آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
12-10-2021, 09:37 PM
|
#35577 | |
حزب العاصفه
|
تسليه للجميع وللمعتقل قبل النوم هههههههه
انااااااااااااا اوووووووووووووول وينكم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ هواة السهر انا اعتبر من هواة النوم=ما الوم السهارا بس هم لا يلوموني انا ارقد مبكر وان سمعت الأذان اقوم=من الفجر لين الظهر ما ترقد عيوني اقول إلزمان السهر والبهذله مرحوم=تناسيت يوم اهل التعاليل نسيوني ورا الذكريات اطيح بغبارها واقوم=ومن شافني يراه مشهوهبن لوني يراني كذا ناسٍ عن الوضع ما يدرون=والاسباب من عزيت بالحيل اذلوني وصرت انطواي من هذيك السنه لليوم=وصاب القريحه جن والهجس مجنوني |
|
|
|
13-10-2021, 12:32 AM
|
#35578 | |
|
اقتباس:
المشاركة الأصلية كتبت بواسطة ناصر الهواوي
هههههههههههههههه اعتراضيه
ابو منصور صح الله لسانك ولا فض فوك رائع بجميع المقاييس لاهنت وبيض الله وجهك شاعرة نجد لله درك ابدعتي وامتعتي ولاهنتي الجوهره صح بدنك زذوقك ولاهان راسك ودام حضورك المشكله اني لاحظت حضوركم من بعد الـ12 وانا لو وصلتها مشكله كبيره هههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ ان طوَّل المسجون في سجنه على قلبه خطر قولوا له يسوي كفاله او ندور له كفيل في عقله الباطن سطر /في ملهمة شعره بطر تورده عِدٍ روي وماه طعمه سلسبيل يغوص غبات الخليج من راس مشعاب لقطر ما كب لاهل الغوص من ما يجمعون الا القليل وقنوف هجس العاصفيه هلهلت مثل المطر تغرف بحر تنحت صخر ما تعترف بالمستحيل سبت الرجل من كثر ما اتبعهم مع الدرب انفطر امرح على الساقه ليا باتوا وعند الظهر اقيل احاول اعانقهم/اكتب شطر ثم امحى شطر اعجب بما جابه هجوسي/احسب ان ماله مثيل ومن بعدها ودي تساعد يالهجوس بكم سطر باللي بعد ما حل بين الحدب نادا بالرحيل ليته ايلين اقنع من الاسباب في ملكه نطر ولا تركني دون علم احط بظنوني واشيل ********************************** وبس ههههههههههههههههه و ما جبنا ربع ماجبت ههههههه واسلم واستلم ههههه طاري طرى لك يا الهواوي ما على بالي خطر ما نيب هندي تكفله وتشغّله بين النخيل ما اوردني العد القراح الا الفخامه و السطر و انا لجزلات القصايد عندي الهام و دليل اغوص غبات المحيطات اقطر الغبة قطر و اللي قدر للغوص مع حظه يحصل له حصيل ان قلت ذا اسمه غيث والا قلت ذا اسمه مطر من يعترف بالمستحيل، يدوّر معَ غيري سبيل عيادنا ف الاضحيه وانته معيّد في فطر شقى الفلاحة عايقك والا مع الخط الطويل لا لا تعانق وابعد شويات ف المعنى شطر لو ما اعجبك ما كان قلت لكل محتال نحيل |
|
|
لو جيت ابا اردع هجوس الفكر ب هيامي = يكفخ كما الطير لو هي ربطت اسبوقه درب الموده يضيع بساحة احلامي= مزن الحيا في حياتي تكشف بروقه http://www.r111n.com/showthread.php?t=9220
|
|
13-10-2021, 12:38 AM
|
#35579 | |
|
مساكم الله بالخيرات والمسرات
