السلام عليكم

أخواني رواد هذا الصرح

لكم هذه الابيات المتواضعه


نـــ.....ـداأأأأويـــااات

اليوم هذا اليوم لا عاد من يوم=شلت الحمول وضاق صدري عليه
أصد ما ودي على كثرة اللوم = وأهل دمع العين من مكرهيه
أسيّر الخطوه وأنا أطيح وأقوم=وعلي جورات المودع قويه
اللي وداده داخل القلب مرسوم=عني رحل ما بين صبح وعشيه
احزن على فرقاه مع دايم الدوم =ويبقى وداده بالضلوع الحنيه
أقولها لو كنت بالوقت محروم = والله ورب البيت ما شفت زيه

ما فادني كثر الحكي والمجامل =علم ٍ كتبته ثابت ٍ للتواريخ
ما فيه شخص بالمخاليق كامل=لو هو رقى فوق الجبال الشواميخ

وشلون أعبر كيف والحاله كدر=والصدر ضايق في زمانه وعتمه
وأنا اللذي مطعون في قلبي غدر=من صاحب ٍ غالي رماني بأسهمه
وأقفى وأخلا رميته وسط النحر=يوم أرتفع برج الوفاء جاء وأهدمه

قلبي عليك ونظرة العين يمك = شفني معك من وين ما سارت اخطاك
ارحم خفوق ٍ شال همه وهمك =عايش مع العالم على صيت طرياك
يا عطر ريضان الفلا كيف أشمك= وأحي بقلبي دامني مأقدر انساك

أرجع وأقلب ذكرياتين من اسنين=والقا بها يا روح قلبي شقايه
ويفيض دمع الشوق من محجر العين=صحيح مغرم بك وهذا بلايه
اول علاقتنا روابط قوانين=اليوم تفرق عن هذيك البدايه
لا غبت عني ضاق صدري على الحين=وان جيت عمت فرحتي في سمايه

أروح وأرجع وألتفت للمسنجر = دون الظهور اكون حتى وصولك
غيرك يسجل ما ألتفت وله ولا انظر = والا انت اردد يا هلا مع دخولك

يا صاحبي وينك عن الناس مفقود=لأنته على الجوال وألا المسنجر
عن عالمي غـيـّب يا لين العود=تعالي شف حالي بدا فيه دنجر
أرحم خفوقن من محبتك مضهود =اليا متى مغليك بالهم ينجر

يا سعود لا تبحث خفى وضعي اليوم=أنـا معـذّب والحيـاه أبلشتـنـي
لا جاتي لي ساعه وأنا ودي أقـوم=دارت دواليـب الدهـر وأربشتنـي
وأسج في بحر الهواجيـس وأعـوم=لين الهواجس من عناهـا حشتنـي

أقفت وهلت يا فهد دمعت العين = في ساعتن منها تزايد بلايه
وقفّت في حيره وانا اقول بعدين =ترجع وتحيا ذكراياتي معايه
لكن مضى من يومها اسنين واسنين=وانا اترقب لين طول عمايه

تقديري لكم
أخوكم

عبدالرحمن الميموني