قـال الوداع وقلت يازين مرخـوص=وادري بقلبـي مايطيق الوداعي.
من قلتها وانامريضاً ومـقـروص=والهم في دم الشـرايين شـاعي .
صاح الضمير اللي عن الناس مخبوص=من فرقة المحبوب عشت الضيـاعي .
اول جـدار الحب عــالي ومـرصوص=واليـوم به شـقاً يـزيد اتسّـاعي .
ذي قدرة الله مابها شك ونـقـوص=غـاب الحـبيب وزاد منه الـتيـاعي .
حـبّه عزيزً داخل القلب مبخوص=مـايـنـسّي لـوهـاجس الروح ضـاعي .
وازكـى سلاماً لاريش العين مخصوص=ياهل الهوى ماللتجاريح داعـي .