الليل شد الحيل ياغازي واخذ علم" يقين=الليل هذاه وبعد ماعاد فيه إمجامله
إما تعلقها السما والا تفضّل خذ يمين=مدام محجوز" لك المقعد بوسط الحافله

عبدالمعين إن راح فأنا بناخيه=قصر" قديم" ثابت" في مقرّه
أكمل طريق الشيخ وأمشي مماشيه=والغايه أبعد من نجوم المجرّه
ماني من اللي نظرته حدّها إيديه=لاطوّل المشوار مااسرع مفرّه

انا على الوقفه مع الوافين مع طول السنين = محسب حساب المهمهه وحسب حساب الصامله
واللحيه اللي ماتجمل تحلق بموسن متين = ماني براعي رعيتن فوق البسيطه هامله

ان كان حمّلتك خطاب الشكر أمانه يافطين=وش رايك إتوصل خطاب الشكر دامك حامله؟؟؟
والنعم بك ضلع" على الشدّه يبوتركي متين=لكن فالادراج ياغازي نسيت إمعامله

الفزعه اللي في يدي للطيبين الغانمين = والكلمه اللي مالها مدلول طبعن فاشله
وانته وانا واحد بسوق الطيب دايم شاريين = قدامك المشوار مشوار السعد لك نامله

سلّم على صاحبك ثم قلّه ترانا عارفين=وان غرّته بعض السلوم إيجيه منا إمداخله
وإليا بلشت إبها ياغازي رح ودوّر لك عوين=تراك ضمن القافله منته بقايد قافله

الله يعين المسلمين اللي على تقوا ودين = والجابه اللي ماتجمل جات ماهي كامله
خلك على وضح النقا والناس ماهم عاجزين = وانا كفيل القافله والتاجر ايضن كافله

ياصاحبي ماشوف فوق العد اهل ذود وقطين=غير الشواوي والشواوي مانعرف إنعامله
ياللي موكّل فالليال إترد كيد المعتدين=انا ترى ماحط وسمي فوق خد الهامله

عقاب العتيبى ،، وغازى العتيبى
صحت السنتكم ،،
سجلونى من المتابعين
واتمنى لكم التوفيق

انا بنت ناسٍ نظرتي طول عمري فوق=و عن مايهين النفس تمنعني اخلاقـي
اقدّر جميع الناس و اعرض عن المطفوق=و احافظ على سلم النقا و اترك الباقي
لكن لاسمعت القاف يجذبني الطـاروق=احس البيوت الراقيه تسكن اعماقـي