بسم الله الرحمن الرحيم

الأخوة الأعزاء

السلام عليكم ورحمة الله وبركاته
يسرنا أن نضع بين أيديكم القصائد الخمس المرشحة للتصويت
واللتي نتمنى بأن ترتقي لذوائقكم


القصيدة الأولى

قُطِعَتْ يَمِينُكَ وَالشِّمَالُ كَذَاكَا=بَلْ شُلَّتَا كَيْ لاَ تُطِيقَ حِرَاكَا
يَا أَيُّهَا الْوَغْدُ الدَّنِيءُ أَلَمْ تَخَفْ=مِمَّنْ بِأَحْسَنِ صُورَةٍ سَوَّاكَا ؟
كَيْفَ اجْتَرَأْتَ عَلَى الرَّسُولِ مُحَمَّدٍ ؟=ثَكِلَتْكَ أُمُّكَ ، وَانْطَفَتْ عَيْنَاكَا
أَوَمَا عَلِمْتَ بِأَنَّهُ خَيْرُ الْوَرَى ؟!!=تَبَّتْ يَدَاكَ ، وَتَبَّ مَنْ رَبَّاكَا
اخْسَأْ جُعِلْتَ فِدَا شِرَاكِ نِعَالِهِ=قَطَعَ الإِلَهُ لِسَانَكَ الأَفَّاكَا
غَضَبُ الإِلَهِ يُصَبُّ فَوْقَكَ وَالَّذِّي=بَالْقَوْلِ أَوْ بِالْفِعْلِ قَدْ وَالاَكَا
يَا عَابِداً خَشَبَ الصَّلِيبِ مُثَلِّثاً=هَلْ تَعْرِفَنْ مَنْ كَوَّنَ الأَفْلاَكَا ؟
(( إِنْ كُنْتَ لاَ تَدْرِي فَتِلْكَ مُصِيبَةٌ=أَوْ كُنْتَ تَدْرِي )) فَاسْتَبِنْ مَسْعَاكَا
كَيْفَ اسْتَوَوْا فَوْقَ السَّمَاءِ ثَلاَثَةٌ ؟=قَدْ ضَلَّ سَعْيُكَ وَالرَّجِيم اغْوَاكَا
ارْجِعْ لِرُشْدِكَ وَاعْتَذِرْ عَنْ فِرْيَةٍ=مِنْ هَوْلِهَا كَادَتْ تَمِيدُ خُطَاكَا
أَمَّا الرَّسُولُ فَدُونَهُ أَرْوَاحُنَا=لَنْ تَسْتَطِيعَ وُصُولَهُ يَا ذَاكَا
يَا خَيْرَ خَلْقِ اللهِ لاَ تَحْفِلْ بِهِمْ=فَاللهُ أَكَّدَ بَتْرَ مَنْ يَشْنَاكَا
رُوحِي فِدَاكَ وَمَا مَلَكْتُ مِنَ الدُّنَا=وَأَبِي وَاُمِّي وَالْبَنُونَ فِدَاكَا
نَمْ فِي ثَرَاكَ قَرِيرَ عَيْنٍ رَاضِياً=عَنْ أُمَّةٍ لَمْ تَبْغِ غَيْرَ هُدَاكَا
غَضِبُوا لأَجْلِكَ غَضْبَةً مُضَرِيَّةً=فَتَوَحَّدُوا فِي الصَّفِ تَحْتَ لِوَاكَا
هَذَا الأَقَلُّ مِنَ الْقَلِيلِ كَوَاجِبٍ=لِرَضَى إِلَهِ الْعَرْشِ ثُمَّ رِضَاكَا
صَلَّى عَلَيْكَ اللهُ فَوْقَ سَمَائِهِ=وَالْمُؤْمِنُونَ بِأَمْرِ مَنْ نَبَّاكَا
يَا خَاتَمَ الرُّسُلِ الْكِرَامِ تَحِيَّةً=مِمَّنْ تَأَذَّى مِنْ صَنِيعِ عِدَاكَا
نَظَمَ الْقَرِيضَ مُدَافِعاً وَمُنَافِحاً=وَهُوَ الْقَلِيلُ مِنَ الَّذِي يَهْوَاكَا
يَرْجُو بِهَا عِنْدَ الإِلَهِ شَفَاعَةً=لَهُ فِي نَهَارِ الْحَشْرِ عِنْدَ لِقَاكَا

للضروره حِل لو منت بحلال = والضروره موت من صدك يحّل
ما الحرام إلا جفاك آعن الوصال = دام عشقك فالحنايا له محّل
علتي فرقاك وأزداد إعتلال = يوم طيفك عن عيوني يرتحّل
صبر ياشين الصبر دون إحتمال = كيف بصبر وأنت عني تضمحّل
ماأقدر أسلو عنك يانبع الدلال = وأنت عشقٍ ساكنٍ بي مستحّل
يامحال الوصف أقول إلك المحال = قرب غيرك لو وصوفك ينتحّل
حِل بي وأرو العطش ريق زلال = شوفني في غيبتك حال نحّل
للضروره حِل ياكل الحلال = والضرر من صدتك موتي يحّل

