يا هل الخير ودوا نور عيني خبر = بلغوه التحيه والسلام الجزيل
وقولو اني بغيابه عايشٍ في خطر = بين نار الفراق و بين هم ثقيل
غاب عني حبيبي عقب ذاك السفر = آه مقسى حياتي من غياب الخليل
وآه يا حظي اللي من رداه انعثر = كل ما جيت احثه يستكين ويميل
آتصبر وكن اليوم عندي شهر = ذقت مر العنا واقول صبرٍ جميل
في بساتين قلبي ذَبْل كل الزهر = واحتمت شمس شوقي بالمكان الضليل
كن صدري يدقه مثل دق الحجر = لا طرت لي سواليفه بوقت المقيل
كم ليله عشانه دمع عيني انتثر = شاغلن قلبي اللي فيه جرحٍ عليل
اتشكى وعيني يشتكيها السهر = ياعيون الشقاوي ليه ليلك طويل
ليت يسمع رجايه لو يعيد النظر = ويتلطف على اللي من فراقه قتيل
ما بقى في حياتي غير ادهى وامر = يالله اني دخيلك من رداة الحصيل