ياونةٍ فالصدر هيدي واركدي=لا تطلقين الهم في كل اتجاه
انتي بصدرن بالمحبه مبتدي=مامعه خبره فالمحبه والحياه
العين من زود السهر ماتهجدي=كني غريق ولا لقى طوق النجاه
اسري مع الذكرى وليلي سرمدي=عزي لابو قلبن خضر حظه عصاه
على وليفن في شمال الاحمدي=والباقيه متعاهدن ماكشف خفاه
يومن عض التوت في حب بردي=مدري اطالع فيه ولا ابكي معاه
الناس دايم ماتحب المعتدي=وانا حبيب القلب من اكبر عداه
من يوم خلاني وانا غاسل يدي=من ردته والقلب مدري وش بلاه
تبع المقفي عيب قالوا ياجودي=ماهوب كيفي ياعرب قلبي يباه
ما اشكي على عبد العزيز المرشدي=ماتنفع الشكوى على غير الاله
لكن ابى تبرير للحظ الردي=والمرشدي شاعر ولا عنه غناه
ابغى نصيحه من زميلي وسندي=عز الله انه مايخيب اللي نصاه
والخاتمه وعداد ماهل بردي=ازكى سلامن للنبي وافضل صلاه

ياهاجس ٍ جفـف شـذى الـورد النـدي = ثـارت براكينـه وانــا ارقّــع وراه
سِديتْ دونـه حاجـز الموجـز سـدي = وبيّحت مافـي داخلـي لا آخـر مـداه
البارحـه والجـفـن عـيـا يـرقـدي = الهاجس اشغلني وصرت اركـض وراه
والعلم غيـر .. وقـام يحدانـي حـدي = من واحـد يمـي مطـرش لـه وصـاه
ياكاسـب النامـوس .. جيْتـك يابعـدي = ابشر بعزك .. والجـدي باعـلا سمـاه
عطني يدك .. ياصاحبي .. وامسك يدي = واسمع كلام اللي خذا .. الدرس وقـراه
انتـه تقـول العلـم .. وتـردّ تحـدي = طرد المقفي عيـب .. لا تبكـي عـلاه
لا تتبع المقفـي .. لـو انـك مجهـدي = اشمخ .. وغن ّ .. وخل من قفت خطـاه
وابك انت .. راس .. ومن يجيلك يسعدي = ومن لا يبيك .. إبعد عنه واتـرك نحـاه
انسـه ومـن جابـه يجيـب وتبـردي = لواهبك .. وتطـب فـي سـوق الغنـاه
نصيحتي .. لك .. من خفوقي وجهـدي = تلقـا بدالـه غيـر .. وأرفـع مستـواه
من لا وفالـك .. لـو يجيـد المشهـدي = جنب عنه .. خلـه يمثـل فـي خـلاه
والمعـذره بالـرد .. والعـذر بـعـدي = واقبـل تحيـة شاعـر ٍ كثـف عطـاه
تمـت وصلـو عـدّ مابـان الـجـدي = علـى رسـول ٍ تتبـع الامـه هــداه