سلامي على حرفٍ لفى من حلاه امغير=تقبـــّل مفــاهـيــم المـــودّة عنــــاوينـــه
تعطّف بكفّ الجزلــة اللي تعرف السّير=على مفرق الدّرب العصيّــة مضامينــه
لفت مــن صحــاريها تعـسّ النبا وتجير=عسى ما علوم السّجـن بغيابهــا شينـــه
ترى طايــب المقعـــاد ما ودّهــا تحرير=ولـو انــّك بقيـــدي تــرى مــا تفكّينـــه
هلا والخفوق من الغــلا صوبكم بيطير=يســـوق المحبة لـك من أسمى ميادينـه
زيارة سمّــوك فــارقة لـــو بهــا تأخير=ترى للقمر وحشة بطــا لا أختفى زينه
تمونين يالعذبـــة ومـالك سوى التأشير=يجيك القصيد المرتكــي في دواوينـــه
تعالــي نسامـر يالغلا كلّ حرف اسهير=أنادي هجــوس الفكـــر وانـتِ تنادينــه
نوّرد عطــاش المفــردة مـن قراح البير =ونبــدع بطـــاروقٍ زهيّـــة تـــلاوينـــه