سجل حضورك ببيت شعر على ذوقك

[الجووهره]

‏"البارحه جيت المكان اللي ماجيته من زمان
‏_____واستقبلتني ذكرياتٍ ما تغير لونهـا"
‏"جابت لي اللي ماعهدته غير في نفس المكان
‏/وجابت مراويح تغسل مزونها بـ مزونها"

[عذب]

افتح دهاريز الغلا وافتح القلب
جيتك وانا كلي من الشوق ولهان
احضن خفوق الي تمناك له حب
الي مشاك لسكة العشق عنوان

بوحي

[عبدالله الصقري]

غرآمك في مهب الريح شمعه
و ليلك ما عرف لحظة سكون

[عذب]

اكتب وكن الشوق فيني قصيدة
تشرب من انهار المحبين صافي
مشاعر العشاق فيها اكيدة
واحساسها فيض من الحب وافي
تحكي هواها للهنوف الفريدة
من هاجس ينظم غزير القوافي

بوحي

[عبدالله الصقري]

كلما نجمع زهور القلب
تذبل
قبل تنطقها الشفآه

[الجووهره]

حآول تنآسى ضيقتك كل مآضقت
دآم آلعمر بـ آحدآث آلآيآم حآفل
تغآفل من آلهم و آلنآس وآلوقت
تسعة آعشآر آلعآفيه فـ التغافل

[عذب]

متوحد الاحساس مستوحش الروح
رغم ازدحام الناس كني لحالي
آخذ مع الافكار سجات وسروح
كني من الضيقات في جو خالي

بوحي

[خيال مطير]

أنا لك يا بريق الماس .. أنا الألماس
وانت لمعة الماسة وحساسة
وقلبك موطن الأزهار وأنا اللي يعشق الأزهار
وغيري يقطف احساسه
ولكن ما يهم اللي تولع في غرام الورد
إلا ما نسيته وردة سقاها بلهفة أنفاسه

[عبدالله الصقري]

يحبِّك قلبي و تهوآك روحي
و نفسي دآيمـاً جنبك أكون

[عبدالله الصقري]

جيّيتك و موآدعك صآرت سوى
الوصل نيرآن و الفرقا حزون

[عبدالله الصقري]

إيه يا رمش ٍ غوآني وما غوى

ليتك الغآوي و تلقاني حنون

[عذب]

ماعاد لك حق فيني يامجافيني
مادام باب الوصل بيديك سكرته
مديت لك للمواصل راحة يديني
جسر المحبة بفاس الصد كسرته
لاتعاتب القلب ولاتشره على عيني
ان حس قلبي أمل والعين ابصرته
بوحي

[شاعرة نجد]

عليه الله أكبر شاق عيني حمام الدوح
على الغصن يسجع والهوى العذب يومي به

وانا طول يومي فالحديقه واجي واروح
تعمّد يهيض خافقي ويش اسوي به

رقيقه,حقيقه ضيقه وخاطرٍ مجروح
تلوفه هواجيسه وتقبل وتقفي به

أمانه أمانه ياحمامه بلاش النوح
قبل لاتجود العين بالدمع وتجيبه

[عذب]

من يســـــابقـني عــلى لحـــظة غــــلا
اسبقه وافرش له الخافق ورود
ولـعـــيونه تنطــق عيـــوني هـــلا
واحضنه والـفرحـة بقـلبي تزود
واكرمه من بسمة الفرحة حلا
واملي الدله من اشواقي قنود
واغسـله بالطــيب لامنه ســلا
واسكبه من فوق رأسه دهن عود

بوحي

[الجووهره]

قل لِ الذيْ " دندن " خفوقه .. / و غنّآ :
لآ يعلّق أنغآمه على [ طيف شُباك ] !
,
حآل الحيآة ان : أشرق الحَب منّآ
حل ّ الفرآق فِ مغربْ الشمس / منّآك

[خيال مطير]

جيت أكتبلك شعر لقيت كل القوافي قوافيك
جيت أهديلك روحي لقيتها في أحضانك

[عذب]

يالله حقق مانبيه ونريده
ياواحد كل الخلايق ترجاه
يامصرف بامره قضايا عبيده
تكتب لنا عفو ورحمة ومرضاه

بوحي

[شاعرة نجد]

هونك علي يالمشاعر عجتك ثارت
وضلوع صدري غصون ولافها عجه

الله واكبر على الايام لادارت
عقب السلامه والاستسلام محتجه

[الجووهره]

مَحْدٍ يِحبَكْ ويِتَمَنآكْ و يِغِيبْ
حتَى لَو ظُرُوفَه علَىَ طُولْ صَصعْبَه !

لَوْ إنْ قلْبَه عَآشْ حُبِكْ بِلآ رِيبْ
بِ يِقَآوِمْ ظُرُوفَه لآجْلْ حُبْ قلبَه !

[الجووهره]

آنتبه تطوي شرآعك قبل توصل لـ / آلآمآن
لآخذلكـ آلوقت قلّه آلآمل بـ / آلله كبيـــر

آبتسم رغم آلظروف ورغم عن آنف الزمآن
مآ خلق [ربي ] عسير إلآ خلق بعدهـ يسير

[عبدالله الذيابي]

أحلى صباح الخير دله وبراد !
وإلا سوالف بين غالي وغالي ؟

[عذب]

ياسيدي مالي على الشعر سلطان
يسطي على وجدان روحي يتله
تطغي عليه الجاذبية والأشجان
وتسقيه جزلات المعاني بحله
شعر اغني به على زين الألحان
بوح يجاذبني مع كل دله
يطرب له اللي دوم هايم وولهان
اللي عيونه تبكي فراق خله
لعل يسلى خاطر منه تعبان
لامن تغنى في قصيدي وشله
هذا الشعر يحكي احاسيس الانسان
هاجوس فكر بالمشاعر تهله
بوحي

[الجووهره]

نعيش بـ الدنيا العريضه ونحلم
ويمكن نحب اشياء وفيها مضره

يارب وانت اللي عن الغيب تعلم
آكـتب لنا اللي فيه خيـر ومسره

[خيال مطير]

يارازق اللي ينتظر شوفة الطير=وعينه على الاحرار دايم شفوقه
الخير عندك وانت ماتذخر الخير=والعبد يسعى وانت تعطي حقوقه
وجدي على اللي يمنتنوه الصقاقير=مافيه طير بالوصايف يفوقه
ابيض وله عند الصقاقير تقدير=هو منوة الصقار عشقه وشوقه

[شاعرة نجد]

ياليت نسناس الهواا بآخر الليل
لاهب يرسللي معاهـ امنياتي

ويجي معه منهو على البال بالحيل
روحي دوا جْروحي ولذة حياتي

[خيال مطير]

فيني ولافيك وبوسط الروح لك فزْه
لا يابعـد كـل من يطـري عـلـى بـالي

أوجــعـتـي الـقـلب بمـــنــاداك يـابـزْه
سمْي فديتك ويرخص لأجلك الغالي

مــاكل مــوقـــف يـشــد القـلب ويهزْه
صــوتك غـمرني بحبك يابعـد حالي

ساره المعمر

[رحيل]

يالله ياللي بذكرك ينشرح صدري
اغفر خطا عبدك اللي في يديك امره

يشفق على يومه المقبل ولا يدري
ان كل يومٍ جديد يمر من عمره

[الجووهره]

‏تقول كيف الحال ؟ وآقول طيّب
ومابين طيّب والحقيقه مواني

مدري فَرَح من ذكرياتي مغيَّبْ
مدري شعورٍ خان صدق الأماني

[عبدالله الذيابي]

الحلم له يومين والثالث اليوم
فاتح على بعض الاماني شماته

[الشامخه]

‏ياقبر علمني عن احوال راعيك
‏فقيدي اللي مايعوض غيابه
‏مرحوم ياللي كل ماحل طاريك
‏يهل دمعي مثل وبل السحابه
‏ياخوي جعل الله من النار ينجيك
‏ويجعلك جارٍ للنبي والصحابة.

‏رحمك الله يا اغلى م فقدت.

[الشامخه]

‏مال الفرح في غيبة احبابنا دور
‏الله . / يـقويـنا ، ويـ جبر عـزانـا.!

‏

[عذب]

ارحميني من كثر هذا الغياب
كيف ابرضي رغبتك ياغايبه
اتبعه دربك وينده لي سراب
والدروب الي تدلك ذايبه
انتظرتك ارض واشرفت السحاب
غبت خليت الأماكن شاحبه
بعد هذا جاي تقتلني عتاب
عن صدود حضرتك سبايبه
انت سبة ماجرا لي من عذاب
يعني انت الي لزوم اعاتبه


بوحي

[رحيل]

ياوجد حالي وجد من عاش شوال
نومه مـلخبط و الرواتب بعيده

(؛

[عبدالله الصقري]

سمرته بالسما نجمه مطله
و في غصن الخريف اقفيت ناطر

[الجووهره]

هههههه رحووله
مثل الذي ف البر ولا عنده ارسآل
وان حصل الارسآل خلص رصيده

يا حيآة الشقى
هههههههههههه

[الجووهره]

الشآمخه
اللهم آمين
الله يصبرك ويجبرك
ويجمعك بهم في الجنه

عبد الله الذيآبي
عذب ،
عبد الله الصقري
صحت الالسن ويعطيكم العآفيه
ودإم ابدإعكم

[الجووهره]

الصمت أجمل أحاسيس الغلا ذوق
و أحلى كلام الحب شعروخواطر
وأن مارتوينا من غمام المطر شوق
لا بد من وقت يجي به الشوق ماطر

[عذب]

يمرني طاريك ياسيد الشوق
وافز من نومي وارحب واهلي
لأنك بعيني سيد الحس والذوق
ملكتني ياسيد الكل كلي
بوحي

[عبدالله الصقري]

مثل الريــاح بلا سكـن
أو مـثـل مرَّارالسحـاب

مـا دامـك لـ قلبي وطن
مــاهمني كل اغـتــراب

[هزاع محمدالعاصمي]

مماقلت ....

