آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
12-09-2022, 09:52 PM
|
#37129 | |
حزب العاصفه
|
ياطيفه اللي رحت وشلون لي جيت
وانا احسب ان روحتك من غير جيه اقفيت يوم اقفوا عن الدار وابطيت رغم ان عندي لك ولهم اولويه اصحي على ذكرى المواليف وابيت وافرك على ذيك الليالي يديه فنجال من عقبه ما اظني تقهويت لو كل وقت اقند الشاذليه تجرح شعور المبتلى مرة البيت ليته بعدهم ما بقي له بقيه |
|
|
|
13-09-2022, 02:13 AM
|
#37130 | |
|
السلام عليكم ويا سلااااام عليكم وصباحكم فل ويا سمين
القمر البدري تو مر من فوق ديرتنا ويسلم عليكم صح لسانك ابو عبيد مجارات وبدع وما فيك حيلة مبدع بكل حالاتك خيال سلمت ودمت ,, إختياراتك فوق الخيال وصحت ذائقتك البقية مالهم حس كما قال ابو عبيد .. يا عساكم سالمين وغانمين لي عودة للعود الزعيم .... |
|
|
|
|
13-09-2022, 02:16 AM
|
#37131 | |
|
اقتباس:
المشاركة الأصلية كتبت بواسطة ناصر الهواوي
ياطيفه اللي رحت وشلون لي جيت
وانا احسب ان روحتك من غير جيه اقفيت يوم اقفوا عن الدار وابطيت رغم ان عندي لك ولهم اولويه اصحي على ذكرى المواليف وابيت وافرك على ذيك الليالي يديه فنجال من عقبه ما اظني تقهويت لو كل وقت اقند الشاذليه تجرح شعور المبتلى مرة البيت ليته بعدهم ما بقي له بقيه ^^^
^ ياليت لي جية على الشرق ياليت = وأعسف رجوعي يم نجد العذيه وأصحب معي روح الغلا لو تعنويت = واسكن بعالي برج للفيصليه وامثّل الحالة بروميو وجوليت = وأخرِج نصوصي قصةٍ واقعيه الصبر جرهد يالهواوي ومليت = والعمر يسرقنا وحنا الضحيه قيس الملوّح مات والحب تشتيت = وليلي تمنيّ لين جات المنيه ^^_^^ |
|
|
|
|
13-09-2022, 02:19 AM
|
#37132 | |
|
من ذكريات الهواوي .... قال ::: عبد الله ابن الدنيِّش غاب عنا شهر=قلنا سلا الغامدي ماهو بويا القصيد واثره يكاظم بصدره ما كناه وظهر=الله يعينه على ظغط الغرام الشديد غصه ولوعه وملهاب اشتياق وسهر=هالخمس لاطال حر الشوق الاقشر تزيد من فعلهن ورَّد الحيم الضوامي نهر=وله صدرن ري فوق اكوارهن ما يريد من شان من عينها عين اشقرٍ لاشهر=والخد دارة قمر والعنق عنق الفريد اقفت وصلى على محمد وجت وانبهر=صدرٍ وكتف وردف والبطن غوره بعيد لوقالت الملك بالمخواه هاته مهر=اعذر بخوخه وبرشومه وخضر الجريد ^^ قلت ::: يا ناصر إبن الهواوي جعل عمرك دهر = وتعيش دهرك وتقضيها حياتك سعيد عز الله أنك وصفت الحال بالميجهر = وكن جاسوس وصفك دب وسط الوريد وكنك عملت الأشعة للصدر والظهر = وشفت قلب المعنّى حلّ فيه الوديد أسمه ورسمه تغلغل وأتحد وأنصهر = وصار يجري مع الشريان من دون قيد والخمس في عرض وصفك سببت لي قهر = أحلم بصحبة غرامي دوم وأصحى وحيد ماغير قاف القصايد في غرامه جهر = وأنبحّ صوت القوافي في جبال الجليد لو تطلب المهر شديته بظهر المهر = وإلا تواصلت بالشيلات عبر البريد |
|
|
|
|
13-09-2022, 11:50 AM
|
#37133 | |
|
حزب العاصفه
|
ارحب ارحب يا ابا عامر تراحيب المطر
وصح الله لسانك على المجاراة الفاخره وتسلم على ارجاعنا للماضي في هالصوت والصدى ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــ لياقلت انا في صبري اجتزت ما مضى هبتني نسانيسه جنوبي وشرقيه وشمه ذيب صدري عارفٍ ريحه وعوى يقنب وان نهيته جاب عويه الحاقيه اظناه الجفا والبعد والشوق والجوى في ما بينهن سون عليه اتفاقيه تقوقع مابين العوج مقهور والتوي كما تلتوي لو صوبوا راسها الحيه |
