آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
10-11-2022, 09:41 AM
|
#37449 | |
حزب العاصفه
|
اهلا بشاعرتنا المبدعه وصح لسانتس وقديمتس جديد
ارحبي يالجوهره والله يسلمك وصح بدنتس وذوقتس اهلا بالمعتقله وحياتس مولاتس كل ما قريت من قصيده وايلاهي احسن من اختها بس اعذروني والله قد حطيت ملابسي وشنطتي بالسيار معزوم على زواج في شقراء تحياتي للجميع |
|
|
|
10-11-2022, 01:54 PM
|
#37450 | |
|
الله يسعد مساي ومساكم بكل خير (:
درب السلامة يا ابو عبيد يا حري حراه بتخلوني لحالي ههههههههههههههه فرصة انحاش جارتي مرسله لي اتقهوى عندها هههههههههههههه هههههههههههههههههههههههههههههههه |
|
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل
|
|
10-11-2022, 02:09 PM
|
#37451 | |
|
تخالف عنوتي حِلّ ورحيل وملتقى وغْياب
لوجهك يا شغف حلمي القديم وماضي جْروحي تقفِّل لي ظروفي باب، وإِيدينك تفكّ أبواب معك يا طيِب صدري للحديث وما ازين مْزوحي أنا لولايّ أعرفك. ما هنَا لي لمَّة الأصحاب ولا والله مزحت، ولا ضحكت إلَّا على روحي سلي روحتس بروحتس (: |
|
|
|
|
10-11-2022, 06:54 PM
|
#37452 | |
|
صحت السنتكم ودام ابداعكم
تسلية للسجينة وانا اللي كل ماشيّدت للنسيان دونك ســور جرى في خافقي سيل الحنين الجارف وهدّه ،، عساك الحِّل ياحلم الوصال وموعدٍ مهجور تلاشى كنّــه أصحاب الرخـا في حزّة الشِـدّة |
|
|
|
|
10-11-2022, 08:28 PM
|
#37453 | |
|
مساء السعادة والهناااا...
ارحبي يا نور حياتس الله وبياتس وصح لسانتس …. اما عشقنا عشق مافيه تلفيق ولا هجرنا الحب مذهب ومله . |
|
|
|
|
10-11-2022, 08:33 PM
|
#37454 | |
|
الله من هاجسٍ فالصدر متجدد
من سبته صارت الافكار وهاجه خلاني أطرب على بن عون و اردد يا مل قلبٍ يسج .. وفيه دولاجه ═══════════ باب الموده بين الاجواد مفتوح يا طيبكم يا جابرين الخواطر . |
|
|
|
|
11-11-2022, 09:02 AM
|
#37455 | |
|
|
|
|
الخط يبقى زمنا بعد كاتبه ،،، وصاحب الخط تحت الأرض مدفون
التعديل الأخير تم بواسطة خيال مطير ; 11-11-2022 الساعة 09:12 AM
|
|
11-11-2022, 09:24 AM
|
#37456 | |
|
يا راكب اللي لا مشى ماتقل ياط
من سرعته خطه دواوير وشخوط جديد ما حمل به العفش وبساط الا ولا قالو موضب ومخطروط مراتبه مخمل والارضيه ابساط واشعار تويوتا على الخشم محطوط يطرب ليا منه صرب طلعة الغاط لا حس لا ونه ولا صوت عرموط ملفاك بدر ليا هبا كل قناط قبل تقهوى واجب الضيف مليوط عطه الكتاب اللي كتب بيد خطاط كريم سبلأ اللي له القيل مخطوط قل ليا ضاق صدري جبت للنار ملقاط وسحبت للي كنهن صيغته بطوط وفصلتهن تفصيل وزودتهن غاط حديدهن صافي عن لحام وسقوط وشبيت نار جرمها من حطب راط احسن من الصندل ورى سبعة شطوط جرم جزل ماهو هدب رمث شعواط وسويت فنجال على الكيف مضبوط بلكي يبرد واهج بالحشا شاط يشبه لدافور له الغاز مضغوط يوم ان كل في حلا نومته غاط يرقد على طوله كما السدو ممغوط عيني بحاجرها تقل موس صفاط وجفنه تقول ملامسه ظفر شبوط جيت الطبيب وقال لي ويش به حاط في داخلي عينك دواوير ونقوط وقلت هذا لها مدة شهر صابها احباط تسهر ودمعاته تقل وصف لاقوط اسبابها اللي لفّت الرأس بمشاط بالمسك والريحان والورد ممشوط تقول خاطي فيضة ريحها عاط ريح النفل مع فايح الشيح مخلوط لاهوب دعبول ولامحزمه غاط زوله كما البردي ليان وشمحوط عين الغزال مذيره صوت مخباط حباله اللي ينقل الملح بمشوط بطن العسيف ان جهزت قبل الاشواط الفوز به مضمون في تالي الشوط ولا شربت البيبسي بكوب وشفاط تشرب من الشوكه مطعم ومشموط ولا تلبس الكرته