يامجدّد عالم الحب بالشعر الجديد=المحبّه ماتخالف معا تجديدها

هاجسً مافيه مثلك نظر عينك بعيد=لاتطالع ف القريّب ورح لبعيدها

واختر جزال القوافي على افضل ماتريد=انت رامي والقوافي عليك تصيدها

للغزل حث الركايب وحذرا لا تحيد=عن غلا اللي بالمحبه رغب لي جيدها

ترفةً بين الغنادير من نوعً فريد=الوصايف من حلاها .. لزوم تبيدها

كل مازادو هل الوصف بالعفه تزيد=ودك انك من مشاعرك دوم تزيدها

خصرها شبرين بالظبط ماهي قفلة ايد=تبلشك من دون الاعيان نثرة جيدها

عن شرفها ماتجنّب واشد من الحديد=تربية عودً له سنين ماسك بيدها

من سطرها تاخذ الشيء بالراس العنيد=ومن غلاها يوصل الشيء من تحديدها

لو ابكتب من قصيدي ليا يوم الوعيد=مالحقت اقصى المزايا ولو باعيدها

جعل عمرً ساقه الحب يبقى لي مديد=وجعل فرقاً دونها .. يبعد الله عيدها