وجد حالي وجد عود ن ما يثمن وش مقامه=عقب هيبه عزته دايه نقلها فوق همه
ازهموا عوده علامه تالي ن شح ب سلامه=الليالي علمتنا اللي يزود العز همه
منتغير لو يطول العمر لا يوم القيامه=ولا رضينا بالمهانه دامنا من فوق قمه
اسر ي ليل الطواري تحت جنحه مع ظلامه=وحترس من داب الارقط لا ينوشك زود سمه
التوجد يشرح الخاطر م احد يسمع كلامه=والمصايب مشكلتنا كسرت ن من فوق ضمه
لا مفر من الحقايق نعنبوا حي الرخامه=ولا انكسر ناب الذيابه ملح والبارود شمه

ياوجودي وجد من بالحرب جيش اعداه ضامه=من بعد ماذل اصبح بالعرب مهدور دمه
حدره وقته بعد ماكان باليمنئ حسامه=من بعدها طاح لين الساق عـيا لا يزمه
يابن طرقي جاك عوده بعد ماتتم صيامه =جاك من عالي سماها يوم جن الشعر خمه
شاعرٍ حاز الجمل من قبل لايرقى سنامه=مستمد القاف من جاش ٍورث بالشعر عمه
البرد يسبق رعـدها لاستهلت من غمامه=جاك من راس الشعيب السيل ماقدمه يخمه
ماتدس الراس في رمل الوطا غير النعامه=ولايكف الدمـع كود ضعيّفن باطراف كمه
احذر اللي ما يفرق بين حله من حرامه=كـل مـن خالفه راين ..كل ماقفى يذمه
مايحوش من المراجل غير مجموع الندامه=مذهبه من دون جـره والذواري هي تدمه
العيون من الشبك حمّل على ظهر الحمامه=كم طيرٍ جا يبي الصيده وصارت له مطمه
قلتها والطيب في عيني له رسوم وعلامه=لو يحل الليل تشرق شمس تجلي كل غمه
التوجـد كـان يالشاعر يعـوّد بالمـلامـه=ماتغنى به سليم ٍكيف من يشكي لصمه
درهمت وضح المعاني ماشتكى المعنى حيامه=الهزيله باسم صاحبها وسم الهـزل سمّه