخصك ماقبله
انتي بس اللي على روحي تمون
وانتي بس اللي تبينه افعله
بوحي

[الجووهره]

في الصبح .. كون إنسان ثاني وتجدّد
وأنسى هموم الأمس مع مشرق الشمس

وأستودع الله .. " أمنياتك " .. وردّد :
يا ربّ هذا اليوم .. أجمل من الأمس !

[عبدالله الذيابي]

بوح الحنين اللي كسر حاجز الصمت

عيت ضلوعي... للاسف لاتشيله




الظاهر اني مع خيالي توهمت


وبحرت مع نجل العيون الضليله

[شاعرة نجد]

يامغيب الشمس لـ اسدلت الستار
لي معك في سرمدي ليلـي حكايـه

لي مع نْجومك من الماضي حوار
ومـع نسيمـك والقمـر لابـان غايـه

أسـتـلــذ بْعـتـمـتـك عــقــب الـنــهــار
واسهـرك والشـوق والدفتـر معـايـه

[خيال مطير]

ودّي أسافر للسماء وأحضن الغَيْم
وأدفن أحاسيّس التعب في سحابه.

[خيال مطير]

ماعلى الدنيا ضميرٍ مستريح
قالها الي قالها والله يعين
انطردنا مزن ديدومه يطيح
انتحانا من يسار ومن يمين
وان تعشمنا ع وليفٍ مليح
تقلعه الايام قلعة وادرين
والله لولا الريع لاونط واصيح
لين ينتق عرق من عرق الوتين
غير قيل الدمع ماعالج جريح
مالنا الا..يامعين الصابرين

[خيال مطير]

ارفعي راسك دقيقه وافهميني
الطفوله كلها حب وصداقه
لا تغيب الشمس وانتي تكرهيني
الفراق المحتمل مر ٍ مذاقه

[نور]

من يقول ؟ ان العتب اصله كلام
‏ السكوت احياناً اقوى من العتب !

[خيال مطير]

من يقول الزين ما يكمل حلاه
كل شيٍ في حبيبي إكتمل
الله اللي كمله و الله عطاه
ما بقى للزين في خلّي محل

[نور]

آلگـلآمـ آلعــــذب آسـهہــل مـآ تقــــول
‏ يآ حلو آلمـنطـوق وشـهہئ مـن آلعسـل

‏بسـ وقــت آلصـــدق مـآ تلقــئ آحلـول
‏ تنگشـــــــف آلآفعـآل لــو طـآل آلآمـــل
‏

[خيال مطير]

واللي*
{ يغلطني } وآنــآ مــآني بغلطــآن
آصــــآبعي آحطهــآ
{ وسط عينهـ }
مــآدامني مسلم وفي قلبي إيمــــــآن
عمر
{ البحر } مــآشــآل هم السفينهـ ..
مرت علي*
{ آنواع .. وآشكــآل .. وآلوان }
بين*
{ العقول } النــآقصهـ .. والــرزينه.

[نور]

‏غلطان من قال البشر ما بهم فرق
‏أحـدن دوا للقلب .. و أحـدن يعلّه.

[عذب]

وش بلاك تغيب في حزة لقا
لاتواعدني اذا انت بتغيب
لاكذبنا فالمواعد وش بقى
من يصدق من يقول انه حبيب

بوحي

[عبدالله الذيابي]

لو الحياة مصافحة حب وخشوم

صافحتها ..قدام تبحث خفايه


لكن هي قسمه ومعطى ومحروم
وبراقها .. يلوح في كل حايه

[نور]

‏يا شبيه الغيم من بعّد المطر
‏يا مطر قلبُي وأحبابِي أنا .