مازلت صاحي والعتب هاج بعروق=ورخى علي من زايد الشوق نايب
جف القلم وسترسل الدمع بالموقع=هامت بي الذكرى ودربي صعايب
قلب المشقى بين الاضلاع مطروق=والعين فيها ازرق الدمع ذايب
من حر مابي ثاربي زايد الشوق=وقل الوفاء خل اضلوعي حطايب
عله مع الايام يبديلي اشروق =ورجي الفرج من عند ربي وهايب

[الشامخه]

‏هذي هي الدنيا متاع .. و راحلين
‏ليه الحزن وسط المحاني كاتمه ؟

‏يكفيك في كل الليالي : حـاجـتين
‏الستر بالدنيا … و حسن الـخاتمة

[الجووهره]

عذب ، عبدالله الصقري ، هزآع العآصمي
صحت الالسن مبدعين ما شاء الله عليكم
يعطيكم العافيه وداااام ابدااااعكم


الشآمخه
منووره حبيبتي
ويسلم ذووقك

[الجووهره]

بيني وبين الليل عهد ومواثيق
نسهر سوى لاكشر الوقت نابه
يهديني القمرا سراج وطواريق
واهديه من ضيق الحنايا كتابه

[الشامخه]

جوج ربي يسعدك،،
منور بوجودك والله،،
وصح ذوقك ي عيوني

[عبدالله الصقري]

حنيني زآد ... لكنَّـه حنين
يودِّي دآيما ... بس ما يجيب

[الجووهره]

نجد العذيه كلها عندنا ريف
لو أجدبت وديآنها بالسنويا
دار حباها الله وأهلها موآليف
ريف الضيوف اللي من الجوع طويا
ترحيبهم يسوى برآد الشفآشيف
ويجلى عمآس اللي على البن خويا

محمد بن سعيد المشيبين

[خيال مطير]

قالو الي طيب قلت ماني بطيب
عطيب وجرحي بين الآضلاع ماطاب
يطيب جرحي لوحبيبي قريب
والبعد من بيتهم الباب في الباب
قالوالي العذال اوله وسيب
عشان المحبه تفتح لك ابواب
أول على العشاق أضحك وأعيب
واليوم قلبي من هوى صاحبي ذاب
ياربي يالله طالبك لالاتخيب
رجاي يامولاي في عز الآصحاب

[نايف الناجي]

يا ذيب يوم اني على الضلع احدك
جزعان بك ياذيب ماهي عداوه

يا ذيب ويش اللي على الدون حدك
وانت الشجيع و مملكتك البداوه

[نايف الناجي]

نشدة وفاء ياهل القلوب السليمه
من قلب عامر بالمحبه يالاجواد

[خيال مطير]

أبداء بذكر اللي لوجهه يصلون
نطلب رضاء المعبود في كل الاوقات
ويا ذيب لو رزقي على اللي يقولون
أهل الحكي ومروجين الإشاعات
اللي بنقل الهرج والكذب يسعون
أهل الحسد ومفرقين الجماعات

[شاعرة نجد]

ياصيف شوف المزرعه حالها كيف
ذاابل ورقها من لهيب السمايم

ياليت من سوّى على السور تكييف
دايم ينشنش بين الاشجار داايم

[نايف الناجي]

قل للضعوف اللي تحارب هل الحق
الـحـق بـيـن والشـواهـد مـــن الله

واليا كثـرت عمسـات الاربـا تحقـق
مـاكـل مــن يمـشـي بعـرفـه يـدلـه

[نايف الناجي]

الوقت غيـر ودورة ايامنا غيـر
والعلم عند ام الرموش المظاليل

[خيال مطير]

يا هاجسي لويلحقك وقتك اجـروح_ اخير من بعض المواقـف عدمهـا
شفت البروق بعارض امزونك تلوح_ والنفس كن السيـف حـده قسمهـا
والراس خاوي ماخلق غير للشوح_ واهـم مابـه فرصتـه يغتنمـهـا
اجي على درب المقاديـر واروح_ وقنع غصب مـادام ربـي قسمهـا

[نايف الناجي]

عرض السماء تلقابها صقـر وعقـاب
والارض تـدرج بالغطـاط وحجلـهـا

للطيـب بـاب وللسكانـه ميـة بــاب
عـمـر الثقـيـله مـاتـحـرك جـبـلـهـا

[عبدالله الصقري]

أكتب ومقصودي اللي شايله
و آتعـذّر كان قـصـّــر صــايلي

الطريق اللي بـ رغبه جاي له
مادريت انـّه بـ رعبه جـاي لي

مــا تـوجّـزت بــ قصيــد ٍ قايله
جف معناي و خــذآه السايلي

[عذب]

لاصارخلك مافتح للوصل ايد
ولا يحاول بالعطا مد ايده
خذهانصيحة يارفيقي بتوكيد
احشم خفوقك والهوى فك قيده
الي يبي قربك ترا لـــوه ابعيـــد
ياصلك لودونك ديار بعيده
بوحي

[خيال مطير]

https://c5k7w4z9.stackpathcdn.com/inc/uploads/2019/04/adabworld-quotes-210.jpg

[خيال مطير]

ياخلي من المشاعـر تـرى كلـي شعـور // جـذوة الاحسـاس ماهيـب مثلـك طافيـه
في غيابـك كـل ماغبـت يكتبلـي حضـور // غـب وانـا موجـود بيـن السهـر والقافيـه
للقصيـده فـي غيابـك عـن الانظـار نــور // وان حضرت اوقفت نزف الجروح الخافيـه
خلها فـي غيبتـك كـل احاسيسـي تثـور // ثـورتـي لــو فجرتـنـي قصـيـده عـافـيـه

[عذب]

انسبوا عني وقولوا هالخبر
الهوى لازاد يذبح صاحبه
طاغي الأشواق للعاشق خطر
هايمة روحه وكبده ذايبه
لكن اكتب فالغلا سطر وسطر
صادق الأشواق ماهي سايبه
المحبة صدق احساس وقدر
بالعطا سوق المحبة رابحه
مايساوى بالغلا كل البشر
كل شخص اعطه الي يناسبه

بوحي

[نايف الناجي]

حب. يغيب وصاحبه مابعد غاب
وحب .يدوم وصاحبه في غيابه

وحب.يذوب خافق مابعد ذاب
وحب.يداوي صاحبه من عذابه

وحب.حياته كلها لوم وعتاب
وحب. حقيقي مايضرك عتابه

وحب. بلا معنى وحب.بلا اسباب
يبدا غريب وينتهي في غرابه)
.
منقوووووول

[هزاع محمدالعاصمي]

مشاركة .....
انتظرتك ياعنا ليلي الطويل..ودي بقربك البعدك ماحتمل
والله إنك نسمةٍ تشفي العليل..وريحتك ورد الخزاما والنفل

[عذب]

تركت لك كل الآماكن فراغات
خلك تعيش بجو الأحباب خالي
كم انتظرتك شايل الشوق ساعات
ماعندي الا مسرجات الليالي
كم كنت اقرب لك وتبعد مسافات
الين ضاعت صورتك من خيالي
بوحي

[عبدالله الذيابي]

سامح الله طيفك اللي كل ساعه
يستبيح أخلاقنا بهون وسيله

بالفصاحه . والتغنج . والمياعه
والشعر والردف والعين الكحيله

عبدالله الذيابي

[عبدالله الصقري]

ما من ذنـوب الا الغلا
ضَمَّوه لـ كبار الذنوب

و اللي يغنِّي في الخلا
مايسمعه غير الهبوب

[نايف الناجي]

يا وقت لو يقسى على نايف الحرف >
ما قلت لك ياوقت سمعا وطاعه .

[عبدالله الصقري]

ظميآن شعر .. و مرتوي فرقـا
مَوتور حب .. و ضآيق ٍ خلقي

[الشامخه]

‏وماضنتي بلقـى بعـد غيبتـه نـوم
‏من ياخذ عيونـي ويرقـد بدآلـي

[عبدالله الصقري]

يالشامخه قطَّعتي قلوبنا
من حزنك اللي ما مثيله حزن

الموت هو آخر مدى دروبنا
و ايمانك اكبر لو فؤآدك يحن

مدآمعك جفَّت بها عروقنا
و آهآتك الحرَّا غشت كل فن

يالشامخه و الرب معبودنا
للآدمي قدَّر حياة و كفن

إن عآش و الا مآت .. بقلوبنا
يسكن و لو أقدآرنا ما صفن

يالمؤمنه .. تكفين .. يا دوبنا
نسلى و نتناسى مراسم كفن

قبلك فقدت اللي تحآموا بنا
ايضا فقدت من المزون الوسن

و احبابنا .. وين امسوا احبآبنا
و استمطرت عيني عذآب و شجن

نبكي شباب ٍ قبل شيَّآبنا
منهم فـ بطن امَّه حيا و اندفن

نكفين يكفينا الذي صآبنا
إدعي و رب الكون فينا أحن

[الشامخه]

صح لسانكك ابدعت اخوي،،
ربي يسعدك،،
والله يرحم امواتنا واموات المسلمين.

[عذب]

ليالي الشوق احلوت وفيها للغرام وعود
وتو الليل ماهود وعدنا ينتظر حينه
على نور القمر ذكرى تلاقينا عساه يعود
ودرب ينتشي عطرك تشوق لك تمرينه
تعالي جددي فرحة لقانا والنجوم شهود
على ذاك المكان الي يهزك شوق وتجينه
بوحي

[الشامخه]

‏اصحابي الغالين قصّرت معكم
‏آسفه على قل التواصل تراني
‏.
‏خذتني الاقدار عن مجتمعكم
‏ولا الغلا لازال بين المحاني

[عبدالله الصقري]

من حقَّك تعيش وتَهَنَّا بـ حيآتك
إنسـآن تملك حق في ما تـريــده

و من وآجبي أبعد لإرضآء ذآتك
ما دآم لك في الحب نهج وعقيده

[عذب]

السحاب اللي تلامع بالبروقي
روضنا العطشان سحبه ماسقتها
مرني عجل وروحي له تتوقي
عزي لكبد ظماها محرقتها
بوحي

[عبدالله الصقري]

هلا يا موجع ٍ قلب ٍ سمع و قلوبهم طرشا
و سامحني ترى عَزَّ الظلآل يفــآرق الفـآقـد

وَهَم يستآقني ثم يتِّبعني في خطى الممشا
أشـبـه ينطفي عمر ٍ على جمر الورق وآقـــد

[عذب]

ماجيت اذل النفس والله ماجيت
وماجيت فاقد للخفوق احترامه
ماجيت الا اكسب الصوت والصيت
واكسب رفيق يعتبرني حزامه
القاه في وقت اذا قلت ياليت
ويلقاني اقرب شخص واقف امامه
هذا وجودي يكتب البيت والبيت
وابيات شعري للذكاوي علامه
بوحي

[نايف الناجي]

ماجيت اذل النفس والله ماجيت
وماجيت فاقد للخفوق احترامه
ماجيت الا اكسب الصوت والصيت
واكسب رفيق يعتبرني حزامه
القاه في وقت اذا قلت ياليت
ويلقاني اقرب شخص واقف امامه
هذا وجودي يكتب البيت والبيت
وابيات شعري للذكاوي علامه
بوحي

صح كلك يالعذب
*****

[نايف الناجي]

صدري شمالي يامحمد وانا اخوك
،................................ماضيق لو ضاقت علي الليالي

مافيه وردا يامحمد بلا شوك
.................................والطيب عمله مثل نقد الريالي

[نايف الناجي]

جعل الجبين اللي نزل للقدم بر
يعليه رب البيت لأعلى المراتب

[عبدالله الصقري]

ذاب ليلي و فـاض دلـوه
و نام في عيني السهـــر

ما يـذوق الطـرف غفـوه
كل ذا . و مـا بي صبـــر !!؟

[عبدالله الصقري]

تدري بـ حبي بس خآطرك ما رآق
حيَّرتني ما بين وصل و قطآعه

[عذب]

صحت ابدانكم والسنتكم على كل ماتقدمونه لنا هنا من ابداع وانتقاء استمروا على هذا التواجد المميز والمثمر لكم ارق التحايا

[عذب]

وقت الرخا واجد خلاني وناسي
وياقل هالوقت من تلقاه لاحتجته
عرفت من هو معي في وقتي القاسي
اللي عن الهاجرة يفردلي اجنحته
بوحي

[عبدالله الصقري]

تسلم يالعذب
ولولاك حجر الاساس هنا ما كان زان لنا التواجد
شكرا من القلب لك وللجميع بلا قصور في احد
تقديري واحترامي

