مدخل:

الحمد للي معطي الناس الارزاق=رب الخليقه من بطش والضعوفي
ربٍ حملنا امانةٍ له بالاعناق=واليا دنت اجآلنا ما تطوفي
ياخذ ودايعنا بلا شد واطلاق=كلٍ للحظات المنيه يشوفي
الله اله الكون من راح والباق=بامره مراويح السحب والنكوفي

القصيده :

يالله ياعالم تصاريف الاقدار=اللي مضى واللي بقى من نصيبي
ياعالمٍ دق الخفايا والاسرار=ياسايقٍ رزقي بلا اياة ريبي
ياجاليٍ همي وغمي والاضرار=اللي بأثرها لايحٍ لي مشيبي
اللي بك امن نام وعيونه اقرار=واللي بك اشرك نومته ماتطيبي
انت القدير مصيرٍ كل ماصار=اسمك جواد وطلبتك ماتعيبي
اطلبك ياللي من لجى فيك ماجار=ولاضنـي انــه يــا الـهي يخيبي
مادام هو يمك شكىٰ صغار وكبار=وانت الذي تسمع دعاه وتجيبي
انك تقدي خطوتي كل ما دار=فيَّ الزمان وشفت فيه العجيبي
وانك تقدي نظرتي كل مابار =فيه السلع وايضا اختلف لي صحيبي
وانك تخليني على الوقت صبار=لابان سقمي واشتكى من طبيبي
واليا حضر موتي وشخصت الابصار=انك تهونها علي يارقيبي
وبجنة الفردوس مع صحبٍ اخيار=يارب تجعل منزلي يا حسيبي

قلمي:حمد الحربي