[شاعرة نجد]

يجرني لدياركم سلك الحرير
وأنا بعيده والسماا غيم ومطر

من يمّكم لاهبت النسمه تثير
بوحي ومن بوحي على روحي خطر

[عذب]

هويتك للغلا شمعة على كف الهوى تضوين
وروح مابها نورك تصير اجوائها كتمه
تعالي والظلام الي كسى ليل الغرام سنين
ابيك تنوري قلب يصير بغيبتك عتمه
على نورك نبي نسهروعذال الهوى لاهين
ونقضي ليلنا نقرى كتاب الشوق ونختمه
بوحي

[خيال مطير]

وش بلاك تغيب في حزة لقا
لاتواعدني اذا انت بتغيب
لاكذبنا فالمواعد وش بقى
من يصدق من يقول انه حبيب

بوحي
صح لسانك أمير

[خيال مطير]

يجرني لدياركم سلك الحرير
وأنا بعيده والسماا غيم ومطر

من يمّكم لاهبت النسمه تثير
بوحي ومن بوحي على روحي خطر

صح الله لسانك أميرهه ,

[خيال مطير]

‏يا شبيه الغيم من بعّد المطر
‏يا مطر قلبُي وأحبابِي أنا .

صح لسانك أميرهه ..

[خيال مطير]

لو الحياة مصافحة حب وخشوم

صافحتها ..قدام تبحث خفايه


لكن هي قسمه ومعطى ومحروم
وبراقها .. يلوح في كل حايه

صح لسانك أمير

[عذب]

ياشوق ماقبلك من الناس حبيت
ولاسكن عقبك بقلبي ضنيني
يمر طيفك كل مارمشت واغضيت
ودي تحس بصادق الشوق فيني
ودي بشوفك كل ماصبحت وامسيت
ممساك في شوقي وصبحك حنيني

من قصيدي

[سهام الحب]

لاتحسبني يوم تبعد ابرجيك
ان جيت لي حياك وان رحت عادي ،

ماتفرق اصلن لو يجبون طاريك
ولا اسمعك لو صرت جنبي تنادي !

[سهام الحب]

ياشوق ماقبلك من الناس حبيت
ولاسكن عقبك بقلبي ضنيني
يمر طيفك كل مارمشت واغضيت
ودي تحس بصادق الشوق فيني
ودي بشوفك كل ماصبحت وامسيت
ممساك في شوقي وصبحك حنيني

من قصيدي

صح لسااانك
ابيات في غاية الروعه ..حبيتها

[عذب]

يمكن ولو حتى ولكن وبعدين
مفهومها لأهل المحبة قطاعة
تقتل قلوب الي تحروا من سنين
وتزيدهم كلمة لعل وجاعة
حتى العذر بالظرف حجة بليدين
اعذار شخص مابقلبه شجاعة

بوحي

[سهام الحب]

‏مابي تعشقني ولك غيري ،،،معشوق
ولا ابي تشتاق لي وعندك اللي يسليك
-
واناغيرالبشر وفي شخصيتي فروق
شموخي ما يحب الشراكه لو قلبي يبيك

[عذب]

وين الصحيب الي لشوقي يسامر
الي هوى جوه يخاوي فؤادي
مغير انا وياه والليل ساهر
يطلع علينا النور ونقول عادي
بعطيه من زين المعاني نوادر
لكن يبيله جو بالحيل هادي
مشاعر فيها الدرر والجواهر
من حلوهاغنى بها كل شادي

بوحي

[شاعرة نجد]

كل ماغنّى على الغصن الحمام
.............جااب روحي والجوارح جاوبتها
والعيون تنوب عن صمت الكلام
...............بس للي ماتحيَّر فـي لغتهـا
نشرة أسراري وحزني والآلام
...............شوفها في وسط عيني كاتبتها

[عذب]

لاشفت برق الحب في عين غالي
من نظرته بتحس في صدق الإحساس
عنده يصير الحب والشوق عالي
قصده غلاتك غير عن باقي الناس

بوحي

[عبدالله الصقري]

كل البشر نآديتهم بـ اسمك
مما بقلبي من جنون العاطفه

دارك بعيد و ما معي رقمك
و الفقد يذبحني و بـ صبر آلآطفه

[الجووهره]

كن[ الشتآ ] من : " شُرفة الوقت" بيّن
وأنآ ضلوعي من : [ شتآ العآم ] .. نيّه !

كنّي .. حبست البرد / بـلحآف .. هيّن

و لَا حسبت حسآب .. رعشة / مجـيّه !

أشب ّ " جمرة .. رآحتيني " .. و أعيّـن
حُمرة عـروقي / نافـرة / عـن : ايديّه

" يآ برد " لآ تقسى ! و قلـبي .. حِنَيّن
و الشوق " غآبر" .. و الحنآيآ " نديّه "

[عابـر]

‏(ويمضي بي جفاك اللي بلامعنى)
‏وتبقى الذكريات آخر جزء مفقود

‏يطيح الغيم وتغنّي شوارعنا
‏على لحن المطر واتخيّلك موجود

[عذب]

الليل طال وضاق صدر المواعيد
يالي مواعدني بليل التعاليل
خليتني محتار يابن الأجاويد
بين الرجا واليأس ومساهر الليل
والحين وجه الليل كله تجاعيد
شاب وتغير مابقى لآخره حيل
لملم ظلامه والبقايا تناهيد
واقفى وخلاني مع الهم والويل

بوحي

[نايف الناجي]

ياريم في صدري علوم وسواليف
........................................لكن حيا هداج عنها منعنا
قلبي مقيم بديرتا كلها ريف
...................................ومن الوفا مايوم ربي قطعنا

[عذب]

يسعد مسا من يسعد القلب شوفه
وانا على شوف حريص وشفقان
تدفى المشاعر في ملامس كفوفه
وادفا ولواني من الجو بردان
بوحي

[خيال مطير]

غلاك بين الضلوع العوج زاد وضفا
ياغاية أفكار هـاجـوسـي ومكتوبها
مشاعري لك على وضح النقا والوفا
ساس المحبة وحبل الوصل مطلوبها

[نور]

‏الله يا بعض الناس فيها لقافه
‏تبحث امورٍ ...مالها خص فيها

‏طفاقةٍ ... ياكبرها من طفاقه
‏متعوده انفوسهم ... تشتهيها
‏.

[عذب]

يامساء البعد ياليل الصدود
مجتمع في ليلتك برد وجفا
جيتك وكف الغلا يحمل ورود
جيت لك والقلب محتاج لدفا
مالقيتك ليل توفي بالوعود
والقمر ليلة ظلامك ماوفا

بوحي

[خيال مطير]

البعد لو به خير ماكان خلاك ,, تقطع من عيون المحب اتصالك
مااكثرك فالصده وفالوصل ما أشواك ,, الكبر لله (لآيغرك جمالك )
خليتني للبعد والبعد قساك ,, خلاك تنسى وآحد قد وفالك

[عبدالله الذيابي]

يابادعٍ همس القصيد ومعانيه
مهلك لاتجرح عازف الناي مره

نغم الطرب بعض العرب ماتدانيه
لو سر قلب القلب الاخر يضره

عبدالله

[خيال مطير]

بـعـض الـعـرب يـسـوى عـدالـه مـلايـيـن .. مـثـل الـذهـب يـشـبـه جـديــده قـديـمـه
مـاهـو مــن الـلـي رفقـتـه يــوم يومـيـن .. هـذا الرفـيـق الـلـي عـسـى الله يديـمـه
للطـيـب خــوّه تـرفــع الـــراس والـعـيـن .. ولا الــــردي فــرقــاه عــيـــد وغـنـيـمــه
اللـي علـى كـسـب الجمـايـل حريصـيـن .. دامـت شمـوخ اهــل القـلـوب السليـمـه
ولـيـا تـخـلـوا عـنــك نـــاس(ن) قريـبـيـن .. يـجـلـي هـمـومـك والــدمــوع اليـتـيـمـه

الذاهبه

[شاعرة نجد]

وقــت الـغـرووب الـمـوج لاصــار هـــادي
أطفح على سطحه مع الهجس وارووح

متـعه ولـذه يـنـتـشـيـهــا فوادي
لاصـرت فـوق المـوج واسترسـل البـووح

[خيال مطير]

يا شروق الشمس من عقب المطر
يرتعش مثل الذهب فوق الغدير
يا صباح العمر طاولت السهر
في رجا الله ثم جذاب النظير

[الجووهره]

نصبر على وقتٍ به الزين والشين
لان العمر مهما حصل فيه فــاني


وإنغيّر الروتين من حيـنٍ لـ حيــن
لاجل السعاده ماتجافي المحاني

[نايف الناجي]

صبري نفذ وانت صبرك دوبه ودوبه
والعين عيـت تظـم رمـوش حاجبهـا

مـكـنـهـا الا مــــن الايــــام مـذنـوبــه
والا زمانـي عـن الاشــواق حاجبـهـا

[عذب]