[عذب]

من باب طيب النفس والحس والذوق
اسامح المخطين في كل ساعه
حتى لواني من خطا الناس مسبوق
ولو كان جاني من بعضهم بشاعه
ادمح وأقول النفس اتضيق وتروق
ومصير يوم الضيق يطوي شراعه
بوحي

[النجلاء]

ماجيت اذل النفس والله ماجيت
وماجيت فاقد للخفوق احترامه
ماجيت الا اكسب الصوت والصيت
واكسب رفيق يعتبرني حزامه
القاه في وقت اذا قلت ياليت
ويلقاني اقرب شخص واقف امامه
هذا وجودي يكتب البيت والبيت
وابيات شعري للذكاوي علامه
بوحي
الله الله
مبدع يالعذب
وصح لسانك على هالرائعه
شاكره لك وجودك ومجهودك

[عذب]

النجلاء صح بدنك على اعجابك واشكرلك اشادتك تحياتي لك

[عبدالله الصقري]

أقسم بـ رَبَّ الكَون ما يسـوآك حَـد
يـآ من مَلَـكْـتـي عَرش قلبي وآثـقــه

[عذب]

مهما كتبنا عن مشاعرهوانا
يبقى بعضها داخل القلب مدفون
ماكل من يتبع هوانا لقانا
في الحب مانتبع هوى الي يقفون
الا الذي في الحب يشري غلانا
نشري غلاه ومسكنه داخل النون
نعطي وفا واخلاص للي عطانا
ونترك هوى الي بالمحبة يمنون
وحده بوحده بالجفا من بدانا
والي تعنوا في هواهم يعذرون
بوحي

[نايف الناجي]

راع الــوفــاء والـطــيــب بــيـــن مـحــلــه
لـو حـاولــت بــعـــض الـمـخـالـيـق تـخـفـيــه

[النجلاء]

صح الله لسانك يالناجي
واخر الغيبات ان شاء الله

[محمد الروقي]

من باب طيب النفس والحس والذوق
اسامح المخطين في كل ساعه
حتى لواني من خطا الناس مسبوق
ولو كان جاني من بعضهم بشاعه
ادمح وأقول النفس اتضيق وتروق
ومصير يوم الضيق يطوي شراعه
بوحي
الله ياشيخ
والله انك عذب على اسمك هذا القصيد ماهوب خيطي بيطي

[محمد الروقي]

راع الــوفــاء والـطــيــب بــيـــن مـحــلــه
لـو حـاولــت بــعـــض الـمـخـالـيـق تـخـفـيــه

الطيب مايدرق
يطلع ويبين حتى لو ؟؟؟؟ وصح لسانك ياصاحبي

[عذب]

محمد الروقي
لا هنت ولاعليك زود وتسلم على اعجابك واطرائك الجميل تحياتي لشخصك الكريم

[عذب]

طال الطريق وهالمشاوير طالت
وياشين هالطرقة بليارفاقات
ومن التعب روح الكلافة تهاوت
ماتت ظماوالدرب مابه محطات
طاحت على رمل المهالك وماتت
مالومهاوالدرب كله متاهات
بوحي

[خيال مطير]

على ذاك الطريق اللـــــــي لقيته هادي مهجور
وعلى ذاك الطريق اللـــــي نعش قلبي وحبيته
لقيت الماضي ينظرنــــي وقفت وقلت له ماجور
ورد بصوته الهـــــــــــــــادي وصوته فيه تنهيته
وقفت وقلت له خدمه ؟؟ واشر قـــــايل ٍ مشكور
ولكن وسط اشاراته اترجم قـــــــــــــــول ياليته
وقلت ارجوك علمنــــــــــي بلاش انك تلف تدور
تعال ارجوك علمنــــي وش اللي دوني اخفيته

[نايف الناجي]

الطيب مايدرق
يطلع ويبين حتى لو ؟؟؟؟ وصح لسانك ياصاحبي

صح بدنك ياصاحبي

[نايف الناجي]

كم واحـــد مثل الطيب والله ماعطاه
ويتصنعهــــا تصنـــــع ولاالله جمــــله

ما دراء ان الطيب وهـبه ويعــطيه الالاه
ما عطاه الله يا غيـــــــــر من يستاهله

والرداء للي علـى مذهبــــه يبست يداه
والرداء منبوذ والطيب هـــو قبلة هلــه

[خيال مطير]

الشعـر لـه فاتـل وناقـض وفـــــاروق .......... والسـوق لـه سايـم وشـاري وبايـع
واللي ربح ببضاعتـه يمـدح السـوق .......... والنـاس تطلـب نـادرات البضـايـع
يا مدوّر الطيـب تخيّـر علـى الـذوق........... وأحفظ معك مـن قـول فـارس iiودايـع
لو كـان بالإرشـاد والنصـح مسبـوق .......... ذكـرى لعـل لهـا تــرق السمـايـع
جواهرٍ معهـا شـذى المسـك مرفـوق ........ ومعهـا التجـارب مثبتـه بالوقـايـع
واللي لبس من جوهر المرجلـه طـوق ........مثلـي مجـرّب والتـجـارب نفـايـع
سافرت لي طرقه وطبيـت لـي سـوق ...... وخاويت فـي دربـي جميـع النزايـع
والله خلـق فالنـاس ميـزات وفـروق ........... النـاس شتـى بالشـيـم والطبـايـع
أحـدٍ علـى مبـدأ ولـه نظـرةٍ فــــوق .........وأحـدٍ كمـا ثلـجٍ علـى القـاع مايـع
ولاني وكيـل آدم علـى كـل مخلـوق ....... لكـن أشـوف بخلـق ربـي نـوايـع

[خيال مطير]

كم واحـــد مثل الطيب والله ماعطاه
ويتصنعهــــا تصنـــــع ولاالله جمــــله

ما دراء ان الطيب وهـبه ويعــطيه الالاه
ما عطاه الله يا غيـــــــــر من يستاهله

والرداء للي علـى مذهبــــه يبست يداه
والرداء منبوذ والطيب هـــو قبلة هلــه


القدير نايف الناجي
قصيده وحبكه رائعه نسجت بالحكمه
والموعظه والجمال
صح لسانك وفكرك اخوي

تقديري

[خيال مطير]

جعل اليمين اللـي لـلا نـذال تنمـد
تبتر بحد السيف من مفصل الكف
لـصـار تـرخـص هامـتـي يـا محـمد
انـــا غـنــي بـدونـهـا قـبــل تـنـكـف
الغيـث ينشـي و البـحـر مــا تجـمـد
وشعيل يرزم والحمل شاله الخـف
مايبـلـش الـبـحار فـالجـزر و الـمد
لــو الـبـحـر قـــدام مـوجه تـراجف
وانتـه حبالـك جزهـا المد و الـشـد
تــارد ولا تـرويـك دلـو(ن) تـواكف
هـذي حقيقـه و اخذهـا يـا محمـد
الـبـاب لـطـاحـت عـراويــه ينـدف

نايف الناجي

[عذب]

يالي بدنيا الحب تنشد عن الحال
هات اليدين ونترك الناس ونروح
ماشفتني عن زحمة الناس رحال
شايل معي اشياء من باقي البوح
ماشي وادور بالفضا راحة البال
يمكن الاقي بالخلا حاجة الروح
انا هناك بغربة مالها جال
جالس واساهرعلة القلب والنوح
صحيح انا محتاج للروح منزال
قلب يبث الحب ويداوي جروح
لكني اصبر لوتعب خافقي طال
واكتم عظيم الشوق لوروحي تروح

بوحي

[نايف الناجي]

القدير نايف الناجي
قصيده وحبكه رائعه نسجت بالحكمه
والموعظه والجمال
صح لسانك وفكرك اخوي

تقديري

خيال مطير
صح بدنك ولاهنت
تحيتي وتقديري

[خيال مطير]

الصبح هذا من بياضك كساني ..
بسمه لها عامين مامرت شفاي !!
كن النسايم من شذاها أغاني ..
كن الأغاني من شذاها/ هداياي !!
هات يدينك مابقى لي مواني ..
فيني من اللي راح مايخجل الجاي !!
ودي معاك ارجع/ ونرجع ثواني !
لـ جروح طابت / للتناهيد / لـ غناي

[عبدالله الصقري]

أنطـر منــآي و تــآه منِّي و غــآب
يوم انتشت بالـروح جمـرة غـلاتـك

[عابـر]

‏تعبت أخاوي في مشاويري الخوف
‏وأستعجل الخطوة .. إذا الليل ليّل

‏يكبر معي حلم و معاناة و ظروف
‏و جروحٍ أسقيها دموعي .. تخيّل !

‏انا بسيط أحلام .. يا المملي غرور
‏و " ليالي الوحدة " قديمة ملامح !

‏اليوم اروح و خاطري منك مكسور
‏وبكره تجيني تبتسم لي و أسامح :)

‏قلت أسافر عنْك و أتناسى شحوبي
‏و مرّ ( جرحك ) بين غفلة و إنتباهة !

‏ضعت أنا بعدك .. و تاخذني دروبي
‏من : متاهة في : متاهة في : متاهة !

[عذب]

بعلمك وش لون تخسر حبايبك
حتى ولو صاروا قريبين منك
تقعد تغلا لو الأشواق تجذبك
وتكتم مشاعر بالهوى يذبحنك
وتعاند الإحساس في حب معجبك
لوهي هواجيس الغلا يسهرنك
كذا يعدون القطاعة سبايبك
وكذا يصدون المحبين عنك
بوحي

[عبدالله الصقري]

ما تبآت العين من فرقا حبيب
لا رعآك الرب يا من لامها

[عذب]

سبعة الآف عثرة بين وصلي وبينك
والمسافة بعيدة تتعب الي مشاها
من يذلل طريق يوصل القلب الينك
والأماني دعاها ياعساها عساها

بوحي

[عبدالله الصقري]

جَنيت مِن اَلأَدِيـمْ جْـرَامْ فضَّهْ
وُ لَامونِي عَليه وُ حَاسَـدونِي

[عذب]

للعيد فرحة وابتهاج ومسره
وتكمل بشوف احبابنا فرحة العيد
ياعيد ياللي كل عام تمره
قله على لساني ولوانه بعيد
جعله يعود العيد مره ومره
وجعله على الغالين مبروك وسعيد
بوحي

[عبدالله الصقري]

إن قلت سآلي فـ انا في جوفي الجمره
و ان جيت افيِّض همومي و ين اودّيها

[رحيل]

كنت احسبٍ الغلا زال و اثره لا يزال
فالحشا ما كنه الا دخيلٍ فالوجيه

ساقني حبك على الموت وسنيني هزال
والظروف اقسى من الظلم للعرض النزيه

[شاعرة نجد]

يا ضايق الصدر لاتشكي ترى صدري
يشكي من الضيق ماتاسَعْني ثْيابي

يروح يومي ويسرقني وانا مدري
كم فرصةٍ رااح فيها الوقت ماجابي

[خيال مطير]

يا ضيقة الصدر وش باقي على بكره
يا طول الساعتين وطول غربالي
الليل كله وانا فكره وراء فكره
ومن دلة الهم ماهزيت فنجالي
ما كنت اضن الحبيب اليا عشق يكره
الين جربت فرقا اللي شغل بالي

[عبدالله الصقري]

يا عين لا صآر من دمعك صفى خمري
أبـ اشربك لين ما شوقي يسكرني

[الجووهره]

خلّ في صدرك ..على الدنيا قبول
واعرف ان الشمس تشرق لو تغيب

وعوّد لسانك : ليا ضاقت .. يقول
الأماني في رجا الله ما تخيب

[عابـر]

‏انا بسيط أحلام .. يا المملي غرور
‏و " ليالي الوحدة " قديمة ملامح !

