تحالف جيش الاهداب ارتخى من نظرة المبهوت=وجاه امداد من حالـك سـواد وشـن غاراتـه
شهر حدب السيوف ايعاز فعل ولا يبين الصوت=جفن كسل الحيا يا قو باسـه وقـت هجماتـه
ليا اوردهن يسوقن المنايا مـا عليـه اثبـوت=شراسة جيشـه الغاشـم يوجههـا بنظراتـه
بغيت ارجّع الهجمة بصـدي للنظـر ويفـوت=لكّـن متعمـد التركيـز يستعـرض بقـواتـه
ورضيت انه يوجههن لصدري مانسيت الموت=ولو ماصرت درع ًدون غيري كثـروا امواتـه
و على بعد المسافة كنه استخدم سحر هـاروت=سطى بين الحنايا سهم متمكـن مـن اثباتـه

,
,,
,

ياصاحبي عطني من الوصل قرطوع =وتشوف وصل ماتجيه القطيعة
والاترى حبي مثل حبّة الكوع =مانيب من يمشي معك بالخديعة

,
,,
,

خفف تراك ادميت جرحي ولا شفت = مني جزاء غير الوفاء والكرامـة
خفف ترى ما فيه في يوم والفـت = غيرك وباقي لك بصدري علامـه
خفف ما دامك في هوايه تحسفـت = درب البعاد , انا امتطي له سنامه
خفف تراي اقفيت من يوم صادفت = طعنة سهومك , قلت وين السلامة

,
,,
,

الضريبه سهر ليل وهم بعـد وقـل ريّـا=بل ريق اللي نشف ريقه ولاغيرك طبيبـه
اسقي العطشان من نبع الزلال وقرب فيّـا=ليه عن بعد المزارق بالسهوم اللي رهيبه؟
بالوصوف اشغلت تفكيرٍ تمادى عنجهيـا=ماقدر يرتد طرف العين عن طيفٍ طليبـه

,
,,
,