آسف لوان الظن في الحب خايب
ياليت تقبل لو سمحت اعتذاري
في عالم العشاق مخطي وصايب
مكتوب والمكتوب فوق اختياري
وان شفتني قفيت فوق الركايب
هذا قرارك انت ماهو قراري
ياما القدر فرق ربوع وحبايب
والي كتبه الله لابد جاري
بوحي

[ناصر الهواوي]

ان كان شمس المواصل آذنت للمغيب=قولي لليل الشقي لا ينطر طلوعها
عساه يرضى بما له قدر ويستجيب=لايامه اللي ما اظنه يدري بنوعها

[خيال مطير]

كثر الموآصل بآلهوى مآهو بزين
ودك بخلّك بين مده ومده
لآن البني آدم مآترك طبعه الشين
لآ حَب له شي وشبع منه هدّه
لكن لآ منه جآك من حين لي حين
قدرت جيآته وقدرت صده
وإن قلت آبيك وقآل مآهوب ذلحين
لآ تضآيقه يمكن ظروفه تحده

[نايف الناجي]

يا وقت نايشني صلف ليـه ايـام
وانته قليل احسـان مابـك مـروه

غيثـك يمنينـي مـن الـعـام للـعـام
ولاشفت اناغيثك ولاشفت نوه

ياوقت حنا ننطـح الزام بالزام
بس انت مالي فيـك حيـلا وقـوه

راحت حياتي كلها اوهام باوهام
وانتـه تقـول الخيـر ماجـاك تــوه

[النجلاء]

صحت السنتكم شعرائنا المبدعين
وصحت اذواق متابعين الشعر على الانتقائات الذوق
تقديري لكم
النجلاء

[شاعرة نجد]

بارك الله فـ القصيـد وفـ القلـم لاضـاق صـدري
يشـرح الخاطـر وهـذي حيلتـي واقصـى جـهـودي

وان كشفني حرف شعري واسألوني قلـت مـدري
والا من نسج الخيال وضاع من يبحث سْدودي

[عذب]

عـزي لقلب حطـه الهـم نيشـان
رمح العنا بين الضلوع استقرا
ياقلب لاتحزن تراالوقت لوشـان
لابـد بعـد العسر ياتيك يسـرا
بوحي

[خيال مطير]

يا راكباً حِيْل بروسه لجاجة
مضرّيات للمسارى والادلاج
لا روّحن بالدَّوْ كِنْ انزعاجه
سِفْنٍ حداها بالبحر بعض الامواج
سفن البحر سود بروسه فجاجه
ورقابهن زعاج من يبس، الامواج

[نايف الناجي]

تعالي ياهجوسي بالهنوف اللي غدت بالقاف
كتبـت الشعـر لعيـون الهنـوف وشيـبـت قـافـي

وانا خابر حروف الشعر من غيرك على مهياف
وانــا كـلـي عـلـى مـهـيـاف لضـيـعـت ميـقـافـي

اثر بعض العـرب يـا نـاس يعشـق لو ماينشـاف
ويعشق مع حروف الشعر لو بالعين ماشافي

[عذب]

طال الطريق وهالمشاوير طالت
وياشين هالطرقة بليارفاقات
ومن التعب روح الكلافة تهاوت
ماتت ظماوالدرب مابه محطات
طاحت على رمل المهالك وماتت
مالومهاوالدرب كله متاهات
بوحي

[شاعرة نجد]

عليه الله أكبر شاق عيني حمام الدوح
على الغصن يسجع والهوى العذب يومي به

وانا طول يومي فالحديقه واجي واروح
تعمّد يهيض خافقي ويش اسوي به

رقيقه,حقيقه ضيقه وخاطرٍ مجروح
تلوفه هواجيسه وتقبل وتقفي به

أمانه أمانه ياحمامه بلاش النوح
قبل لاتجود العين بالدمع وتجيبه

[عذب]

عيونك يالمهاة الي تناظروالرموش سيوف
سهت فيها القلوب الي سعت للموت شفقانة
على حد الهدب ذابت ومدت للهلاك كفوف
تصافح به هدب عين خلقها الله نعسانة
دعاهاداعي عيونك ولبت بالنظروالشوف
سرقها رمشك الساهي وعين بعين هيمانة
ترامن ناظرعيونك يشوح بناظره مكسوف
تموت من الخجل عين تساطع عين شيهانة
وانامن نظرت عيونك وقعت بساحتك مكتوف
اسيرك يالعيون الي بزين الكحل مليانة

