آخر 10 مشاركات
|
|
|||||||
 |
| انشر الموضوع |
|
|
أدوات الموضوع | انواع عرض الموضوع |
21-12-2020, 08:03 PM
|
#33201 | |
حزب العاصفه
|
ياشيب عيني من هل السجن شيباه
وعيونهم من كثر ما انق شابت كلٍ عطاني دون ما عذر علباه هذاك غاب وذيك وياه غابت وخفيرهم ما حط قرشٍ بمخباه من الرواتب كل امانيه خابت وجواهر ورحيل مابه محاباه وفن وكفن لهن االاوقات طابت والراس من كثر الهواجيس به باه حتى بنومه لون الاحلام باهت |
|
|
|
21-12-2020, 08:25 PM
|
#33202 | |
|
حزب العاصفه
|
سن القلم على الورق خط لي قاف=وعن ما يليق بصاحب الذوق صفه على سلوم اهل المحبه والاعراف=من كف من بك خط يعطى لكفه قل له تراني صابني بعده خلاف=بالصدر ضيق وبالعقل صار خفه اقفايتك عني بلا سبه اجحاف=ياعين من ميكارها في مطفه وبس |
|
|
|
|
21-12-2020, 08:43 PM
|
#33203 | |
|
الله يسعد مساك ويومك كله
شاعرنا وصح لسانك ولاهنت كلٍ عطاني دون ما عذر علباه هذاك غاب وذيك وياه غابت عز الله ): |
|
|
مع احترامي وتقديري لمن هم هنا=ممنون انا واتشكر للزميله رحيل (ابو عبيد )
لو صار عن شكرها بالهجس ضعف ونا=الطيب الطيب اللي مبتدي بالجميل لفعولها الطيبه من قبل سامك بنا=بنت اصل عن ما عليه مربيه ما تميل
|
|
21-12-2020, 08:56 PM
|
#33205 | |
|
غياب الاموات تؤمن به جميع البشر
وغياب الاحياء ، كثير الناس منه اجزعو يالغالي اللي غيابك فوق عام وشهور أنت أصدق الراحلين اللي ماعاد ارجعو . ،،،،،،، ودي اصبح مثل خلق الله و انام مبكر مير عيني م هقيت ان السهر يعتقها كل م ناموا عباد الله قمت افكر لين ما تطلع علي الشمس من مشرقها (: |
|
|
|
|
22-12-2020, 08:52 AM
|
#33206 | |
|
حزب العاصفه
|
الله يسعد صباحكتس يارحيل وصباح الجميع
وصح بدنتس وسلم ذوقتس ولاهنتي ودمتي وسلمتي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ فطوري اليوم جاء شاهي وشابوره=الخير واجد لكن النفس منسده من صبح يعرض خيالي للغلا صوره=واغمض ابا استزل الوضع ويرده في ساحة الصدر جوى يرمي الكوره=وبخافقه سجلت هجمات مرتده ياهيه روحي تراها معك ماسوره=والقلب معها لكن بكيفه ووده تراك ما انتي على الهجران ماجوره=ولا انتي على ذبحته يابنت منحده |
|
|
|
|
22-12-2020, 12:28 PM
|
#33207 | |
|
حزب العاصفه
|
ارجع على عِد من واحد الى خمسه=واكسر على راس من قدامك البيضه
و اركب على اللي يدق السلف من لمسه=بكبينته تجهر السايق تواميضه ليا مشى يدني اللي منقلع رمسه=ما قال من ينتظر راعيه ياريضه يوصلك للي عليه الكبد منحمسه=حمسة لواهيب حر القيض للفيضه يشوش راسك عليه وينجلي عمسه=صفق الهواء يطرب المشتاق وايهيظه |
|
|
|
|
22-12-2020, 03:28 PM
|
#33208 | |
|
الله يمسيكم بـخيـر وكرامه
ويجعل مساء اليوم عز وتوافيق عسى لنا في كل خطوه سلامـه ويارب تبعد عنا الهم و الضيـق يسعـد الله مساك يا ابو عبيد ويسعد الله حضورك وصح لسانك شاعرنا شابورة وين القرص والسمن البري و الحليب بالجنزبيل ههههههههههههههههههه مريناكم قبل يومين |
|
|
|
|
«
الموضوع السابق
|
الموضوع التالي
»
العرض العادي
|
|
