سر الشجاعة من فعول الصناديد=اللي على الطولات تتعب اخطاها
رجل المواقف من خلق مابعدسيد=رام المراجل وعتلى في سماها
والستر قالو من فعول الاجاويد=كلمة صدق مايحتري وش جزاها
في مجلسة دايم حديث وتجاويد=ذي صورتن يحفظ وهذي قرأها
ولا المذلة مرتع الكل رعديد=يفرح بها دايم يجي في ذراها
هذار في المجلس مع زيد وعبيد=يمشي ورى العوجا يبحث رداها
والفهم يبغالة مع العلم ترديد=من شان يفهم مقصدي من وراها
هذى كلامي للمطانيخ تحديد=اللي تنومس خوتة عن سواها
جاتك بكل احساس مع بعض تفنيد=والطيبة ياناس محلى صداها

ساعه تلاقينا ظهر لي كنينها=
بعيونها وايضا برعشه يمينها
خامستها وياليت ماخامستها=
عجزت يديني تنطلق من يدينها
قامت تهلي بي وهلت دموعها=
ومن الغلا عاشق حنيني حنينها
وبادلت الترحيب وتابعت رغبتي=
وبغترتي مسحت دمعات عينها
ولولا حياها كان تبغى تضمني=
ولولا الحياء قبلتها في جبينها
في ساعه يصعب على الشعر وصفها=
في ساعه ياالربع ياشين زينها
وسالتها وشلون تنسى اتفاقنا=
وايميننا اللي مع بعض حالفينها
وعضت شفايفها وهزت اكتوفها=
وعرفت منها ان اهلها جابرينها
واقفيت يوم اوحيت زغروده امها=
زغروده مازال بذني رنينها
رجعت ازايم حسرتي مع اهمومها=
ابكي عليها واتذكر سنينها
ابكي لها معلوم تستاهل البكى=
محبوبتي حرام وقتي يهينها
حنونه ماتحتمل شوف دمعتي=
وانا لها ارحم قلب من والدينها.