‏اليوم اروح و خاطري منك مكسور
‏وبكره تجيني تبتسم لي و أسامح :)

[الجووهره]

‏كنا بلا جنحان واليوم طرنا
واثر السما يا صاحبي برد وغبار

ياما حلمنا نكبر ومن كبرنا
صارت اعز أحلامنا نرجع صغار..!"

[عذب]

لاتسكرباب خدان السعه
والحياة اليوم تفتح بابها
اي باب بيسعدك ادخل معه
لاتهاب اللي على اعتابها
صار كل كيف راسه يتبعه
ماعلى الخدام من اربابها
مابقى ممنوع والحظرارفعه
عن خفوق رغبته ادرى بها
لاتعذر بالظروف وتمنعه
من بغى الراحة سعى لاسبابها
بوحي

[عبدالله الصقري]

لو يتهنَّى كل واحد بحلمه
ما كان ذاق الغير صافي شفاته

[الشامخه]

عسى قبرك عليك أوسع من حدود الفضا والغيب
‏وعسى نوره مثل شمس الضحى في أعلوّه وقاعه.
‏âپ§â€«

[شاعرة نجد]

هز يالوجداان بركان القريحه
خل يطلع ثايره فووق السحاب

كمّل الباقي على رووح الجريحه
واحْسب لـ غامض هويتها حْساب

لين تستوطن مشاعرها الصريحه
دولة الحزن ومُعاناة الغياب

بين حال المُجهده والمستريحه
حايرهـ . والصمت يَجْرَحْه العتاب

[محمد الروقي]

الا ياوجودي ياقصيد{ن} على معناه
يحرك ضلوع الصدر ويشب واهجها

ليا مالت الفيه وجا للحن مشهاه
هذ يلجم المهره والاخر يسرجها

[ملكة الرواسي]

قمة الاخـلاق .. والذوق الرفيع
لاتركت الكـبر وأرخيت الجناب

وأعتبرت الخلق في عينك جميع
كلهم لادم وادم من تراب

[خيال مطير]

الذوق ذوقك وانتي الذوق كله
وشلون ذوق اللي لها الذوق ذواق
انتي كما نجم السماء في محله
وانتي كما الورده على كف عشاق

[عبدالله الصقري]

دآمها عذبه نهآيآت العذآب
خلَّها تقرا جروحي خلَّها

كل جرح ٍ خط باب ٍ في كتآب
و كل حرف ٍ تلّني ما تلَّها

دونها ليل ٍ و نجم ٍ فيه غآب
ما سترها لين بآنت كلّها

للشفايف دَلّني برَّآق نآب
و لا سريت الا أبي أوصل لها

[عبدالله الصقري]

يا ضيّ قلبي و يا مشعل بذاتي ظنون
يا نازع ٍ من بلابلنا رقيق الشجن

ساعة تغرّد تصير اْظلوع قلبي غصون
دنى عليها هجير الفكر حتى قضن

صحيح ما كل ما يخطر يسمّى شجون
لكن أكيد انّ صدق الحبّ لاهله كفن

هي كلمةٍ جت من اعماقي و حسّي لحون
شهد بها من تعلّق مثلي و ما ضمن

و انا على حسّ رجواي انتظر يا حنون
معي من الشّوق غير الّلي تشوفه علن

[الشامخه]

‏واذا شاب الغياب وشحّوا المقفين
‏انا اعرف الليالي طبعها جاحد

‏من اول كنت ادوّر عن لقى والحين
‏اشوفك ما اشوفك .. " كلها واحد "

[عذب]

يحق لك يامالك القلب والروح
ماغيرك احد ساكن كل روحي
بالقلب باني لك بنايات وصروح
وسكنت حبك عاليات الصروحي
محد قبل عرفك جبرني على البوح
الا انت خليت المشاعر تبوحي

بوحي

[عبدالله الصقري]

يا حياتي من هنا لين التقيك
باعتبر احساسنا جرح ٍ وفي

[عذب]

اشتاق له ويبث شوقه لغيري
وانا على لاماه ميت من الشوق
يومي بنيت الشوق باقصى ضميري
قفى وخلا بيت الأشواق محروق
بوحي

[شاعرة نجد]

في أمان الله يـ اغلا من خلق ربي علي
لو تغيب الدهْر كله انتظر ساعة حضورك

للظروف احكام وانت ادرَى بحالي من هلي
لامتى الترحال وانت تزورني والا ازورك

ياوليفي لو قسمت وقلت لك ما عاد لي
فـ التشتت أي طاقه كيف وش بيكون دورك

[خيال مطير]

هلا وغلا بك لو مع الحلم مريت..
لو زار طيفك ناظري يوم صدفه..
ياواحد فوق الأماني تعليت..
قدرك بقلبي ياحبيبي تعرفه..
لولاك في دنيا البشر ماتهنيت..
الناس في كفه وحبك بكفه..

[ملكة الرواسي]

اللي طيوفه شاركتني - الاماكن
احزن على ذكراه*ويضيق / بالي

[عبدالله الصقري]

آه من حبّ عين تشوفني و مـآ تشـوف
ويلهـا مـا وصـل فيـهـا الـمـدى للـفـؤاد

تذبـح الّـلـي لـتلـويـع النـواظـر لـهـوف
حآنيـه , عشقهـا عشـق الجمـر للرمـاد

ياحياتـي . تـرى للّيـل همـس ٍ عطـوف
ما سمع به أبـد قلبـك .. ولا بـك سهـاد

لاتخـالـف شـعـور ٍ دايــم ٍ لـــك يـلــوف
مـنّـه الـحـبّ زآد . و منّـه الـوجـــد زآد

شوفني شوف من جرّب عذابه صنوف
بـيـن شـرهـة فــؤآد و بـيـن لايــم وداد

الليــالـي رمــت يـآمـا ألــوف و ألــوف
و الـزلـل جــوده لـيـا قـيـل زلّــة جــواد

المحـبّــه سـمــا فـيـهـا أمـلـنـا يـطــوف
و الوطـن بالقلـوب اللـي تـقـود و تقـآآد

لا تجـرّد مـن اْرمـوش المجافـا سيـوف
روف بـي قبلـمـا يسـهـرك لـيـل البـعـاد

يــا حيـآتـي تـعـال ولا تـقـول الـظـروف
لو زهمت اْمتـوفّي مثل ماازهـمـك عـآد

خـل قلبـك عيـون ٍ هآيمـه .. ثـم شـوف
و البـلا كـان مثـل العيـن أصبــح جـمـآآد

[عذب]

اجي عاني على حروة لقاك وفي يدي ورده
واحث خطاي لدروب الغراب وخافقي مسرور
على شوق يسيرني على طرياك من مده
مشيت الليل لعيونك ودرب معتم ومهجور
وهوجاس الهقاوي يطرق الخفاق وارده
اخاف اوصل عتب بابك وارد وخاطري مكسور

بوحي

[خيال مطير]

يا ليل خبرني عن امر المعاناة
هي من صميم الذات و الا اجنبيه
هي هاجس يسهر عيوني و لا بات
أو خفقة تجمح بقلبي عصيه
أو صرخة تمردت فوق الاصوات
أو ونة وسط الضماير خفيه
أو عبرة تعلقت بين نظرات
أو الدموع اللي تسابق هميه
أعاني الساعه و اعاني مسافات
و اعاني رياح الزمان العتيه

[عذب]

الضحك عند الي مروق مزاجه
والا انا ضحكي اجامل به الناس
حتى ولوالقلب يضحك حجاجه
تبقى عروقي والمعاليق يباس
ماني من اللي يكثرون اللجاجه
لوكان جوي من عنا الوقت منحاس
سبة خفوق صار مثل الزجاجه
مثل الغريب اللي مع الناس حساس
يخاف من شي يسبب احراجه
ناس تلوم وناس بتقول لاباس
بوحي

[الشامخه]

‏•

‏وش حنينه ؟ لا تسولف بالحنين
‏لك زمن غايب ولا همك أحد

‏لا تدور وين هذيك السنين
‏انتهت لا احساس باقي ولا وعد

‏صرت انا وقلبي لبعضنا عاشقين
‏كل منا يصون ويحفظ العهد

‏خلنا .. ما دام حنا سالمين
‏ليه جيت ؟ اشتقت تجرحنا بعد ؟
‏.
‏أسوأ انواع المشاعر تدري وين ؟
‏لو تحب انسان . ما يشعر أبد !

[عبدالله الصقري]

قلت اصد و لو تكون اغلى شريك
لـ الفؤآد اللي بـ جرحك يحتفي

ما أبيك تهين قلب يموت فيك
مهتني بـتـعـذيـب حب ٍ مختفي

ليت حب ٍ مبتليني مبتليك
كان تلويع المشآعر مكتفي

[الجووهره]

بعض البشر يعجبك حتى احترامه
وتحب فيه .. اجمل صفاته ..وَ ترتاح

ان غاب .. تشفق .. في لقاه .. وسلامــه
واليا حضر همک من القلب .. ينـزاح

[خيال مطير]

بعض البشر لا قال كلمه سمعناه
وبعض البشر ما نسمعه لو ينادي
وبعض البشر لو غاب لحضه فقدناه
وبعض البشر لو غابت سنين عادي

[الجووهره]

النفوس الوآفيهْ رغمْ المصـاعِب ماتميل
والشمس كِثر السحبْ مآيغطي نورهـا..

