الوقت جايـر والعيـون الحزينـه=سالت مدامعها على خـد مشتـاق
وقلبٍ فقـد غاليـه ربـي يعينـه=فـي داخلـه نـارٍ توقـد وحـراق
يسري مع الونـات زايـد ونينـه=ونين ساطي فـي محانيـه دفـاق
تفـرق الخـلان وبيـح كنيـنـه=خطير قلبي ياعرب صـار منعـاق
يذكر زمـانٍ لـه تعـدت سنينـه=ايام حلـوه مابهـا بعد وفـراق
تكفـون يالخـلان موجـع حنينـه=من عقبكم دنيـاي ماعـاد تنطـاق
الليـل ينبشلـي جـروحٍ دفيـنـه=والهم طاولني إلى حـد الاشـراق
جرحي عميق وبعضكـم عارفينـه=واللي فقد غاليـه للحيـن مافـاق
طبع الليالـي بالمفـارق عوينـه=الله حسيب الوقـت ياكثـر مابـاق
الموت حق وكلنا ذايقينه=مؤمن ولكن ويش اسوي بخفاق
يالله يالـلـي كلـنـا مرتجيـنـه=تلطف بعبدٍ من عناء الوقت ماراق
ورحماك ربي كـل وقـتٍ تزينـه=وتجبر بدمعه من عناء الوقت تنراق
وارفق بقلبٍ هيضـه دمـع عينـه=في داخله جفت اغصونـه والاوراق