ياشاعرة نجد امتعينا بطاروق=طاروق فيه من المعاني معاني

ياشاعرتنا دوب جا للشعر ذوق=تصافح احروفه سهيل اليماني

وهذا منا الشاعر وهذا غرض روق=امتيهين العلط وأهل السناني

ولاني بقاصرها عن ايّات مخلوق=الهم حراوي مع طوال اليماني

اللي نظرها دايماً معتلي فوق=ماحوّلت بأرقابها فالطماني

اشعارهم تثمر خزاما ورقروق=وصدورها ارضٍ شيحها مايباني

ندا ثراها امتد من حوله اعروق=وأشبه لريح المسك والزعفراني

يجيه مع شمس الصبح طل وشروق=شمي عبيره لين يملأ المحاني

وتمثلي باللي لها الخاطر إيروق= الله من فضله عطاك وعطاني

ياضبينا من دمك المسك مسروق=والشرع ماسمّى حراميك جاني

على ايقاع دقات المعني رسمت القاف= وجات المعاني من شقاه وغرابيله
علامك لك اسبوعين وايام ما تنشاف=ديارٍ خليه منك لارحم من هي له
وقفت بنشاز ارضٍ يسمونه المشراف=وقفة مذهبٍ في هالشفا مد دربيله
تلفت وحول منكسر يوم شاف وعاف=بعد ما انهزم نور النهار ودنا ليله
انا مبتغاي انتي ومبغاه حم شعاف=واعزاه منك ومن مطاياه عزي له