يابن رتيق درينا انك حصان وملول=بدري وتو الاوادم ما انقضى شانها
لشرَّد الشعر يابن الناس باقي فلول=ولشرَّدالصيد حق اتدك ميدانها
اثر السبوعين نوب اتصير محسوب حول=يختل بغياب من تهواه ميزانها
طرا على البال صورة توت ويضم لول=جمر وبرد جل من هو جمع الوانها
وكتف وردف والخصر من بينهن به نحول=ورمشٍ بسلهامته يضفي على اوجانها
احترت انا في كثافة رمش طرفٍ خجول= ان غمضت كيف تقدر تفتح اجفانها
اصغي بسمعي تقول اوحيت همس امعسول=ومشاعري للخيال اهتزت اركانها

بعد هالولايم من يعاف السجن غلطان=ومعها بيوتٍ تشرح البال موزونه
من الطير من عازف من ريوف من غزلان=ليا لامست راع الولع جنت جنونه
وش يقال ياغزلان للعاشق الولهان=لاصار الذي وده بهم ما يحبونه
امضى في شباك عيونه الناعسات ازمان=من الشوق لعيون الغلا تهمل عيونه