شَبْل الشليخي هالليالي هاي هاي=حول الشهر في صدره ذياب اتعوي
زومة شبابه يوم شاب الراس جاي=امريف دعبه بعد ما كان سنوي
يعزف قرينه في هواه انغام ناي=واقول انا له ياعسى عدك روي
يالعاصمي من اول تذعذع هواي=ومكاني اصبح مع جماعتنا ذروي
مادري بلاي من العواصيف او بلاي=مني/وما اقدر للمقادير احتوي

تندبنا ياعازف للمهاجم على ايا ساس=ترا العاصفه بالحيل يالذيب حساسه
قبل سلكها الموجب يلامس رويس الماس=يعدي ندبها لاانفجر حد مقياسه
وتكرر علوم كليب يوم ذبحه جساس=واخاف ان بنت الزير تفتك بجساسه
قدها يالسنافي واخذ بحزيبهم مرواس=لو حزب السعد مع حزبهم دق مرواسه

قلنا من بسجن القاف قالوا لنا المهره=وقلنا من سجنها قالو المنسجن ساجن
قلنا خلها في سجنها تكمل السهره=وهاتوا لها دله وجيبوا لها طاجن
ولو انها من سجنت النفس منقهره=كفلنا البنيه وإركبت في فلكسواجن

بغـيـت أعـلـن يــا زعـيـم انشقـاقـي=ولا ردنـي غيـر الأميـرة وغــزلان
يا ناصر ابن عبيد جوك الطراقي=وانت عميل أهل المكارم والإحسان
الـبـارحـه عـلــى نـشـيـد الـعـراقـي=سرى بي الهاجوس في راس ما بان
ليـن اقبلـن مـثـل الاصـايـل تسـاقـي=في روضة ما طبهـا راعـي الضـان
شـرد بـنـات افـكـار حـلـوة مـذاقـي=يطرب لها من شاف بالوقت نقصان
حطـيـت دون الراصـديـن الـرواقـي=يليـن اكتمـل عقـد المثايـل بالالـحـان
والشعر به جزل عميقٍ وراقي=وانا على الترفات لاحقني إدمان
وأخص منهن أم خصرٍ ادقاقي=تقول جسمه يوم أحليه قسمان
قسم تواضع فية لمعة زراقي=وقسم تغطرس لين ضيع به انسان
طولت واقف لـه علـى عظـم ساقـي=وسيلت مـن وسـط المعاليـق وديـان
مـا انسـاه لـو الـروح حـد التـراقـي=ولـأجيـه لـو انــه ورى حــد لبـنـان

حياهم الله جد ما به نفاقي=ولاني عميل انا ركن ضمن الاركان
ولا تحمِّل القيفان مالا يطاقي =للشعر مدلول ودواعي وميزان
اسرج لهن مهرك عسى ما يعاقي=واركد شوي وخل للرمي نيشان
في سوقهن يالقرم ويش انت هاقي=كم قانصٍ عود من القنص ندمان
تشطح عيون ويطرحن الطواقي=تبا اتطالع راس مدعوج الاعيان
وروايكم وده يلاقيه ساقي=تعبان من شيل القرب وهو ضميان
يشبهونه في بعير الشواوي=من عسفته وارد مصدر الى الآن