يالمزن علميني
عن ربيع السحابه
هو نبت قبل اشوفه
او بقا في مزونه

دام عيني ترجّا
في حروف الكتابه
علميني تراني
ما تقبل مهونه

اتودّد وقلبي
مايتحمل غيابه
عمري وكل مالي
جعل تفدا عيونه

كان غيثه زرع له
ورد في وسط غابه
باتحزم بصبري
واطلب الله معونه

والله انه بنى له
قصر كله رحابه
فرشه عروق صدري
والضلوع ايحمونه

وان بقت فيه ديمه
ما سكبها ربابه
علميه بشعوري
قبل ترمش جفونه

ماني اقبل يجيني
قلب يرجي حبابه
مالقيت لوجودي
في زوايا ركونه

صدقي اللي كتبته
في الشعر والاجابه
ودي اقرا شعوره
والحنايا يبونه

الفضا لو مشيته
ويش ابي في سرابه
دامني مارتويته
ما رضيت بطعونه

الغبينه غبينه
والهوا يا صوابه
والليالي شقيه
لا سهرنا بدونه

عبدالله الصقري ,ملكة الرواسي ,الجووهره و 4 آخرون معجبون بهذا

خيال مطير ,رحيل ,غمام ,محمد الغنامي

الله الله
مشبب العاصمي
صح لسانك مليون يالجزل
ابداع في ابداع منقطع النظير
سجل اعجابي وتقديري
يسبقه ختم التميز
والتقييم

ماشاء الله تبارك
ابداع
ربي يزيدك من فضله

الله الله
صح لسانك على هالجميلة
ويعطيك العافيه على هالابداع

مع احترامي وتقديري لمن هم هنا=ممنون انا واتشكر للزميله رحيل
لو صار عن شكرها بالهجس ضعف ونا=الطيب الطيب اللي مبتدي بالجميل
لفعولها الطيبه من قبل سامك بنا=بنت اصل عن ما عليه مربيه ما تميل

ارحب ابو فهد وصح السانك حد رضاك
قصيدة شامخة موشحة بالجمال لافض فوك
اسعدني المرور من خلالها والله يحيك طولت علينا
اجمل تحية

لاصرت في صحتك والحال مستور = يغنيك عن بعض الرفاقه رفاقه
منتب على طرد المقفين مجبور = أما الوصل وإلا بلاش العلاقه

صح لسانك وحروفك العذبة
وسلمت اناملك الذهبية
تحياااااتي معطرة بخالص المودة

صح لسانك وسلم بنانك

شاعرنا

لاهنت على النص الجزل والرائع

دمت ودام حضورك الجميل