احياناً ايراودني الضّيق واضيق=وتضيق بي أحياء قصر اليمامة
ولا استفيق الّا محوّل مع طويق=مع الطريق اللي تبعنا نظامه
موجّهٍ تغريب ماهوب تشريق=ولالي رجا من ربّي الّا السلامة
يمّ الديار اللي غلاها عن ابقيق=وعن نفطه اللي بين غازه وخامه
يا عريق مدري ويش مغليك ياعريق=ومغلي ثراك اللي مقاول عسامه
على كثر ما عجّك ايغيب ويويق=شف الك في قلب الغبيوي علامة
ومن كثر ما انت املخبطٍ بالمعاليق=ماعاد يري ويش فيه وعلامه
ياخذ على فرقاك عهد ومواثيق=وان غاب عنك ايام غيّر كلامه
وترى الصحيح اللي يفكّ المغاليق=ويوصّل المنداش غاية مرامه
مال الرجل لو تبعده حاجة الريق=الّا ثرى ربعه وابوه وعمامه