|
|
|
|
14-09-2022, 07:41 PM
|
#37134 | |
|
حزب العاصفه
|
تغريده خارج السرب
ــــــــــــــــــــــــــــــــــــــــــــــــــ ـــــ خيال كيف الحال؟اشوف اسمك ولكن انت وين؟ وفلان وفلانه ما نبغى ذكر الاسماء وينهم حتى القريحه(صفر) والهجس ابتلش يبدا منين الوي رقبته ورقبتها بس يمه عينهم ليا ذكرت اللي مضى حنت وهو جاله ونين علي هان الوضع من شوفي لحال اثنينهم اخاف تسترسل وما يخفا عن العالم يبين ويشرشحون المبتلى بافواههم وايدينهم الصمت للي كثر هرجه يعتبر صيدٍ ثمين يغث من يهوى التشمت بالبشر ويهينهم |
|
|
|
|
14-09-2022, 11:33 PM
|
#37135 | |
|
ارحب يابو عامر منور السجن بعد غيبه وصحت السنتكم جميع
تســــــــــــــــــــــــــــــــــــــــــــــــ ـــــــــــــــــــــــليه للشاعر :احمد بن عبدالرحمن العريفي واشيب عيني مابقى بالجسم حيل = ولابـقـى بالعـيـن دمـعٍ تـهــلـــــه ولابقى عزمٍ يساعد على الشـيــل = عـزمي تردى والخـفـايف تـفـلـه ولابقى وقـتٍ نعـدل به الـمـيـــــل = والـنـفـس صارت كـل شيٍ تـمـله صارت تمل من السهر والتعاليل = وتمل من شوف الرموش المظله وماعاد تبغى لابسات الخلاخـيــل = ولاعاد له خلقٍ على شوف خـلـه ولاعاد له خلقٍ على القال والقـيل = مـلـت سواليف الـمـخـالـيـق كـلـه ولاعاد له كيفٍ على البن والهيـل = ولاتشتهي قرصٍ على جال مـلــه ولاعاد يعجبها السفر والتراحـيـل = امن الوهن صارت تحـب الأظـله امن اولٍ تسري على النجم بالليـل = ومـافـيـه دربٍ بالخـلا مـاتـدلـــه واليوم ماتشفق على شوفة السيل = حـتى ولا شوف الربيع بمـحـلـه لولا الأمـل في مابـقى من مقـابيـل = مـلـت مـن الـدنيا بـدقـه وجـلــه ولولا صلاة الفجـر بين الرجاجـيل = تصير دنيا النفـس سـودا مـمـله مالـوم نفـسٍ عـذبـتـهـا الغـرابــيـل = دنيا تـقـلـبـها عـلى كـل مــلـــــه تـلـوعـهـا الـدنـيا بكـثـر البهـاذيــل = والنفس ماتقوى على الظيم لـله يارب صبرها على الـظـلم والـويـل = يالله طـلـبـتـك كـل عـقــدٍ تـحـلـه يارب وفـقـنـا لـدرب الـتـسـاهــيــل = يارب خـل نـفـوسـنا مـسـفـهـلـه يالله بحسن الخـاتمه لاوفى الـكـيـل = يامحصي احساب الفلك والاهـله ألا بـذكـر الله وكـثـر الـتهـالـيــــــل = تـسلى النفـوس وتنجـلي كل عله وسلآلآلآمتكم |
|
|
الخط يبقى زمنا بعد كاتبه ،،، وصاحب الخط تحت الأرض مدفون
|
|
15-09-2022, 11:58 AM
|
#37136 | |
|
حزب العاصفه
|
صح ذوقك يالخيال ولاهنت ودام حضورك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــ يابيه لو تاتي لكلٍ على الكيف صار الوضع للكل يابيه كايف ولاشفت احد يشكي من الظلم والحيف ولا ناحت الورقا لفرقا الولايف ولا اوحيت من هو يفرح بلمة الطيف ومن مقبل الايام ما شفت خايف ولا ابتل منديل الورق بالذواريف ولا زاد رجف قلوب بين النحايف ولا فرحوا بكسر الخواطر ملاقيف ولا احد رقا في راس عيطا مهايف هذي علاماته على قافية (ايف) طنت بفكر مولع بزول عايف |
|
|
|
|
«
الموضوع السابق
|
الموضوع التالي
»
العرض العادي
|
|