من قصيدي

[خيال مطير]

قال أبقفي قلت شف ذاك الطريق
امش في منحاه والا مفرقه
و الطريق اللي بلا خل ورفيق
ما يوسع خاطر اللي يطرقه
منته ملاقي مثل صدقي صديق
في مغيب الكون و الا مشرقه

سعد علوش

[الشامخه]

‫على جديد الشوق سجل حضوري ‬
‫وعلى قديم العهد ي رواسي جيت‬

‫��‬
‫﮼‬

[عذب]

تعودنا على مر الزمان وقسوة الأيام
ودنيانا تعلمنا ولو ان درسها قاسي
نعرف ان المنى حلم وقليل تصدق الأحلام
مثل حاجة تمناها صعيبة في يد الناسي
قليل التجربة يمكن يعلق رغبته باوهام
وانا ياصاحبي عندي تجارب مالية راسي

بوحي

[شاعرة نجد]

ياحبني للبرد ياحبني له
ليت الفصول الاربعه كلها برد

لَـ اشتد يازين الشتاا وزين ليله
وقطر الندى لـ اصبحت جامد على الورد

[عذب]

اكتب وكن الشوق فيني قصيدة
تشرب من انهار المحبين صافي
مشاعر العشاق فيها اكيدة
واحساسها فيض من الحب وافي
تحكي هواها للهنوف الفريدة
من هاجس ينظم غزير القوافي
لوقلتها في جو ارض جميدة
يمديه صار بنارالأشوق دافي

من بوحي

[شاعرة نجد]

يسم البدن فرقى الحبايـب ويبـرا الحـال
ولا ادري متى بتْزين واسلم من الفرقى

طواني الهيام,وهد حيلي,وصبـري طـال
ودكت ضْـلـوعـي عـبــرةٍ تـنــزل وتـرقــى

[عابـر]

‏سوط السهر جلاد عين المفارق
‏علّم على جفن الحزين وتجبّر

‏اول يعاف النوم مشتاق طارق
‏يجي على الحروات ولا يتأخر

‏واليوم عن شوف المواليف عايق
‏مع قسوة ظروفه حظوظه تعثّر

‏عابر ..

[الشامخه]

‏يا عسى قبرٍ حواك ماينطفي نوره
‏ويا عساك في روضةً من رياض الجنة.

[الجووهره]

آآآميين ^^

حبوآ من تحبون .. من غير تقصير
وأعطوا بلا منه .. وعيشوا بلآ غيآآب !
وإن شحت الأفرآآح .. فإستبشروا خيير
ماصگ بآب الـآ فتح غيره " ابوآب "

[عذب]

الله يسامحني على كل مافات
واقدم لقلب الغرام اعتذاري
اتعبته بدرب الهوى لين مامات
ماكان يبغى بس هذا اختياري
كنت احسب اهل الطيب فيهم علامات
لكن خدعني بالبراد المذاري

بوحي

[شاعرة نجد]

محـتـاجـتـك يــابــوي والــلــي خـلـقـنـي
ماغـبـت عــن عيـنـي ولايــوم يـابـوي

عقبك عشقت الحزن مدري عشقني
يشكي لك الوجدان لـو مانطـق فـوي

[خيال مطير]

مــادريــت إن الـــفــراق أكــبر
“خطيه”
واللقا يقضي على كل الخطايا!!
فــي حــضــورك عــيــني بــشـوفــك
“ثــريــة”
وفي غيابك مابقى فيني بقايا!!
صــاحــبــي…وانت شـــفت طيـــبي لك
“هديـه”
وش شعورك دام كلــــي لك
هــــدايـــا!!

