يانديم الليل مسراك حذرا لا يطوف=لاتسوي مثل من قام ليله طايفه

فوق من صمم لممشاه ماهو للوقوف=ممّن قلوبً من الدرب دايم خايفه

صنع هتلر كنق الالمان والصنع معروف=مورسيدس يبطي القلب ماهو عايفه

قيمته ماحصّلوها الفقارى والضعوف=مايجيبه غير منهو نسى كلايفه

داخليّه قصر اميراً مخصص للضيوف=وخارجيّه يذهل النفس من وصايفه

مقدمه مايشبه الا خجل وجه الهنوف=وجانبه جانب بعيراً ضوى ب الايفه

كن نوره نور برق برق قدم القنوف=في نظر عين بدويً يبّشر شايفه

مادخل مبنى الصيانه يبي وزن البلوف=ولا دخل يشكي من الصوت في سفايفه

سلّم الظرف المغلّف لقهار الظروف=واحداً يبلش معاديه في حسايفه

ثم قلّه والتعب ماحصل منه مخلوف=بعد كانت نظرة الحب عندي كايفه

من وليفً عقب ماهو يردد بالحلوف=اختفى عن ناظري كن ذيبً حايفه

كل ليله بكتب حروف واغني حروف=وكل ليله واهج الهم قلبي لايفه

مانسيته لو يجون الاوادم بالالوف=عندي اجمل من هوى الطايف ومصايفه

ما اشتكي للناس والناس قدمي بالصفوف=بترك الرجم .. القريّب وبرقى نايفه