السلام عليكم ورحمة الله وبركاته
مساء الخير/ صباح الخير

اتمنى ان الجميع في تمام الصحه والعافيه
لكم هذه المشاركه الثانيه
واتمنى ان تنال اعجابكم

يالبيوت الوافيات المرجهنـّه=انهضى لي هاجسي ند القصايد
وانصتن لي لين هرجي تسمع انـّه=موقف (ن) حساس في صدري وقايد
مع حبيب (ن) هيض اللي مستكنـّه=من جروح وهاضني بدع الفرايد
يوم طال غياب نور العين كنـّه!=يدري مضرب ميسمـه فالكبد جايد
جاء ولا خيب رجى اللي صاب ضنـّه=لابس (ن) زين البشر لبس القلايد
قلت وينك..! مانبى لصبر منـّه=لاتغيب اليوم يكفيني فقـايد
قال ويش الصبر..! مع شي(ن) وكنـّه=حبك اللي علم القلب الشدايد
واتضح لي ؟ شي (ن) ابقلبـه يكنـّه=قلت ويش العلم ! قال العلم كايد
السوادي حبنــا مايخلفـنــّه=والسوادي عندهم يعني (عوايد)
طيرك اللي في رجاه اليوم هنـّه=بالجروح ونشر هـمه فالجرايد
ماكتب لك والليالي ممهلـنـّه=وهل دمعه فوق خدينـه طرايد
قلت:شوفك يابعد من سار جنـّه=عيد قلبي جعل عيدك دوم عايد
بس تذكر من على شانك شعنـّه؟=الهموم اللي على صدره وتايد
ثُمّ قفى واقتفــاه القلب لنـّه=خابرن لاراح مـرواح الشرايد