آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
20-11-2024, 09:02 PM
|
#39233 | |
حزب العاصفه
|
ليا وصل صبرك من الوضع حده
وحاولت تعديله بما اسطعت وازريت تخيله جرف بطريق وتعده ويما اكثر اللي في طريقي تعديت يالبال هذا طرح وابي مرده وقل لي بما قد لك حصل ويش سويت |
|
|
|
21-11-2024, 11:50 AM
|
#39234 | |
|
حزب العاصفه
|
على ما خاطرك ضايق على ما
ومِن جفنك لما دمعك تهاما اجل ما شفت من قبلك وبعدك من استسلم ومن راسه تساما من استعبد لصلفات العواطف ومن عقدِه خرز صبره تراما ومن ما قال له سمعا وطاعه ووراه ان له رفعة مقاما وتصبر لين مل الصبر صبره بعد ما عن مقام الذل شاما |
|
|
|
|
23-11-2024, 12:08 PM
|
#39235 | |
|
حزب العاصفه
|
ما عاد تطيق شوفي من كثر ما اجيك يا ذا الباب
واخاف احاول ادخل تنصفق بالوجه درفاتك نعم ما جيت حبٍ فيك لكن كان فيه احباب اشوف اثارهم كتبت على سورك وغرفاتك بصدري لا تحلت عيني المشهد تعوي ذياب واحس ان الصدر يطعن برمح من الجفا فاتك |
|
|
|
|
23-11-2024, 12:08 PM
|
#39236 | |
|
حزب العاصفه
|
ما عاد تطيق شوفي من كثر ما اجيك يا ذا الباب
واخاف احاول ادخل تنصفق بالوجه درفاتك نعم ما جيت حبٍ فيك لكن كان فيه احباب اشوف اثارهم كتبت على سورك وغرفاتك بصدري لا تحلت عيني المشهد تعوي ذياب واحس ان الصدر يطعن برمح من الجفا فاتك |
|
|
|
|
23-11-2024, 07:13 PM
|
#39237 | |
|
حزب العاصفه
|
جبت الورق يالهجس والا القلم ضاع
وشلون ابا اسجل بهن ما تقوله ما ادري لكن الله يسهل هــ الاوضاع اللي لها عليِّ صوله وجوله من عنفها الواحد غدا اثمان وارباع وبعد هزمت فكري تعقب فلوله ما للمعاند لـ ارتدا الحظ من داع كالنوم ملزم لــ تقدم رسوله |
|
|
|
|
23-11-2024, 08:59 PM
|
#39238 | |
|
حزب العاصفه
|
اقتباس:
المشاركة الأصلية كتبت بواسطة ناصر الهواوي
عليكم السلام ورحمة الله وبركاته
وهلابك شاعرة نجد شاعرتنا بعد الغيبه الطويله اثرك قطوع يا دافع البلى فرحنا بشوفة الاسم و تنعوشت القرايح للابيات الرايعه واللي هي محببتنا بتواجدك تولدت عندنا قناعه وصرنا نرضى بالمشاركة لو مرتين بالشهر هههههههههه ومن الغريب ان الربع على قلتهم غابو مع غيابك لكن انا موجود والناقد سدد فاتورة سنه للمنتدا جزاه الله خير ويقول ابا اعود بعد 9 اشهر ههههههههههههههههههه الله يفظ الجميع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ يطول الغياب ويلتقي الحي مع حيه ويعود ويجود بْزود لو طوّل غيابه لـ صار التواصل والمواصل على النيه يتم اللقاء ويسهل الخالق أسبابه لـ سجن الرواسي لو تغيبت لي جيه قوافي التسالي فيه تبرق وجذابه وأنا في رواسي نجد والمجد نجديه تحب الشعر وظروفها سكرت بابه هلا مرحبا ما لاحت بروق وسميه للماء يوم فيها حنت رعود صبابه ابــ من تعتني بالبيت معنى وقافيه تاخذ ميه من الميه إن شدت أطنابه يرد هجسها على عدودٍ رهاويه لو كثوا وروده بين غارف وجذابه المرحب باقي شاعرنا
وصح الله بدنك ولسانك على هـ الترحيبية والمجاراة الكايفه النايفه وللظروف احكام ودام تواجدك وإبداعك والله يرد الغايبين سالمين ومبدعين وسلمت ودمت،'' |
|
|
سبحانك اللهم وبحمدك
أشهد الا اله الا أنت,أستغفرك واتوب اليك
|
|
23-11-2024, 09:07 PM
|
#39239 | |
|
حزب العاصفه
|
ان طلعت الحديقه قام سجع الحمام
يستثير القريحه كل ماجيت اتوب وان فتحت الرواسي غايتي لـ انسجام قام شعر الهواوي يستثير القلوب وهيض الخاطر وكدر لذيذ المنام والهواجيس جات وهات من كل صوب شي واضح وشي اسدِل عليه الظلام من قديم وجديدٍ مثل سيلٍ جذوب قطع عروق قلبي بالغلط ياحرام لين قامت شموع الود بيده تذوب عفت حتى القصيد وعفت حتى الكلام وعدت من بعد تبت الله يَغَفْر الذنوب |
|
|
|
|
24-11-2024, 12:29 PM
|
#39240 | |
|
حزب العاصفه
|
هلابك شاعرتنا وصح الله لسانك ولا تهونين والله يحفظك ويديم هالتواجد
ومادام حنا الموجودين فما المانع ان بعضنا ينفخ بعض ههههههههههه امزح ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ مبدعه تستحقين العلم والوسام ثابته والا انا بالشعر نوبٍ ونوب ان حضر ملتزم حاولت انا الالتزام وكان انا بس قطعت معه الدروب نوب انا اقول طرقي للقوافي حرام ونوب من رقته اقول يمكن يذوب لو على الغصن غنت راعبية حمام او على البال عن الغشمري اللعوب بورد يجرح رقاقه مثل ريش النعام بخد من هو على فقده تشق الجيوب اثر ما كل ما نسمع يسمى كلام واثر ما كل همسٍ به تداوى القلوب وبس استرسلت ههههههه |
|
|
|
|
«
الموضوع السابق
|
الموضوع التالي
»
العرض العادي
|
|