تحزمه بفراط تلبس لباس اول مفصل ومخيوط يا بدر حاكيته وانا منه محتاط وخلان من غيره مكبل ومربوط هرجة لطيف ما يقاطعك بغلاط قرض العسل مع صافي الدر مخلوط الذ من طلع الصويلي بمحباط توّه من امه للمشاكيل ملقوط ماهومن اللي هرجته سلك مغاط يعطي كلام وباقي الهرج منطوط ما اذكر لنا مثله على عصر الانباط اللي منازلهم ورا النيل وأسيوط أقفى وكنه يضرب القلب باسواط أعطان هرج وتالي الهرج مشروط علمي بها يابدر في نزلة اشباط غرب عنه موقق شمال عنه شوط مدري مع اللي حدروا يمه الشاط اوهم مع اللي سندوا يمة الغوط محتاج فزعتكم ترى طحت بوراط الحال نشت كنها الشن مقروط حالي من اسبابها بدت تقل مخاط ومن قبل عرفي له مريح ومبسوط وصلاة ربي عد من شاف دمياط على محمد عد من لبس مخيوط الرد من قبل / بدر الحويفي يوم المولع واق في راس شمحاط حوّل علينا من جبل طي بمقوط حاذيه من حب العماهيج مخباط اللي بحبهن للعشاشيق زاروط اللي نباهن للمعاليق معاط ونظراتهن ترسل عباريد ومشوط صبن على قلب الرديعان زقلاط ودارت به المكره على سير مشحوط واسند على ابيات جزلات وانشاط مثل الذهب واحد وعشرين مشروط عملة ذهب ماهي دنانير وانواط شاعر ماهو بالامثال خربوط وسكّر على الطاروق ضبّه وصقاط حيل الله اقوى كيف با احتال وانوط حي الجواب اللي محنط تحناط جا من ابراهيم الرديعان مصفوط هدّف وتهديفه طريقة تشطاط واللي عطاه الراي رجّال مضبوط خطط له الخطه من الناس خطاط قصده يسدد كل الانفاق ويحوط وافق وركز له قريحه بحرف اط وشاور شويره واستشاره وقال اوط لقط عناقيد القريحه تلقاط وخلى غصون من الورق بيض وملوط واخذت دربه على الشوف مشواط عساي احوز رضاه ويكون مبسوط وانا معه جندي وهو صف ضباط تحت الاوامر لو حصل ضغط ضغوط ما دامها لعبة حويلا ومزقاط ماني مع الصاحب قصاوي ولابوط مهما حصل بيننا مزح واغلاط الحبل ماهو بين الاصحاب ممغوط عنها ابتعد بعد الجزائر عن ارهاط ماني مثير اسباب ومعقد اخيوط هذا وبارسل للرديعان خياط يخيط قلب من قسى الحب مشعوط العاشق اللي في بحور الهوى غاط قلبه ليان ومن كراسيه ممعوط شايب وقلبه بالولع سلك مغاط من شوط تيار الغنادير مشلوط وعشقه خطاالله لا يصلط تصلاط كيف الغناوي حالته حال مزنوط مادام له ملفا ومثبأ ومقلاط عبير نجد وعنبر الشام مخلوط يلعب على حبلين وافراش واصماط كلش جديدولا بهن همل واصفوط ثنتين عنده يعملن كحل وامشاط عفايفن مالامحن كل شمحوط لو يسمعنه ولعن فيه شخاط وتناوبنه بينهن قرص وعروط قامن عليه وشلطنه تشلاط ياشينهن عند الزعل موطهن موط وعيالهن معهن بعصيان واسواط حتى الصغير اللي على الديد زعطوط يابوحمد بالك تفرط تفراط اقنع برزقك وانت رجال مغبوط خل اهوى للي يفحط تفحاط يطيح مع دربه كفراط وجنوط حذف الحصى قفوه تقل حذف نباط ومن الحيا وجهه مجرد ومقشوط اللي لا منه شبع بالهوى شاط عشقه مع الحارات لفات وفحوط عشقه خيال وفيه رجّه وخراط عقله نمط سيكل مسامير وبلوط لو يازنونه ماوزن ربع قيراط مثل الذي ريشه به ارناق ونقوط اللي على روس المراقيب نغاط يطير ويوقع على راس زربوط والا انت صاحب عرف راوي وفقاط سباح ببحور العماليق وتغوط مأنته وغد تعطى حلاوه وشقلاط العرف له عندك مطارات وهبوط بالعرف لك قيمه وبالشعر عملاط وبالطيب منهاجك بالامجاد مربوط شاعر وعندك ذوق لاشعار الانباط لا تختبرني مع ملفات وخطوط خل السوالف بننا بصط وابصاط العقل كنز وذارف الحب ملقوط والناس كل له محيط به امحاط المتزن واللي من العقل مفروط وترى الثقه بالنفس من خير الاشراط وكلٍ حسابه في سجله ومفقوط 
|
|
|
|
|
«
الموضوع السابق
|
الموضوع التالي
»
العرض العادي
|
|