ابو عبيد لا فض فوك ولا انلجم لسانك خيال تسلم على هالنقل للموروث الجووهره تسلمين على هالتسالي والنقل |
|
|
|
|
13-10-2021, 12:41 AM
|
#35580 | |
|
اقتباس:
المشاركة الأصلية كتبت بواسطة ناصر الهواوي
تسليه للجميع وللمعتقل قبل النوم هههههههه
انااااااااااااا اوووووووووووووول وينكم ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــ هواة السهر انا اعتبر من هواة النوم=ما الوم السهارا بس هم لا يلوموني انا ارقد مبكر وان سمعت الأذان اقوم=من الفجر لين الظهر ما ترقد عيوني اقول إلزمان السهر والبهذله مرحوم=تناسيت يوم اهل التعاليل نسيوني ورا الذكريات اطيح بغبارها واقوم=ومن شافني يراه مشهوهبن لوني يراني كذا ناسٍ عن الوضع ما يدرون=والاسباب من عزيت بالحيل اذلوني وصرت انطواي من هذيك السنه لليوم=وصاب القريحه جن والهجس مجنوني اسلم واستلم انا اشوف ناصر جاب الامثال كوم و كوم= يّعذّل على اهل السِهر بإسلوب ( عانوني ) و انا اللي مهاوي للسهر في فضاه احوم و اعد النجوم و مالها من يعدوني و اهني هواة النوم يوم السهر مقسوم = لعينٌ سهيره والخلايق يناموني ليا زارها طيف الحبايب تصير علوم = اهجرس و اسولف له بصوتي على هوني اخاف ان رقدت تجيبها في المنام حلوم= و اصير بحلوم الليل مغرم و مفتوني و اذا ان السهر حكمه حرام على المحروم= ابي من هل الفتوى بما قلت يفتوني |
|
|
التعديل الأخير تم بواسطة كديميس السيحاني ; 13-10-2021 الساعة 12:44 AM
|
|
13-10-2021, 01:23 AM
|
#35582 | |
|
السلام عليكم وأسعد الله مساكم وفجركم وصباحكم بكل خير
وصحت السنتكم وطابت أبدانكم ماشاء الله عليكم .. صفحات مليئة بالإبداعات ولكم كل الإعجابات وسلامي لكم :- يا سلامي عليكم هيل يا سجن القوافي= هيل مصبوب في فنجال من صُفر الدِلالي نحمد الواحد المعبود والدنيا عوافي = وعِلمنا خير يا أصحاب الرواسي والمعالي جيت أسلّم وأعلّم وأعتذر من قلب صافي = وأشكر اللي سأل عن غيبتي ماض الليالي يا عساكم بخير وحالكم ما به خلافي = والله إني ليا غبت أغترب ويضيق حالي ودي إسري مع الهاجس وطاروقي وقافي = وأحبُك البيت للمعشوق من نسج الخيالي لا سرينا وهُمنا في متاهات الفيافي = يلتبسني خيال الشعر وأشوفه قبالي ليت يقبِل ويقبَل ضِيفتي في جوّ دافي = يمتلي بالسهر والذوق وأنواع التسالي وأشعل الجمر وأصب القهاوي للسنافي = والسوالف على ما كان في باله وبالي ^^ ^ |
|
|
|
|
13-10-2021, 01:39 AM
|
#35583 | |
|
اقتباس:
المشاركة الأصلية كتبت بواسطة ناصر الهواوي
وش بالسهارا ينشدون آخر الليل