[الشامخه]

‏لاتضيـق ان خـاب ضنـك بهواك
‏كل صـادق بالهـوى حظــه قليل
‏.
‏كم من اللـي؟ لوعطيته ماعطـاك
‏وكم طيب قلب من جرحه عليل

[خيال مطير]

ليت لي " قلب" على فرقاك يقوى!!
كان /..ودعتك وعجلت "الخطاوي"
لكن اللي بالحشا لك شيء أقوى.!!
من رحيل ما وراه إلا "البلاوي"
يا عزيزي/ تدري إن العشق بلوى
وإنت "روحي يا جروحي والمداوي"

[عبدالله الصقري]

يـانـديـم الـلــوم لـك عــيــن ٍ تــبــات
وماتبـات عيونـي مــن الـلي يصـيــر

فالبحـور المظلـمــه مــابــه سـنـــات
وما تـشــعّ لمبـصـربـقـلـب ٍ ضـريـــر

لونفـعـنـي بـالـغــرق جــــادل نجــات
ماغـرقـت وماابـتـديـت مـن الأخـيـــر

قــصّـــةٍ سـمّـيـتـهـا قـصّـــة وفــــات
والـبـصـيـره لــلــذي فـيهــا بـصــيــر

الشمـوس المشرقــه بالضيـم جــات
وانطـفـى مــن ضيّـهــا نـجــم ٍ منيـــر

حــيــن هـلّــت مـا قويــت الإلـتـفــات
ومـن مكانـي ما بغـت رجلـي تسـيـــر

احتـضـنـت رمـاحـهـا والـقـلـب مــات
بـالـحـنـايـا قــبـــره وصـدري كـبــيــر

مــيّـــت ٍ واريــتـــه بـذيـك الـــفــلات
فــــزّ حـــيّ وفـــــزّ ويّـــاه الـضمـيـــر

كـنّــي بلـحـظــة لــفــوه الـمـرســلات
آخــــر احــســاس ٍ يــوادعــه الـقـبـيـر

قــال جــاوب قايلـيـن : العـلــم هـــات
قلـت وابشر بـالـنـصيــر مـن النصـيــر

كــيــف يــامــن لـلــذنــوب تـلـــمّ زات
نــاسـي الـكـبـرى وتـلـطــم بالصـغـيـــر

لاتــجــازي خــافــق ٍ مـطـعــون بـــات
في ضريـح الصمـت وافـــاه الـمـصيـــر

جــازتـــه دنــيـــاه بـالـمـنـكــر جـــزات
سبّقـت يــوم الحـشـــر بــايــدي نـكـيـــر

لـونـهــا يـا لايــمــي لـــــون الـعــبـــات
لــو سمــاهـــا بالنـظـــر لــول و حـريــر

قـــوم نـرسـمـهــــا بـكـف ٍ مــن رفـــات
غــرّتــك وآنــــا بــعـــد مـنـهــا غــريـــر

يــازمــان يــرجّــع الـجـوهــر حـصـــات
عــن بـســاط الـريــح يـغـنيـنـا الحـصـيـر

الـرضــا قــارنــه ربــــي مــن رضــــات
الـوالــديــن .. ومـن يعـق بـهـم حسـيــر

جــــاعـــــل ٍ بـاقـــدام كــل الأمـــهـــــات
جـنّــةٍ مــــن روضــهــــا فــــاح الـعـبـيــر

الـذخـيـــر الــلــي تـمـسّــــك بـالـصّـــلات
وتــاركٍ فـرضــه أبـــد مـاهــو ذخـيــر

والــورود الـلـي سقايـاهـن فـــرات
مـن شـذات انفاسهـن كـل ٍ يطـيـر

مـا بعـد ذاقـوا عسلهـن بالشفـات
وبالمـعـاشـر مـــا يـكـفّـرن العـشـيـر

شــوفــوا آيــــات الـقـيـامـه بـيّــنــات
يالـقـلـوب الغـافـلـه عـــن هالـنـذيـر

مــثــل تـشـيـيـد الــبــدو للـنـاطـحـات
والفـتـن واهــوال شــر ٍ مستـطـيـر

الـعـقــول الـنــيّــره نـــــور وهـــــدات
للقـفـول المغـلـقـه و جـيــل ٍ غـريــر

الـمـجـالات المـفـيـده بــكــل شــــات
والنـفـوذ لـمــا يـبــثّ اصـبــح خـطـيـر

الـمــراهــق ظـنّــهــا ســكّـــر نــبـــات
والـحـيـاه اعـمــار والـكـيّـس ظـفـيـر

واخـتــلاف الـمـلّـه وحـــرب الـثـقــات
واصطياد الغـرب فـي مانـا العكيـر

(إنتـهـاك الديـن)إحـدى المـفـردات
فــي اللـغـات المحـدثـه للمستعـيـر

حـربـهـم إرهـــاب دولـــه وامـنـيــات
بـيّـنـت ضـعــف و خــنــا ركّــــاب عــيــر

عـولــمــة أفــكـــار وبــدايـــة فـــنـــات
وانتفاضة شعب عايش في سعير

الـمـعـابــر لـلــمــدد قــبـــل الــنــجــات
لمـن يمـدّونـه بـكـم خيـشـة شعـيـر

والـزمـان الـلـي غــون فـيـه البـنـات
بــاهــج ٍ واعــمــى بـوهّـاجــه نـظـيــر

هـــذي مـــن الكـاسـيـات الـعـاريـات
وبـمـفـاتــنهــا لـغــرائـزنـــا تــثــيــر

وذيـك معهـا جملـه مــن الجـاريـات
مــن تهيـنـه مالـقـى مـنـهـا مـجـيـر

هن شتـات ومابقـى بعـد الشتـات
كـــود شـمــع ٍ يسـتـنـيـر بــمــا يـنـيــر

لامــســن بـاطـيـابـهـن لـــــذّات ذات
ماخطـر فـي بالهـن رفـس الحميـر

غــرمــوهــن ثــــــم قـالـوا:مـغـرمــات
والـدنـاسـه طعـمـهـا حـالــي مـريــر

لـــو أخـذنــا كــــل شــــيءٍ بـالـحـيـات
آخـرتـنــا مــوقـــف ٍ هــائـــل عـســيــر

مـاخـلـقـنـا الله بـقــلــوب و لـــهـــات
لاجـــل نـتـغـنّـى بـسـلـطـان و أمــيــر

كلّـنـا نـخـطـئ و نـوطــى السـيّـئـات
يالله لــظــلــمــا خــوافــيــنــا تــنـــيـــر

تـرحــم الـلــي مـالــه بـغـيـرك ثــبــات
يامـجـيـر الـلــي بـلـطـفـك يسـتـجـيـر

شـايــف ٍ ءآثـامــي بــكــل الـجـهــات
غـيــر شـــيّ ٍ أنـــت أعـلــم بـــه خـبـيـر

ساعـةٍ أدعـيـك فــي وكــر العـصـات
و ساعةٍ أعصاك فـي ركـن ٍ طهيـر

للظـمـا مــن هاجـسـي بالـمـا روات
وبالهجوس الظاميه دايم سهيـر

لــــي حــيــات ٍ مـبـتـداهـا مـنـتـهــات
وبـي جـروح ٍ فـي متاهتهـا أسـيـر

آتـجـمّـل أحـســب انّـــي فـــي غـنــات
وآتـأمّــل واثـرنــي فـــي قــــاع بــيــر

وآتــنــدّم والـحـظـيـظ مــــن الـنـبــات
مـيــت ٍ أحـيــاه مــــن هــمّــي غــديــر

لـيـتـه الــلــي حــدّتــه دنــيــاه مــــات
بـسـمّـهـا ومــــا ورّده جــــم ٍ غــزيـــر

[عذب]

وين انت ياللي غيابك زاد عن حده
ماتدري اني عليكم زايد جوعي
اصبر النفس بالونات لي مده
واعيش جو السهر راسي على كوعي
خليت دمعي يروب الدم في خده
والدمع في عين الرجل للقلب موجوعي
كانك تبيني سبيل الوصل لي مده
وامد لك خافق لك مدته طوعي
تدري وش اللي يعزيني على الفقده
انك تبيني وظرف الوصل ممنوعي
بوحي

[عبدالله الصقري]

أقول عنّك سألني كل ما اشوفه
يا من غدى كل شي تشاهده عيني

[رحيل]

ياحبيبي وش اللي فيك ماهوب زين
وانت سيّد مغن الزين عادك نما

لـ اجلك احول الشعار متذوقين
لو غدا في ذوايقهم غرور زعما

اعتبر من يقول ان فيه منك اربعين
ياردي .. عقل ولّا في عيونه عما

انت مـ الله خلق منك سوى نسختين
نسخة فوق الارض ونسخة فـ السما

[عبدالله الصقري]

لو دريت انّك لصوتي تسمعين
كان كل الملح بي سكَّر نبآت

[الجووهره]

عسى المقابيل من بكـره تسايرنـا
تصفى مشاريبنا من عقب ماشانـت

ونصافح الصبـر ونـودّع عبايرنـا
ونكتب على جْداار غربة عمرنا هانت

وتمطر سمانا وتستسقـي ضمايرنـا
من غيمةٍ مابعد صارت ولاكانـت

ونسوق في لحظـة اللقيـا بشايرنـا
وغصون الأشجار لاجاها المطر لانت

[عبدالله الصقري]

انت الأصيل العــايــم بحد الاشفاق
اللي غزل في موج قلبي شعاعــه

[خيال مطير]

لعيونك اللي علمت قلبي الطيش
والبسمه اللي نورت لي مكاني
ورموشك اللي كنها للعدو جيش
اني لأخلي الليل له شكل ثاني
دامك وصلتي والحكي صار بشويش
وشلون انا ماأقول شعر وأغاني

[عبدالله الصقري]

دَخَلْت من باب للجنَّـــه
و خَرَجْت من بابها الثاني

[عذب]

لله دنياخلت القلب محتاس
ماعادفيها للصراحة شريعه
ولله ناس قلبها صار كراس
يكتب بها من مر ذكرى ربيعه
لاباس ياقلب شكى الهم لاباس
اصبرولو ضاقت عليك الوسيعة
بوحي

[عبدالله الصقري]

ياليلي الساهر و ياشمس الاشراق
لي خافق ٍ ويــــاك صـونه و راعـــه

لوّك تضمــه بين الاضلاع مـاضــاق
ولا قصر بالبعد شبره و بـــاعــــــه

داويه لامن ساقـه الهم و انســـاق
دوامـة الـدنـيـــا تزوّد ضـيـــاعـــــه

الصبـر .. و ان لاق المجـاريـح مالاق
للي على صبره يدوّر شـفـــاعــــه

ما كل مشتــاق ٍ ليـا قيل مشتــاق
متولّـع ٍ و فـراق الاحبــــاب لاعـــــه

[الجووهره]

طلبّت نفس القهوه إلي تحبيّن ,
ورشّـفت ذكرى آحلامنـآ / والأمــانــي !


و عشان آحس أنّك معي .. لين هـ / الحين ؟
حطيت فَ أقصى الطآولـه / كوب ثآني


لشآعرها. العذب
فهد المسآعد

[الشامخه]

‏تْعرف وش معنى تعيش بتفاني ؟
‏وإنك تكون إحساس عايش بلا قلب

‏جرب ولو ومره تخيّل عشاني
‏إنك تحب إنسان ما يعرف الحب !

