يا غايبٍ غاب عنّي صوته وزوله=ما زال ينبض على رجواك خفاقي

لك في خفى الروح ضعف المملكه دوله=وحدك تعليت عرش الحب بـ اعماقي

وين انت ليلي عقب فرقاك يا طوله ؟؟=صدّك ظلامي وفجر وصالك إشراقي

عندي كلامن يخصّك ودّي اقوله=لعل تقراه صدفه بـ اخر اوراقي

مشاعري منْك يوم ابعدت مذهوله !!=ما هزك الشوق؟؟ ما حنّيت لعناقي ؟؟

معقوله صديت ؟؟ لا لا ماهي معقوله !!=فعلاً ؟؟ تأقلمت بفراقي على فراقي !!

لو باتت آمال قربك شبه مقتوله !!=هاقي بوصالك وامانه انت وش هاقي ؟؟

الحكمه فيما الله مقدّرْه مقبوله=بس ان فقدتك عقب هالعمر وش باقي ؟؟

‏