كل ما نامت عيوني قام هاجوسي وغنا=جاب لي بيتن من الوزن الثقيل وقال غنه
قلت ويش العلم يوم انك حركت المعّنا=مادريت اني عن الشعر اعتزلت وبعت فنه
قال تكفى ياخوي العز يا زبن المجنّا=لا تخليني كذا فأجّر لك تسعين ونه
قلت ابشر لعنبو من لا يدن الهم دنّا=قد شربت المر وان زدته ترى باقي نكنه
غير هات العلم واحذر في علومك لا تونى=والجروح اللي مضت باقي عليّه ما اختفنه
قال انا من صكت الايام والحظ اتعبنّا=لا خذينا ولا عطينا والزمن يضحك بسنه
قلت لو ان الزمن يعطيك تطلب ما تمنا=كان ما شفت العرب بتعيش يوماً تكرهنه
قال وش فرقي وفرق اللي على الدنيا تهنا=يوم حظه كسّر جبالاًوحظي خاب ظنه
قلت لو حظك ضحك لك كان ما صرت تعنا=والحظوظ امرار تصفط لك ومراً يخذلنه
غير وجّهها على اللي ما يعرف الا عملنا=لا نفخ في الصور قال اليوم هذا تذكرنه
ثم تشوف الناس قسمين وفيها يقسمنا=قسم يذهب صوب نار وقسم يذهب صوب جنه
ان ذهبنا صوب ناره من عملنا قد رمنا=وان ذهبنا صوب جنة فخوفنا اللي زبننه
فلا تشكّى ضيمك اللي ميسم قلبك كوّنا=واكتم العبرات من حزناً على صدرك يشنه
دنها في وسط جاشك دنها لا يرجهنا=ولا توطيها الهلاش ان كان عزمك يحتمنه
ذا كلامي ان كان تبغى العلم منا جاك منا=لا تخلينا على ما قال ضّيع لحن فنه