عن عاصفي وعاصفيه نياما فلاح يمسيه المساء فاتر الحيل ومعلمه تصبح تروح الدواما وانت وجواهر شعر هيل بلا كيل متقاعدين ومشتهين العلاما وين الخفير اللي يرد الاقاويل ورحيل لا صوره ولا من كلاما وعبدالله الصقري فقدناه بالحيل والغامدي وينه زعيم الغراما بل وين نور اللي تقول الاباطيل بمعلم احياء تتهمني حراما انا استاذ مصنتعات التماثيل ليا ذكرت مرودعات الوشاما والا تذكرت الزحول الرجاجيل اللي لهم بالصدر قدر ومقاما والا بروضٍ قبل يومين قد سيل بفقار نجد اللي عباله تراما ليا صار به مرباع ما اغبط هل النيل ياما حلا ريح النفل والخزاما ــــــــــــــــــــــــــــــــــــــــــــــــــ ــــــــــــــــــــــــــــ وبس/وسلامة الجميع ^^ يا صح لسانك يا زعيم الرواسي وشيخ الغزل .. وما عليك زود ^ أبدأ برد القافية بالتهاليل = وعلى النبي وعليكم أجمل سلاما ويا مرحبا بك يا زعيم التماثيل = عز الله إنك تستحق الوساما تنشد .. وننشد لك طروقٍ لها شيل = فيها صدى واقع وفيها دراما وشعر الغزل يا صاح نسمة تعاليل = تهبّ من بحر الهواوي نساما ويهفّ ساريها صدور المعاليل = ويحن هاجوسه لسجع الحماما يسبح لها ويغوص عمق المجاهيل = يجلب دررها والحجار الكراما وليا مشت ع الشط ذات المظاليل = يهدرلها موج البحر بالنظاما ينظم لها من عذب شعره أقاويل = وينفث مع النسمة هبوب الهياما وعلى ضفاف الشوق تهدي الأكاليل = وتهدأ مراويح العتب والخصاما ومن التجاذب جاد صب الهماليل = والشوق ضيفهم بكأس الغراما ^^^ وسلامتك |
|
|
|
|
13-10-2021, 01:55 AM
|
#35584 | |
|
من المجاريات القديمة بالسلاطين
^^ قال الهواوي :- ^^ لو تكرمت يالتفكير عِد بي ورا=ولاتمادا ليا دقيت ريوس كثير ودي اقارن الماضي بحاضر وارا=حجم ماصار فيما فات واللي يصير وتنشره لجل يدري بالوضع من قرا=ويصبح بكل خطوه له خطاها بصير ماهقيت ان احد بالسوق باع وشرا=مثل سومي وبيعي فيه دون استشير لين هد اقتصادي والرصيد انهرا=انهيارٍ حدث بالمعنويه خطير ^^ قلت ؛- جيت أسيّر على النادي وليلي سرا = وشفت ما ريّض الهاجس وحثّ المسير قاف وقّف على جفني وعاف الكرا = وقال جار الهواوي قبل نومٍ قرير قلت يا قاف يا كم بحت محدن درا = والهواوي على ذا الحال صبح وعصير لكن الشوق فينا مثل دمٍ جرى = ون هبطنا لسوق الشعر نشري حرير يالهواوي عسى الأوضاع تغدي ثرى= تنبت أحباب خطوتهم علينا تسير &&& قالت شاعرة نجد :- وليفي ترى الفرقاا وجعها يهد الحيل= دخيلت عيونك ياعيوني من الفرقاا بعيد وبعيده بس جابك نسيم الليل = سهرتك خيال وعبرتي تنزل وترقاا واحاكي ظلام الليل,ياويل قلبي ويل = من فْراقك اللي محرقٍ خافقي حرقاا نطرت وصبرت وبااح سدي وفااض الكيل= عليك الله أكبر سارقٍ رااحتي سرقاا غصون الغرام مْن الهوى والهياام تْميل =عليها من الوجداان كم نااحت الورقاا ^^^ قلت :- نواح الحمام إليا سجع صوتها ترتيل = وغوغة هديله تطرب القاف للطرقا تفز القوافي صافنة في صهيل الخيل = وتنشي مخيلٍ ثار بالرعد والبرقا وتسري مزونه واعدة بالمطر والسيل = رياحه جنوبية ومرواحها شرقا ليا حطت أمطاره نبع سهلها بالغيل = وتورق غصون الحب من عينها الغرقا عسى نسمة الأمال تسري بجوف الليل = وبنت اليمامة عون بأعيونها الزرقا ^^^ ^ ومازال في الذاكرة ذكريات جميلة .. وسلامتكم |
|
|
|
|
«
الموضوع السابق
|
الموضوع التالي
»
العرض العادي
|
|