[الشامخه]

‏يَ الله ، عسى كل " الليالي " لنا خيَر
‏و فيهـآ .. الحّظوظ الطيبه ' تحَترينـآ '
‏

[عذب]

سرى بي هاجس افكاري على ذكرى زمان فات
وانا في عالم الماضي اقلب دفتر اشعاري
لقيت بصفحتي صورة بها نبض الملامح مات
جسدها من سبايب هجرهامن لونهاعاري
بغيت اجمع ملامح صورة فيها الغرام شتات
ولكن الجفا غير ملامحها من افكاري

بوحي

[خيال مطير]

كيف مدري وين وصلت حالتي الله عليم
من بعد ذاك الغرام اللي علي الخافق طرا
ان ركد عقلي وجاشي زارني ذاك اللئيم
هاجس ماقد رحمني وبدد احلوم الكرا
والله اني بعين ربعي رجل مايفنيه ضيم
وقبلهم في عين نفسي مادنت نفسي ورا


فيصل العدواني

[شاعرة نجد]

يابرد ماتبرد لهيب المشاعر
اللي حرق قلبي وأنا ميته برد

[عذب]

ابغاك من بد الخيالات واقع
وابغى اعيشك في حياتي حقيقة
يمكن خيالي بعض الأحيان واسع
لكن لقيته للتلاقي طريقة
بوحي

[الجووهره]

البـــرد شبّـــع جـــــرد الأيــــام تعذيـب
وأنا ضحيـــــة بـرد وأيـــــام وأحبـــــاب
ياليــــل مالي غير حضنــــــك معــازيـب
خلك معـــي لاشحّت وجيــــه الأصحـــاب

[خيال مطير]

الله لايهينكم .. مبدعين ,, يالغوالي ,,

[الشامخه]

‏يقول:
‏لا صرتي عتيبيه وربعك عتبان
‏وشّ يزعلك وانتِ حفيدة سلاطين♥️♥️.

[الشامخه]

‏ماني رفيق اللي ظنونه تقوده
‏أنا رفيق اللي تقوده مباديه !

[الجووهره]

الصمت حكمه والحكي مــصدر إفلاس ..
........... ولقيت في صـمـتي يزيد احترامي
الصمت له معنى وله ذوق وإحسـاس ..
........... مركب نجاتك في بحـور الظلامي
الله خلــق خلقـه علـى عــدة أجـنـاس ..
........... وكلــن يسوقـه مذهــبه للأمـامــي

[عبدالله الذيابي]

ياجمرة الحب لا تكوين لي خاطر
يكفيك منى لهيب الشوق حسيته

يمرني طيف مايطري على الخاطر
وان غاب عني خياله .. كم تمنيته

عبدالله

[شاعرة نجد]

ياليـت اللـيـل يــوم اقـفـى تجـمـل
وخــلاهــا عــلـــى أول ذكـريــاتــه

أغــنــي فــــي نـجــومــه واتــأمـــل
سكونـه مـع ظلامـه مـع سبـاتـه

وظهـر صبحـه وودعنـي وكمـل
نسيـمٍ كـان يعكـس لـي صفـاتـه

وأنــا والـلــي خلـقـنـي مـ اتـحـمـل
ولو يفرض علـي وقتـي قساتـه

غريبه والـقـدر لاصــار صـمــل
طفى شمع الغلا واسدل عباته

[الجووهره]

اقتل ظنون الأمس ، مع طلة الشمس
وإشرق بروحك لين ، يغرب وهمها
.
النفس وإن كتّم نسمها من الأمس
الصبح ينعشها ، وينعش نسمها

[الشامخه]

‏ي ليت الزمن يرفق على مثلي و شرواي
‏انا صادق مْع الناس ياناس وش ذنبي ؟

‏رفيقي حسبته حسبة الموس في مخباي
‏واثر كل ليله ياكل الموس من جنبي !

[الجووهره]

‏فيك الرجــاوي يـ إلهي ما تخيب
انت الستر يا خالقي وانت الذرا

اغفر ذنوبي كلها عن ظهر غيب
انا - وابي - وأمي ومعنا من قرا

[عذب]

شفت لك تصوير يازهرالربيع
في سناب اهل الربيع مصورة
جازي لي فيك الربيع اللي فضيع
قلت اجي لاجوائك اللي معطرة
احسب ان الخط للرياضك سريع
اثر كل دروب روضتك وعرة
ياخسارة كل ماجيتك اضيع
وارجع وكل العظام مكسرة


بوحي

[الجووهره]

صح لسآنك عذب
بس ناقص الشطر الاخير
ليكتمل الابدآع
اكيد سقط سهوا
ههههه