البيض لك من فوق روس الشناخيب=ما يلحقك في // من تصافي عذارب
يا صقر في الهدات ما خبت وتصيب=سمان صيدك // يا عطيب الضرايب

حـي الـرجال الـلي تعَــرْف المـواجيــب=رايـاتـهـا نـــومـاس سـلــمُ وحــرايـــب
لـلـه در الـلـي بـصـمتــه خــذ الـطيـــب=مـحشوم بـحضـوره ومـحشوم غـايــب
لــو بـاعـو الـفضه بـسوق سـكــاريــب=مــاعـرَّض عـقـود الـذهـب لـنـهــايــب
مـا خـاض وحل الشر والكذب والْغِيــب=مــج الـهـمــاج ولــو حَـدَتـه الـغبـايــب
يــاذيـــب لاتـثـريـب يــاذيـــب يـاذيـــب=مـابـك قـصـور ولا عـرفــت الـخرايــب
يـا راعـي الـصمله لـراس المــراقيــب=مــن هــو يــروم الـنـايفــه مـاتهايـــب
ثـنـتين تـتـرك بــلْ حـنـايــا لـواهـيـــب=لـيْـن إيْ تـمـنى لـحـدها والـنـصـايـــب
عـمرن يـضيع بـمعصية عـالم الغيـــب=واقسى الحضور الي لبس ثوب غايب
الـعـلـم والـحـكـمه نـتـاج الـتـجاريــب=مـاهــي بـسـلـعـه فـي ثـقـال الحقايــب
عِـرْف الخطا يقْصيك عن سكة العيـب=والطيّبه ... ما تنشري بالغصــــــايب
لـوكـان مـانـخطـي ومـراتـن نـصيــب=كــان اسـتوى بـناس مـذنـب وتـايــب
والـبطشة الـلي ما تجمِّل بها الريــب=يـمـنـن تـنـال ضـعـيفهـا والـقـرايـــب
وان كان مادون اللحى الا المشاعيب=لاحــدك اصـحـاب الــردى لـلنشايــب
الـذيب يـبقى ذيب في ضلع وشعيــب=والعــــايبه ما حدّته .... للـــمعـايب