عذابي من اللي حط في وسط صدري هم=وخلّا همومي بالتناهيت مصحوبه
الا ياوجودي كل مامر ماسلّم=واللا ياوجودي لاتذكرت مكتوبه
عشقته من اعماقي وقلبي له استسلم=ورجلي ليا من سقتها روّحت صوبه
لكنه تغيّر وادري ان عاده بيندم=حسافه وليفي ماعرف قدر محبوبه
تغيّر علي واخطاه قصرت ..ولايعلم=عن اللي جرا للحال والسبّة اسلوبه
تصبّرت لكنّه على قطع وصلي هم=وانا خابرن اني كان زاده ومشروبه
وقفّى وانا ماكنت احسبه ايعرف الظلم=صحيح ان غلطات المواليف محسوبه
الا ليت به قاضي ..بدرب الهوا.. يحكم=على شان خلّي يعترف باكبر ذنوبه
والا ياعسانا نجتمع..والشمل يلتم=وترجع علي فرحات من وقت..مسلوبه
والا يالذي ماتعرف الحب ..تبغي علم..؟؟=انا عشت قصّة حب ..واقول لك..توبه