[الشامخه]

‏أكبر .. همومي واوجعها
‏امضي حياتي على الفاضي

‏كل حاجه : ممكن اغيرها
‏إلا " حنيني إلى الماضي "

[رحيل]

اترك اللي ماا يحبك لو تموت ب حبه
واعرف ان القلب قلبك مالقيته طايح
م…¤م…¤
من بغى السبة على الفرقى بيلقى سبة
مير دور له سبب مدام . . . رايح رايح

[عبدالله الصقري]

أغيب والقاني على همي ارجع
على زمانن صعب ملّيت طبعه

باظلاعنا رمضاه تآآسَمْ و تطبع
و اقفى براد الليل بقفاي ربعه

[محمد الروقي]

انت خابر يوم اقول الك قافك في شي
النصيحه تنشرا والمجامل مايفيد

عود الها وبنها بني بناي{ن} لطي
كانك ابخبري تحب النصايح؟ مستفيد

[عبدالله الصقري]

حبيبي لو كتبتك شعر و لو جبت النجوم بيوت
فانا معذور لا هلّ و تبآهى بالسما نورك

ظلمت الليل و بدر الليل و خليت الهجوع قنوت
و سآيست السحآيب تجتمع في عآلي قصورك

[الشامخه]

‏بيض الله وجه أبـوي وين ما راح
‏يوم جعلكم يا خوالي خواليّ âپ§â€«

[محمد الروقي]

مداعبه بسيطه بيني وبين غروب المساعيد
منها اقول

الا ياغروب الي يبا يشتك الغربه
على من يشكيها عسى الله يزينها
يسج القدم والهاجس ايسج عن دربه
تضيع القصايد عن طوارق ملحنها
انا غربتي طالت ونا في طرف قربه
تدور الليالي غصب عن هقو ضامنها
جرحني وليف{ن}كنت اراهن على قربه
نعم ماتجيب الك المقادير ماعنها
انا منول امدح فيه بالشعر وفخربه
اثر فالغلا دروب تغشك مفاتها
الى
اخره

[عبدالله الصقري]

صحَّت السنتكم و سلمت قلوبكم
إبدآع في إبدآع

[عبدالله الصقري]

إنتي بـ ظلمة حيآتي شمعدآن
أو كما شمس النهآر المشرفه

و انتي اَعذب اسم ينطقه اللسآن
و اصدق احسآس اعرفه و ما أعرفه

[خيال مطير]

دار الهوى محمل حوامل لهوده
طار الكرى والدمع عمّال همّال
على مدلل دلّ دله ركوده
صارم هوى لا مال لاهل الهوى هال
حال الحلا والملح كله لعوده
كله على عودٍ للارواح سلال

[عبدالله الصقري]

ليت الهوى ما هب في القلب نوده
ليته تركني سالي و رايق البال

يمكن تلاقيني و لي ألف عوده
والا تعزّي فيني الاهل بالحال

ما كان علَّقني و نآدمت سوده
ليآل ٍ حكاياتها شلون تنقال

[عذب]

كل قلب وله طموح وكل شوق وله علامة
واعرف ان القول كلمات تصدقها الفعايل
واعرف ان الصد كبر وكل حر وله كرامة
والغلا في خافق العشاق يظهر له دلاليل
من تولم للعطا والوصل عدته الملامة
لكن النية مطية والظروف تكون حايل
راعي الهمة بيرقا لين ياصل للغمامة
الهروج كثار لكن ياصل القمة قلاليل
بوحي

[الشامخه]

‏أخاف .. الشوق والفقدان والحاجة
‏كثر ما صار عندي من الجفا عقدة
‏.
‏أنا ، حتى اللي متعوّد على إزعاجه
‏ليا منّي .. فقدت إزعاجه !.. أفتقده

[عبدالله الصقري]

أفتقدك و ينشغل بآلي عليك
لين احس انّي مسبِّب لك قلق

غصب عنّي يرتمي قلبي بـ يديك
فيه شريآن بسبآيبك انغلق

[ملكة الرواسي]

مآهو على كيفي أنَسَى لو بغيت أنسى
لو إنّي أقدر على النسيآن مآجيّتك ..
ومآهو على كيفي أقسى لو بغيت أقسَى
لو إن قلبي حجـر مآ كـآن حبّيتك ..

[محمد الروقي]

هيه والله مالفيتك ولي مقصود ومطامع
جيتي للي يعرف الدار ومقرب رجوعه

فالمثل قالو صدوف الوقت للحيين جامع
مير راع الطبع مايقدر يجنب عن طبوعه

العهد ماهوب انا الي يخلفه والله سامع
اختلط فيه نقا والطيب والنفس القنوعه

[محمد الروقي]

صح لساااانك ياعذب شاااااااااااااعر

والله انك عذب وجزل وتستاهل المتابعه

[خيال مطير]

أكبر خطأ إني من القلب حبيت..
ووفيت للي بالهوى ماوفآلي..
الحب ماهوبس خذني وأنا جيت..
الحب وقفه بين غالي وغالي..
كأنك تجاملني بقولتك حبيت!!
تقدر تبلني وتلقى بدالي ..

[عذب]

محمد الروقي
صح بدنك على الاعجاب وتسلم على الاشادة والمديح وتحياتي لك وللجميع من غير قصور

[الشامخه]

‏يقول حمد السعيد:

‏ياليتك على طيوفك قبل لا تجّي عييّت
‏ياليت الظروف أليا تمنيت طاعوني

‏ياأبو قلبٍ أطهر من ثيابك ليا صليت
‏يا أبو ضحكةٍ من تبتسم يبتسم كونيّ

‏وياأبو وجهٍ يغار القمر منك لا طليت
‏وش العمر من دونك ودنياي من دونك ؟

[محمد الروقي]

صح لسان ابو متعب
ويسعد قلبك يالشامخه على النقل الفاخر
الجزاله تفرض نفسها

[محمد الروقي]

ونا اقول ياحرف القصيد اسعف المحتاج
عسى حرفي الي جزالي جاز للغنجا

كما عود راك خالطه عود نبتت ساج
ثمر عودها تفاح وحلا من المنجا

[ملكة الرواسي]

فـي ذمتي صمتي يوصف غلاتك
لولا الغلا والحب ما صرت ساكت

[الشامخه]

الروقي صح بدنك،،
ويسعد قلبك يارب ع هالمديح والكلام الفاخر،،
وصح لسانك دايم مُبدع مهوب غريب عليك الابداع،،
ولاقصور بشعارنا والمتذوقين،،
ابدعتم دُمتم بخير:).

[محمد الروقي]

قالو تشوف القمر قلت ايه اشوفه قمر
من خد مضنون عيني تسطع القمرا
ولا شفتو الراك يطلع فوق جذعه ثمر
ماله حلي مع البيضا ولا السمرا

[ملكة الرواسي]

لاغبت ساعه فز قلبي يناديك"
كبير حبك لي وحبي لك اعظم

[عذب]

الاياحظي المقفي تراعندي عليك اعتــــاب
قبل لا تبتعد عني تعال وشيل شرهاتي
تصد بضحكتك عني واناالي ماحسبت احساب
عوافي كانهاهانت عليك اليوم عبراتي
من قصيدي

[محمد الروقي]

والله يالولا كلمة فيه تنقال
.....................لقول مافالقلب كانيه عنها

لكن يمكن شافت الهزل فالحال
......ويمكن تعرف الي لجا القلب منها

[ملكة الرواسي]

اللي معدنه طيب ما تغيره الظروف ..
‏والكفو يبقى كفو لو الزمن هد حيله ..

[محمد الروقي]

ياسلام على الذوق وهله

[عبدالله الصقري]

تخيَّل تعيش حآذر من ضيا شموعي
و اجي بـ كلّي مولَّع و الفؤآد اخضر

من صآدق الديم سآل زلآل ينبوعي
من ربنا شهد حآلي و حآلي المنظر

[ملكة الرواسي]

‏إبتسم في وجه خلق الله وسلم
طيبة الإنسان تصنع له مكاااانه

[عذب]

يالله يالمعبودياخالق الناس
ياللي بيدينك تملك الكون كله
تزيل عنا الهم والغم والباس
وتغفر جميع الذنب دقه وجله
وتجعل لنا عفوك وعافيتك لباس
وتجعل لنا امنك وامانك مظله
وثبت علينا الدين للقلب نبراس
اللي جعلته للبشر خير مله
ونحيا الحياة اللي بها نرفع الراس
ونموت مامرت علينا مذله
بوحي

[محمد الروقي]

صح لسانك ياعذب
والله اني قد كتبت كم بيت ومسحتها
من الي شفت هههه

[عبدالله الصقري]

يـا عـلّ يمنــاً ما يدسّمهـــا الشحـــم
تقطف خريف عروقهــا ما تداريـــه
و ياعلّ يهنـأ بالوســم راعي الغنــم
ما يـرتحـل ويطــارد الغيــم بالتيــــه
ويـا علّ قلبـــــ ٍ مثـل قلبي ما سلـــم
يصبـر على دنياً من الشـرّ تغنيـــــه
شعــل بهـا نـــار ٍعلى راس العلــــم
و اصبـح علـم للنـار والنـار تـلظيــه
فيهــا بقى مشلول ٍ و أبكــم أصــــم
ولا درى به كـود حرف ٍ يواسيـــــه
يـلـبّـي و يبني لــه المعـنى هــــــرم
وان جات هقوى بالتجـارب يلاقيــه
لا يا قصيــدي ما معي غيـرك حكـم
عنـدك حبيب وعـنـد قلبي معـنّـيــــه
غـلاه في قلبي تقسـّـــــم و اقتســــم
عهــد ٍ مربّيني و عهـــد ٍ مربّيـــــه
شـوفي من العـلاّت يغشـــاه العتــــم
كنّ العنـاكب تنسـج خيـوطهــا فيـــه
لا والله اللي صبّ في قلبـي حـمــــم
مْجـاوب ٍ غيـري وانا اللي منـاديـــه
رويتـــه بـ دمّ الأنـــامـل بــالـقـلــــــم
ثـم اعـتبــرنـي لعبــــة ٍ ما تسلّيـــــه

[عذب]

محمد الروقي
صح بدنك وتسلم على الاعجاب والمديح ولا عليك زود ومن يقرأ

[عبدالله الصقري]

سريت ب ليلـةٍ دهمـا من اعدآد الليالي العــوج
و رسّـتنـي بـ شـطّ ٍ نسمتــه تـستــلّ آهــــاتــي

على ذاك الشعاع اللي تناسق به ركود المــوج
جلست الملم اشـتــات ٍ تـبعثـــر في مسافــاتي

جلست وكنّي المسحور ادوّر في النجوم بروج
و اجمّع بين نجـم سهيـل و سهيـل ٍ علامـــاتي

و اخطط في مسـاليك الفلك مسيار لي و نهوج
تجمّع بين تصميمي . و ضحكاتي . و هفـواتي

[الجووهره]

ماشآء الله
على الابدآع والجزآله والحضور الجميل
صحت الالسن والاذوآق
ويعطيكم العآفيه

[الجووهره]

ياطاير الشوق وش جابك على جالـي ؟!
...... رميت عشك علـى جرحـي وثقلتـه

فتحت باب ٍ يجيب الريـح فـي بالـي
...... وشلون مدري ؟ وانا يـادوب قفلتـه !

[خيال مطير]

هيه يالي اغراك الليل واغراك النديم
هيه يالي هزك الشوق والمسرى ضياع
وقفي بين الخطأ والصراط المستقيم
وقفي بين التراحيب وكفوف الوداع
سولفي مثل المشاريه في صوت الحشيم
واسكتي مثل الشفايف لاطاح القناع
واضحكي مثل النواويير في روضة خريم
واغربي مثل المزاجات في غرب الرفاع

[الشامخه]

‏طبعي تغير وصرت الساكت الهادي
‏من جا رحبت به و من راح ودعتهّ .