الصدر ضاق وضيقة الصدر عاده=وقلب العنا دايم على طول مهموم
فاالليل كلٍ يهتني في رقاده= وانا عيوني حاربت لذة النوم
مدري رداة الحظ ولا قراده=ولا من المولى مقدر ومقسوم
اشوف ناسٍ عايشه في سعاده= وانا السعادة ما عرفتني ولا يوم
صبرت مير الصبر ما فية فاده=واللي نريده عود اوهام واحلوم
راع االمحبة ما تحقق مراده=دونه وقف حظه وحساد والقوم
يااهل المعرفه ما تحمل زياده=ما يصبر الرجال لا صار مظلوم
اقولها عندي عليها شهاده= شهادتي قلبٍ من الوصل محروم

على كومة تجارب متكي في عزلتي كني=على فعل الزمن شاهد عجزت اجاري ضعونه
وفي شكله ولونه يوم شكلني ولوني=عطاني وجه مشؤم وعطيته نفس مفتونه
وأخذت أصعب دروسه من شقاي . وطحت لكني:=سبقت الشامت بوقفه تكذب شوفة عيونه
تجاهلت الجروح اللي على التهميش لامني=وعلى لحن الفرح غنيت حزني لا تحسونه
أنا ما ابكي على ما راح لي فالوقت رغم إني=فقدت برحلتي حلم الوجود وعشت من دونه
وعسا شهب الغصون اللي من أول خضر يفدني=وجودي ما تكرم في ثرى للجذر وغصونه
وإذا يا وقت ما حققت حلم أيامي .. ادفني=في برزخ ياس وادفن ما بقا من عمري وصونه
عن آمالي ابا اغضي في تفاءل . وانشغل عني=اخاف اصحي مواجع في زوايا الصدر مركونه
وتغازلك أمنياتي وانت يا اخر حلم مستني=لكن ارحل عن المحروم منك وحل عن كونه
مضت وسمية احلامي ولا ابغا اعيش متمني=يكفي ما مضا والحال .. كيف الحال .؟ وش لونه.؟
خسرت وما ربحت إلا القليل اللي بقا مني=في تربة أرض وهميه .. زرعت أفكار مجنونه
تحديت الزمان اللي لياليه أخلفت ظني=وحيرت أكثر الناس بمدى صمتي ومضمونه
وأنا أقرى في ورق ذكراي قصة حزني اغني=وهم يوم إسألوني كيف ..؟ قلت اللي تشوفونه
ولو قالو ما هو منّك ..أقول ألف لكم فني= من وجوه التناقض سالفه وأبيات موزونه
ابا اخفي كل طعنة فوقها النظرات تطعني=وأشتت كل فكره تستدر الصدق وتخونه
أضحكهم وأنا صادق بضحكة سني وسني=وابكيهم على معنا ما يدروا ليش .. يبكونه
وأنا أول كنت أصون الشعر احسبه كان صايني=لكن الحين أبا أسرف فأجمل حروفه وبلحونه
أصونه ليش ..؟ يا عالم وهو من وقت خاينّي=تذاكر رحلتي عنده على ( تكفون ) مرهونه
وعلى خبره من ظروف الحياه اللي توالنّي=اعرف إن المآمن بعضها ما هي بمأمونه
قناعاتي غريبه كانت .. وغيرتها لاني=فم اللهفه نويت أقفّله واقلّع سنونه
ولا املا دلة إعجابي لا فاحت غير من بني=ولا اسمع ما يقولونه على ذمة يقولونه
ولا عاد التفت في كل متحلي ومتحني=ولا اسأل هذا وش نوعه وهذا وش يسمونه
وعلى غير الوفاء ..الحب العنه من قلب وألعني=لو ارجع له وفي صدري مازالت باقي طعونه
واذا كان الحلا دايم هو اكثر شي يفتني=ابا أغضي قد ما اقدر عن سنا البراق ومزونه
على دربي وإذا شفت الخطر ناوي ومتجني=أقول لناظري احذر أمامك بنت مزيونه
أبي أهدا وأبي قلبي يريحني ويسكني=وأبي اجمع بقايا أشلائي .. من اوهام ملعونه

لاتطري الفرقا على من يودك=القلب من فرقاك يالترف منصاب
ابحرت في حبك على كيف ودك=وسلمت لك قلبٍ غريقٍ ومرتاب
ودربي مشيته لين وقف بحدك=والشوق في قلبي مقيمٍ وغلاب
ونصحت قلبي بالوفا لايهدك=لجلك حياتي والملا عندي اغراب
انا معك والله مانيب ضدك=لجلك جفيت القرب من كل الاصحاب
حبل الوصل لايقطعه زود صدك=انا دخيلك في حِمى سود الاهداب
اتعبت قلبي بين جزرك ومدك=وجرحك بقلبي ساطيٍ وانت الاسباب
وبيحت سدي وانت من باح سدك=يالله دخيلك من عنا هجر الاحباب
وازريت اميز بين مزحك وجدك=وعرفت فيك إنك على الود لعاب
وارسلتلك قلبٍ شغوفٍ لردك=ارجوك ردك لايجي هجر وعتاب
ابطى جوابك جاك منهو يلدك=كل المعاني صك من دونها الباب
لوكان قلبي من غلاتك بيدك=حرٍ يعاف الهون للمجد طلاب
ون جار وقتك هان منهو يضدك=اذكر رفيقٍ كل ماشنت له طاب
اسمح لي ارحل لوحياتي بحدك=اموت في القمه على راس مرقاب