جـيـت تـالـي لـلـيـل والـعـالـم نـيــام=جـيـت وأنفـاسـي لـهـا حـــس ودوي
جيت وشواقي علـى صـدري وسـام=جيت وجمـر الشـوق كاوينـي كـوي
اه ياجرحي غدى حالي عدام= ماقويت احويه وعيا يحتوي
يـا شقـا قلبي مــن أسباب الـغـرام=ويا بـري حالـي علـى الـلـي مهتوي
صـحـت أنــادي وتشعـبـث بالـعـسـام=وفـي خيـوط الليـل شوفـي يلـتـوي
مالـقـى صـوتـي جـوابـن يــا حـــرام=كـود صـوت الذيـب يومنـه ايعوي
صـرت أخايـل نجمهـا شرقـن وشــام=والشقا باقي وليلي اسروي
اتحلا بالصبر والصبر دام=وليلنا موحش ولا عندي خوي
عمست أنظاري ووضعي ما يسام=ودمعـتـي سـالـت وخـــدي مـرتــوي
اشـتـكـي لـلـيــل مــــن زود الـهـيــام=من بقايا جرح فيني منزوي
أصبحت دنياي مسرح للخصام=وصفحة ايامي عيت تنطوي
ما قـويـت اشـكـي وصـــرح بـالـكـلام=عن بقايا عشق من عشق أبدوي
فالختام اطلب من الله السلام=يرفع القالات من قبل أتهوي