مساء الخير اخواني اعضاء الرواسي
قصيده كيبورديه متواضعه اتمنى انها تحوز غلى رضاكم

جيتك وانا مقتنع باللي تقولينه=مغرم وحبك اكيد يرجعه ذاته
الا المفارق وطاري البعد ياشينه=كله ولا لوعة الهجران وآهاته
لكن عندي طلب وابي تلبينه=اللي هجرتيه قولي ويش غلطاته
واذا رجعنا يصير اللي تمنينه=والكل منا يجي ويعد خطواته
مازلت احبك واحب اللي تحبينه=ياملهمة شاعرك يافكرة ابياته
لكن به شي واحد ماتعرفينه=فن الاتيكيت طبقنا حركاته
ماآكل الا معي شوكه وسكينه=اسايرك ياحبيب القلب ومناته
ومسلسل اهل الغرام اللي تشوفينه=صرت اتمتع بشوفه واحسب اوقاته
مازلت كاسب هذاك اللي تخبرينه=يرضيك لو كان مايرضي قناعاته
الحب ومواصل العشاق يازينه=خصن ليا زاد وامتدت علاقاته
ولو حسو أهل الغرام اللي تشوفينه=سوو لنا حلقةٍ من ضمن حلقاته