اهل ظلم يا اهل المنتدا وينهم غادين=على من لديه اخبار عنهم يعلمنا
انا كل خوفي من محمد له اسبوعين=يهدد بخطف وحالته ما تطمنا
دون اللي يريده سلة السيف ابو حدين =تخدم اليد اليسرى على سلته يمنا
اوسودٍ تزمجر قدم من يطمع العرين=لو تبطش ببو بندر من انلوم لو لمنا
ملتاع ونفد صبره وعينه اتبكي عين=تعبت اقنعه واظنه اسطاع يقنعنا

ابتلت قلبي بليّه ويل قلبٍ تبتليه=يوم شفت الشوفه اللي شفتها يوم الربوع
شفت من يا شفت عينه لدّت بشيٍّ تبيه=كنّها عين النداوي يوم حقق للطلوع
عين فرخٍ حوّجوه وبانت الحاجه عليه=ليلتينٍ ما تعشّى بين برد وبين جوع
كنت اظن القلب طيحات المحبّه ما تجيه=لين طحت بخدعة الوقت المخادع امخدوع
طحت في حب الهنوف اللي هواها طاح فيه=كل من تلّت خفوقه من محاديب الضلوع
خشف ريمٍ بالوصايف ما يشابه له شبيه=فيه للقمرا ضياها وفيه للنجمه سطوع
يوم صدّر صك قلبي وصار قلبي ملك ايديه=غاب عنّي غيبة اللي ما لغيباته رجوع