هو ليه ياهملولة القاف هو ليه=بعض القوافي تحمس امالنا حمس
اللي يلد لماضيٍ فات خليه=يذكر ويضرب خمس وجده على الخمس
ويعيد فكره ما يجي له ويمليه=ويبعث له ايامٍ رمسها البطا رمس
خلي عيونه ماتلفت حواليه=ويربا بما وده يقوله عن الهمس
ويبعث باحر الشوق من قلبه إليه=عله يوافق من شغاف الغلا لمس

يامسا ما ادري صباح الخير ياغنوجه=لاتحمين الحديد ابوك عمك شايب
احسب انك قد عقلتي خابرك مرجوجه=واثر ظني في رجاحة عقل مثلك خايب
بس لجل ارضيك انا قررت افر الموجه=بالمدايح لجل اشوفك والخويطر طايب
فستق مقشر مغطا بالكريم ونوجه=او عسل سدره بماء زمزم امبرد ذايب
روض مشمس جا لريحه بعد ما امسا فوجه=او لبن خض بسعن مدبوغ حلو ورايب

ما ادري ورا يالجوهره ما تغنين=او تتحفين بنقل حلو القصايد
او بالتسالي هاتي اللي تجيدين=مثل سموك ماخلا من فوايد
زليتي بقولتك شياب نيمين=ياكبرها ماهي لمثلك عوايد

اغناك ربي على هالمادبه يارحيل=توي دريت ان للطائي عذر يوم مات
ان جبتي الشاذليه بهريها بهيل=وحلي له الشاي لاخدر بسكر نبات
يستاهل الطيب ابو عواد طبعه حليل=شاعر مفوه وعانق قلبه المترفات
لايومه بيوم من وجده ولا الليل ليل=الصقر بالوكر وكبار البل امعقلات
رحنا بيدها وتال الامر صبرٍ جميل=لاهات واخذه ولامن قال خوذه وهات

ما ادري لكن اشوف الاشيا غريبه=وسجع الحمام استبدل بنعقة غراب
اكتب ولكن مفرداتي مريبه=من يقنع اللي في حكاويه مرتاب
حتى لو ان القيض ولى لهيبه=برد الشتا يامسندي يقرع الباب
ان كان هزت راعبيه عسيبه=مامن غرابه رجت ثقال الالباب
واصغت لها اذان الشيوخ المنيبه=واستمطرت في نوحها دمع الاحباب
حدرت في قافي وسند غصيبه=وشيبت به من ضيق لو كان ما شاب