[عبدالله الصقري]

أبـ أعتـرف .. ان الحيـاة اكـبــر سـجـن
لو ما بها من ورد الارواح اكسجين

[محمد الروقي]

وحد الله وذكره عشر عاشورا صمه
خابر الشيطان مايقرب الوجه الملاك

[الجووهره]

خلّ في صدرك ..على الدنيا قبول
واعرف ان الشمس تشرق لو تغيب

وعوّد لسانك : ليا ضاقت .. يقول
الأماني في رجا الله ما تخيب

[رحيل]

ياصاحبي مالي عن أحلامي غِنا
ما دام جنح الليل .. يقفاه النهار

تقول لي : احلم على قدّك .. و أنا
كبير و أحلامي على قدّي كبار

[عبدالله الصقري]

يـا ذا القلم كل المواجـيــع لك حِل
قل للسُّطورالبيض من ماي عِلِّي

يا شاهـد المشتـاق ويَّاك ما امل
ما دمت خِلَّك فَـ اَنت لا شك خلِّي

[خيال مطير]

هات القلم بكتب قصيدي على شــــان
أختار لي بين المثايل مثـايـــــــــل
دام القصيديمثل شــــــعور الانســــان
باحاول أعطي عن شعوري دلايـل
و أنا حسب عرفي على مــــر الأزمــان
عندالنشاما ماتضيع الجمايـــــــــل
و من يفعل المعروف ماهوب خســران
دام النوايا بيض والشك زايــــــل

[عبدالله الصقري]

شفت الأمـآنـي في تـواصيـفــك قيـود
يـوم الغــرق للحــرّ في شــطّ ظـآمـي

و اقبلت لك مفقـــود أو شبه مـولــود
قلب ٍ يحـلّ دمــآه تِــسـعِــيـــن رآمــي

ليه الّليـالي تسـدل رموشهــا السُّـــود
فيني و انا الّلي كُحلَهــا هــو عـلآمـي

دآمي , سِهِير . ودمعتي ريشة العـود
خـذ منظــر ٍ يغـنيـك عـن هـالـكـلامـي

[الشامخه]

‏أمّا تسابقنا على العز والطيب
‏ولّا معي يا صاحبي لا تردّا

‏فلا تدّور من ورانا عذاريب
‏حنا نشوف اهل الردا وانتعدّا .

[محمد الروقي]

زينها لا جات بالميزان زانه
تبهج الخاطر وتبعد كل ضيقه

والحلا فيها ليا جتلك ميانه
جعلها تالع بعد هذي حريقه

[رحيل]

يادلة العصر فكيني لوجه الله
وش جاب ريح القناد لقصة الماضي

ليا متى والحنين يدور الزله
ويضيق صدور خلق الله ع الفاضي

[عبدالله الصقري]

عقلك الرآجــح خـذلْـك بـ نآيبـــه
و النّـوائب دايمـا تخلف صــوآب

العـقـول اللي فـ صبـآهـا شآيبــه
في عيـونـك قـدّمـا تكبـر سـرآب

الليـــالي قــدّ مـا هـي جــايـبـــه
مـا خـذتـك بـ رحلـة ٍ يـمّ العـذاب

مـ انتـظــر حتّى تـجـيـب الغايبـه
يـكـفـي اني كل يــوم آصـكّ بـاب

الكلام اعـرف خـطـآه و صـآيبــه
خابره من سـآسـه اللي بالتـراب

و القـلـوب اللي تشـكّك خآيـبــه
الحســد روّح بها والحقــد جـآب

ليت يـا عيني عيــوني طآيـبــــه
من ظنونك ما لجى فيهـا شهـآب

ليتهـــا مـمّــآ تشوفــــه تـايـبـــه
كان ما التـفّـت حبـالـك بالرقــاب

[عذب]

الدمعة اللي عاندتني وطاحت
تعلقت مابين خدي والأهداب
عن مستكن الروح للناس باحت
عن سر قلب من هوى صاحبه ذاب
بوحي

[شاعرة نجد]

يحسب إنـه لاهجرنـي ضاقـت الدنيـا علـي
مادرى كثر الجفا من حضرته يجبر عزاي

والله إنـي لــو بغـيـت أجـرجـره مـثـل الطـلـي
بس أشوفه مايناسب لي ولا من مستواي

بقلمي

[خيال مطير]

يحسب إنـه لاهجرنـي ضاقـت الدنيـا علـي
مادرى كثر الجفا من حضرته يجبر عزاي

والله إنـي لــو بغـيـت أجـرجـره مـثـل الطـلـي
بس أشوفه مايناسب لي ولا من مستواي

بقلمي

صح لسانك
وصح قلمك
دمتِ بود

[خيال مطير]

يلي ذكرت الهجر و تحدد المهله
لا ماتروم الهجر لو قلت لي رايم
الهجر لاتحسب أنه مسأله سهله
الهجر يجرح خفوق العاشق الهايم
منهل شفايفك منه العين من نهله
لكن راعيها من منهلك صايم

فزاع

[الجووهره]

صح لسآنك شآعرتنا
ودآم ابدآع قلمك

[رحيل]

صح لسانتس نجد





انا اعشق الليل لو هو ينبش احلامي
مشاعري فــي حضوره ما اتصنعها

ان جاني النوم نمت و كـان ما جاني
اسهر على شاشة احـلامي واتابعها

[الجووهره]

بعد القلوب اشدّ من بعد الاجسام
مادام غصن الودّ طارت رفوفه

كم واحد نشوفه من العام للعام
اقرب من الّلي كل يومٍ نشوفه

[عبدالله الصقري]

نجد
و بيتين في الصميم
ك معلقه
دمتي بكل الابداع و اجمله
لك اجمل تحياتي

[الشامخه]

‏ما عاد لـ الأحلام ، والوقت قيمة
‏ وماعدت متحسّف على تضحياتي

‏ كانت سنين الطيش جداً عظيمة
‏ محتاج أرتّب من جديد أمنياتي :)

[محمد الروقي]

اليا لقيت امود لا تبدي السد
.................... لين اتعرف بنه حفيض لسدك
كم من عدو بان حسبته امود
.................... وكم من جروح جاتلك من مودك
بقلمي الرصاص

[عبدالله الصقري]

جيت مدري كيف جيت بـ هـ المكان
لين خَيَّـم في الجـوى صمتي ذهـول

جيت خفقة قلب مو صـوره و لسآن
أهــرج .. و كـلّـي ثـقـه فـيمـا أقـول

[خيال مطير]

أنا ادري فيه يلعب بي .. يبي يزودها أحزاني
............يبيها تجف أنهاري .. يبيها وردتي تذبل ..!
حفر قبري بهمساته .. وجاني حامل أكفاني
............يبيني أدفن إحساسي .. وأرضى بغيبته وأجفل ..!
كتبت فبيتي السابع .. كلام عنه ماأرضاني
.................كتبت إنة مايعنيني .. ودونه دنيتي أجمل

رزان

[عذب]

والله استحت ابيات شعري من البوح
حتى هجوسي بان فيها حياها
ماعاد فيني احرج القاف بشروح
واكتب قصيد بين عل وعساها
ومن كثر مارددت ابيات بوضوح
خجلت حروفي لاتفارق شفاها
دام القصيد بحرف الأشواق مفضوح
مانيب كاشف للعوالم خفاها
وش لي بشعر يدمي القلب بجروح
مادام بوح القاف يرجع صداها
بسكت واقول لبوح الابيات مسموح
مسموح لو تكتم هجوسك هواها
بوحي

[النجلاء]

والله استحت ابيات شعري من البوح
حتى هجوسي بان فيها حياها
ماعاد فيني احرج القاف بشروح
واكتب قصيد بين عل وعساها
ومن كثر مارددت ابيات بوضوح
خجلت حروفي لاتفارق شفاها
دام القصيد بحرف الأشواق مفضوح
مانيب كاشف للعوالم خفاها
وش لي بشعر يدمي القلب بجروح
مادام بوح القاف يرجع صداها
بسكت واقول لبوح الابيات مسموح
مسموح لو تكتم هجوسك هواها
بوحي

عذب
صح الله لسانك ملايين
مبدع وجزل وشهادتي فيك مجروحه شاعرنا
نص رائع تمنيت لو المشاركه في تاج القصيد حتى تاخذ القصيده حقها من الردود
دمت ودام مداد قلمك ورقي حرفك الفاخر
تقديري لسموك
النجلاء

[رحيل]

صح لسانك عذب
وانا مع راي النجلاء (:

[رحيل]

عسانا على حوض السعاده مواريد
وعسانا من اللي خير ربي عطاهم

[خيال مطير]

ناسِ ِ تشتري الناس بفلوس
وناسِ ِ تشتريهم بطيب الصنايع
وناسِ ِ ماغير تكثر الهرج والحُوس
وناسِ ِ رزينه في جميع المواقع
ناسِ ِ تشوف الحق وبرجولها تدوس
وناسِ ِ تخاف الرب في جميع المواضع
وناسِ ِ تبتسم وداخل تطحنك بضروس
وناسِ ِ تذكرك بالخير ولامن مطامع
وناس ِ ِ تسقيك من الهم كؤوس
وناسِِ ِ حبيبه تدلك لاصرت ضايع

[عابـر]

‏جيت أقول الكلام اللي بصدري و أروح
‏للضياع .. و ضياعي عقبك أربع جهات !

‏في عيوني دموع و في خفوقي جروح
‏و المشاوير من صمت لذبول لشتات !

‏كنّي اللي عجزت ألقى بدونك طموح
‏وإنت واقف ما بين الجاي و الذكريات !

‏ما بقى من رحل صوتك .. للأيام روح،
‏ولا بقت ضحكة و ليلة شعر و أمنيات!

[عبدالله الصقري]

أنا ماني بـ محتــاجــك خيـال
أشـوفه بس ما تمْسـكه يـدِّي

أبي من قبلمــا أنطق : تعـال
تجي وتقـول يالملتـاع هـدِّي

أحبّك واعرف انّك لي محـال
وانّك ناويٍ هجري و صـدِّي

و لكنّ الهـوى يا ابن الحلال
يبيِّـح دمعتي من فـوق خدِّي

[خيال مطير]

ودّي لو أهديك روحــــــي ولّا قلبي والوريد
كل مــــــــا تطلب حلالك لو طلبت حتى النّظر
الهديه ماهي إلّا رمز والرّمز مـــــــــــــا يفيد
لا تظن إنّي بوافــــــــق أشتري غرشت عطر
يا عطر عمري وحياتي يا قديمي والجــــــديد
هاك خذ عمري هديّة والله يفــــــــــداك العمر

[عبدالله الصقري]

يالله يامـنـشـي الـصّـنـوف الـكـايـنــه
ومـعـلــمٍ أوّل بــشـــرك اسـمــاؤهـــم

يـامـرجـيٍءٍ خـلـقـك لـسـاعـه ءآيـنــه
تـنـطــق بـأفـعــال العـبــاداجـســادهـم

ءآياتـهـا الصـغـرى مـضـت والبـايـنـه
كــبــرى وفيهـا الـمـهـدي ودجّــالـهــم

بشّــربـهـا فـتـن الـقــلــوب الـغـابـنــه
الجـــاحـديـن بـمــا عـطــى خـلآّقـهــم

نـجّـي برحمـتـك الـقـلـوب الفـاطـنــه
يامنجـيـن مـوســا بـأمــر اغـراقـهــم

الـدّيـن ماغـيـرك شـرعــت منـايـنــه
للمسـلـمـيـن المـرتـضـيـن إلـهــهــــم

[الشامخه]

‏اعتبرني حلم مرك على غفوة رقاد ،
‏" وانا بعتبرك قصه قريتها ولا كملتها "

[الجووهره]

كلامك اجمل من سكوتك اذا طال
اسمعك باحساسي ويضحك خفوقي

شفت المطر ، لابلل وجيه الاطفال
يشبهك ،، لابلل كلامك عروقي ..!

[خيال مطير]

اخر كلامك قلت لي منت مجبور..
وش رجعك بالله بعدك تبيني؟!
وصلتها لفراق ومنت معذور..
أبيع بايع واشتري مشتريني..
ومادام قلبك خالي احساس وشعور..
ماني بحاجة قلب ماحس فيني..

