المشاركة الأصلية كتبت بواسطة سلمى

سواياك تحداني على البعد والهجران
ويخرجني الإحساس بالشوق من طوري
تراودني ايام الصداقه عن السلوان
وأحث القدم لو الغلا عاصيٍ شوري
ولولا شعوري بالعطاء منك والحرمان
تساوى غيابي عند الأفكار وحضوري
غرامك يشجعني على حبكة القيفان
عشان انصفك ماهو على شان جمهوري
أعزك مثل ما اعز وجهي عن الخذلان
واحبك كثر ما عزة النفس دستوري
فداك الهجر والوصل والخاطر الزعلان
وما جاك من حبي ومن خافي شعوري
وأنا منك ما ابغى لا معزه ولا عرفان
عسى الله يزين ما تردى من أموري
قديم العوايد ما تغير مع الأزمان
على حسب منظور المحبه ومنظوري
عليك الله أكبر كثر ما خاطري شفقان
وعلى كثر ما دقيت يوم اذكرك زوري

سلمى