ياعاذلين القلب عن مايريده=ماينعذل قلبٍ تعلّق بمزيون
ألاّ عن ارهاط استخارت عبيده=يمكن تراعا خطّر اللي يعذلون
ألاّ انا ي أهل القلوب البليده=تريحو مدري وش اللي تقولون
سالين بال مع الحياه السعيده=ياهنيكم بقلوبكم ماتحسون
عنكم ملذات المحبه بعيده=حتى بأساليب الغزل ماتعرفون
خلوني اسلأ بالطروق الفريده=وارسل معانيها لمن يستحقون
عذراً تحلاّ بالسجايا الحميده=عفه وثقلٍ ياخذ اعقول وعيون
خجوله وفيها طبايع عنيده=ماتلتفت لنظار ناسٍ يلدون
شالت من انواع الجمال العديده=ولقو به العشاّق ميعاد وحتون
حلو الصفات المذهلات الاكيده=قام إيتغنّا بزينهاكل دندون
يطرق نسيم الليل حرف القصيده=وتصدح عصافير الموده لها الحون
زين العذارا تنفرد به وحيده=واسرأ المحبه في شبكها يطيحون
بسلهام عينٍ كل عاشق يصيده=وشفايفٍ من بينها لول مكنون
غلاهافي قلبي مايخلا رصيده=حبي لها إيعادل دبل مال قارون
بعيد عن حب الردى والنقيده=حبٍ عفيف وبين الاثنين مصيون
يكن للعذال جمله مفيده=(يعيش خلي والعواذل يموتون)