[عذب]

جعل من يبغى لديرتنا خراب
يفضحه ربي ويكشف غايته
وينقلب كيده وتخطيطه عذاب
فالحياة ونكس الله رايته
بوحي

[عبدالله الصقري]

ليتنا عن بعض ما نعشق نتوب
كان جل احساسنـا زاهي وندي

بـيِّـيـنـــآت العشق تدمى للقلوب
خص للي في المحـبَّــه مبـتـدي

الغـلآ مليـآن ءآهــآت و كروب
والفرح مدّ التجـافي لـ موعـدي

أبعد مْن الفجر لانفاس الغروب
واقرب لشوفي من الآن و غدي

بين قلب ٍ يـكـتـم الحب و يذوب
صرت أنطق إسمها في مرقدي

وبين حال ٍ تَوَّوه الروح بدروب
كيف يا خلي ليا ضعت اهـتـدي

[عبدالله الصقري]

‏اعتبرني حلم مرك على غفوة رقاد ،
‏" وانا بعتبرك قصه قريتها ولا كملتها "


صح لسانك وتظلين شامخه يالشامخه
اعجبني البيت هذا و تعبت اجاريه لأني ما عرفت بحره او ما عرفت اقراه المهم معناه جزل و جميل
فكانت هذه الابيات اتمنى تحوز رضاك والعذر لو ماهي على نفس البحر او القافيه والوزن

و ان غديتي حلمي و كابوسي و خرط القتآد !
كل يوم 2000 قصَّه ...... ليتني كمَّلتها

كلمـا أكتب ثـلاث سطـور لـبّ الـقلب قــآد
من قهر . من 1000 غصَّه بـْ ضِحْكْ بَدَّلتها

حسبي الله الشهيد العآلم قلوب العباد
موكل ٍ بـ امري و ملهمني معاني ٍ قلتها

مالوم الانسان لامن خآض أعظم جهاد
ما يدري الصدق وين . و ضآمني . و شلتها

ما بين ضحكات سن و سمّ ياما أبــاد
يقبِّل انفاس عطرك مؤمن ٍ ما التهى

[الجووهره]

صح لسآنك الصقري



مهما تضم قلوب وتفآرق قلوب
ان جتك خيره وان تعدتك خيره
لا تقتل أحلامك على شي مكتوب
الغصن يبقى حي لو طآرت عصآفيره

[عبدالله الصقري]

صح بدنك يالجوهره و سلمك ربي


ماهي بـ ضم قلوب و مفارق قلوب
من يومي الأول سلوك ٍ و سيره

ما يرقد المغلوب لو يصبح غلوب
لا صار في قلبه على الدين غيره

السمعه آخر ما تذكَّره الدروب
و انا بفضل الرب روحي طهيره

ما بددت عج الشياطين الهبوب
ولا اطلب من الرب غير الستيره

لولا غلاكم ماسوى صمتي ينوب
عن كل مابـ الجاش يصلى سعيره

لا تظلمون انسان من هرجة كذوب
مدري بها و الله عليمم السريره

[عبدالله الصقري]

هــذي البـلادالـلـي بـخـيــرك زايـنــه
أرض انبيـائـك والـرسـول ختـامـهــم

صـانـت مـشـاعـر ديـنـهـا وأمـاكـنـه
مـن رجــز عبّاد الـوثـن واظـلامـهـم

كرّمـتـهـا بـأطـهــر بــقــاع الـكـايـنـه
قبـلـة هــل الإســـلام فـــي بلـدانـهـم

جـــرّة خلـيـلـك والـحـجـر ومـئـآذنــه
ءآيــات أوّل بـيـت لــك يـبـنـى لـهــم

أمّـنــت بـرحـابـه نـفـوســن راكــنــه
لعبـادتـك رغــم اخـتـلاف اجنـاسـهـم

وبطيـبـه الــروض المـكـرّم سـاكـنـه
المصـطـفـى بـرسـالـتـك لابـلاغـهــم

فـيـهـا بـلــغ بـالـدّيـن كـــل مـأآمـنــه
ومنـهـا بـــدأ تاريـخـهـم وامـجـادهـم

أمّـــة بـمــا كـلّــل علـمـهـا مـئـامـنـه
أورثـتـهـا زمـــزم و فـيــه شـفـاؤهـم

[شاعرة نجد]

ياليل سولف لي بعيدٍ عن الناس
وأنـــا بـسـولـف لــــك خـفـايــا سْــــدودي

بـ اشكي لك هْمومي من الراس للـراس
أمــــــا يــــــزوول الـــهــــم والا يـــــــزودي

بقلمي,’’

[خيال مطير]

صح لسانك يابو محمد وصح لسانك شاعرتنا شاعرة نجد

شطحه خيال ~

يبه وينك !
تعب صوتي وملّيتك !
وملّيتك !
كذب من قال ملّيتك !
أو نسيتك ..
يبه كلّي يبي بيتك !


يبه تدري ..
معاد أحس بي / مدري !
أو إنّي من دريت
إن الأماني حلم .. ناديتك ..


يبه شفني أنا بنتك ..
حبيبة قلبك وعمرك ..
هذيك الطفلة اللي ياما لعبها أذاك ..
ولا تكلمت ..


يبه ... تذكر أغانينا أنا ويّاك ..
وسكّة حلمنا مع بعض ..
وصوتك لأنخلط مع بحة سكوتي ..
يبه حنّيت ..
ورب البيت ..
لـ أيام الشقا حنّيت ..
لدروب السهر و الحلم ..
وذاك الشارع المنفي ..
وضحكة أمي الخجلى ..
إلى من قلت ياليتك ..


يبه ... ودي أنا أحكي لك ..
عن أسراري ..
عن اللي صار بـ / أخباري ..
عن بكاي .. وقهر داري ..
عن الضّيق الي ساكني ..
ولبّسني معاه سكوت ..


وأبي أكثر من أحضانك ..
وأبي أكثر من أسوارك ..
أبيك تكتف يديني ..
وتسجني وسط روحك ..


يبه ناظرني بعينك ..
وعمّق نظرتك فيني ..
ولاحظ كل تفاصيلي ..
بتقرأ كل عناويني ..


بتقرأ هالتعب وشلون دمرني ..
وكيف إن الضحك فيني ..
غدى موجع ..
نعم موجع ..


يبه .. تكفى تعال شويّ ..
وأبي تسمعني بقلبك ..
يبه إسمع ..
ضجيج .. وزحمة من حولي ..
صدى مطعون بهمومي ..
وأنا من بينهم أشعر ..
بغربة إمتلت كوني ..


وأصوّت لك ..
وأنا عندك ..
وأنا جنبك ..
يبه : تسمع أحاديثي ..
وتسمع كيف أحتاجك ..
ابيك تمدّ لي يدّك ..
ابشعل فيني سراجك ..


يبه برحل ..
وبترك لك معاك حروف ..
إلى من جيت في بالك ..
تذكّرها ..

رزان العتيبي

[الشامخه]

‏سلامتك جعل اَكثر الخلق تفداك
‏حتى عـيونـي جـعلها فـدوتن لك
‏
‏ليت التعب يا غايـة الروح ماجاك
‏ليـت المرض لا من بغاك مـَايدلك ..!

[عبدالله الصقري]

صباح الخير و المسره

صح بدنك يا خيال و سلمك ربي
شاعرة نجد .. الشامخه
صحت السنتكم و دام تواجدكم الجميل

.
.
.


مـن بعـدمـا كـانـت قــرى متشاحـنــه
وحّــــد بــهــا عبـدالـعـزيـز لـوائـهــم

ردّالـريـاض احـلـى زهــور مـدائـنــه
وأيّـيـدتـه بـنـصـرك و لـــمّ شـتـاتـهـم

غـرســه جنـيـنـاه وثــمــار جـنـايـنـه
عـــز القـبـائـل واسـتـحــق ولائــهــم

شعبٍ على رغـم الظـروف الـراهنــه
شـامـخ بـوجـه المعتــديـن و داؤهــم

مـايـوم ننـقـض عهـدنـا و ضمـايـنـه
لــلّــه ولــلّــي شـمـسـنــا بـظـلالـهــم

شــعــب وفــــي ولاتــعــد مـحـاسـنـه
المملـكـه بـكــل الـجـهـات اوطـانـهــم

[عبدالله الصقري]

بالخنجر المسموم صآفَحني
و يقول وشبـ ايديك مدميَّه

[الشامخه]

صح لسانك وتظلين شامخه يالشامخه
اعجبني البيت هذا و تعبت اجاريه لأني ما عرفت بحره او ما عرفت اقراه المهم معناه جزل و جميل
فكانت هذه الابيات اتمنى تحوز رضاك والعذر لو ماهي على نفس البحر او القافيه والوزن

و ان غديتي حلمي و كابوسي و خرط القتآد !
كل يوم 2000 قصَّه ...... ليتني كمَّلتها

كلمـا أكتب ثـلاث سطـور لـبّ الـقلب قــآد
من قهر . من 1000 غصَّه بـْ ضِحْكْ بَدَّلتها

حسبي الله الشهيد العآلم قلوب العباد
موكل ٍ بـ امري و ملهمني معاني ٍ قلتها

مالوم الانسان لامن خآض أعظم جهاد
ما يدري الصدق وين . و ضآمني . و شلتها

ما بين ضحكات سن و سمّ ياما أبــاد
يقبِّل انفاس عطرك مؤمن ٍ ما التهى

شُكراً الصقري ع هالمديح والثناء..
وصح لسانكك ابدعت كما اعتدنا منك ،،
دُمت بخير ودام ابداعك ..
صح لسانك العذب كعادتك مبدع ،،
ولاقصور بالباقين ابدعتم جميع،،
دُمتم بخير .

[الشامخه]

دُمت شامخاً ي وطني..

https://m.youtube.com/watch?v=dRQ9d5RpkLQ

[عبدالله الصقري]

صح بدنك يالشامخه و أيضا صح لسانك و سلمك ربي
و ألف لاباس على ولدك ربي يشفيه و يقومه بالسلامه



أوّل مـشـاكــل عـصـرنــا و كـمـائـنـه
فـكـر اليـهـود ) مضيّيـعـيـن كتـابـهـم

غــزوٍ يـسـخّـر بالـغـوانـي المـاجـنــه
بـحـرٍ مــن الـغــيّ امـتــلأ بشبـاكـهــم

كــم سلّـطـوا سـكـيـن غـــدرٍ جـابـنــه
تـطـعـم بـــدمّ المسـلـمـيـن حـرابـهـــم

كـفّــار للـنـصــر الصلـيـبـي ضـامـنــه
حمـلاتـهــم صـــرّح بـهــا إعـلامـهـــم

دستـورنـا القـرءان و ربّــي صـايـنــه
مايبدّله بـ ( فرقان حق !!) إلحـادهــم

زادوا علـى السـبــع الكبـائــر ثـامـنــه
ومـلـعــون مـعـهـم مـتّـبـع فـرقـانـهــم

[الشامخه]

ياحي طبع اللي يصـون الصداقه
حتى لـو انّـه … مـا تعنّـى و سيَّـر

يحفـظ أصول المعـرفه.. والعلاقه
ويبقى على طول الدّهـر ماتغيّر