لكن ما يقول الا الله يسامح العين ويبيح=عيون الغلا اللي سببت ما دهاه مسامحه
ينتك الصدر لا حل طاريه تسمع له فحيح=لو زار الاطبا قالوا انه وقع بالجايحه
الا ياخشيف الريم يالاطرق الحلو المليح=حلاوي لياليه اصبحت بعد شحك مالحه
كريم بكلامك بس بالفعل لك كفٍ شحيح= حشا ما ورثته لكن اشعب لشخصك مانحه

يالخفير الباب للمعتقل فكه=تهمته تثبيتها يصعب ادراكه
سجنته يالذيب بنيت على شكه=والبراءه صكها من يده هاكه
خل الاشهب لا انطلق يعطي السكه=لدار من يجلى ثناياه بالراكه
عين من عن برقعه فكوا التكه=بس عنها فرقه رموش فتاكه
تحدث بخده ليا ناشته حكه=ما اعرف وش لازم افمه بمسواكه
في سكوته خاطري ياملا تكه=لو ضميره به عدل قال له حاكه
ورح لبو بندر ليا امسيت بالدكه=وكلبشه لو تتعبك كثرة عراكه
سالفة مديرنا اعتبرها هكه=وكان رددها فقل له سلم فاكه
وهات له جمري ايدامه من العكه=علنا نسمع مواويل من ماكه