![]() |
علميني
يالمزن علميني
عن ربيع السحابه هو نبت قبل اشوفه او بقا في مزونه دام عيني ترجّا في حروف الكتابه علميني تراني ما تقبل مهونه اتودّد وقلبي مايتحمل غيابه عمري وكل مالي جعل تفدا عيونه كان غيثه زرع له ورد في وسط غابه باتحزم بصبري واطلب الله معونه والله انه بنى له قصر كله رحابه فرشه عروق صدري والضلوع ايحمونه وان بقت فيه ديمه ما سكبها ربابه علميه بشعوري قبل ترمش جفونه ماني اقبل يجيني قلب يرجي حبابه مالقيت لوجودي في زوايا ركونه صدقي اللي كتبته في الشعر والاجابه ودي اقرا شعوره والحنايا يبونه الفضا لو مشيته ويش ابي في سرابه دامني مارتويته ما رضيت بطعونه الغبينه غبينه والهوا يا صوابه والليالي شقيه لا سهرنا بدونه |
الله الله
مشبب العاصمي صح لسانك مليون يالجزل ابداع في ابداع منقطع النظير سجل اعجابي وتقديري يسبقه ختم التميز والتقييم |
ماشاء الله تبارك
ابداع ربي يزيدك من فضله |
الله الله
صح لسانك على هالجميلة ويعطيك العافيه على هالابداع |
ارحب ابو فهد وصح السانك حد رضاك
قصيدة شامخة موشحة بالجمال لافض فوك اسعدني المرور من خلالها والله يحيك طولت علينا اجمل تحية |
صح لسانك وحروفك العذبة
وسلمت اناملك الذهبية تحياااااتي معطرة بخالص المودة |
اقتباس:
وصح الله بدنك واسعدني جدا حضورك في قصيدتي المتواضعه ورايك وسام لا عدمتك 🌹 |
صح لسانك وسلم بنانك
شاعرنا لاهنت على النص الجزل والرائع دمت ودام حضورك الجميل |
| الساعة الآن 08:07 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir