مدري وش اللي حدني لين مريـت=ذاك المكان الـي يجـدد جروحـي

كنت اتجنب دايـم امـر ذا البيـت=واليوم مريتـه وسجلـت بوحـي

يا بيت خبر ساكنك كيف عانيـت=ثم خبره عني بصـدق ووضوحـي

قله تراني مـا نسيـت وتناسيـت=وقله مكانه في عيونـي وروحـي

وقله مع غيره ترى ما تهقويـت=وعلى العهد باقي لطاريه انوحـي

ولدلال غيره ما عشقت وتقهويـت=تحرم علي لوهي تصب وتفوحـي

ولغير حبه ما ذكـرت وتعزويـت=اذكر سنينه يوم هو لي نصوحـي

ويا طير يااللي فالخضيـراء تعليـت=خذ مني إرساله قبل مـا تروحـي

انت الرسول اللي على السر وصيت=احفظ وصاتي جد ما هي مزوحـي

وإذا وصله العلـم كفيـت وفيـت=ترفع لك البيض بروس السفوحـي

وان كان من خلي بالأخبار ما جيت=يلحقك مني لوم ان كان توحـي

وش فايدة يا ليت يا ليت ياليـت=ما من كلمة ليت غير الجروحـي