ديرة هل آلافراح مانيب حولها=كلمه بخاطر بدر وده يقولها
الحزن طوقني وحطّم عزومي=ودمعه على الخدّين تعلن نزولها
راحت غناتي والمخاليق مادروا=إني بعقده صعبٍ ألقى حلولها
من بعد ماراحت ولا عاد بيّنت=أمطار جرحي عزّمت في هطولها
ياشعيل نوّخ وإحمل اللي بخاطري=ياشعيل ماظنّه يعوقك حمولها
وأرحل بها صوب الحبيبه وقل لها=دنياي زادت عقبها في ميولها
الله يرجعها على دار خلها=وأنال حاجه ماخسر من ينولها
قرب الحبيبه والوناسه بقربها=تسواك ياعرض الأراضي وطولها
علّقت في شمّاعة الحلم حلمي=وادي حلومي صعب يدّي تطولها
لكن عسى ربي يعجّل لي الفرج=وأمطار جرحي تعتذر عن هطولها !!