يالطير وش مزعلك هذي حقيقه=غريزه وتربط حدانا بحدانا
فيما درج بالارض فطره لصيقه=وفي هالخلايق صنفنا وانتمانا
والحب ياحوران عاده عريقه=وكثرة طرق سلاك دربه بلانا
فيهم حناشل يسرقونه سريقه=عن ما لقو من فرصته ما توانا
وفيهم قلوبٍ للموده امفيقه=عن كل خوعه يحتديها ايمانا
وقلوب تتبع كل لامع بريقه=لكن بها عفة نفوس وجنانا
ولاكل قولٍ فيه صدق وحقيقه=وكذبه لك يشاهد عياناً بيانا

يامرحبا وينك انت اليوم يامنادي=ووين السجين الذي دايم ينادونه
من غدوه انا لسجن ابداعكم غادي=اخذ الكلام الصحيح اللي يعدونه
ضحى الضحى كان شفت البدر لك بادي=ماشفت انا اللي حبل وصلي يشدونه
في صبح الاثنين لي بالوصل ماجادي=مسا الثلاثا عساهم لي يمدونه
شبلي تراهو شمال النير من غادي= الاطوله جات من دوني ومن دونه

الربايع والربع وينهم عنا غدو=انت حاضر يابو بندر وتسلم ما غديت
يامحمد لامع الحضر شيف ولا البدو=من يشابه ل اغيدٍ فيه يامحمد بليت
كلمته صوغه وضحكه قبالي لي هدو=وكان قابلني على الهون يمشي له عديت
من عذلني عن هوى زيد عديته عدو=ان هجرني مت وان جاد في وصله حييت