سلامات يا نادي الرواسي وش اللي جاك = نجيلك وبعض أحيان تتغلق أبوابك
عسى ما يُكنْ صابتْك عدْوَاك من شرواك = وعسى الحال يتعدل ولا تفقد أحبابك
هنا ملتقى الأحباب في بحرك وْمرساك = وهنا يا رواسي نجد تتجمع أصحابك
قضينا ليالي العيد ما بين هذا وْذاك = ولكنّ فرق الطيب بايِن في أطيابك
ولو غاب عني صاحبي قلت أنا أتحراك= وفيها (رواسي نجد) شعري تغنى بك
نسجّ القوافي والمعاني على معناك = ونرسل حروف الشوق تسهر على أهدابك
على الذوق منسوجه على ذوق من يهواك = عسى تاصل المطلوب وتحقق إعجابك
وهذي مشاعر خاطرة علها تفداك = مزاج الهوى حتّم وهيضي من أسبابك