أفيييه وش تعني لكم كلمة افيييه=قمة طفش تضيق منها الرحابي
من قالها قولو عسى الرب يشفيه=مكن بقلبه من رماه الصوابي
ملتاع يلعي والرواعب تلاعيه=تضيق من ضيقه عليه الثيابي
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

انا والله اقول ان الربايع يحسبن هزاع=رغيب وشره بطنه يتسع للي يجيبنه
واعرف ان الرجل مما يقوله عاشق وملتاع=يهده برد فرقا صاحبه لو كان بالكنه
ابوكن افهقن قرصانكن ما اظن بطنه جاع=هذا كله مبره؟الصحيح انتن ذبحتنه
ودزن لبو بندر من دباعين الحضير بصاع=ومع السواق للطير ارسلن باللي تطيقنه
حزيباتٍ بهم فاقه وانا اظن الكبار جياع=نسيت/البنت غنوجه مسيكين وبها جِنه

رحيل اشوفك فيه وين التماثيل=اللي لها نطرب لحد الثماله
مابالحثل جيبيه هيا سرا الليل=دام الشهر منصف ومبدر هلاله
احط لاشفته كمل بدر واشيل=خمسة عشر عندي ولا كل لاله
ليا سطع نوره بروس الغراميل=وعلى شبيهه شعره اضفى ظلاله
وقريت بالسود المراض المضاليل =مقالةٍ ياويها من مقاله
لوحه من انواع الورد فيها اكاليل=ويشع بين الجمر للبيض هاله
لو شافها هزاع ياويله الويل=والطير لولاقاه سفح لحاله
ولو عازف ابصر حسنها صاغ اقاويل=ولو مر ابو بندر بها وجد حاله
ياشموخ ذي والله صعيبة مناويل=لكنها عندي صحيبة جلاله